Louise Dresser

Louise Dresser
	;
Biografía
Nacemento	5 de outubro de 1878 ; Evansville, Estados Unidos de América
Morte	24 de abril de 1965 (86 anos); Woodland Hills, Estados Unidos de América
Lugar de sepultura	Forest Lawn Memorial Park
Actividade
Ocupación	actriz de teatro, actriz de televisión, actriz de cinema, actriz
Período de actividade	1922 - 1937
Familia
Cónxuxe	Jack Norworth (1899–1907)
Premios
	estrela no Paseo da Fama de Hollywood ;
Descrito pola fonte	Obálky knih,

Louise Josephine Kerlin,^[1] nada en Evansville (Indiana) o 5 de outubro de 1878 e finada en Woodland Hills (California) o 24 de abril de 1965, foi unha actriz estadounidense coñecida como Louise Dresser.^[2] Foi especialmente célebre polos moitos filmes en que interpretou a esposa de Will Rogers, incluídos State Fair e David Harum.

Traxectoria

Louise Josephine Kerlin naceu en Evansville (Indiana), filla de Ida (de solteira Shaffer) e William S. Kerlin, enxeñeiro de ferrocarril que faleceu cando ela tiña quince anos. Tivo un irmán máis novo, William Lambert Kerlin.

Dresser adoptou o seu apelido profesional de Paul Dresser, que era amigo do seu pai. Cando descubriu que Louise era filla de William Kerlin, lanzouna como a súa irmá máis nova. Moita xente creu que eran familia, e cando Paul finou, Louise foi mencionada no seu obituario como familiar del.^[3]

Dresser traballou como bailarina de burlesque e cantante no dime museum de Boston e entón debutou no vaudeville en 1900. Formou un grupo chamado "Louise Dresser and Her Picks", un número de canto acompañada por un coro de nenos afroamericanos. En 1906 comezou a actuar nos teatros de vaudeville de Nova York, e ese ano actuou no musical About Town con Lew Fields, que foi un éxito. O ano seguinte apareceu no éxito Girl Behind the Counter, que tivo 260 representacións.^[4]

Despois do vaudeville, o éxito de Dresser continuou en Broadway, onde protagonizou con De Wolf Hopper en Matinee Idol (1910-1912), e apareceu en Broadway to Paris (1912), Potash and Perlmutter (1913) e Hello Broadway! (1914).^[5] O seu último espectáculo en Broadway foi Have a Heart (1917).

Dresser debutou no cinema en The Glory of Clementina (1922), e o seu primeiro papel protagonista foi en The City That Never Sleeps (1924). In 1925, protagonizou The Eagle, con Rudolph Valentino e Vilma Bánky como Catarina a Grande, e interpretou a protagonista de The Goose Woman, con Jack Pickford.

Na primeira edición dos Óscar en 1929, Dresser foi candidata ao premio á mellor actriz por A Ship Comes In.

En 1930 interpretou a nai de Al Jolson en Mammy, e a emperatriz Isabel I de Rusia en The Scarlet Empress (1934). O seu último filme foi Maid of Salem (1937). Na televisión apareceu nun episodio centrado en Buster Keaton no programa de Ralph Edwards This Is Your Life.

Tras retirarse en 1937, Dresser traballou como voluntaria no Motion Picture & Television Country House and Hospital. En 1950 intentou volver á interpretación, mais non foi quen de conseguir papeis no cinema, o que culpou aos rumores de que estaba xorda. Dresser faleceu en Woodland Hills (California) tras unha cirurxía de intestino.

Vida persoal

Dresser casou dúas veces. O seu primeiro matrimonio foi co cantante e compositor Jack Norworth, co que casou en 1898.^[5]^[6] A parella actuou xunta no vaudeville. Divorciáronse en 1908 e Dresser casou entón con Jack Gardner en 1910, e o matrimonio durou ata a morte del en 1950. Dresser non tivo fillos.^[3]

Filmografía

Filmes mudos

The Glory of Clementina (1922) - Lena Fontaine
Burning Sands (1922) - Kate Bindane
Enter Madame (1922) - Mrs. Flora Preston
The Fog (1923) - Mrs. Theddon
Prodigal Daughters (1923) - Mrs. Forbes
Salomy Jane (1923) - Mrs. Pete
Ruggles of Red Gap (1923) - Mrs. Effie Floud
Woman-Proof (1923) - Wilma Rockwood
To the Ladies (1923) - Mrs. Kincaid
The Next Corner (1924) - Nina Race
What Shall I Do? (1924) - Mrs. McLean
The City That Never Sleeps (1924) - Mother O'Day
Cheap Kisses (1924) - Jane Dillingham
Percy (1925) - Mrs. Rogers
Enticement (1925) - Mrs. Samuel Murray
The Goose Woman (1925) - Marie de Nardi / Mary Holmes
The Eagle (1925) - A tsarina
Fifth Avenue (1926) - Claudine Kemp
The Blind Goddess (1926) - Mrs. Eileen Clayton
Padlocked (1926) - Mrs. Alcott
Broken Hearts of Hollywood (1926) - Virginia Perry
Gigolo (1926) - Julia Gory
Everybody's Acting (1926) - Anastasia Potter
The Third Degree (1926) - Alicia Daly
White Flannels (1927) - Mrs. Jacob Politz
Mr. Wu (1927) - Mrs. Gregory
A Ship Comes In (1928) - Mrs. Pleznik
The Garden of Eden (1928) - Rosa

Filmes sonoros

Mother Knows Best (1928) - Ma Quail
The Air Circus (1928) - Mrs. Blake
Not Quite Decent (1929) - Mame Jarrow
Madonna of Avenue A (1929) - Georgia Morton
Mammy (1930) - Mother Fuller
The Three Sisters (1930) - Marta
This Mad World (1930) - Pauline Parisot, nai de Paul
Lightnin' (1930) - Mrs. Mary Jones
Caught (1931) - Calamity Jane
Stepping Sisters (1932) - Mrs. Cissie Ramsey nee Black
State Fair (1933) - Melissa Frake
Song of the Eagle (1933) - Emma Hoffman
Doctor Bull (1933) - Mrs. Herbert Banning
Cradle Song (1933) - Prioress
David Harum (1934) - Polly Harum
The Scarlet Empress (1934) - Emperatriz Elizabeth Petrovna
The World Moves On (1934) - Baronesa von Gerhardt
Servants' Entrance (1934) - Mrs. Hansen
A Girl of the Limberlost (1934) - Katherine Comstock
Hollywood on Parade (1934, curtametraxe)
The County Chairman (1935) - Mrs. Rigby
Maid of Salem (1937) - Ellen Clarke, tía de Barbara

Notas

↑ The Green Book Magazine Volume 9, páxina 523, c. 1913 Consultado o 7 de setembro de 2016
↑ "The Green Book Magazine". Story-Press association. 4 de xaneiro de 1916. Consultado o 4 de xaneiro de 2020 – vía Google Books.
↑ ^3,0 ^3,1 Dodge, Richard Irving; Rogers, Will (1996). The Indian Territory Journals of Colonel Richard Irving Dodge. ISBN 9780806132679.
↑ Cullen, Frank; Hackman, Florence; McNeilly, Donald (2007). Vaudeville old & new: An encyclopedia of variety performances in America (en inglés). ISBN 9780415938532.
↑ ^5,0 ^5,1 "Louise Dresser | Jewish Women's Archive". jwa.org. Consultado o 4 de xaneiro de 2020.
↑ Slide, Anthony (2012-03-12). The Encyclopedia of Vaudeville. ISBN 9781617032509.

Véxase tamén

Ligazóns externas

Louise Dresser photo gallery NYP Library
Louise Dresser en Virtual History
Louise Dresser (kinotv)

[1] The Green Book Magazine Volume 9, páxina 523, c. 1913 Consultado o 7 de setembro de 2016

[2] "The Green Book Magazine". Story-Press association. 4 de xaneiro de 1916. Consultado o 4 de xaneiro de 2020 – vía Google Books.

[auto-3] 3,0 ^3,1 Dodge, Richard Irving; Rogers, Will (1996). The Indian Territory Journals of Colonel Richard Irving Dodge. ISBN 9780806132679.

[4] Cullen, Frank; Hackman, Florence; McNeilly, Donald (2007). Vaudeville old & new: An encyclopedia of variety performances in America (en inglés). ISBN 9780415938532.

[auto1-5] 5,0 ^5,1 "Louise Dresser | Jewish Women's Archive". jwa.org. Consultado o 4 de xaneiro de 2020.

[6] Slide, Anthony (2012-03-12). The Encyclopedia of Vaudeville. ISBN 9781617032509.

[1]

[2]

[3]

[4]

[5]

[6]