Bangkok
Bangkok (hurup Arab Gundul: بڠکوق) atawa Kota Déwa Mahanegara (hurup Arab Gundul: کوتا ديوا مهانݢارا; Siam: กรุงเทพมหานคร Krung Thep Maha Nakhon [krūŋ tʰêːp mahǎː nákʰɔ̄ːn]) atawa Kota Déwa (hurup Arab Gundul: کوتا ديوا; Siam: กรุงเทพ Krung Thep [krūŋ tʰêːp]) ièlah hopstad ama kota nyang paling ngebadeg orangnya di Muang-Tai. Ni kota nglingkup 1.568,7 km2 (605,7 mi2) di Muang-Tai Tenga èn keancer-ancer ada barang 10,539 juta orang nyang ngejogrog di mari tahon 2020, sembabad ama 15,3 prosènnya deri ni negara punya penjogrog kabèhan. Ada 14 juta lebi orang (22,2 prosèn) pernah tinggal di sekenaannya Daèrah Mètropolitan Bangkok di sènsus tahon 2010, nyang ngeja Bangkok jadi kota kebina-bina alaihim, nyang bikin sintrem-sintrem kotaan laènnya di Muang-Tai jadi kiatan kaya' reécé, baè' deri ukurannya kè', ama pentingnya tu kota ama atur banda negara kè'.