Nazio zeltak

Liga Zelta erakundeak nazio zelta gisa onartutako sei herrialdeak:      Irlanda      Eskozia      Man uhartea      Gales      Kornualles      Bretainia

Nazio zeltak Europako mendebaldeko herrialdeak dira, hizkuntza zeltak erabiltzen dituztenak.

V. mende arte, Britainiar Uharteak osoki eta Mendebaldeko Europaren zati bat zeltak ziren. Mendeen iraganean, hizkuntza zeltak eta kultura kontinentearen ipar-mendebaldeko muturretan besterik ez ziren mantendu ahal izan; izan ere, bazter haietan, erromanizazioa berandu edota batere ez zen iritsi, eta germaniar jatorriko herrialdeek (Angloak, jutoak, bikingoak, saxoiak, normandiarrak...) ez zituzten guztiz menperatu edota asimilatu.

Nazio edo herrialde zeltak

Gaur egun, sei naziok betetzen dituzte irizpide horiek, Iberiar penintsulako lurralde batzuek ere beren burua zeltatzat hartzen duten arren.

Liga Zelta erakundearen arabera honako sei herrialde hauek dira:

Herrialdea	Izen zelta	Hizkuntza	Herritar izena	Biztanleak	Hiztunak
Eskozia	Alba	Gaelera (Gàidhlig)	Eskoziar	5 milioi	92.400 (%1,8)
Irlanda	Éire	Irlandera (Gaeilge)	Irlandar	6 milioi	355.000- 1,8 milioi (%5,9)
Man	Ellan Vannin	Manxera (Yn Ghaelg)	Manxar	70.000	< 1.700 (< %2,4)
Gales	Cymru	Galesa (Cymraeg)	Galestar	3 milioi	> 750.000 (> %25)
Kornualles	Kernow	Kornubiera (Kernewek)	Kornubiar	500.000	3.500 (%0,7)
Bretainia	Breizh	Bretainiera (Brezhoneg)	Bretoi	4 milioi	500.000 (%12,5)

Nazio zelten izenak tokian-tokiko hizkuntza zeltan

Euskaraz	Irlandera (Gaeilge)	Eskoziako gaelera (Gàidhlig)	Manxera (Gaelg)	Galesera (Cymraeg)	Kornubiera (Kernowek)	Bretainiera (Brezhoneg)
Irlanda	Éire	Èirinn	Nerin	Iwerddon	Iwerdhon	Iwerzhon
Eskozia	Albain	Alba	Nalbin	yr Alban	Alban	Alban/Skos
Man Man Uhartea	Manainn Oileán Mhanann	Manainn Eilean Mhanainn	Mannin Ellan Vannin	Manaw Ynys Manaw	Manow Enys Vanow	Manav Enez Vanav
Gales	an Bhreatain Bheag	a' Chuimrigh	Bretyn	Cymru	Kembra	Kembre
Kornualles	an Chorn	a' Chòrn	y Chorn	Cernyw	Kernow	Kernev-Veur
Bretainia	an Bhriotáin	a' Bhreatainn Bheag	y Vritaan	Llydaw	Breten Vian	Breizh
Britainia Handia	an Bhreatain Mhór	Breatainn Mhòr	Bretyn Vooar	Prydain Fawr	Breten Veur	Breizh Veur
Nazio zeltak	náisiúin Cheilteacha	nàiseanan Ceilteach	ashoonyn Celtiagh	gwledydd Celtaidd	broyow keltek	broioù Keltiek
Hizkuntza zeltak	teangacha Ceilteacha	cànain/teangan Cheilteach	çhengaghyn Celtiagh	ieithoedd Celtaidd	yethow keltek	yezhoù Keltiek

Amerikan

Argentinako Chubuteko probintzian bizi dira galestar jatorriko milaka pertsona, horietako batzuk galesdunak.

Kanadan, Eskozia Berrian bizi dira gaelikodunak (Cape Bretonen bereziki), eta Ternuan irlanderadunak.

Iberiar penintsulan

Penintsularen iparraldean, herrialde batzuek ez dituzte nazio zeltatzat hartzeko historia edo hizkuntza irizpideak betetzen, baina ustezko arrazoi "kulturalak" direla eta, euren burua zeltatzat hartzen dute. Galizia eta Asturies dira nagusiki; eta, neurri apalago batean, Leon eta Kantabria ere bai.

Ikus, gainera

• Estaturik gabeko nazioak
• Galesak Ipar Amerikan
• Galesak Patagonian
• Hizkuntza zeltak

Kanpo estekak

• (Ingelesez) Liga Zeltikoa
• (Ingelesez) Liga Zeltiko amerikarra

• Datuak: Q236626
• Multimedia: Celtic nations / Q236626