The Hobbit: The Battle of the Five Armies

Para outras páxinas con títulos homónimos véxase: Hobbit (homónimos).

O Hobbit: A batalla dos cinco exércitos
A vila lacustre de Esgaroth, sobre o Lago Longo, onde Smaug descarga as laparadas froito da súa ira.
Ficha técnica
Título orixinal	The Hobbit: The Battle of the Five Armies
Director	Peter Jackson
Produtor	Peter Jackson Mark Ordesky Fran Walsh; produtora: WingNut Films
Guión	Philippa Boyens Peter Jackson Guillermo del Toro Fran Walsh
Baseado en	O hobbit de Tolkien
Intérpretes	Ian McKellen Martin Freeman Richard Armitage Evangeline Lilly Lee Pace Luke Evans Benedict Cumberbatch Ken Stott James Nesbitt Cate Blanchett Ian Holm Christopher Lee Hugo Weaving Orlando Bloom
Música	Howard Shore
Fotografía	Andrew Lesnie
Montaxe	Jabez Olssen
Estudio	New Line Cinema Metro-Goldwyn-Mayer WingNut Films
Distribuidora	Metro-Goldwyn-Mayer (global) New Line Cinema / Warner Bros. Pictures (América do Norte)
Estrea	17 de decembro de 2014.
Duración	161 min.
Orixe	Nova Zelandia Reino Unido
Xénero	Aventuras Fantasía Acción
Orzamento	$250 000 000
Recadación	$955 100 000
Filme anterior	The Hobbit: The Desolation of Smaug (O Hobbit: A desolación de Smaug)
Filme seguinte	The Lord of the Rings: The Fellowship of the Ring (O Señor dos Aneis: A irmandade do anel)
Na rede
http://www.thehobbit.com

The Hobbit: The Battle of the Five Armies (literalmente O Hobbit: A batalla dos cinco exércitos) é un filme de fantasía épica do ano 2014 dirixido por Peter Jackson. O filme é o terceiro e derradeiro dunha triloxía cinematográfica (The Hobbit) baseado na novela O hobbit de John R.R. Tolkien, antecesora da triloxía cinematográfica d'O Señor dos Aneis, estreada entre 2001 e 2003.

A estrea en Galiza en lingua castelá foi o 17 de decembro de 2014, por mor dun troco de data que se produciu o 1º de marzo de 2013 cando nun principio ía estrearse en xullo de 2014, co título The Hobbit: There and Back Again. O mesmo que os outros filmes da triloxía foi dirixida polo neozelandés Peter Jackson, que tamén fixera a triloxía cinematográfica d'O Señor dos Aneis.

A historia dá continuidade aos eventos ocorridos en The Hobbit: An Unexpected Journey e The Hobbit: The Desolation of Smaug.

Peter Jackson e Guillermo del Toro anunciaron que esta terceira parte ampliaría a historia con outros escritos de Tolkien, como a reunión do Consello Branco (e deste xeito explicar a onde foi Gandalf cando deixou aos ananos e a Bilbo Bulseiro ás portas do Bosque das Tebras) e como botaron o Nigromante de Dol Guldur. Nun principio esta secuela dependía dos actores que puidesen participar nela, mais isto arranxouse cando os actores aceptaron facer o filme. Até abril de 2014, o filme chamábase The Hobbit or There And Back Again, en honra ao verdadeiro título d'O hobbit de J. R. R. Tolkien, até que Peter Jackson confirmou un novo título, The Hobbit: The Battle of the Five Armies. O teaser tráiler estreouse o 28 de xullo, dous días despois da súa presentación na Comic Con de San Diego.

Enredo

Cando reclamaron a súa patria ao dragón Smaug, a Irmandade dos Ananos desatou sen querer unha forza malvada no mundo. Irado, Smaug descarga laparadas de ira sobre os moradores indefensos de Cidade do Lago.

Thorin, consumido pola obsesión de reclamar o seu tesouro, sacrifica a amizade e a honra para o conseguir mentres os frenéticos intentos de Bilbo Bulseiro por facelo entrar en razón levan ao hobbit a tomar unha decisión arriscada e perigosa; mais as ameazas que os agardan son aínda maiores. Sauron, o maior adversario de todos, enviou lexións de orcos a un ataque furtivo na Montaña Solitaria sen que ninguén o soubese, agás o meigo Gandalf.

A medida que o mal penetra no seu crecente conflito, as razas dos Ananos, os Elfos e mailos Homes teñen que decidir se unen as súas forzas ou se desleixan á destrución. De súpeto, Bilbo ten que loitar pola súa vida e maila dos seus amigos na épica Batalla dos cinco exércitos, mentres o futuro da Terra Media pende dun fío.

Elenco

Luke Evans.

A irmandade de Thorin

• Martin Freeman coma o hobbit Bilbo Bulseiro.
• Ian McKellen coma o meigo Gandalf o Gris, membro do Consello Branco.
• Richard Armitage coma o anano Thorin Escudo de Carballo.
• Ken Stott coma o anano Balin.
• James Nesbitt coma o anano Bofur.
• Billy Connolly coma o anano Dáin.
• Graham McTavish coma o anano Dwalin.
• William Kircher coma o anano Bifur.
• Stephen Hunter coma o anano Bombur.
• Dean O'Gorman coma o anano Fíli.
• Aidan Turner coma o anano Kíli.
• John Callen coma o anano Óin.
• Peter Hambleton coma o anano Glóin.
• Jed Brophy coma o anano Nori.
• Mark Hadlow coma o anano Dori.
• Adam Brown coma o anano Ori.
• Michael Mizrahi coma o anano Thráin.
• Jeffrey Thomas coma o anano Thrór.

Elfos Sindar

• Lee Pace coma o elfo sinda Thranduil, rei dos elfos do Bosque das Tebras.
• Orlando Bloom coma o elfo Legolas.
• Evangeline Lilly como a elfa Tauriel.

O Consello Branco

• Cate Blanchett como a elfa noldo Galadriel.
• Christopher Lee coma o meigo Saruman o Branco.
• Hugo Weaving coma o peredhil Elrond.

Xente da Cidade do Lago

• Luke Evans coma o home Bardo.
• Stephen Fry coma o gobernador de Esgaroth.
• John Bell coma home Bain.
• Ryan Gage coma Alfrid.

Antagonistas

• Manu Bennett coma o orco Azog o Profanador.
• Lawrence Makoare coma o orco Bolgo.
• Benedict Cumberbatch coma o dragón Smaug o Terríbel e Sauron.

Outros

• Ian Holm coma Bilbo Bolseiro ancián.
• Sylvester McCoy coma o meigo Radagast o Pardo.
• Mikael Persbrandt coma o home beórnida Beorn.

Véxase tamén

Outros artigos

• O hobbit
• The Hobbit: An Unexpected Journey
• The Hobbit: The Desolation of Smaug

Ligazóns externas

• Páxina de The Hobbit: The Battle of the Five Armies na Web de IMBD (en castelán)
• Páxina de The Hobbit: The Battle of the Five Armies na Web de Filmaffinity (en castelán)
• Páxina Web Oficial (en inglés)