Matlock
|
Matlock | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  England
| |
| Grevskap | Derbyshire | |
| Distrikt | Derbyshire Dales | |
| Geografi | ||
| Innbyggjarar - By (2001) |
10 689 | |
| Koordinatar | 53°08′N 1°33′W / 53.133°N 1.550°W | |
| Diverse annan informasjon | ||
| Postnummer | DE4 | |
| Telefon-retningsnummer | 01629 | |
Matlock er administrasjonsbyen i Derbyshire og distriktet Derbyshire Dales i England. Han var tidlegare ein kurstad, og ligg ved elva Derwent.
Opphavleg låg det fleire små landsbyar i området: Matlock Town, Matlock Green, Matlock Bridge og Matlock Bank. I 1698 vart det oppdaga varme kjelder der, og kurhotella, kjent som «hydros», sprang opp. Folkesetnaden auka dermed valdsamt, og byen oppsto. Det største hotellet vart opna i 1853, og nedlagt i 1950-åra då administrasjonen til byen flytta inn i bygningen.
I 1893 vart det anlagt ein kabeldriven trikk gjennom byen, inspirert av trikken i San Francisco. Då han vart opna var han den brattaste trikkelinja i verda, og kosta to pennyar opp og ein penny ned. Banen vart nedlagt i 1927 etter at bilar og bussar hadde teke over.
Leys Park er ein stor viktoriansk park ved elva. Han opna i 1898, og har no ein modelljernbane på permanent utstilling i den gamle trikkestallen, som vart flytta til parken, og dessutan ein musikkpaviljong og ein dam med små motorbåtar. Båtane er dei eldste i slaget sitt som enno er i drift i Storbritannia.
Byen ligg i den sørvestlege utkanten av Peak District. Matlock Bath ligg rett sør for byen.
Kjelder
- Denne artikkelen bygger på «Matlock» frå Wikipedia på bokmål, den 15. juli 2011.