Bandeira de Namibia

Bandeira de Namibia
Características
Uso	...
Proporción	2:3
Adopción	21 de marzo de 1990
Cores	Azul     Branco     Vermello     Verde     Amarelo

A bandeira de Namibia foi adoptada o 21 de marzo de 1990. É unha bandeira dividida en dúas metades (azul a superior e verde a inferior) por unha franxa de cor vermella e bordos brancos situada nunha das diagonais da bandeira. No cuadrante superior máis próximo ó mastro aparece representado o sol con doce puntas.

Foi deseñada por Frederick G. Brownell, quen tamén deseñou a actual Bandeira de Suráfrica.

As cores da bandeira adoptáronse da SWAPO, o movemento popular de liberación máis importante de Namibia. As cores azul, vermella e verde tamén son as máis importantes para a etnia maioritaria, os Ovambo.

Bandeiras históricas

• 
  Bandeira do Imperio Alemán, do 24 de abril de 1884 ó 9 de xullo de 1915.
• 
  Bandeira de África do Suroeste Alemá.
• 
  Bandeira de África do suroeste baixo dominio británico, do 9 de xullo de 1915 ó 28 de xuño de 1919.
• 
  Bandeira de África do suroeste do 28 de xuño de 1919 ó 31 de maio de 1928.
• 
  Bandeira de África do suroeste baixo dominio surafricano do 31 de maio de 1928 ó 21 de marzo de 1990.
• 
  Bandeira da SWAPO.

Véxase tamén

Ligazóns externas

• Bandeira de Namibia en Flags of the World