Clancy Brown ist dör sien Statur, sien Grött vun 1,93 m, sien markanten Gesichtstöög un sien deepe Stimm för allem fastleggt op de Rull vun den bösen un brutalen Slaagdoot. Dör so en Oort vun Rull is he as „Kurgan“ 1986 dör den Film Highlander bekannt worrn. Man, Brown hett teemlich veel schauspelerische Anlagen un hett al in vele Film-, Theater un Animatschioonsprodukschonen mitwirkt. To’n Bispeel hett he in dat engelsche Original vun de TekentrickreegSpongeBob de knickerige Krabb „Mr. Krabs“ sien Stimm leht. Tohopen hett he all wiet över Hunnert Produkschonen maakt.
In’n Gegendeel to veel vun sien bösen Rullen, de he speelt hett, gellt Brown privat as bannig fründlichen Minschen.
Brown sien Vadder un ok sien Grootvadder weern beid Afordente vun’n Kongress in Ohio. Sien Moder weer Konzertpianistin. He hett en Broder, Roy, de ok Kandidat weer för’n Kongress, aver keen Spood harr.
Clancy Brown hett in’n Januar 1993 de Eh mit de Feernsehproduzentin Jeanne Johnson slaten. Se hebbt tosamen twee Kinner.
