17 მაისი

<<	მაისი					>>
ორშ	სამ	ოთხ	ხუთ	პარ	შაბ	კვი
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2024

17 მაისი — გრიგორიანული კალენდრის 137-ე დღე (ნაკიან წლებში - 138-ე დღე). წლის ბოლომდე დარჩენილია 228 დღე.

დღის მოვლენები

• 1590 : ანა დანიელი შოტლანდიის დედოფლად აკურთხეს ჰოლირუდის სასახლის სააბატოს ეკლესიაში.
• 1642 : დაარსდა ქალაქი მონრეალი
• 1718 : ინგლისელმა იურისტმა ჯეიმზ პაკლმა მიიღო პატენტი ტყვიამფრქვევის გამოგონებისთვის.
• 1792 : დაარსდა ნიუ-იორკის საფონდო ბირჟა. ასწლოვანი ხის ქვეშ შეკრებილმა 24 ბროკერმა დააფუძნა ნიუ იორკის საფონდო ბირჟა. ამ ხის ადგილზე აჟამად უოლ სტრიტი მდებარეობს
• 1814 : ნორვეგიამ მიიღო კონსტიტუცია.
• 1861 : მსოფლიოში პირველმა ტურისტულმა სააგენტომ რომელიც ტომას კუკს ეკუთვნოდა, მოაწყო პირველი ტურისტული მოგზაურობა ლონდონიდან პარიზში.
• 1877 : არტაანის აღება.
• 1900 : ბურების მეორე ომი : 217 დღის შემდეგ მაფეკინგის ალყა მოიხსნა, ბრიტანელების დამაჯერებელი გამარჯვება ბურთა წინააღმდეგ ბრძოლაში.
• 1928 : მუსოლინიმ შექმნა გზების სამსახური რომელსაც ევალებოდა ფართო და ჩქაროსნული გზების (ავტობანების) მშენებლობა. 
• 1943 : ოპერაცია ჩასტისი : სამეფო საჰაერო ძალების ესკადრილიამ მხტუნავი ბომბები დაუშვა გერმანიის კაშხლებზე.
• 1944 : გაუქმდა ყირიმის ავტონომიური რესპუბლიკა.
• 1948 : სსრ კავშირმა პირველმა ცნო ისრაელის სახელმწიფო.
• 1954 : ისტორიულ საქმეში „ბრაუნი განათლების საბჭოს წინააღმდეგ“ აშშ-ის უზენაესმა სასამართლომ უკანონოდ ცნო რასობრივი სეგრეგაცია საზოგადო სკოლებში.
• 1965 : პარიზში დაარსდა საერთაშორისო ტელეკომუნიკაციების კავშირი, საერთაშორისო ორგანიზაცია, რომელიც რადიო და ტელეკომუნიკაციების სტანდარტიზაციასა და რეგულირებას ეწევა.
• 1985 : სსრ კავშირში დაიწყო ანტიალკოჰოლური კამპანია.
• 1990 : ჯანდაცვის მსოფლიო ორგანიზაციამ ჰომოსექსუალიზმი ამოიღო ფსიქიკურ დაავადებათა სიიდან
• 1995 : ჟაკ შირაკი გახდა საფრანგეთის პრეზიდენტი.
• 1997 : ლორან კაბილა გახდა კონგოს დემოკრატიული რესპუბლიკის პრეზიდენტი.
• 1999 : ე. შევარდნაძემ მიიღო საერთაშორისო ოლიმპიური კომიტეტის ოქროს მედალი.
• 2007 : პოლ ვოლფოვიცი მსოფლიო ბანკის პრეზიდენტის თანამდებობიდან გადადგა არაეთიკურ ქმედებაში მხილების გამო.
• 2008:
  • გაეროს გენერალური ასამბლეის სხდომაზე აფხაზეთიდან იძულებით გადაადგილებულ პირთა დაბრუნების საკითხის განიხილვისას, რეზოლუციის წინააღმდეგ ხმა მისცეს რუსეთის, სომხეთის, ჩრდილოეთ კორეის, ირანის, ბელორუსიის, ინდოეთის, სერბეთის, სუდანის, სირიის, მიანმას და ვენესუელას დელეგაციებმა.
  • უკრაინაში წითელაზე ვაქცინაციის შედეგად 18 ბავშვი ჰოსპიტალიზებულია და ერთი დაღუპულია.
• 2009 :
  • დალია გრიბაუსკაიტე ლიტვის პირველი ქალი პრეზიდენტი გახდა.

• • 1957 წლის ფერარის შავი 250 ტესტა როსა აუქციონზე მარანელოში (იტალია), მსუბუქი ავტომანქანისთვის რეკორდულ ფასად ($12.402.500) გაიყიდა.
• 2011 : დედოფალი ელიზაბეთ II პირველი ბრიტანელი მონარქი გახდა, რომელიც სახელმწიფო ვიზიტით ეწვია ირლანდიის რესპუბლიკას.
• 2013 : ლგბტ წარმომადგენლების მიერ ჰომოფობიის წინააღმდეგ თბილისში დაგეგმილი მსვლელობა მართლმადიდებელმა სასულიერო პირებმა და საპირისპირო აქციის მონაწილეებმა დაარბიეს.
• 2021 : ბუნებრივი ეროზიის შედეგად გალაპაგოსზე მდებარე დარვინის თაღი ჩამოიშალა.

ამ დღეს დაბადებულნი

• 1008 : ანრი I — საფრანგეთის მეფე
• 1794 : ედუარდ ჯენერი — ინგლისელი მეცნიერი
• 1870 : ჰაგვერდიევი, აბდურაჰიმ — აზერბაიჯანელი საბჭოთა მწერალი
• 1873 : ბარბიუსი, ანრი — ფრანგი მწერალი და დრამატურგი.
• 1886 : ალფონსო XIII — ესპანეთის მეფე
• 1894 : გამრეკელი, ირაკლი — ქართველი მხატვარი.
• 1898 : მაუსი, კარლ — გერმანელი სამხედრო მოღვაწე.
• 1904 : გაბენი, ჟან — ფრანგი მსახიობი.
• 1925 : ხალვაში, ფრიდონ — ქართველი პოეტი.
• 1949 : ბრუფორდი, ბილ — ინგლისელი დრამერი.

ამ დღეს გარდაცვლილნი

• 1510 : ბოტიჩელი, სანდრო — იტალიელი მხატვარი.
• 1727 : ეკატერინე I — რუსეთის იმპერატორი 1725-1727 წლებში.
• 1943 : ლენკოვი, ალექსანდრე — საბჭოთა და რუსი თეატრისა და კინოს მსახიობი.
• 2010 : მუხრან მაჭავარიანი — ქართველი პოეტი (დ. 1929)
• 2012 : დონა სამერი — ამერიკელი მომღერალი

დღესასწაულები

• მართლმადიდებელი ეკლესია აღნიშნავს შემდეგი წმინდანების ხსენების დღეს:
  • პელაგია ტარსელი
  • წმინდა ერაზმი
  • წმინდა ალვიანე და მოწაფენი მისნი
  • სილვან ღაზელი და მისთანა 40 მოწამე
  • ღირსი ნიკიფორე
• აგრეთვე:
  • ტელეკომუნიკაციის მსოფლიო დღე
  • ნორვეგია — ეროვნული დღესასწაული.
  • ნაურუ — კონსტიტუციის დღე.
  • ჰომოფობიასთან ბრძოლის საერთაშორისო დღე.
  • ოჯახის სიწმინდისა და მშობლების პატივისცემის დღე საქართველოში.

იხილეთ აგრეთვე

სხვა თვეები