Imperio Antigo de Exipto
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Localización | |||||
|---|---|---|---|---|---|
| |||||
| Datos históricos | |||||
| Precedido por | |||||
| Sucedido por | Primeiro Período Intermedio  | ||||
O Imperio Antigo de Exipto, tamén chamado Reino Antigo, é o período da historia do Antigo Exipto que dura dende preto do 2700 ata o 2134 a. C. É o período no que se construíron as grandes pirámides e durante o que reinaron os faraóns da terceira a sexta dinastía.
Historia
[editar | editar a fonte]- Artigo principal: Historia antiga de Exipto.
A cidade máis poderosa deste período foi Menfis, a primeira capital do Exipto unido. Abidos, no norte, foi a primeira cidade funeraria, se ben máis tarde os faraóns preferiron Saqqara, preto da capital.
Terceira dinastía de Exipto
[editar | editar a fonte]- Artigo principal: Terceira dinastía de Exipto.
O Imperio Antigo iníciase coa terceira dinastía, cuxo segundo faraón, Zoser (2630 - 2611 a. C.), foi inmortalizado grazas ás impresionantes construcións realizadas baixo a dirección do seu primeiro funcionario Imhotep. Especialmente, a pirámide de Zoser de Saqqara, na que substituíu os ladrillos por pedra como elemento construtivo e introduciu as columnas (acaroadas).
Cuarta dinastía de Exipto
[editar | editar a fonte]- Artigo principal: Cuarta dinastía de Exipto.
A cuarta dinastía (2726 - 2563 a. C.) é a dos grandes construtores de pirámides. Os trazos típicos e esenciais deste tipo de sepultura real ficaron establecidos cunha das dúas que Snefru, o fundador da dinastía, fixo constituír en Dahshur: pirámide con cámara sepulcral escavada debaixo, na rocha; foxo arrodeándoa, templo funerario e templo exterior, unido ao río mediante unha canle pola que chegaba o barco funerario. Tres dos seus sucesores, Khufu (Queops), Quefrén e Menkaure (Micerinos) foron os construtores das grandes pirámides de Giza: Queops ergueu a Gran Pirámide; Quefrén, ademais da súa pirámide mandou esculpir a Esfinxe, e a terceira pirámide do complexo é a de Micerinos, que ficou inacabada debido á decadencia posterior. Queops foi descrito posteriormente como un tirano cruel que escravizou aos seus súbditos.
Quinta dinastía de Exipto
[editar | editar a fonte]- Artigo principal: Quinta dinastía de Exipto.
Durante a quinta dinastía (2563 - 2423 a. C.) deixouse de construír grandes pirámides. As tumbas señoriais son, pola contra, máis suntuosas que con anterioridade, constrúense en provincias e decóranse con escenas cotiás. Reviviuse o culto a Ra e á súa filla Hathor, en honra a quen se ergueron varios templos.
Sexta dinastía de Exipto
[editar | editar a fonte]- Artigo principal: Sexta dinastía de Exipto.
A economía foise debilitando cos últimos reis da VI dinastía, como reflicte o tamaño cada vez menor das últimas pirámides de Saqqara e Abusir. O longo reinado de Pepi II (2278 - 2184 a. C.) contribuíu a agravar a situación provocada por sucesivas más colleitas e a debilidade dos seus últimos anos. Sucedeulle a primeira raíña de Exipto, Nitocris, que nada puido facer para impedir o declive.
|
Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |