Haidu-Bihar

Haidu-Bihar-agjan kart

Haidu-Bihar (mad'j.: Hajdú-Bihar megye [ˈhɒjduː ˈbihɒr]) om üks' Mad'jaranman agjoišpäi. Agjan administrativine keskuz da kaikiš suremb lidn om Debrecen.

Administrativine ühtnik om sätud Toižen mail'man sodan jäl'ghe Haidu- i Bihar-agjoiden ühtištusel.

Geografijan andmused

Agj levigandeb valdkundan päivnouzmas. Röunatab Romanijanke päivnouzmas i nellänke agjanke. Keskdunain alangišt i step' ottas agjan tobjad palad. Znamasižed joged oma Tis i sen Köröš-ližajogi. Om kukhikahid tahondoid pohjoižes i pohjoižpäivnouzmas.

Pind om 6 210,51 km². Ristitišt — 537 268 eläjad (2015). Kaikiš suremb eläjiden lugu oli 551 448 ristitud vl 1980 i 552 998 ristitud vl 2001.

Administrativine jagand

Agjan rajonad vspäi 2013

Haidu-Bihar-agj jagase kümneks jarašaks (rajonaks). Edel vn 2013 administrativišt reformad ühesa kišteršegad (rajonad) oli niiden sijas.

Lidnad

Neciš agjas om kaks'kümne üks' lidnad:

• Bal'mazuivaroš (Balmazújváros)
• Berett'jouifalu (Berettyóújfalu)
• Biharkeresteš (Biharkeresztes)
• Debrecen (Debrecen) — administrativine keskuz
• Derečke (Derecske)
• Haidubösörmen' (Hajdúböszörmény)
• Haidudorog (Hajdúdorog)
• Haiduhadhaz (Hajdúhadház)
• Haidunanaš (Hajdúnánás)
• Haidušamšon (Hajdúsámson)
• Haidusoboslo (Hajdúszoboszló)
• Kab (Kaba)
• Komadi (Komádi)
• Letaverteš (Létavértes)
• Nadudvar (Nádudvar)
• N'jiradon' (Nyíradony)
• Pol'gar (Polgár)
• Püšpökladan' (Püspökladány)
• Teglaš (Téglás)
• Tisačege (Tiszacsege)
• Vamošperč (Vámospércs)

Lidnoihe ližaks, agjas om 82 žilod.

Irdkosketused

• Haidu-Bihar-agjan oficialine portal (hbmo.hu). (mad'j.) (angl.)