Robert Siodmak

Robert Siodmak
Bizitza
Jaiotza	Dresden, 1900eko abuztuaren 8a
Herrialdea	Alemania ; Ameriketako Estatu Batuak
Lehen hizkuntza	ingelesa
Heriotza	Locarno, 1973ko martxoaren 10a (72 urte)
Familia
Haurrideak	ikusi Curt Siodmak;
Hezkuntza
Hizkuntzak	alemana; ingelesa
Jarduerak
Jarduerak	film-zuzendaria, gidoilaria, zinema ekoizlea, aktorea eta errealizadorea
Lantokia(k)	Alemania
Lan nabarmenak	ikusi People on Sunday (en) ; Personal Column (en) ; The Killers;
Jasotako sariak	ikusi Berliner Kunstpreis (1958) ; Urrezko Hartza (1955) : Die Ratten (en) ;

Robert Siodmak (Dresden, Alemania, 1900eko abuztuaren 8a - Locarno, Suitza, 1973ko martxoaren 10a) Estatu Batuetako zinemagilea izan zen, jatorriz alemaniarra.

Biografia

1929an egin zuen lehen film luzea Curt Siodmak anaiarekin batera, Menschen am Sonntang, fikzioa eta dokumentala nahasten zituena.

Polizia-filmak egin zituen gero, harik eta 1933an, naziengandik ihesi, Alemania utzi eta Parisa erbesteratu zen arte. Parisen zortzi film egin eta 1940an Estatu Batuetara erbesteratu behar izan zuen.

Hollywooden hasi zen lanean anaiari esker; han genero beltzeko maisuetako bat izan zen. B saileko film batzuk egin ondoren polizia-filmak egin zituen, giro itogarri eta pertsonaia gogorrekoak, espresionismoaren eragina zutenak.

Garai hartakoak ditu filmik onenak: Phantom Lady (1944), The Suspect (1945, Susmagarria), The Spiral Staircase (1945), The Dark Mirror (1946, Ispilu iluna), The Killers (1946, Hiltzaileak), Cry of the City (1948, Hiriko oihua), Criss Cross (1949).

Polizia filmez gainera, abenturazko film bikain bat ere egin zuen, The Crimson Pirate (1952). Europara itzuli eta han egin zituen, besteak beste: Le grand jeu (1953), Die Ratten (1955), eta Katia (1959).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q51498
Multimedia: Robert Siodmak / Q51498