كل حاجه في الفيلم دا جميلة مفيش حاجه ناقصه الحوارات اللي فيه مكتوبة بشكل تحفة الإخراج اللي مسحول فيه طول الفيلم حقيقي انا من كتر منا مبسوط من الفيلم مش لاقيله وصف مش عارف ليه كنت مأجله كل دا الموسيقى التصويرية جميلة رتم الفيلم هادي جدا
أحداثه بتعلى براحه بطريقه متخليش فيه ملل حقيقي
تمثيل هاري دين حلو فشخ من بداية الفيلم اول نص ساعة هو شخص مبيتكلمش فاقد المشاعر بيمثل بوشه بس لدرجة تخليك تحس انه فعلا لسانه مقطوع…
دايما عندي خوف من الموت والموضوع بييجي على فترات ومبيكونش ضعف إيمان بس هل انا مستعد ولا لاء وغالبا الفيلم دا حل مشكلة بنسبة 40%
بس انا للاسف محتاج اتعلم شطرنج
معتقدش ان دا آخر فيلم لبيرغمان هشوفه
عشوائية حلوة مش من النوع اللي تخليك تتوه معموله بشكل جميل جدا تقريبا انا طول الفيلم متوتر ودي حاجه جيسون ريتمان فعلا قدر من اول الفيلم يدخلني في أجواء الفيلم و اعيش حالة التوتر اللي عايشينه
و جون باتيست اللي فعلا الموسيقى التصويرة بتاعته نقلت الفيلم ف حته تانيه حقيقي كل حاجه في الفيلم معموله بشكل ويحسسك ان في تكامل
camera man حقيقي الجندي المجهول في الفيلم
