Cuarteto de gaita e clarinete

Cuarteto de gaita e clarinete
Cuarteto Ventosela
Orixe cultural	Galicia
Instrumentos típicos	Gaita galega Clarinete/Requinto Caixa (redobrante) Bombo
Outros nomes	Cuarteto con clarinete

O cuarteto de gaita, clarinete, caixa e bombo, é unha agrupación musical tradicional galega aparecida a finais do século XIX.

Características

A proliferación das bandas de música nas festas populares galegas, desde mediados do século XIX, foi desprazando dos terreiros os tradicionais gaiteiros e tamborileiros. As bandas introduciron nas celebracións de vilas e cidades un novo repertorio de música bailábel que axiña ocupou o primeiro lugar nas preferencias do público.

Forzados a se adaptar á nova situación, os gaiteiros tradicionais evolucionaron adoptando as novas músicas e os novos instrumentos que as acompañaban. A primeira banda popular aparecida en Galiza foi a Lira de Ribadavia, e foi precisamente alí onde un gaiteiro: Xan Míguez, "O Ventosela", formou o primeiro cuarteto que mesturaba a gaita coa instrumentación das bandas.

Este cuarteto composto por gaita, clarinete, caixa e bombo, revolucionou o panorama musical galego, pois incorporou ao repertorio tradicional os bailes agarrados de moda: pasodobres, mazurcas etc. O éxito da nova agrupación musical foi instantáneo, aparecendo por todo o país grupos á súa imaxe como Os Trintas de Trives ou Os Veiga de Mondoñedo.

• 
  Os Trintas de Trives
• 
  Cuarteto do Coruxeiras
• 
  Os Veiga de Mondoñedo
• 
  Os Montes de Viveiro

Véxase tamén

Bibliografía

• Carpintero Arias, Pablo (2010). Os Instrumentos musicais na tradición galega. Difusora de Letras, artes. ISBN 8492958057.