Ftesa për të tjerët për të hapur skedarë në iCloud Drive në iPhone
Kur përdorni iCloud Drive në aplikacionin Files 
, mund të ftoni të tjerët të shikojnë ose të redaktojnë një skedar duke u dërguar një lidhje.
Skedarët e ndarë në iCloud Drive kanë këto karakteristika të rëndësishme:
Lidhjet për te skedarët e ndarë përfshijnë emrat e skedarëve; nëse emri ose përmbajtja e skedarit është konfidenciale, sigurohuni që t’u kërkoni marrësve të mos e transferojnë lidhjen tek askush tjetër.
Nëse i zhvendosni skedarët në dosje ose vendndodhje të tjera, lidhjet për te to nuk funksionojnë më dhe të tjerët do të humbasin aksesin për te skedarët.
Kur skedarët e ndarë mund të modifikohen, ndryshimet e të gjithëve përditësohen automatikisht. Në varësi të aplikacionit, përdoruesit mund të duhet ta rihapin skedarin ose të prekin te lidhja origjinale për të shikuar ndryshimet e fundit.
Për informacione për konfigurimin e iCloud Drive, shikoni Përdorimi i iCloud Drive në iPhone. Për informacione për shikimin dhe organizimin e skedarëve në iCloud Drive, shikoni Shfaqja e skedarëve dhe e dosjeve te Files në iPhone dhe Organizimi i skedarëve në dosje në iPhone.
Ftesa personave me Apple ID për të modifikuar një skedar
Nëse keni në zotërim një skedar, mund t'i lejoni personat me Apple ID ta hapin, shikojnë e modifikojnë skedarin në iCloud Drive.
Prekni dhe mbani të shtypur skedarin.
Prekni Share, pastaj prekni
.Zgjidhni një metodë për dërgimin e një lidhjeje për te një skedar.
Futni çdo informacion tjetër të kërkuar dhe më pas dërgoni ose postoni ftesën.
Për të hapur skedarin, personat që ftoni duhet të identifikohen në iCloud me një Apple ID.
Ftesa për këdo që të hapë një skedar
Nëse keni një skedar në iCloud Drive, mund ta ndani me të tjerët, duke përfshirë edhe personat që nuk kanë Apple ID.
Prekni dhe mbani të shtypur skedarin.
Prekni Share, pastaj prekni
.Prekni Share Options.
Prekni “Anyone with the link”.
Ky cilësim lejon këdo që ka lidhjen ta hapë skedarin. Askujt nuk i kërkohet të identifikohet në iCloud.
Për t'u penguar të gjithëve modifikimin e skedarit, prekni “View only.” Për t'ua lejuar të gjithëve modifikimin e skedarit, prekni “Can make changes.”
Prekni Add People (në krye të ekranit).
Zgjidhni një metodë për dërgimin e lidhjeve për te skedari, fusni çdo informacion tjetër të kërkuar dhe më pas dërgoni ose postoni ftesën.
Ftesa për më shumë persona që të shfaqin ose të modifikojnë një skedar
Nëse keni tanimë një skedar të ndarë në iCloud Drive dhe aksesi i skedarit është caktuar në “Only people you invite”, mund të ftoni më shumë persona për ta ndarë skedarin.
Prekni dhe mbani të shtypur skedarin.
Prekni Share, pastaj prekni
.Prekni Add People.
Zgjidhni një metodë për dërgimin e një lidhjeje për te një skedar.
Futni çdo informacion tjetër të kërkuar dhe më pas dërgoni ose postoni ftesën.
Ndryshimi i cilësimeve për aksesin dhe lejet për një skedar
Nëse jeni zotëruesi i një skedari të ndarë në iCloud Drive, mund ta ndryshoni aksesin për skedarin në çdo kohë. Sidoqoftë, kjo prek të gjithë ata me të cilët e ke ndarë lidhjen.
Prekni dhe mbani të shtypur skedarin.
Prekni Share, pastaj prekni Share Options.
Kryeni një nga më poshtë:
Ndryshoni aksesin: Nëse e ndryshoni cilësimin nga "Anyone with the link" në "Only people you invite", lidhja origjinale nuk funksionon më për askënd dhe vetëm personat që marrin një ftesë nga ju mund ta hapin skedarin. Ata duhet të identifikohen në iCloud me një Apple ID.
Ndryshoni lejet: Zgjidhni cilësimin e lejeve që dëshironi. Kur ndryshoni cilësimin e lejeve, kushdo që e ka skedarin e hapur kur ndryshoni lejen do të shikojë një sinjalizim. Cilësimet e reja hyjnë në fuqi kur ata të skartojnë sinjalizimin.
Ndryshimi i lejes për skedarin ose heqja e aksesit për një pjesëmarrës
Nëse jeni zotëruesi i një skedari të ndarë në iCloud Drive dhe aksesi i skedarit është caktuar në “Only people you invite”, mund ta ndryshoni lejen për skedarin për një individ pa ndikuar te leja për të tjerët. Gjithashtu mund ta hiqni aksesin për individin në këtë skedar.
Prekni dhe mbani të shtypur skedarin.
Prekni Share, pastaj prekni
.Prekni emrin e personit dhe më pas zgjidhni një opsion.
Ndalimi i ndarjes së një skedari
Nëse jeni zotëruesi i një skedari të ndarë në iCloud Drive, mund ta ndaloni ndarjen për të.
Prekni dhe mbani të shtypur skedarin.
Prekni Share, pastaj prekni
.Prekni Stop Sharing.
Kushdo që e ka skedarin të hapur kur ndaloni ndarjen, shikon një sinjalizim. Skedari mbyllet kur largohet sinjalizimi dhe skedari hiqet nga iCloud Drive i pjesëmarrësit, si dhe lidhja për te skedari nuk punon më. Nëse më vonë e ndani përsëri skedarin dhe e caktoni aksesin në “Anyone with the link”, lidhja origjinale do të funksionojë. Nëse aksesi është caktuar në “Only people you invite”, lidhja origjinale funksionon përsëri vetëm për personat që ftoni përsëri për të ndarë skedarin.
Dërgimi i një lidhjeje të një skedari për më shumë persona
Nëse aksesi për te një skedar në iCloud Drive është caktuar në “Anyone with the link”, mund t’u jepni personave të rinj akses në skedar duke u dërguar lidhjen e skedarit.
Prekni dhe mbani të shtypur skedarin.
Prekni Share, prekni
, pastaj prekni Send Link.Zgjidhni një metodë për dërgimin e lidhjes, vendosni çdo informacion tjetër të kërkuar, pastaj dërgoni ose postoni ftesën.