Euskal Itsas Museoa
| Euskal Itsas Museoa | |
|---|---|
 | |
 | |
| Kokapena | |
| Herrialdea |  Euskal Herria |
| Probintzia |  Gipuzkoa |
| Udalerria | Donostia |
| Arkitektura | |
| Deskribapena | |
| Irekitze data | 1991 |
| Webgunea | https://itsasmuseoa.eus/eu |
Euskal Itsas Museoa Donostiako portuan dagoen museoa da, Euskal Herriko itsas ondarea eta historia zaintzeko, aztertzeko eta hedatzeko asmoz 1991n sortua. Eta helburu horiek lortzeko, hainbat arlo jorratzen ditu museoak, hala nola hezkuntza ekintzak, ikerketa, argitalpenak, erakusketen ekoizpena zein itsas ondarea babeste eta berreskuratzea.[1]
Eraikina
[aldatu | aldatu iturburu kodea]Museoaren egoitza, Kontsulatuaren dorretxea, XVIII. mendeko eraikina da. Kaiko Tenientearen etxe eta biltegi gisa erabili zen urte askoan, eta kartzela txiki bat zuen. Itsas salbamenduko zentroa eta itsas eskola ere izana da. XX. mendean Estatuaren eskuetara pasa zen, eta azkenik, 1980ko hamarkadan Gipuzkoako Foru Aldundiaren jabetza bihurtu zen, eta hor Euskal Itsas Museoa kokatzea erabaki zuten (zenbait urtez Untzi Museoa izena izan zuen).
Museoaren funtsak 7000 piezatik gora dira eta tipologia oso zabala dute, besteak beste, grabatuak, margoak, argazkiak, kartelak, postalak, itsas mapak, planoak, itsasontziak, etnografia eta industri ondareko objektuak.
Eraikinak hiru solairu ditu, lehenengoan eta bigarrenean erakusketak egin ohi dira eta hirugarrenean itsas gaietan espezializatutako liburutegia eta artxiboa daude.
Ordutegia
[aldatu | aldatu iturburu kodea]- Asteartetik larunbatera: 10:00 – 14:00 eta 16:00 – 19:00.
- Igande eta jaiegunetan: 11:00 – 14:00
Astelehenetan, itxita.
Argitalpenak
[aldatu | aldatu iturburu kodea]Museoak ikerketa bultzatzen du eta Itsas Memoria izeneko aldizkaria argitaratzen du bi urtean behingo maiztasunarekin. Lehenengo zenbakia 1996an kaleratu zen. Bestalde, erakusketa bakoitzarekin batera monografiak argitaratu izan dira baina arazo ekonomikoen ondorioz, azken urteetan argitalpenak euskarri digitalean egiten dira.
Erreferentziak
[aldatu | aldatu iturburu kodea]- ↑ (Gaztelaniaz) «El vigía del patrimonio marítimo vasco. Untzi Museoa celebra el veinticinco aniversario de su inauguración», El Diario Vasco, 2016-05-30. Noiz kontsultatua: 2016-06-06.
Bibliografia
[aldatu | aldatu iturburu kodea]Museoak Euskadi Museos. Kultura Saileko Museo Zerbitzua, 1995
Kanpo estekak
[aldatu | aldatu iturburu kodea] |
Euskarazko Wikipedian bada atari bat, gai hau duena: Donostia |
- Euskal Itsas Museoaren webgunea
- Itsas Memoria. Euskal herriko itsas gaiei buruzko aldizkaria
- Argitalpen digitalak
| Autoritate kontrola |
|
|---|
Datuak: Q12268587
Multimedia: Euskal Itsas Museoa - Museo Marítimo Vasco / Q12268587