Cerdedo-Cotobade

Para outras páxinas con títulos homónimos véxase: Cerdedo e Cotobade.

Cerdedo-Cotobade

Localización
42°28′19″N 8°28′55″O
Estado	España
Comunidade autónoma	Galicia
Provincia	Provincia de Pontevedra
Capital	A Chan
Contén a división administrativa	Aguasantas Almofrei Borela ../... 21+
Poboación
Poboación	5.687 (2023) (26,51 hab./km²)
Lingua oficial	lingua galega (lingua predominante)
Xeografía
Parte de	Mancomunidade Terras de Pontevedra
Superficie	214,52 km²
Comparte fronteira con	Forcarei Campo Lameiro A Estrada
Datos históricos
Precedido por	Cerdedo e Cotobade
Creación	22 de setembro de 2016
Organización política
• Xefe do goberno	Jorge Cubela López (2016–)
Eleccións municipais en Cerdedo-Cotobade
Código INE	36902
Páxina web	cerdedo-cotobade.gal

Cerdedo-Cotobade é un concello da provincia de Pontevedra creado o 22 de setembro de 2016 a partir da fusión dos concellos de Cerdedo e Cotobade.

Ten 5.815 habitantes (suma de datos do IGE 2018) e unha superficie de 214,5 km². Limita cos concellos de Pontevedra, Campo Lameiro, A Estrada, Forcarei, A Lama e Ponte Caldelas.

Xeografía

Demografía

Para os históricos de poboación anteriores a 2015 véxanse as páxinas do concello de Cerdedo e do concello de Cotobade.

Evolución da poboación
	Censo total	5.815 (2015)
	Menores de 16 anos	536 (9.22 %)
	Entre 16 e 64 anos	3.301 (56.77 %)
	Maiores de 65 anos	1.978 (34.01 %)

Historia

Fusión Cerdedo-Cotobade

A principios de 2016 iniciouse un proceso de fusión dos concellos de Cerdedo e Cotobade. O 7 de xullo do mesmo ano os dous concellos desestimaron as alegacións sobre a fusión completando os trámites municipais. A pesar dos rexeitamentos, a fusión fíxose oficial o 18 de outubro de 2016.

Votación da fusión

Cerdedo

VOTOS
SI	6	0
NON	0	2
AUSENTE	1	0

Cotobade

VOTOS
SI	7	0
NON	0	4

Cultura

Claustro do mosteiro de Tenorio.

Petróglifos de Portela da Laxe

Toponimia

O topónimo procede da combinación dos do concello de Cerdedo e do concello de Cotobade trala súa fusión.

Cerdedo

Cerdedo, como Cerdido, é un fitotopónimo abundancial: podería proceder tanto de quercetum, debido á presenza de carballos da zona, como de cer(e)setum, neste caso de cerdeiras.

Cotobade

En ocasións pensouse que o topónimo Cotobade derivaba de couto do abade, dado que toda a comarca pertencía á antiga xurisdición que exercía o superior do convento de bieitos de Tenorio, e como tamén mal referenciara o Padre Sarmiento. O nome aparece referenciado ao logo da historia coma: Castro Cutubade cum tota terra sua (ano 1180); Terra que dicitur Montes in qua est castellum Cutubadi (ano 1182), Terra que dicitur Montes in qua est castellum Cutubadi (ano 1188); castrum quod dicitur Cotobadi cum pertinentiis suis (ano 1199), castrum quod dicitur Cotobade (ano 1225). Cotobade débese descompoñer en coto, palabra galaica de orixe prerromana *Cotto (…) e un nome persoal en xenitivo Bade, o cal se repite illado na toponimia galega e parece que non é aférese de abbas -atis, "abade", senón o antropónimo Vatis (Ares 2001:74).

Patrimonio

Patrimonio arqueolóxico

• Calzada do monte Pé da Múa.
• Petróglifos de Pedra das Ferraduras, na parroquia de San Xurxo de Sacos e de Portela da Laxe, na parroquia de Viascón.

Patrimonio arquitectónico

• Igrexa de San Martiño de Rebordelo.
• Igrexa de San Xurxo de Sacos.
• Igrexa de Santa María de Sacos.
• Mosteiro de San Pedro de Tenorio.
• Ponte sobre o río Lérez.
• Capela de Santo Antón en San Xoán de Cerdedo.
• Capela de San Bartolomeu en Chamadoira.

Etnografía

Festas e celebracións

• A festa da vincha, celebrada durante o entroido en Cerdedo;
• A festa do xabarín, celebrada en abril en Cerdedo;
• A rapa das bestas, celebrada no mes de agosto en Cuspedriños;
• A festa do requeixo, celebrada en xuño en Corredoira;
• A festa da filloa, celebrada en setembro en Valongo.

Política e goberno

Até as eleccións municipais de 2019, o concello está rexido por unha comisión xestora de 20 membros. O presidente da xestora é o anterior alcalde de Cotobade, Jorge Cubela e o vicepresidente o de Cerdedo, José Balseiros.

Eleccións municipais Cerdedo-Cotobade de 2019

Partidos políticos	Escanos	Votos	Escanos repartidos
PPdeG	9	2.533	9 / 13
PSdeG-PSOE	3	968	3 / 13
BNG	1	337	1 / 13

Galería de imaxes

Artigo principal: Galería de imaxes de Cerdedo-Cotobade.

• 
  Igrexa parroquial de Pedre.
• 
  Ponte romana sobre o río Lérez.
• 
  Capela de Santo Antón en San Xoán de Cerdedo.
• 
  Capela de San Bartolomeu en Chamadoira.
• 
  Igrexa parroquial de Santa María de Aguasantas.
• 
  Mosteiro e igrexa de San Pedro de Tenorio.
• 
  Muíño con acueduto no rego de Chan das Latas.
• 
  Igrexa de Santa María de Sacos.
• 
  Antiga casa do concello de Cerdedo.

Lugares de Cerdedo-Cotobade

• Para unha lista completa vexa lugares de Cerdedo-Cotobade.

Véxase tamén

Ligazóns externas

• Páxina oficial

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---