Biyaya sa Likod

ng Trahedya
ni: Jodelyn
B. Rios
Tagpuan 1: Sa tambayan

Tagapagsalaysay: Isang araw, inaya si Isko ng kanyang kabarkada sa isang munting salo-salo at
kasiyahan doon sa kabilang barangay na di kalayuan sa kanila.
Alvien: Pare, punta ka sa amin bukas, kaarawan ko. May konting salo- salo tayo.
Isko: Sige pre. Magpapaalam lang ako sa inay.
Badet: Sus. Baka naman magpapaalam tapos hindi ka pupunta. Porket nalayo ka lamang ng
bahay e nakalimot ka na. hahahaha.
Isko: hindi naman par. Kahit ako’y napalayo e hindi naman ako nakakalimot. Pupunta ako
bukas.
Alvien: Siguraduhin mo ha at iyon ay kaarawan ko. Minsan lamang iyon.

Kinabukasan ng hapon…

Tagpuan 2: Sa bahay

Isko: Inay, aalis po muna ako. Uuwi din po ako agad.

Aling Fely: Pasaan ka na naman Isko?
Isko: Doon lamang ako inay kina Alvien. Kaarawan kasi. E, minsan lamang naman po.
Aling Fely: Ako'y tigil-tigilan mo Isko. Siguraduhin mo lamang at di ako nakakatulog ng ayos
kapag kayo e wala pa dito sa bahay
Isko: Opo inay. Uuwi din po ako agad. Maaga ba?
Aling Fely: Aba’y alangan.
Isko: Ay siya, bukas ng umaga ako uuwi. Hahaha.
Aling Fely: Umayos ka. Umuwi ka kaagad.
Tagapagsalaysay: Maayos na umalis si Isko na may ngiti sa labi. Subalit, alas – 8 na ng gabi ay
wala pa rin si Isko. Balisang tinatanaw ni Aling Fely ang bintana subalit walang anino ni Isko
ang mababanaad.
Aling Fely: Aya! Aya!
Aya: Inay, ano po iyon?
Aling Fely: Wala ka bang matatawagan doon sa Sta. Isabel. Itanong mo kung nandoon pa si kua
Isko mo.
Aya: Inay wala naman po ako matatawagan doon e. sinubukan ko na po na po kontakin si
Clarisse pero wala po sumasagot.
Aling Fely: Wala pa rin si kuya mo. Nag- aalala na ako.
Aya: Intayin niyo lang inay. Matulog na muna kayo.
Aling Fely: Hintayin ko nalang. Matulog ka na ulit.
Tagapagsalaysay: Maya maya pa ay isang malakas na boses ng lalaki ang gumising sa
sambahayan.
Dingdong: Aling Fely! Aling Fely!
Aling Fely: Ano iyon Dingdong? Bakit hangos na hangos ka?
Dingdong: Huwag po kayo mabibigla Aling Fely.
Aya: Ano po iyong Kuya Dingdong?
Aling Fely: Sabihin mo na kaagad sa akin Dingdong kung ano nga iyon? Pinapakaba mo ako.
Dingdong: Ahm…Ahm… Naaksidente po si Isko. Dinala po siya sa ospital. Ipaghanda niyo po
siya ng mga damit.
Aling Fely: Ano iyang sinasabi mo? Nagbibiro ka ba? Huwag mo naman ako biruin.
Dingdong: Totoo po Aling Fely. Nakita po naming siya na nakahandusay doon sa may malapit
sa puno ng niyog, duguan. Kaya’t tinawagan po namin agad si Mang Juli.
Aya: Kuya Dingdong, si kuya po ba talaga iyon? Hu..hu..hu..
Aling Fely: Nasaan na ngayon si Isko? Kamusta ang kalagayan niya?
Dingdong: Wala pa po kaming balita. Pero naisugod na po siya sa ospital.
Tagapagsalaysay: Napahagulhol na lamang ang mag- iina ni Aling Fely ay Aya sa balitang
narinig. At doon nagsimula ang bangungot ng masakit na trahedya.

Aling Fely: Bakit? Ba…ba…kit naman nangyari iyon?

Dingdong: Aling Fely, huwag po kayong umiyak. Baka kayo naman ang mapaano. Magiging
maayos din po si Isko.
Aya: Inay, tahan na kayo. Magiging maayos din si kuya.
Aya: Kuya Dingdong, saglit lamang po. Ako na po ang kukuha ng mga gamit ni kuya.
Dingdong: Sige Nene, aantayin ko. Kumalma lanng kayo ni nanay mo. Kayang lampasan iyon
ni kuya Isko mo.
(pagkatapos ng ilang minuto)
Aya: Ito na po iyong gamit ni kuya.
Dingdong: Uuna na po ako Aling Fely. Mamaya po ay babalitaan ko po kayo.
Aling Fely: Salamat Dingdong. Tumawag kayo sa numero ni Aya. Huhuhu..

Tagpuan 3: Sa ospital

Doktor: Pasensya na po kayo. Sinubukan po naming irevive ang pasyente subalit di niya na po
kinaya.
Mang Juli: Wa…wa…la na po talaga? Diyos ko!
Doktor: Pasensya na po talaga. Wala na po tayo magagawa.
Dingdong: Tay Juli. Lakasan niyo ho loob niyo. Wala po tayong magagawa. Hanggang doon na
lamang po talaga.
Mang Juli: Dios ko! Bakit nagkaganoon? Ambilis ng pangyayari. Ayos pa siya kanina umaga e.
huhuhu.

Tagpuan 4: Sa bahay

Tagapagsalaysay: Sa matinding pag- aalala ng mag- inang si Aya at Aling Fely, biglang
tumunog ang telepono at agad itong sinagot ni Aya.
Aya: Helow? Sino po ito?
Dingdong: Neng, layo ka sa nanay mo.
Aya: Bakit po?
Dingdong: Neng…wag kang mabibigla…ahm..ahm…wala na si kuya mo!
Aya: Huhuhu..Totoo po ba ang sinasabi niyo? Wala na po si kuya? Huhuhu.
Dingdong: Oo neng. Wala na nagawa ang mga doctor sa kuya mo. Di na siya nakaabot sa
ospital.
Aya: Dios ko! Kuya ko! Kuya ko!
Tagapagsalaysay: Sa pagkakahandusay ni Aya sa sahig ay patakbong lumapit si Aling Fely sa
anak at kinuha ang telepono.
Aling Fely: Helow? Anong nangyari?
Aya: Nay! Huhuhu…Nay!
Aling Fely: Helow? Anong nangyari!?
Dingdong: Aling Fely! Wala na po si Isko.
Aling Fely: Dios ko! Wala na talaga?! Ha? Wala na talaga!?
Dingdong: Magpakatatag po kayo!
Tagapagsalaysay: Napalumpasay na lamang si Aling Fely at Aya sa puntong iyon. Iyon ay
lumipas na parang isang bangungot. Kinaumagahan ay umuwi na rin galing sa Maynila ang isa
pang anak ni Aling Fely at kapatid ni Aya na si Kuya Jun nang mabalitaan ang nangyari. Sa pag-
uwi nito ay nabalot ng luha ang buong sambahayan.
Kuya Jun: Nay, Aya!
Aya: Kuya, anong gagawin natin? Wala na si Kuya Isko!
Kuya Jun: Bakit naman nangyari iyon? Nakainom ba siya?
Aya: Hindi naman daw siya lasing e sabi ng mga kaibigan niya.
Kuya Jun: E bakit nangyari iyon? Dapat di na siya pinayagan umalis. Dios ko!
Aya: Kuya si nanay e kanina pa di kumikibo. Hinihintay pa din ang pag- uwi dito ni kuya Isko.
Kuya Jun: Nay, andito na ho ako. Magpakatatag kayo inay! Andito pa po kami ni Aya.
Aling Fely: Bakit si kuya mo pa? Di nalang ako ang kinuha, Bakit siya pa?
Kuya Jun: Inay wag niyo sabihin yan! E paano kami ni Aya kung kayo ang mawawala sa amin.
Inay may dahilan ang Diyos. Magpakatatag kayo para sa amin na natitira. Huhuhu.
Aya: Nanay, mas di naming kaya kapag kayo ang Nawala sa amin. Parang awa niyo na po.
Magpakatatag kayo inay!
Tagapagsalaysay: Maya- maya pa ay dumating na rin si Aling Juli kasama ang bangkay ni Isko.
Labis ang pagluha ni Mang Juli at ng buong pamilya habang dahan- dahang ibinababa ang
bangkay. Sa pagpasok nito sa loob ng tahanan ay di napigilan ni Mang Juli ang mapahandusay sa
sahig sa sobrang hinagpis.
Mang Juli: Isko! Isko! Dios ko! Bakit ka Nawala sa amin!
Aya: Tay! Tay!
Mang Juli: Sino na lamang ang aasahan kong tutulong sa akin?! Anak!
Kuya Jun: Tay, nandito pa po kami. Tatagan niyo naman po ang loob niyo.
Aya: Tay, wala na po si kuya! Di po namin kaya kapag kayo rin e mawala pa sa amin. Tahan na
kayo tatay.
Tagapagsalaysay: Ang lamay ni Isko ay dinaluhan ng maraming kaibigan at kamag- anak. Ito ay
nagging pawang pista sa dami ng taong nakiramay.
CLefford: Nanay Fely, nakikiramay po kami.
Alvien: Ako rin po ante.
Badeth: Nakikiramay kami Aling Fely. Napakabait po ni Isko. Di po naming akalain na
magkakaganito. Nagbibiruan lang kami kahapon e.
Aling Fely: Salamat sa inyo. Hindi ko alam kung paano ko kayo iintindihin. Umupo nalang kayo
diyan.
Clefford: Ayos lang nay Fely. Kayo ho e magpahinga rin. Puyat na po kayo sa ilang araw.
Aling Fely: Hindi. Kaya ko pa. babantayan ko si Pare niyo dito.
Aya: Nay, ako na po muna magbabantay. Magphinga na po muna kayo.
Aling Fely: Hindi ako makatulong nene. Okey lang ako dito. Intindihin mo nalang ang mga
bisita.

Tagapagsalaysay: Makalipas ang ilang araw na lamay ay humatong na ang pamilya sa

paghahatid kay Isko sa huli nitong hantungan.

Tagpuan 5: Sa sementeryo

Aling Fely: Anak, paalam! Huhuhu. Kami ay lagi mo babantayan! Mahal na mahal ka namin.
Mang Juli: Isko, wag mo na kami aalalahanin ha? Ikaw ay makakapagpahinga na. kami ay
magiging okey dito. Di ka naming makakalimutan.
Aya: Kuya, paalam. Salamat sa lahat. Wala nang mangangamusta sa akin sap ag- aaral ko at
kung kumain na ako. Mahal na mahal ka naming kuya.
Kuya Jun: Kuya patawad at nahuli ako. DI man lang kita naabutan nang buhay. Mahal na mahal
ka naming.
Tagapagsalaysay: Pagkatapos ng libing ay nabalot na ng kalungkutan ang buong sambahayan.
Pagkatapos ng ilang buwan…

Aya: Ken, buntis ako!

Ken: Talaga?! Magkakaanak na tayo?
Aya: Oo. Pero natatakot akong sabihin kina nanay.
Ken: Bakit ka matatakot? Sabihin mo na habang maaga pa. Tsaka, pananagutan naman kita e.
Aya: Alam ko. Pero kelan lang namatay si Kuya Isko. Baka madismaya sila sa akin.
Ken: Wag mo na isipin yan. Ang isipin mo ay ang anak natin. Paano kung mapaano yan kasi
hindi nila alam?
Aya: Sige, hahanap lang ako ng Magandang pagkakataon na sabihin sa kanila.

Tagpuan 6: Sa kusina

Aya: Nay.
Aling Fely: Ano yun anak?
Aya: ahm…ahm…
Aling Fely: Anong problema anak? Bakit ka umiiyak?
Aya: Nay! A…a…ahm…
Aling Fely: Ano nga iyon Aya?
Aya: Nay buntis po ako! Huhuhu.
Tagapagsalaysay: Nabalit ng katahimikan ang paligid sa mga sandalling iyon. Walang umiimik.

pagkalipas ng ilang minuto…

Aling Fely: Nakapagpacheck- up ka na?

Aya: Opo inay! Sorry po kung hindi ko agad nasabi sa inyo.
Tagapagsalaysay: Maya- maya pa ay dumating na rin si Mang Juli galing sa bukid
Aling Fely: Juli, pumunta ka dito!
Mang Juli: Bakit?
Aling Fely: Buntis daw ang anak mo.
Mang Juli: E ano kung buntis. Matanda na ang anak mo. Alam niya na ginagawa niya. Alam na
ba yan ni Ken?
Aya: Opo tatay. Sorry po kung nadismaya kayo sa akin.
Mang Juli: May tiwala ako s aiyo at alam kong nasa tamang edad ka na anak.
Aya: Salamat po.
Aling Fely: Tawagan mo ang pamilya ni Ken para makapag- usap usap kami.
Aya: Opo nanay.
Tagapagsalaysay: Kinabukasan din ay dumating ang buong pamilya ni Ken at nag- usap ang
dalawang parte.
Shella: Maganda araw ho Mang Juli at Aling Fely. Pasensya na po at bigllaan ang aming
pagparito.
Aling Fely: Okey lamang naman.
Shella: Kami ho ay nangangako naman na hindi ho naming papabayaan si Aya at di ho siya
papabayaan ni Ken.
Mang Juli: Alam naman namin iyon. Sadyang kayo ay pinapunta lamang namin para pormal na
makapag- usap tungkol sa dalawang bata.
Tipay: Tatay, nanay. Wag po kayo mag- alala at kami naman ho ay walang problema kay Aya.
Gusting gusto po naming yan.
Aling Fely: Salamat naman kung ganoon.
Tagapagsalayay:Matapos magpulong ng dalawang pamilya ay nagtungo si Aling Fely kung
nasaan si Aya.
Aling Fely: Aya, anak.
Aya: Ano po iyon inay?
Aling Fely: Wag mo pababayaan ang anak mo ha?
Aya: Opo naman inay.
Aling Fely: Siguro nga iyan ay ipinagkaloob ng Diyos sa atin bilang kapalit ni kuya mo.
Aya: inay, hinding hindi naman po mapapalitan si kuya. Pero alam ko po na ito ay hinayaan ng
Diyos na dumating para maaliw tayo sa pagkawala ni kuya.
Aling Fely: Siguro nga. Mabait pa rin ang Diyos.
Makalipas ang ilang buwan…

Aya: Ken, ang panubigan ko!

Ken: Bakit!? Anong nangyari?
Aya: Pumutok na ang panubigan ko.
Ken: Naku! Kailangan na natin pumunta sa ospital! Lalabas na ang bata.
Aya: Tawagin mo sina nanay.
Ken: ah…oh…o sige!
Aya: Huminga ka Ken. Okey lang ako. Kumalma ka nga!
Ken: Kalmado naman ako. Hahaha.

Tagpuan 7: Sa ospital

Nars: Sir, pakihanda po ng damit ng bata ng pasenteng si Aya Rios. Nasa delivery room na po
siya.
Ken: Talaga po?
Aling Fely: Naku! Lalabas na ang apo natin Juli.
Mang Juli: Ken, ano oras daw lalabas ang apo ko.
Ken: Di pa po alam tay pero nasa delivery room na po siya.

pagkatapos ng 10 minuto

Nars: Sir, kukunin ko na ang gamit ng bata. Nakalabas na po ang bata, babae po. Abangan niyo
na lamang at maya- maya e andiyan na! Congratulations po!
Ken: Salamat po!
Aling Fely: Ano daw ken ang sabi ng nars?
Ken: Nay nakalabas na daw po ang bata. Maya- maya po e andiyan na.
Mang Juli: Nakakatuwa naman! Makikita na natin apo natin.
Tagapagsalaysay: pagkalipas ng ilan pang sandali ay dumating na ang sanggol. Ang sanggol na
ngayon ay naghahatid ng saya sa kanyang buong pamilya. Ang dating malamlam na tahanan ay
nagbalik na muli sa dati nitong makulay na mundo.