الفيلم لذيذ خالص، مليان إسقاطات مقبولة ولكن معظمها مباشرة ومش ذكية نهائيًا.
بتدور الأحداث حولين باربي اللي بتكتشف الواقع بتاعنا وبتبدأ تتعرضله هو ومشاكله.
باربي في الأساس عايشة في باربي لاند وده مكان عكس كوكبنا ولكن من الناحية الجنسية. يعني هناك النساء هما المسيطرين والذكور على الهامش، عارفين الستات شغالين أيه وبياكلوا أيه ويشربوا أيه وبيسكنوا فين، بينما الرجالة منعرفش عنهم كل ده، مش غموض ولكن لإنعدام أهميتهم.
وعلى النقيض بتيجي باربي العالم بتاعنا بتلاقي الذكور بيحكموا العالم، وهما اللي…

Spencer 2021
فيلم جميل جدًا ، عن الأميرة ديانا، ولكنه بيحكي عن ٣ أيام بس في حياتها، عشية عيد الميلاد، وعيد الميلاد، والبوكسنج داي.
الفيلم بيعرض الجانب الإنساني الحر من ديانا، الجزء المضغوط اللي مش مستحمل قوانين الحياة الملكية الصارمة، وتحكمهم في الأكل والشرب واللبس ودرجة الحرارة والتحركات وغيره.
بنشوف ديانا الوحيدة والحزين، اللي بتظهر في كوادر واسعة للغاية وهي لوحدها فيها، بنشوفها وهي واقفة بتواجه كل العيلة الملكية ولكن أيدها ضعيفة وقدمها لا تحملها على الوقوف.
وبنشوف أزاي أبسط…

الفيلم في الأول والأخير هو بيعرض مشاكل المجتمع المصري بذكاء، وعشان المخرج والفنان مش واعظ ومش خطيب جمعة، لازم يعرض فكرته في قالب فني، وده اللي عمله محمد خان، كان مهتم بتفاصيل كتيرة ومشاهد متتعدش ثواني كانت من ركائز الفيلم، زي أخت هيام وهي بتجيب الأكل لعمال المصنع وشافت البنات رايحة المدرسة، والمشهد عدى بسرعة بس فهمنا إن الأسرة عايزة فلوس ومفيش وقت للدراسة ولا غيره.

زي ما عندنا مجتمع جميل بيروح المدارس والجامعات وبيتعلم، فأحنا عندنا مجتمع تاني ميعرفش…

الفيلم عظيم بكل تفاصيله اللي هي كتيرة أوي، الفيلم في الاهتمام بالتفاصيل غلب كتير من الأفلام الإيطالية اللي شوفتها، وطبعا ده مكنش بيزيده غير عظمة، من أول تقاصيل إسكندرية لحد تفاصيل الشخصيات، خصوصا وأنا كنت مهتم لفترة كبيرة في حياتي بموسيقى الأندرجراوند، وكنت بكتب وبسجل بشكل متخلف في البيت، وبالرغم من تسليط الفيلم على مشاكلهم إلا إن الوضع مبقاش أحسن كتير بعدها، بل في فرق في الفيلم قعدت في بيتها خلاص.

التمثيل كويس جدا وواقعي، والتصوير حلو وحسيت أني ببص…