Xatt al-Arab

Xatt al-Arab شط العرب
Datu orokorrak
Mota	ibai
Luzera	200 km
Geografia
Koordenatuak	31°00′15″N 47°26′32″E
Estatu burujabe	Irak
Governorate of Iraq	Basorako probintzia
Hidrografia
Ibaiadarrak	ikusi Eufrates Tigris Karun
Arroaren azalera	884.000 km²
Arro hidrografikoa	Persian Gulf Basin (en)
Ur-emaria	1.500 m³/s
Iturburua	Tigris eta Eufrates
Bokalea ()	Persiar golkoa

Xatt al-Arab (arabieraz: شط العرب, Šaṭṭ al-ʿArab, "arabiarren kostaldea edo hondartza"; persieraz: ‫اروندرود‬, Arvandrūd) hego-ekialdeko Asiako ibaia da, Iran eta Iraketik igarotzen dena. 200 kilometro luze da, Tigris eta Eufratesen bilgunetik Persiar golkoraino.

Geografia

Tigris eta Eufratesen elkargunean sortzen da ibai hau. Basora hiriaren hegoaldean Karun ibaiaren ura hartzen du. Irango Abadan hiritik bokaleraino, Irak eta Iranen arteko muga eratzen du. Deltan dago Irakeko itsasalde bakarra. Garrantzi handikoa da Faoko portua, handik egiten baita Irakeko petrolioaren esportazioa. Basora da ibai ertzeko hiri garrantzitsuena, eta haren inguruetan daude munduko palmondo sail handienak (munduko ekoizpenaren hiru laurden).

Historia

1980-1988 bitartean, Iran-Irak Gerran, gudu bortitzak izan ziren bertan; orobat 1991ko Golkoko Gerran; gerra horren ondoren biztanleak, xiiak gehienak, Irakeko gobernuaren kontra matxinatu ziren –Irakeko biztanleen gehiengoa musulman sunita da–. Mendebaldeko estatuek hegazkin militarrez ibili ezineko babes gune izendatu zuten bonbardaketak galarazteko.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

• Datuak: Q166966
• Multimedia: Shatt al-Arab / Q166966