Mus-ci

Mus-ci
Bryophyta
	;
Tasonomia
Superregno	Eukaryota
Regno	Plantae
Subregnum	Viridiplantae
Divisione	Bryophyta ; Schimp., 1879

I mus-ci łe ze piante picenine privae de tesuo vascołare apartegnenti a ła divizion Bryophyta, che ła conta sirca 10.000 spece difondeste in tuto el mondo, prinsipalmente inte łe àree de bosco e longo i fiumi, andove ghe ze na prevałensa de onbria (sciafilia) e l'umidità.

Caraterizai da fusti poco desvilupai e struture a forma de foja, i se prezenta cofà menbri pì evołui e vołumenozi de ła ex divizion Briophyta podendo rivar a estension de 20 cm (fin a 50 par el mu-scio tropegałe Dawsonia superba).

Racuante spece (Sphagnum spp.) no łe contien clorofiła ma i połe imagazinar inte i so tesui grande cuantità de lìcuidi par osmozi.

Clasifegasion

Tradisionalmente, ła divizion Bryophyta ła njien sudividesta in trè clasi:

Bryopsida, al cuało ghe fa parte tute łe spece de mus-ci;
Anthocerotopsida, al cuało ghe fa partele antocerote
Marchantiopsida, al cuało ghe fa parte łe epatiche

Descuerte bio-mołecołari dei ùltemi ani, i ga sertifegà che el grupo de łe briofite łe rezulta èsar parafiłètego. Par sta motivasion łe trè clase łe ze stae ełevae cadauna al rango de divizion: Bryophita (inte el novo senso), Anthocerotophyta e Marchantiophyta. De consevensa, segondo ła moderna clasifegasion cuà adotada^[1], ła divizion Bryophyta ła ze costituia da sołe spece de mus-ci e ła clase Bryopsida ła ghene raprezenta uncó solché na parte e miga pì ła totałità:

Divizion Bryophyta

Clase Takakiopsida
- Órdene Takakiales
Clase Sphagnopsida
- Órdene Protosphagnales †
- Órdene Sphagnales (ved Sphagnum)
- Órdene Ambuchananiales
Clase Andreaeopsida
- Órdene Andreaeales
Clase Andreaeobryopsida
- Órdene Andreaeobryales
Clase Oedipodiopsida
- Órdene Oedipodiales
Clase Polytrichopsida
- Órdene Polytrichales
Clase Tetraphidopsida
- Órdene Tetraphidales
Clase Bryopsida
- Sotoclase Diphysciidae
- Sotoclase Funariidae
- Sotoclase Dicranidae
- Sotoclase Bryidae
  - Superórdene Bryanae
  - Superórdene Hypnanae
  - Superórdene Rhizogonianae

Curiozità

Ghe ze un rełìchio de na spece fòsiłe, prezente finmente da ła ùltema jasasion : ła Paludella squarrosa, inte ła pałù de Santa Catarina de Valfurva e in altri lioghi intrà łe Alpe, el ze prezente so na superfise de calche metro cuadro, in mezo a łe cavane.

Notasion

↑ Buck, William R. & Bernard Goffinet. 2000. "Morphology and classification of mosses", pages 71-123 in A. Jonathan Shaw & Bernard Goffinet (Eds.), Bryophyte Biology. (Cambridge: Cambridge University Press). ISBN 0-521-66097-1.

Altri projeti

Wikimedia Commons el detien imàjini o altri file so Bryophyta
Wikispecies el detien informasion so Bryophyta
Scholia el detien schemi gràfeghi so Mus-ci

Linganbi foresti

(EN) mossEnçiclopedia Britannica, Encyclopædia Britannica, Inc.
(EN, FR) Mus-ciEnçiclopedia canadese.
(EN) BryopsidaFossilworks.org.

Controło de autorità	LCCN (EN) sh85087489 · GND (DE) 4166892-3 · BNF (FR) cb11983173q (data) · NDL (EN, JA) 00570784

[1] Buck, William R. & Bernard Goffinet. 2000. "Morphology and classification of mosses", pages 71-123 in A. Jonathan Shaw & Bernard Goffinet (Eds.), Bryophyte Biology. (Cambridge: Cambridge University Press). ISBN 0-521-66097-1.

[1]