Wikipedia:Artikel nan Tapiliah/2023
Kota Sawahlunto adolah salah satu kota di provinsi Sumatera Barat, Indonesia. Kota nan talatak 95 km sabalah timur lauik kota Padang iko, dikuliliangi dek 3 kabupaten di Sumatera Barat, yakni kabupaten Tanah Data, kabupaten Solok, jo kabupaten Sijunjuang. Kota Sawahlunto punyo lueh 273,45 km² nan tadiri dari 4 kacamatan nan punyo jumlah panduduak labiah dari 54.000 jiwa. Pado maso pamarentah Hindia-Balando, Kota Sawalunto dikenal sabagai Kota tambang batu baro. Kota iko sampek mati, satalah panambangan batu baro dihantikan.
Kini Kota Sawahlunto bakambang manjadi Kota wisata tuo nan multi-etnik, sahinggo manjadi salah satu Kota tuo taelok di Indonesia. Di Kota nan didirian pado taun 1888 iko, banyak badiri bangunan-bangunan tuo paninggalan Balando. Sabagian alah ditatokan sabagai cagar budaya dek pamarentah satampek dalam rangka mandorong pariwisata jo mancanangkan Sawahlunto manjadi "Kota Wisata Tambang yang Berbudaya". (salangkoknyo)
Kota Sawahlunto adolah salah satu kota di provinsi Sumatera Barat, Indonesia. Kota nan talatak 95 km sabalah timur lauik kota Padang iko, dikuliliangi dek 3 kabupaten di Sumatera Barat, yakni kabupaten Tanah Data, kabupaten Solok, jo kabupaten Sijunjuang. Kota Sawahlunto punyo lueh 273,45 km² nan tadiri dari 4 kacamatan nan punyo jumlah panduduak labiah dari 54.000 jiwa. Pado maso pamarentah Hindia-Balando, Kota Sawalunto dikenal sabagai Kota tambang batu baro. Kota iko sampek mati, satalah panambangan batu baro dihantikan.
Kini Kota Sawahlunto bakambang manjadi Kota wisata tuo nan multi-etnik, sahinggo manjadi salah satu Kota tuo taelok di Indonesia. Di Kota nan didirian pado taun 1888 iko, banyak badiri bangunan-bangunan tuo paninggalan Balando. Sabagian alah ditatokan sabagai cagar budaya dek pamarentah satampek dalam rangka mandorong pariwisata jo mancanangkan Sawahlunto manjadi "Kota Wisata Tambang yang Berbudaya". (salangkoknyo)
Kambiang utan sumatera (Capricornis sumatraensis sumatraensis), dalam bahaso Gayo: Noang, bahaso Malayu: Kambing gurun, adolah ciek spesies anggota upafamili kambiang-antelop (Caprinae); nan marupoan hewan asli paunyi utan-utan pagunuangan pulau Sumatera jo samananjuang Thai-Malaya. Kambiang utan sumatera tarancam dek karusakan habitat jo paburuan, inggo dimasuakan dek IUCN ka dalam daftar spesies rentan. Hewan ko dilinduangi di Indonesia, badasar kapado Lampiran Peraturan Pamarentah RI No. 7 Taun 1999, nan ditabikan tangga 27 Januari 1999. Kini ko populasi nan masih tasisa di Indonesia dapek ditamui di Taman Nasional Kerinci Seblat, Taman Nasional Batang Gadis, jo Taman Nasional Gunuang Leuser. (salangkoknyo...)
Artikel nan Tapiliah sabalunnyo: Kota Sawahlunto – Parang Salib – Saridjah Niung – Keumalahayati
Musajik Tuo Siguntua talatak di Dusun Ranah, Nagari Siguntua, Kecamatan Sitiung, Kabupaten Dharmasraya, Sumatra Barat, Indonesia. Musajik iko marupokan paninggalan Karajaan Siguntua nan bangunannyo dipakiroan alah baumua 100 taun labiah.
Musajik Tuo Siguntua barado sapakarangan jo pandam pakuburan rajo-rajo Siguntua, nan tapeknyo barado di subalah utara musajik. Di sabalah timur, tadapek rumah gadang paninggalan Karajaan Siguntua. Katigonyo yaitu, musajik, makam, jo rumah gadang alah ditetapkan dek pamarintah Indonesia sabagai cagar budayo pado 2007.
Arsitektur Musajik Tuo Siguntua mangikuti bantuak musajik tradisional Minangkabau pado umumnyo, yaitunyo badenah pasegi jo atok limas barundak-undak. Konstruksinyo alah mangalami banyak parubahan sajak didirian, di antaranyo panggantian material atok, pondasi, jo dindiang. (salangkoknyo...)
Artikel nan Tapiliah sabalunnyo: Kambiang utan sumatera – Kota Sawahlunto – Parang Salib – Saridjah Niung
Muhammadiyah di Sumatera Barat adolah sijarah nan maliputi jariah jo pangaruah organisasi iko dalam kahidupan masyarakaik Sumatera Barat. Di Indonesia, Sumatera Barat tanamo sabagai basis utamo Muhammadiyah bahkan malahiakan banyak tokoh Muhammadiyah di tingkek nasional. Bagi Muhammadiyah, daerah iko dianggap pantiang karano dari siko Muhammadiyah manjadi gadang hinggo punyo banyak cabang di Indonesia.
Paham Muhammadiyah barasa dari Yogyakarta, kudian dibaok ka Minangkabau dek Sutan Mansur jo Haji Rasul. Pado 29 Mei 1925, kaduonyo mambukak cabang Muhammadiyah di Nagari Sungai Batang, Maninjau nan manjadi cabang Muhammadiyah partamo di lua Jawa. (salangkoknyo...)
Artikel nan Tapiliah sabalunnyo: Musajik Tuo Siguntua – Kambiang utan sumatera – Kota Sawahlunto – Parang Salib
Hagia Sophia atau Aya Sofya adolah sabuah tampek ibadah di Istanbul, Republik Turki. Dari maso pambangunannyo pado taun 537 M sampai 1453 M, bangunan iko marupoan katedral Ortodoks jo tampek kadudukan Patriark Ekumenis Konstantinopel, kacuali pado taun 1204 sampai 1261, katiko tampek iko diubah dek Pasukan Salib Kaampek manjadi Katedral Katolik Roma di bawah kakuasaan Kakaisaran Latin Konstantinopel. Bangunan iko manjadi musajik mulai 29 Mei 1453 sampai 1931 pado maso kakuasaan Kasultanan Utsmani. Kamudian bangunan iko disekulerkan jo dibukak sabagai museum pado 1 Februari 1935 dek Republik Turki. Namun manjadi musajik baliak pado Jumaik, 10 Juli 2020 sasudah pangadilan Turki mamutuihan basonyo konversi Hagia Sophia pado tahun 1934 manjadi museum adolah ilegal. (salangkoknyo...)
Artikel nan Tapiliah sabalunnyo: Muhammadiyah di Sumatera Barat – Musajik Tuo Siguntua – Kambiang utan sumatera – Kota Sawahlunto
WhatsApp Messenger adolah aplikasi pasan untuak ponsel cadiak. WhatsApp Messenger marupokan aplikasi pasan linteh platform nan mamungkinan untuak batuka pasan tanpa pulsa, karano WhatsApp mangunoan paket data internet. Aplikasi WhatsApp mangunokan koneksi internet 3G, 4G atau WiFi untuak komunikasi data. Salain bakirim pasan (chat daring), hal lain nan dapek dilakukan jo aplikasi ko adolah babagi file, batuka foto, suaro, panggilan, dan lainnyo.(salangkoknyo...)
Artikel nan Tapiliah sabalunnyo: Hagia Sophia – Muhammadiyah di Sumatera Barat – Musajik Tuo Siguntua – Kambiang utan sumatera
Yurisprudensi adolah sarangkaian putusan hukum nan dikaluaan dek pangadilan nan kamudian punyo kakuatan hukum nan mangikek (binding precedent) atau mambujuak (persuasive precedent). Manuruik definisi lain, yurisprudensi adolah himpunan putusan hakim nan dipakai sabagai sumber hukum untuak hakim untuak manutuik urusan nan samo. Sistem hukum Anglo-Saxon juo didasarkan juo pado konsep ko. Konsep yurisprudensi paliang utamo ditamui pado sistem hukum umum malalui prinsip stare decisis, tapi juo pado sistem hukum sipil. Di Indonesia, Mahkamah Agung adolah lembaga pamegang kakuasoan kahakiman nan punyo kakuwasoan untuak mangaluaan yurisprudensi. (salangkoknyo...)
Artikel nan Tapiliah sabalunnyo: WhatsApp Messenger – Hagia Sophia – Muhammadiyah di Sumatera Barat – Musajik Tuo Siguntua – Kambiang utan sumatera
Bagindo Aziz Chan (lahia di Padang, 30 September 1910 – maningga di Padang, 19 Juli 1947 pado umua 36 taun) adolah pajuang kamardekaan Indonesia. Baliau manjabaik sabagai Wali Kota Padang nan kaduo sasudah kamardekaan nan dilantiak pado tangga 15 Agustus 1946 manggantian Mr. Abubakar Jaar. Baliau maningga pado umua 36 taun sasudah talibaik dalam sabuah patampuran malawan Balando. Jasadnyo dimakamkan di Taman Makam Pahlawan Bahagia, Bukittinggi. Gala Pahlawan Nasional Indonesia diagiahan kapado baliau pado 9 November 2005 (salangkoknyo...)
Artikel nan Tapiliah sabalunnyo: Yurisprudensi – WhatsApp Messenger – Hagia Sophia – Muhammadiyah di Sumatera Barat – Musajik Tuo Siguntua
Al-Bajan adolah majalah Islam dwi-mingguan baaksara Arab-Melayu nan dikelola dek murik-murik Sumatera Thawalib di Parabek, dakek Kota Bukittinggi, Sumatra Barat. Majalah iko diedaran di jaringan sakolah Sumatera Thawalib. Edisinyo tabik partamo pado 25 September 1919 dan dipakiroan baranti tabik pado 1921 dek alasan pendanaan.
Majalah iko mamuek tulisan tantang palajaran Islam, tarutamo fiqih jo tafisr Alquran.(salangkoknyo...)
Artikel nan Tapiliah sabalunnyo: Bagindo Aziz Chan – Yurisprudensi – WhatsApp Messenger – Hagia Sophia – Muhammadiyah di Sumatera Barat
Pandemi koronavirus di Indonesia partamo bana dilaporkan pado 2 Maret 2020. Virus dipakirokan dibaok dari Japang.
Kasus kamatian COVID-19 di Indonesia talaporkan labiah tinggi daripado nagara-nagara lain di Asia Tenggara. Salain itu, angko kamatiannyo paliang tinggi di dunia. Panaliti dunia banyak nan manyimpulkan dek kurangnyo upayo pamaresoan sainggo banyak kasus nan indak tadeteksi sabalunnyo.(salangkoknyo...)
Artikel nan Tapiliah sabalunnyo: Al-Bajan – Bagindo Aziz Chan – Yurisprudensi – WhatsApp Messenger – Hagia Sophia
Japang adolah sabuah nagara kapulauan di Asia Timua. Lataknyo di ujuang barek Samudra Pasifik, di sabalah timur Lauik Japang, dan bajiran jo Republik Rakyaik Cino, Korea, jo Rusia. Pulau-pulau paliang utara barado di Lauik Okhotsk, dan pulau paliang selatan barupo kalompok pulau-pulau ketek di Lauik Cino Timua, tapeknyo di sabalah selatan Okinawa nan bajiran jo Taiwan.
Japang tadiri dari 6.852 pulau nan mambueknyo marupoan suatu kapulauan. Pulau-pulau utamo dari utara ka selatan adolah Hokkaido, Honshu (pulau tagadang), Shikoku, jo Kyushu. Sakitar 97% wilayah daratan Japang barado di kaampek pulau tagadangnyo. Umumnyo pulau di Japang bagunuang-gunuang, jo sabagian di antaronyo marupoan gunuang barapi. Gunuang tatinggi di Japang adolah Gunuang Fuji nan marupoan sabuah gunuang barapi. (salangkoknyo...)
Artikel nan Tapiliah sabalunnyo: Pandemi Covid-19 di Indonesia – Al-Bajan – Bagindo Aziz Chan – Yurisprudensi – WhatsApp Messenger