Hinduismo

Ti Hinduismo (हिन्दू धर्म; am-ammo pay kas Sanātana Dharma - सनातन धर्म, ken Vaidika-Dharma - वैदिक धर्म) ket maysa a relihioso a tradision iti sangalubongan a naibasar iti Vedas. Ti Hinduismo ket direkta a naggapu iti Vedic nga Indo-Iranian a relihion. Sakupenna ti naruay a tradision a relihioso nga agduduma ti pannakapaliiw ken pannakaipakatda, ken adu nga aggigidiat a seksekta ken pilpilosopia. Adu ken agduduma dagiti didiosen a pagrukrukbaban dagiti mamati. Agduduma met segun iti rehion wenno lugar dagiti pammati, kodigo ken prinsipio. Narigat a masurotanen no nagrugian ti Vediko a relihion, ngem iti panangkarkulo dagiti agsuksukisok, mabalin a nangrugi ti Hinduismo manipud 3102 BCE agingga iti 1300 BCE.

Ti Hinduismo ti maikatlo a kadakkelan a relihion iti lubong. Addaan daytoy iti aganay a 1 bilion a pasurot a 98% kadagitoy a Hindu ket masarakan iti India. Iti pagilian a Nepal, ti ofisial a relihion ti estadoda ket Hinduismo.

Mamati dagiti Hindu a tunggal nabiag ket maysa nga agnanayon a sitatalinaed nga ispiritu (ti kararua ti bagi). No matayen a pisikal, daytoy a kararua ket umakar manipud iti maysa a bagi iti sabali manen a bagi kas mainugot iti linlinteg ti Karma ken reinkarnasion.

Dagiti nagibasaran

1. ^ Bhagavad Gita

Hinduism caotalani. es un hindu que vivió entre los años 132-162, murió joven, pero se celebra su matrimonio el 7 de abril. Era un huérfano pobre que vivía en una casita pequeña con su maestra.