Peč (lidn, Mad'jaranma)

Peč
Pécs

Lidnanznam	Flag
Valdkund	Mad'jaranma
Eläjiden lugu (2016)	145,347 ristitud
Pind	162,61 km²
Pämez'	Žol't Pava (1994−1998, 2009—)
Telefonkod	+36−72
Aigvö	tal'vel UTC+1, kezal UTC+2

Lidnan sijaduz agjas i valdkundas (2017)

Peč (mad'j.: Pécs [ˈpeːtʃ], saks.: Fünfkirchen, horv.: Pečuh, latin.: Sopianae) om lidn Mad'jaranman suvipäivlaskmas. Se om valdkundan videnz' lidn eläjiden lugun mödhe, Baran'j-agjan pälidn.

Istorii

Kel'tan eländpunkt oli olmas 4. voz'tuhaspäi EME. Nügüdläine eländpunkt mainitase ezmäižen kerdan vl 871 Zal'cburgan dokumentoiš kuti Kvinke-Eklezie (latin.: Quinque Ecclesia) «viž jumalanpertid», nimitihe pet-sanal («viž») slavižiš kelišpäi.

Geografijan andmused

Avtobusmaršrutad lidnan kartal (2019)

Lidn sijadase 153 metrad ü.m.t. keskmäižel korktusel.

Matkad Budapešthasai om 200 km pohjoižpäivnouzmha raudtel vai E73-avtotel, Horvatijan röunhasai — 30 km suvhe.

Klimat om subtropine. Keza om päivoikaz lujas, tal'vaig om pil'vekaz. Voden keskmäine lämuz om +11,5 C°, kezakun-elokun +20,2..+22,0 C°, tal'vkun-uhokun +0,4..+2,1 C°. Ekstremumad oma −27,0 C° (viluku) i +41,3 C° (heinku). Kezaaigan minimum om +0,8 C° (kezaku), tal'vaigan maksimum om +20,9 C° (uhoku). Ei voi panda halad semendkus-sügüz'kus (sügüz'kun minimum om +0,4 C°). Paneb sadegid 671 mm vodes, enamba semendkus-sügüz'kus (64..83 mm kus), vähemba vilukus-keväz'kus (31..37 mm kus). Kun keskmäine relätivine nepsuz vajehtase 62..67 % röunoiš keväz'kus-uhokus, 82..85 % kül'mkus-vilukus.

Eläjad

Vl 2012 lidnan eläjiden lugu oli 156 801 ristitud. Kaikiš suremb lidnan ristitišt oli 170 039 eläjad vl 1990.

Sebruzlidnad

• Romanii Arad, Romanii (vspäi 2009)
• Francii Dižon, Francii (1966)
• Saksanma Fell'bah, Saksanma (1986)
• Avstrii Grac, Avstrii (1989)
• Francii Grenobl', Francii (1992)
• Romanii Kluž Napok, Romanii (1990)
• Pol'šanma Krakov, Pol'šanma (1998)
• Suomenma Laht, Suomenma (1956)
• Serbii Novi Sad, Serbii (2009)
• Horvatii Osijek, Horvatii (1973)
• AÜV Sietl, Vašington, AÜV (1991)

Partnörlidnad

• Francii Lion, Francii (1998)
• Horvatii Pul, Horvatii

Irdkosketused

• Lidnan oficialine portal (pecs.hu). (mad'j.)