In a dilapidated villa, lives an old doorman who watches the villa since the sixties of the last century, so it becomes his private world. But all of a sudden his stability is threatened by a young park attendant who wants to break into his private space, forcing him to face his fears. so now the doorman finds himself in an unexpected confrontation in which he rediscovers himself again.
UK
SAFAR Film Festival
Egypt
Egypt
UK
حاسه اسلوب احمد عبد الله هنا بقى انضج واكثر تميز
الفيلم كان بالنسبالي مليان رمزيات ومفتوح لتفسيرات سياسية واجتماعية كتير مع انه قال فالمناقشة انه مكنش حاطط في باله كل التفسيرات دي وهو بيعمله
سو اليكم القصة:
بطل الفيلم شخص قضى حياته بواب في سراي، وظيفة مش محترمة مجتمعيا لكن بيحظى بشوية احترام وسلطة بيبدأوا في التآكل واحدة واحدة بعد تغير معالم الحي والقيم المجتمعية اللي كان عارفها زمان، الحاجة اللي بتخليه يلجأ لحبوانات الشوارع بحث عن اتصال وتقدير لانه فقده من الناس اللي حواليه اهتمامه الشديد بحيوانات الشارع بيدينا انطباع انه البواب شخص رحيم طيب
البواب بردو بيبص للشخص اللي بيشتغل شغلانة مش بعيدة عن شغلانته كتير باحتقار ولما بيبدأ الشخص دا في تبيان قد ايه تآكلت سلطة بواب السراي بيبدأ يظهر لنا الجزء العنيف القاسي من شخصيته
التصوير كان تحفة والتمثيل كان بردو كويس جدا
أنا بحب أحمد عبدالله أوي ومن قبل مايتشهر وأفلامه تتشاف وهفضل أدافع عنه كونه قائد ثورة الأفلام المستقلة إللي ظهرت في مصر وقدمتلنا تحف
بس ماينفعش نعمل دلوقتي نفس الفيلم إللي عملناه من 13 سنة ونكون مستنيين الإبهار نفسه يجي
كفايا ناس عواجيز كفايا كوبايات شاي وزرعة نعناع وصوت راديو مخروش.
سُعاد فيلم مستقل و ريش فيلم مستقل و 19ب فيلم مستقل، شايفين الفرق بين كل فيلم والتاني؟ وأنهو فيلم فيهم مكرر وأنهو فيلم حاول يجدد ويغير في السينما.
سادس مشاهدات مهرجان القاهرة السينمائي
طال الانتظار يا احمد عبدالله
الفيلم بيتكلم عن حارس عقار عايش في فيلا لوحده مع القطط و الكلاب و حارس العقار ده بيدخل في صراع مع السايس الي بيادي دوره احمد خالد صالح
من قريب احمد خالد صالح قدم شخصية شريرة برضو في فيلم برا المنهج مع عمرو سلامة الحقيقة دوره هناك كان مبتزل و سئ جدا و كان هو اكتر حد مقلقني من الفيلم ده و لكن احمد قدر يفاجئني تحت قيادة احمد اخر وهو احمد عبدالله بأنه قدم اداء جامد هتكرهه في اوقات كتير ولكن هيكون له لحظات إنسانية هتخليك تدخل جوا الشخصية اكتر و تحاول تفهمها غير الكوميديا الي هي مش كوميديا ولا حاجة انا متاكد إن الحاجات دي مش مقصود بيها…
● أول حاجة أحب أشيد بيها إخراج أحمد عبد الله المميز كالعادة في أفلامه اللي مش تقليدية .. كنت مستمتع بالجو العام للفيلم و بصورة الفيلم جداً .. والسيناريو ممتاز ومتماسك.
● تاني حاجة بقا أحمد خالد صالح ده بالنسبالي ده تاني أفضل دور له بعد ما فاجئني أول مرة في رمضان اللي فات لما ظهر ضيف شرف في مسلسل الصندوق .. قبل كده مكنتش بقتنع بيه وبستتقله فمبسوط إنه بيطور من نفسه وبيجتهد وأداؤه في الفيلم ده عالمي فعلاً ❤
● تالت حاجة بقا سيد رجب والأداء القوي ده مش جديد عليه كعادته قدم أداء مميز وصادق جدا.. وظهور ناهد السباعي كمان كان لطيف.
●● الفيلم بصراحة ككل جميل وبفكرة وإسقاطات حلوة جدا وأعتقد أي حد هيشوفه هيعجبه.
أحمد عبدالله عامل حالة جميلة وأكاد أجزم إنه متأثر بأصغر فرهادي وفلسفته في الخير والشر وإن مفيش شر مطلق ومفيش خير مطلق هما في الاخر بشر يخطئوا ويصيبوا ومتقدرش تاخد صف حد فيهم طول الفيلم
ممكن حد يشوفها قلشت منه بس انا حبيت اللي قدمه وتفاعلت مع الشخصيات وصراعاتها
النهاية كانت مقبولة لكن كانت ممكن تبقى أحسن من كده
الإخراج التصوير التمثيل المونتاچ والأغاني مية لمية وتجربتي مع سينما الزمالك القاعة الكبيرة لطيفة جدا
يبدو ان أحمد عبد الله قرر من بداية الفيلم انه يحترم العم حارس العقار بطل فيلمه، وميقدمش لنا لنا اي معلومات لا تبوح بها شخصيته اكتر من المعروض امامنا
ولكن انا كنت محتاجة اعرف مين الناس اللي حواليه دول، احترمت خصوصيته لموضوع الفيلم
ولكن اللي حواليه ايه حكاياتهم عشان اقدر افهمهم
بس المكان جميل، بحب انا البيوت القديمة، وحبيت ان البيت هو امتداد للرجل بل وصل لحالة تلاحم معه انه هو والمكان بقوا كيان واحد، والخارج بقى بيتعدى عليه
وان عبد الله بدأ الفيلم من الداخل وقفل الفيلم وخرجنا بره، واحنا متأكدين الهدوء اللي في حياة الرجل ده نسبي
لإنه هو والمكان مصيرهم واحد
رحمة الحداد كانت كتبت عن الفيلم انه يصلح تأويله لصراع ما بين اجيال وما بين رؤى…
"هو كده كل شوية بيختفي وماحدش بيعرف عنه حاجة"
أداء أحمد خالد صالح كان رائع
This review may contain spoilers. I can handle the truth.
من الادوار الحلوة القليلة ل احمد خالد صالح
قليل ما بيمثل حلو يعني الدور طبعا ابن وسخة بس ك اداء هو كويس جدا
سيد رجب من الناس الجميلة الاندرريتيد اللي بتمثل و بدأت تتشهر علي كبر
ناهد السباعي فيك و مبحبهاش
قصة الفيلم حلوة بس الفيلم ك اي فيلم مهرجاني ممل يمكن في بعض الاحيان في الاغلب بتبقي الأحداث بتدور في مكان واحد
المونولوج اللي قاله نصر في الاخر عن الظلم و
حياته وكده كان حلو بس نهايته كرتونية اوي
بس الفيلم لطيف
حسيت اوي باللحظات اللي كان فيها سيد رجب ضعيف لما الكلب اللي هو بيحبه و بيربيه اتسمم
اتنين عمرهم ما يخذلوك، كريستيانو رونالدو وأحمد عبد الله.
انا حقيقي مش فاكر امتي اخر مرة فيلم مصري خلاني ادمع
الافلام المصرية اللي بتتعمل بالجودة دي حقيقي بتزعل الواحد علي حال السينما المصرية بشكل عام
احنا ممكن نقدم سينما بالشكل ده بس للاسف ماشين في اتجاه الاسفاف بلا هدف
لازم يتشاف و الناس تقدره سواء غاوين سينما ولا جمهور عام
مناسب للجميع حتي الاطفال
No country for old men
فكرني ب ڤيلا ٦٩ وأنا بحب ڤيلا ٦٩
