Hirohito

Hirohito (29 April 1901 – 7 Januari 1989), meyalo otawa lo tawu wolo tanggulo anumerta Kaisar Shōwa,yito Kaisar lo [[Japangi ta o-124. Tiyo lodihu parenta inggidu taawunu 1926 sambe ilopateliyo to taawunu 1989. Masaliyo hemomarenta limbata lo 62 taawunu, mohihewo da'a limbataliyo masa pemerintahan lo Kaisar to japangi, wawu tala ngotaliyo lo olongiya mohihewo dihu-dihu parenta.

Tiyo botiya ta'uwa lo lipu to walungo Konstitusi Meiji ngihilaya'o ekspansi kekaisaran lo Japangi, militerisasi wawu Popateya II. To'u dihu-dihu oliyo, Japangi lopolayi'o popateya to Asia, taawunu 1930-an wawu 1940-an.

Lapato Japangi ta'aluku ode Amerika, tiyo diila tiluntutiliyo ode kejahatan lo popateya, openu boli popateya potiya dudu-dudu'a to parenta lo tangguliyo, sababu te Jendral Douglas MacArthur ohuhama ti kaisar botiya mowali mo'oyiyo kokoliyo'o Sekutu u dame, odito olo mo'oyiyo olo ode patuju lo Amerika. MacArthur lohutu ngo'a'amila usaha alihu diya'a bukti mo'obuheta olo kaisar Hiirihito wolo ngongala'aliyo to delomo Pengadilan Kejahatan Perang Tokyo. To tanggal 1 Januari 1946, Hirohito maa lolopata haku wawu wewenangliyo secara resmi sababu tekanan lo Sekutu. To taawunu 1979, bolo tiyo tutuwawu olongiya to duniya taa o gara'i "Kaisar", lapato Jean-Bédel Bokassa, Kaisar Afrika Tengah, pilopolahiyo to kuwasaliyo.

Tutumulo

Hirohito botiya wala'a bungaliyo lo Kaisar Yoshihito (Taisho) wolo Permaisuri Teimei (Sadako) wawu tikakaliyo lo Pangeran Yasuhito Chichibu (!903-1953), Pangeran Nobuhito Takamatsu (1905-1987) wawu Pangeran Takahito Mikasa (1915-2016). To'u diipo lowali kaisar, tiyo tanggula Pangeran Michi (迪宮, Michi-no-Miya). Masa tiyo kawa-kawasa tilanggula era Showa, ma'analiyo dame, motilango hale. Dabo hihihede wolo u wali-wali to'u boyito; Japangi wuwumbala lo popateya wolo Sina wawu pulitiyo mota lota'aluku to Popateya Dunia III. To Indonesia, wakutu penjajahan lo Japangi (1942-1945) Hirohito hetanggulala Tenno Heika, ma'analiyo "Yang Mulia Kaisar".

Tiyo lowali putra mahkota secara resmi tanggal 16 Nopember 1916. To taawunu 1922 tiyo lona'o ode Enggeleti wawu nogara-nogara to Eropa. Hirohito opongotota tomimbihu penelitian biologi lo deheto wawu woluwo hasili lo penelitian boyito tiluladiyo to buku, to wolotaliyo "The Opisthobranchia of Sagami Bay" "Some Hydrozoans of the Amakusa Islands". Tiyo lowali kaisar tanggal 25 Desember 1926 lapati tiyamoliyo, Kaisar Taisho yilate, wawu yilantikliyo resmi 10 Nopember 1928 to Kyoto.