Urang Amungme
| Total populasi | |
|---|---|
| 17,700[1] | |
| Kawasan jo populasi nan signifikan | |
| Papua (Indonesia) | |
| Bahaso | |
| Bahasa Uhunduni (Amung-kal) | |
| Agamo | |
| Kristen (didominasi), Animisme | |
| Kalompok etnis takaik | |
| Dani, Damal, Mee, Moni |
Suku Amungme (juo awak kenal sabagai suku Urang Amui, Hamung, Amungm, Amuy, atau Uhunduni) adolah kalompok urang dengan populasi sakitar 17.700 urang yang tingga di dataran tinggi kacamatan Mimika Timur provinsi Papua Tengah, Indonesia dan rato-rato suku urang ko tasebar di kampuang Kwamki dan kalompok lain tingga di lambah Arowandap dan Alama yang tamasuak ka kacamatan Akimuga. Kadiaman urang suku Amungme ko biasonyo barado di hutan heterogen dengan katinggian 3000 Mdpl.[2]
Suku Amungme tingga di babarapo lembah di Kabupaten Mimika jo Kabupaten Puncak Jaya, sarupo di lambah Noema, Tsinga, Hoeya, Bella, Alama, Aroanop, dan Wa maupun di dataran randah Agimuga jo kota Timika. Sabagian kalompok yang manatap di lambah Beoga disabuik Suku Damal (berdasarkan panggilan dari suku Dani).[3]
Bahas0
[suntiang | suntiang sumber]Bahaso urang suku ko yang disabuik oleh babarapo panaliti bahaso Uhunduni mampunyoi babarapo dialek, di wilayah bagian alatan disabuik Amung-kal sadangkan bahaso urang ko di daerah utara disabuik Damal-kal, salain itu urang ko juga mampunyoi bahaso simbolik yang disabuik banamo Aro-a-kal dan Tebo-a-kal. Bahaso Tebo-a-kal hanga diucapkan di daerah yang dianggap karamat.[3] Bisa dikatahui "Damal" adolah istilah yang diagiah oleh suku Dani, sadangkan "Uhunduni" adolah sabutan oleh suku Moni (Migani).
Tradisi
[suntiang | suntiang sumber]Tardapek babarapo model kapamimpinan di adat suku Amungme sarupo menagawan, kalwang, dewan adat, wem-wang, dan wem-mum. Posisi pamimpin indak diwariskan oleh garis katurunan, malainkan sacaro alamiah oleh proses wakatu dan situasi sosial sarato lingkungan ekologis.
Kayakinan tradisional masyarakaik Amungme yaitu animisme. Urang-urang Amungme indak mamiliki gagasan tantang "dewa" yang tapisah dari alam di mano roh-roh dan alam adolah ciek dan samo. [4] Walaupun Suku Amungme mamiliki kapicayoan bahwa mereka adolah anak partamo dari anak suluang banso manusia, panakluk dan panguaso nagari amungsa dari Nagawan-Into (Tuhan).[3]
urang ko mampraktikan partanian yang bapindah-pindah sarupo suku padalaman pado umumnyo, malengkapi mato pancarian mereka dengan baburu dan maramu. Amungme sangat tarikek jo tanah niniak moyangnyo dan manjadikan pagunuangan sakitarnyo sabagai tampek yang sabana suci dan yang disucikan.
Wilayah adat
[suntiang | suntiang sumber]Amungsa adolah wilayah hunian suku Amungme. Wilayah Adat Suku Amungme dikenal juo banamo Amungsa. Amungsa subananyo barasa dari duo kato sajo iolah "Amung" dan "Sa". Amung artinyo bantangan dan sa artinya wilayah. Amungsa artinyo wilayah adat Suku Amungme.
Badasarkan Rapek Lua Biaso LEMASA tanggal, 2 - 4 Februari 2007 ditatapkanlah bahwasanyo Amungsa tadiri dari Timur hinggo Barat dan Utara hinggo Salatan. Sabalah Timua pabatasan dengan Mbrum Mbram. Mbrum Mbram adolah Amungsa yang pabatasannyo jo suku Nduga. Sadangkan Sabalah Barat pabatasannyo dengan Janama Tagal. Janama Tagal adolah wilayah yang pabatasannyo jo suku Mee atau Paniai. Sabalah Utara pabatasan jo ulayat punyo suku Dani dan Damal dan Salatan pabatasan dengan suku Kamoro.
Mato Pancarian
[suntiang | suntiang sumber]Suku Amungme marupakan suku yang hiduik dan tingga di daratan tinggi pagunungan Papua, dan rato-rato pancarian dari urang suku Amungme ko iyolah baburu, adopun hewan buruannyo iolah Ciliang, Soa, Luar, Kodok, Kalalawa, Mancik, buruang. Salain baburu hewan-hewan tu urang suku Amungme juo mahia dalam mancari ubek dan maramu ubek.
Salain baburu suku Amungme juo pandai baladang, dan ladang-ladangnyo urang suku Amungme di isi ubi jala, ubi kayu, jo kaladi.
Tambang Freeport
[suntiang | suntiang sumber]Sijarahnyo parebutan ateh tanah iko alah mambuek gesekan jo pamarintah Indonesia dan parusahaan Freeport-McMoran, yang nyo mandayagunokan pasadioan mineral yang lueh yang ado di sakitarnyo. Parubahan gaddang alah dialami sammo suku Amungme dari dataran tinggi dan suku Kamoro dari dataran randah gaya hiduik alah dibaok samo tambang Grasberg, talatak bana di jantuang wilayah Amungme dan kini dipunyoi oleh Freeport-McMoRan, yang manjadi sumber mato pancarian yang paliang gadang bana bagi wilayah tasabuik. Ameh dan tambago alah marubah lanskap alami wilayah itu, dan kahadiran tambang dan infrastruktur alah manarik banyak migran ekonomi lainnyo dari babagai wilayah di Indonesia tamasuk dari wilayah lain di pulau Papua, babarapo alah mancubo untuak manatap di tanah tradisional Amungme. Iko mangakibatkan adonyo sangketa tanah yang disababkan mangenai hak tanah adat antaro masyarakaik Amungme tahadap pandatang dan parusahaan patambangan Freeport Indonesia di Timika.[5]
Dalam 35 taun terakhir, Amungme alah macaliak gunuang suci yang urang tu sucikan hancua karano kagiatan patambangan yang di lakukan samo urang parusahaan tambang, dan manyaksikan karabat urang suku Amungme yang tabunuah oleh konflik Tentara Nasional Indonesia dan Organisasi Papua Merdeka, samantaro bagi Kamoro mampunyoi masalah jo adonyo 200.000 ton limbah tambang yang dipompa ka sungai yang urang tu pakai satiok hari.[6] Sagalo faktor iko alah manciptakan takanan sosial dan politik yang kompleks, dan manyababkan protes dan konflik sosial, babarapo di antaranyo alah ditakan kareh oleh kapolisian dan juo militer Indonesia.[7]
Gunuang yang dijadikan pusek panambangan ameh dan tambaga oleh PT. Freeport Indonesia marupokan gunuang suci yang di aguang-aguangkan oleh masyarakaik Amungme, dengan namo puncak Nemangkawi di Puncak Jaya. Nemang artinyo panah dan kawi artinyo suci. Nemang Kawi artinyo panah yang suci (bebas parang] padamaian.
Referensi
[suntiang | suntiang sumber]- ↑ "Amung in Indonesia". Joshua Project. Diakses tanggal 2014-09-24.
- ↑ Melalatoa, M.J. (1995). Ensiklopedi suku bangsa di Indonesia: A-K. Ensiklopedi suku bangsa di Indonesia. Departemen Pendidikan dan Kebudayaan RI. hlm. 36. Diakses tanggal 2023-01-17.
- ↑ a b c "Papua - PDF". Scribd. 2021-08-05. Diakses tanggal 2023-01-17.
- ↑ Craig A. James (2010). The Religion Virus. John Hunt Publishing. ISBN 1-8469-4272-1.
- ↑ August Kafiar; Tom Beanal (2000). PT. Freeport Indonesia Dan Masyarakat Adat Suku Amungme. Forum Lorentz.
- ↑ Jeremy Seabrook (2004). Consuming Cultures: Globalization And Local Lives. New Internationalist. ISBN 1-9044-5608-1. https://archive.org/details/consumingculture0000seab.
- ↑ Monash University. Castan Centre for Human Rights Law, United Nations. Global Compact Office, Prince of Wales International Business Leaders Forum, United Nations. Office of the High Commissioner for Human Rights (2008). Human Rights Translated: A Business Reference Guide. United Nations Publications. ISBN 0-9752-4425-6.
