Sogn Avis er ei norsk lokalavis som kjem ut på Leikanger i Vestland. Avisa vert gitt ut på papir to dagar i veka og som dagleg oppdatert nettavis. Sogn Avis er først og fremst ei lokalavis med brei dekning av nyhende og samfunnsliv i nedslagsfeltet indre Sogn. Avisa har heile tida vore partipolitisk uavhengig. Sidan 2002 har ho vore einerådande i indre Sogn. Avisa er medlem av Landslaget for lokalaviser.
Sogn Avis
Faktaboks
- Offisielt namn
- AS SOGNINGEN/SOGNS AVIS
- Organisasjonstype
- Aksjeselskap
- Forretningsadresse
- Sogndal
- Dagleg leiar
- Arve Uglum
- Styreleiar
- Svein Atle Huus
Logo
Av
Sogn Avis.
Lisens:
Avgrensa gjenbruk
Digitalt
Sogn Avis har hatt nettavis sidan 2001. Betalingsmur for ikkje-abonnentar kom i 2015. Det gjennomsnittlege talet på daglege lesarar av papirutgåva og publisering på nett var 21 281 i fjerde kvartal 2023, ifølgje Mediebedriftenes Landsforening. Sogn Avis produserer fotballpodkasten «Radl om badl».
Historie
Sogn Avis kom ut første gongen 7. januar 1993. Avisa blei starta som eit resultat av at høgreorganet S/SA (Sogningen/Sogns Avis) og venstreavisa Sogn og Fjordane slo seg saman, som ei tydeleg markering av at det var slutt for partipressa i Sogn.
Sogn Avis er organisert gjennom eit aksjeselskap som i byrjinga var eigd av familien Husabø på Leikanger. Samanslåinga i 1993 gav den nye avisa ein sterk posisjon på avismarknaden i Sogn. A-pressa (no Amedia), som eigde konkurrenten Sogn Dagblad, gjorde fleire forsøk på å kjøpe seg inn i avisa, men først i 1999 fekk konsernet hand om ein blokkerande eigarpost i Sogn Avis, gjennom Firda Media AS. Denne handelen var eit kompromiss der Amedia samtidig la ned Avisa Sogndal og selde Årdal og Lærdal Avis til Sogn Avis. I 2019 kjøpte Amedia 89,5 prosent av aksjane i Sogn Avis, og blei med det eineeigar, sidan konsernet allereie eigde 10,5 prosent gjennom Firda Media.
Sogn Avis blei fram til 2006 trykt i eige trykkeri i Leikanger, seinare i Førde. Avisa har alltid hatt nynorsk som målform.
Med Amedia som medeigar, fekk Sogn Avis frå 2001 høve til å utvikle ei nettavis innanfor rammene til Amedia si nettsatsing. I 2005 tok avisa eit skritt nærare å bli eit komplett mediehus. Sogn Avis overtok då nærradioen P-Vest i Sogndal.
Utmerkingar
I 2015 vart Sogn Avis kåra til Årets lokalavis.
Opplag
Opplagstal for Sogn Avis, 1986-2023
| tidspunkt | |
|---|---|
| 1986 | 8836 |
| 1988 | 9317 |
| 1990 | 9453 |
| 1991 | 9412 |
| 1992 | 9580 |
| 1993 | 11155 |
| 1994 | 10837 |
| 1995 | 10701 |
| 1996 | 11101 |
| 1997 | 11098 |
| 1998 | 10815 |
| 1999 | 10852 |
| 2000 | 10770 |
| 2001 | 10486 |
| 2002 | 11245 |
| 2003 | 11325 |
| 2004 | 11203 |
| 2005 | 10948 |
| 2006 | 10884 |
| 2007 | 10423 |
| 2008 | 10085 |
| 2009 | 10161 |
| 2010 | 10053 |
| 2011 | 9786 |
| 2012 | 9698 |
| 2013 | 9441 |
| 2014 | 9055 |
| 2015 | 9155 |
| 2016 | 8993 |
| 2017 | 8772 |
| 2018 | 8253 |
| 2019 | 8045 |
| 2020 | 9132 |
| 2021 | 9487 |
| 2022 | 9613 |
| 2023 | 9505 |
| År | Opplag | |
|---|---|---|
| 2015 | 9155 | |
| 2016 | 8993 | |
| 2017 | 8772 | |
| 2018 | 8253 | |
| 2019 | 8045 | |
| 2020 | 9132 | |
| 2021 | 9487 | |
| 2022 | 9613 | |
| 2023 | 9505 |
Til og med 2015 gjeld opplagstala berre papirutgåva. Frå 2020 vert netto opplagstal for både digitalt abonnement og papirabonnement nytta. Kjelde er opplagstala som avisene rapporterer til Mediebedriftenes Landsforening (MBL).
Fakta
- Første nummer 7.1.1993
Les meir i Store norske leksikon
Eksterne lenker
Litteratur
- Eggum, T. (2009): På trykk. Avisene i Sogn og Fjordane 1874–2009. Førde: Selja Forlag
- Grepstad, O. (2010): Avisene som utvida Noreg. Nynorskpressa 1850–2010. Oslo: Universitetsforlaget
Faktaboks
- Sektorkode
- 2100 Private aksjeselskaper mv.
- Næringskode(r)
- 58.130 Utgivelse av aviser
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.