Ē-mn̂g-chhī
 | 這篇文章有漢字兮版本。 參考這篇文章兮漢字版本。 |
| Ē-mn̂g-chhī | |
| — Hù-séng-kip siâⁿ-chhī — | |
| 厦门市 | |
 Ē-mn̂g-chhī
|
|
 |
|
  Ē-mn̂g-chhī |
|
| Keng-hūi-tō͘: 24°28′47″N 118°05′20″E / 24.4796°N 118.0889°E | |
| Kok-ka |  Tiong-kok
|
|---|---|
| Séng | Hok-kiàn |
| Chèng-hú só͘-chāi | Su-bêng-khu |
| Bīn-chek | |
| - Lóng-chóng | 1,912 km2 |
| - Thó͘-tē | 1,700.61 km2 |
| - Chúi-bīn | 333 km2 |
| Jîn-kháu (2022) | |
| - Lóng-chóng | 530.8 bān lâng |
| - Bi̍t-tō͘ | 3,121 lâng/km2 |
| Sî-khu | Tiong-kok Piau-chún Sî-khu (UTC+8) |
| Iû-piān hō-bé | 361000 |
| Tiān-oē khu-bé | 0592 |
| Chhia-pâi hō-bé | 闽D |
| Bāng-chām | www.xm.gov.cn |
Ē-mn̂g-chhī (kán-thé hàn-jī: 厦门市, thoân-thóng hàn-jī: 廈門市) sī lâm Tiong-kok Hok-kiàn-séng hái-hoāⁿ Bân-lâm tē-tāi ê 1 ê hù-séng-kip siâⁿ-chhī. Ē-mn̂g hù-kūn ū Chiang-chiu, Choân-chiu. Ē-mn̂g chá-kî tī kok-chè bú-tâi ê miâ-chheng hō-chòe Amoy; che sī kun-kù Bân-lâm-gú ê hoat-im. Hiān-chú-sî Amoy kap āu-lâi ê Xiamen (Hôa-gú hoat-im) lóng ū lâng īng.
Tē-lí
[siu-kái | kái goân-sí-bé]Hiān-chú-sî, Ē-mn̂g ū 6 ê khu tī Tāi-lio̍k. Ē-mn̂g-tó óa-kīn Kim-mn̂g, sī Hok-kiàn tē-4-tōa tó.
Ē-mn̂g ê khì-hāu sǹg sī a-jia̍t-tāi hêng, pêng-kun khì-un iok-lio̍k 21-tō· Celsius.
Ē-mn̂g-chhī ê cho̍at-tùi tē-lí ūi-tì tòa-leh tang-keng 118°04'04", pak-úi 24°26'46" hù-kīn. Khu-he̍k hōan-ûi pau-koat Ē-mn̂g-tó, Kó·-lōng-sū, tāi-lio̍k ê Tâng-oaⁿ, Chi̍p-bí, Hái-chhng, Siông-an kah kî-thaⁿ chōe-chōe hái-siōng ê sió tó-sū.
Jîn-kháu
[siu-kái | kái goân-sí-bé]Kàu 2022 nî-bóe, ē-mn̂g-chhī lóng-chóng ū 530.8 bān lâng[1].
Keng-chè
[siu-kái | kái goân-sí-bé]2022 nî ê pêng-kin GDP: ¥147,778 (iok-liok US$20,752). 659 ê Tiong-kok siâⁿ-chhī pâi tē-3-miâ.[2]
Le̍k-sú
[siu-kái | kái goân-sí-bé]
Tī se-goân 282 nî, Ē-mn̂g sī Tâng-oaⁿ-koān (Hàn-jī:同安縣), sio̍k Chìn-an-kūn (晉安郡). Tī 1387 nî Bêng-tiâu iōng Ē-mn̂g chò phah hái-chha̍t ê ki-tē. Hit-chūn sio̍k-î Choân-chiu. Tēⁿ Sêng-kong tī 1650 nî tiàm hia khiā-khí, jī-chhiáⁿ kā miâ kái chò Su-Bêng-chiu (思明洲). Put-jî-kò Boán-chheng tī 1680 nî koh-chài kā miâ kái tńg-khì Ē-mn̂g. 1912 nî Sin-hāi Kek-bēng liáu-āu Su-Bêng pìⁿ-chò 1 ê kōaiⁿ-miâ (?). Chóng-sī bô-kàu 1 tang koh kái tńg-khì Ē-mn̂g-chhī. Tī 1949 nî Ē-mn̂g chiâⁿ-chò 1 ê séng-ha̍t-chhī, sòa-lo̍h-lâi seng-téng chò hù-séng-kip-chhī. Tī 1984 nî Ē-mn̂g chiâⁿ-chò 1 ê keng-chè-te̍k-khu.
Au-chiu-lâng tī 1541 nî tio̍h ū tī Ē-mn̂g chò seng-lí. 19 sè-kí ê Ē-mn̂g sī Tiong-kok chú-iàu chhut-kháu tê-bí ê káng-chhī, tì-tio̍h Au-chiu gí-giân khip-siu Hàn-gú ê kè-têng siū Ē-mn̂g-oē he̍k-chiá kî-thaⁿ ê Bân-gú éng-hióng. Khó-pí kóng: Amoy, tea (tê), cunshaw (kám-siā), ketchup(kê-chiap).
Tē-1-chhù (?) A-phiàn Chiàn-cheng liáu-āu chhiam ê Lâm-kiaⁿ Tiâu-iok (1842) iau-kiû khai-hóng Ē-mn̂g kap kî-thaⁿ 4 ê hái-káng, che to̍h-sī Tiong-kok le̍k-sú siōng ê "Ngó·-kháu thong-siong" .
Bûn-hòa
[siu-kái | kái goân-sí-bé]Chhiáⁿ cham-khó Bân-lâm bûn-hòa
Hêng-chèng tan-ūi
[siu-kái | kái goân-sí-bé]Ē-mn̂g-chhī ē-kha ū 6 ê khu.
- Hái-chhng-khu (海滄區)
- Ô͘-lí-khu (湖里區)
- Chi̍p-bí-khu (集美區)
- Su-bêng-khu (思明區)
- Tâng-oaⁿ-khu (同安區)
- Siông-an-khu (翔安區)
Su-bêng kap Ô͘-lí-khu tī Ē-mn̂g tó-lāi.
Tī 2003 nî 5 go̍eh, gôan-té ê Kó͘-lōng-sū-khu (鼓浪嶼區) kap Khai-gôan-khu (開元區) ha̍p-pèng kàu Su-bêng-khu. Hēng-lîm-khu (杏林區) kái-miâ chò Hái-chhng-khu. Siông-an-khu ùi Tâng-oaⁿ pun--chhut-lâi.
Chham-khó
[siu-kái | kái goân-sí-bé]- ↑ http://www.stats-xm.gov.cn/zwgk/ywtz/201602/t20160203_28039.htm Archived 2016-07-15 at the Wayback Machine.
- ↑ http://www.stats-xm.gov.cn/tjzl/tjfx/201602/t20160217_28057.htm Archived 2016-04-19 at the Wayback Machine.
| |||||||||||||||||||||||||||||||||||||||||||||||||||||
| ||||||||||||||||||||||
|