clintchî

Walon (Rifondou)

Etimolodjeye

Tayon-bodje latén * « clinicare » (minme sinse) mot cité dins l’ FEW 2 784a.

Prononçaedje

• AFE :
  • diferins prononçaedjes : /klɛ̃.ˈt͡ʃiː/ /klɛ̃.ˈt͡ʃi/ /klɛ̃.ˈsiː/
  • prononçaedje zero-cnoxheu : /klɛ̃.ˈt͡ʃiː/  ^{aschoûtez lu}
• Ricepeures : clin·tchî

Viebe

Djin et tins	Codjowa
Cåzant Ind. pr. (dji, dj’)	clintche
Atôtchî(s) Ind. pr. (vos, vs)	clintchîz
Cåzants Ind. pr. (nos, ns)	clintchans
Rwaitants Ind. pr., nam. (i/il, ele/elle)	clintchnut
Cåzant Ind. fut. (dji, dj’)	clintchrè
Cåzant D.I.E. (dji, dj’)	clintchive
Cåzant Suddj. pr. (ki dji, dj’)	clintche
pårt. erirece (dj’ a, vos av)	clintchî
Ôtes codjowaedjes	come waitî

clintchî (2^inme troke) (codjowaedje)

1. (viebe å coplemint) mete di costé, toide.
   • Clintchîz on pô l’ coxhe ki dj’ poye coper ’ne peme.
   • Taijhîz vs ! Gn a l’ påte ki clintche li tiesse,
     Ca c’ est l’ amour kel mete al fiesse,
     L’ amour kil yi dene des frissons,
     L’ amour ki, so moens d’ ene sigonde,
     Seme li veye tot schoyant disconte
     Li smince ki frè djômyî l’ nourson !— Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).
   • Bea payis, temoen d’ totes mes djoyes,
     Por twè, dji clintche mi cour d’ efant— Joseph Vrindts, ”Vîx Lîge” (1901), p.34, “Walon d’vant tot !” (fråze rifondowe).
   • C’ est l’ franc riya des djoûs d’ prétins,
     Cwand l’ sourdaedje s’ abohnêye
     Et k’ afeye, po s’ moker do vint,
     On gros tchinne clintche si scheuve et xhaxhlêye. — Jules Claskin, « Airs di flûte et autres poèmes wallons », édition critique de Maurice Piron, 1956, « Prima vera », p.95-96 (fråze rifondowe).
2. (v. sins coplemint) end aler sol costé, po ene sacwè d’ astampé.
   • Il esteut tot ki clintchive sol costé, ci busket la. — Sintake Rimåke (fråze rifondowe)..
   • Les sourds qu’ arouflént di so les dzeurs, sussinént des doûs råtchås, ås pas d’ ågne, ås florins d’ ôr, clintchît dzeu s’ corant— Joseph Mignolet, Li payis des soteas (1926), p.41-42 (fråze rifondowe).
3. (v. sins coplemint) roter d’ triviè.
4. (v. sins coplemint) aler d’ triviè, èn nén bén roter.
5. (viebe å prono) si leyî aler sol costé.
   • Li viye grand-mere, k' e-st a li stouve, s' awinne, påjhûle, viè Houbert, et, tot s' clintchant po djåzer a si ptit-fi, ele mete si bea vizaedje di viye feme e plinne loumire— Joseph Vrindts, "Racontules et råtchåds" (1920), p.179; "Mârtin" (fråze rifondowe).
   • Li lune, inte bijhe et vint, boutéve si crexhant d' soye,
     Al betchete des ploråds ki s' clintchèt dzeu l' vivî— Joseph Mignolet, "Fleûrs di prétins", p.23 (1929), "Vèsprêye" (1915) (fråze rifondowe).
   • L' Ônea ki vs veyoz la tot ctoirtchî dvins ses coxhes,
     Et ki s' clintche padzeu l' rew ki passe tot glawzinant ;
     S' a si télmint sôlé del friscåde di s' corant
     K' il est divnou fôkak et n' est pus a ricnoxhe
     — Louis Lagauche, "L' inmant" (1947), p. 74 (fråze rifondowe).

Ratourneures

1. gn a rén ki clintche: i gn a nou difåt
   • Dj’ a passé avou mi oto d’ shijh ans å controle, mins gn aveut rén ki clintchive.
2. si clintchî l’ pî : si toide li pî.
3. fé clintchî l’ prumî på.
   • On n’ a nén co polou fé clintchî l’ prumî på
     K’ al vude, on khosse èn ôte et k’ on n’ est co nole pårt. — Jules Claskin, « Airs di flûte et autres poèmes wallons », édition critique de Maurice Piron, 1956, « Pasquèye », 1922, p.109 (fråze rifondowe).

Parintaedje

• clintchaedje
• clintcheu
• clintcha, Clintcha
• clintchant

Mots d’ aplacaedje

• Clintchamp

Sinonimeye

• aler, esse di biyaire, di cresse, di sclimboigne, di triviè
• hertchî, haetchî, saetchî

Ortografeyes

Divant 1900 :

• cleinchi : E177 (1823)
• cleîchi : E177 (1823)
• clinchi : E212 ^(lére)

Après 1900, foû rfondou (Feller, Feller ricandjî, nén Feller) :

• clintchî : E1, E212b, O4
• clinsi : O2, C8

E rfondou walon :

• clintchî : R10 ^(lére), R13

Ratournaedjes

end aler sol costé

• Francès : pencher ^(fr), incliner ^(fr)
• Gåmès : pentchi

Pårticipe erirece

clintchî omrin

1. Pårticipe erirece omrin do viebe "clintchî".

Addjectif

	singulî	pluriyal
omrin	clintchî	clintchîs
femrin padrî	clintcheye	clintcheyes
femrin padvant	clintcheye	clintcheyès

1. k’ est d’ triviè, sol costé.
   • Dj’ end a djamåy pont cnoxhou po si bén scrire e ronde, tot droet, avou des clintchîs djambaedjes e-n imprimé, tot çk’ on vleut. — Auguste Laloux (fråze rifondowe).
2. k' a l' coir, li tiesse baxhî so ene sacwè.
   • A djnos, clintchî so li ptite banse
     Wice ki doime mi fråjhûle tcheyance,
     Et tronnant d' mel vey co noper,
     Dji m' di : « L' amour n' est k' ene schûfêye,
     Li meyeu båjhe c' est l' cisse di m' feye ! »— Martin Lejeune, "Œuvres lyriques du poète Martin Lejeune" p. 119, "Lu mèyeû båhe".

Ratourneures

1. clintcheyès letes : letes metowes di costé.