Ազոմիացություններ

Ազոմիացություններ, օրգանական նյութեր, որոնք պարունակում են երկու ածխաջրածնային ռադիկալների միացած ազոխումբ՝ $-N=N-$։ Գունակիր ազոխմբի առկայության պատճառով գունավոր են։ Ազոմիացություններ մեծ մասամբ կայուն, պինդ նյութեր են, թորվում են առանց քայքայվելու։

Բնության մեջ չեն հանդիպում։ Ազոմիացություններից պարզագույնը ազոմեթանն է՝ $CH_{3}-N=N-CH_{3}$ որը պայթուցիկ, անկայուն նյութ է։ Կարևոր են արոմատիկ ազոմիացություններ, որոնք ջրում չլուծվող, ջերմակայուն, չեզոք, բյուրեղական նյութեր են։ Դրանց պարզագույն ներկայացուցիչն ազոբենզոլն է՝ $C_{6}H_{5}-N=N-C_{6}H_{5}$ (նարնջակարմիր բյուրեղներ, հալման ջերմաստիճանը՝ 68 °C, եռմանը՝ 295 °C)։

Արոմատիկ ազոմիացություններ ստացվում են դիազոմիացությունները համակցելով ջրածնի շարժուն ատոմ պարունակող արոմատիկ միացությունների (ամիններ, ֆենոլներ են) հետ՝ $C_{6}H_{5}N_{2}Cl+C_{6}H_{5}NH_{2}\to C_{6}H_{5}-N=N-C_{6}H_{5}NH_{2}+HC$: Հիմնային կամ թթվային խմբեր պարունակող ազոմիացություններ օգտագործվում են որպես ներկանյութեր։

Տես նաև

• Ազոներկանյութեր

Վիքիպահեստն ունի նյութեր, որոնք վերաբերում են «Ազոմիացություններ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 123)։