- 近排大熱，越嚟越多人講話好睇，所以趁放假一口氣同老公一齊煲晒
- 未開始有討論度之前，係IG有睇過條trailer，都幾引人入勝，知道係一鏡到底嘅拍攝手法就更加有興趣
- 睇完有啲空虛，又有啲不解
- 我錯誤以為呢套係查案劇，以為最後會給我一個明白，到底前因後果係咩，殺人動機又係點，其他朋友背後嘅事
- 原來去到最後係親子關係嘅主題，都有一丁丁失望，但overall都唔差
- 要講嘅話，頭一兩集真係好緊湊刺激，第三集都還好，去到第四就真係有啲跌watt嘅感覺，又唔可以叫虎頭蛇尾，因為半身就唔係查案做主線，只係突然轉左畫風有啲到喉唔到肺咁
- 好睇，但唔會再睇
- 全部演員演技都好好，個細路完全唔使講，簡直係大癲
- 最後一集父母嘅關係嘅流動甚至真到令我唔記得咗佢哋只係演員！
Ep1
- 一嚟就爆門入房，最高規格嘅爆破行動去捉一個會驚到瀨尿嘅13歲細路
- 開頭已經緊張到爆，一連串嘅逮捕行動再加埋送佢去拘留所嘅車程，各種不安情緒同埋等待嘅焦慮
- 律師教佢對案件相關嘅問題全部都要答No comment，但喺兩個沙展引導性盤問之下，都唔小心爆咗啲前後矛盾嘅證供
- 一路都死口唔認，搞到我都唔知撐邊邊好，最後沙展攞咗啲Instagram comment嘅圖同埋CCTV片段，證實咗並唔係好似個細路講普通同學嘅關係，更加有清晰嘅影片展示佢跟蹤女同學，兼桶咗佢七刀致死
- 本身撐個仔冇做過嘅老竇即時崩潰咗qq
Ep2
- 成集都係睇沙展入學校搵把凶器同埋殺人動機搵更多嘅證據入佢罪
- 因為呢個係英國背景（Doncaster)，再加埋曾經入過中學見識，睇到我特別痛苦！！入邊啲學生好似Band 3生番咁！
- 女死者個黑人friend、男主啲朋朋，全部都鳩kick不合作
- 黑人妹打鳩朋朋然後全部學生圍住起哄，大癲
- 兩個沙展好似盲頭烏蠅咁喺唔同班房叫學生報料
- 去到個仔都頂唔順同佢講Instagram comment入邊符號嘅含意，先令單案有多少進展
- 風向轉左話係女死者帶頭欺凌男主角先，incel仔沒人愛
- 臨走前沙展再去朋朋返房諗住問多佢一次，點知佢向窗口處逃走，捉到再比沙展凶一凶，自爆借咗把菜刀比男主角，即刻charge佢一條協助謀殺omggg
- 佢另一個黑人friend就醒，死口唔講
- 沙展仔父子關係麻麻，但今次好似有啲警醒作用咁，雖然唔知點樣做好爸爸角色，但主動維繫，有修復了一點點
Ep3
- 7個月後，喺安全中心見心理學家，已經係第五次見面
- 想同佢講同爸爸嘅關係、陽剛嘅男性、同女性嘅親密關係
- 男主兩度發脾氣，嚇撚死我，個心理學家極度冷靜，有冇俾佢帶風向，超勁
- 我蠢，唔係好聽得明問嘅嘢背後有啲咩演繹或者解讀
- 最後佢走嗰個問鍾唔鐘意佢，sad
- 依個時候心理學家先㩒住心口抖大氣，仲哭埋出來，我都想哭！！太慘了太受壓！！！
Ep4
- 13個月後，以為已經判咗型坐緊監，點知又未喎
- 依個係個老竇50歲大壽喺屋企慶祝嘅一日，點知比個仔啲同學喺佢搵食車噴上戀童癖大字
- 勁shocked，以為係個老竇有問題，child abuse！？
- 全家即時去五金舖買料清潔，結果又遇到啲認得佢哋嘅員工閑言閒語，啲bully仔又跟到過嚟
- 老豆再次崩潰直接倒油遮住啲字就上車離開
- 車上邊接到一則電話，原來係個仔打嚟話打算認罪
- 依幕老公睇到哭，話對佢哋嚟講係一種解脫，我就沒大感覺
- 返到屋企兩公婆討論有冇做一個好嘅父母。點解忽略咗個仔變成咁
- 佢哋就誇誇群互讚對方好，但在我看來佢哋一啲都唔好，只係供書教學基本陪伴係不足夠的
- 老竇講返嘅嘢就係個仔喺第三集同心理學家講嘅嘢，不過今次係老竇角度，原來真係覺得個仔踢波踢得唔好係羞恥嘅事，所以擰開塊面，呢啲嘢細佬仔全部係看在眼內
- 故事最後一幕就係老竇入咗個仔間房痛哭，錫佢床上面個熊仔一啖
- 我反而係呢幕先哭，有啲嘢真係太遲做了
