Fejer

Fejer-agjan kart

Fejer (mad'j.: Fejér megye [ˈfɛjeːr]) om üks' Mad'jaranman agjoišpäi. Sen administrativine keskuz da kaikiš suremb lidn om Sekešfehervar.

Geografijan andmused

Agj sijadase valdkundan keskuzpalan päivlaskmas, Dunai-jogen oiktal randpolel. Röunatab kudenke agjanke: Peštanke päivnouzmas, Bač-Kiškunanke suvipäivnouzmaižes čogas, Tol'n-agj levigandeb suves, Šomod'-agj sijadase suvipäivlaskmas, Vesprem-agj om päivlaskmas, Komarom-Estergom om pohjoižes.

Reljef om erazvuitte: tazangišt levitase suves, toine pala om mägikaz (Bakon', Verteš-, Gereče-mäged). Velence-järv om populärižeks lebutahoks.

Pind om 4 358,45 km².

Administrativine jagand

Fejer-agjan rajonad vspäi 2013

Fejer-agj jagase ühesaks jarašaks (rajonaks). Edel vn 2013 administrativišt reformad kümne kišteršegad (rajonad) oli niiden sijas.

Lidnad

Neciš agjas om seičemetoštkümne lidnad:

• Ab (Aba)
• Adon' (Adony)
• Bičke (Bicske)
• Bodaik (Bodajk)
• Čakvar (Csákvár)
• Dunauivaroš (Dunaújváros, agjan toine järed lidn)
• En'jing (Enying)
• Erči (Ercsi)
• Gardon' (Gárdony)
• Martonvašar (Martonvásár)
• Mor (Mór)
• Pol'gardi (Polgárdi)
• Pustasabol'č (Pusztaszabolcs)
• Racal'maš (Rácalmás)
• Šarbogard (Sárbogárd)
• Sekešfehervar (Székesfehérvár) — administrativine keskuz
• Velence (Velence)

Lidnoihe ližaks, Fejeras om 89 žilod, niiden kesken 11 oma sured žilod.

Eläjad

Vn 2011 Mad'jaranman rahvahanlugemižen mödhe agjan ristitišt oli 425 847 eläjad, vl 2015 — 417 651 eläjad. Kaikiš suremb eläjiden lugu oli 420 317 ristitud vl 1980 i 434 317 ristitud vl 2001.

Uskondan mödhe (2011): riman katolikad — 35,4 %, kal'vinistad — 10,8 %, lüteranižusen polenpidajad — 1,7 %, grekan katolikad — 0,3 %, toižed uskojad — 1,4 %, religijatomad — 19,5 %, ateistad — 1,5 %, märhapanendata — 29,4 %.

Irdkosketused

• Agjan oficialine sait (fejer.hu). (mad'j.)