Patrick Bruun

Patrick Bruun

Biografía
Nacemento	(fi) Patrick Magnus Bruun 17 de abril de 1920 Helsinqui, Finlandia
Morte	30 de xuño de 2007 (87 anos) Turku. Finlandia
Catedrático historia
1968 – 1983
Datos persoais
País de nacionalidade	Finlandesa.
Educación	Universidade de Helsinqui.
Q89547790	Estudos de numismática romana.
Actividade
Campo de traballo	Numismática.
Ocupación	historiador
Empregador	Åbo Akademi
Familia
Cónxuxe	- Kyllikki Forssell. - Eva Ulli Margareta Aminoff.
Fillos	Christer Bruun
Pais	Magister Otto Bruun   e Elsa Bruun
Irmáns	Kettil Bruun
Premios
- (1974): Jeton de Vermeil (SFN). - (1980): Medalla da Royal Numismatic Society. - (1989): Medalla Huntington (ANS). - (1992): Medalla Gunnar Holst.

Patrick Magnus Bruun, nado o 17 de abril de 1920 en Helsinqui e finado o 30 de xuño de 2007 en Turku, foi un numismático finlandés especialista na moeda da Antiga Roma.

Traxectoria

Patrick Bruun era fillo de Otto Bruun e de Elsa Maria Inberg, e irmán do sociólogo Kettil Brunn. Graduouse en 1953 na Universidade de Helsinqui coa tese titulada The Constantinian Coinage of Arelate.

De 1952 a 1957 foi redactor cultural do xornal finlandés Nya Pressen, e entre 1957 e 1960 ocupou nese medio o posto de secretario de redacción.

Durante case dúas décadas (1956-1972) exerceu a docencia universitaria de Numismática Romana na Universidade de Helsinqui, cunha interrupción entre 1965 e 1968, cando foi director do Institutum Romanum Finlandiae, en Roma.

En 1968 foi chamado a ocupar a cátedra de Historia Xeral en Åbo Akademi, a universidade en lingua sueca con sede en Turku, onde exerceu a docencia ata 1983 e na que tamén exerceu o cargo de vicerreitor entre 1969 e 1975.

O interese principal das súas investigacións foi sempre a moeda romana, sinaladamente a da Antigüidade tardía. En 1966 saíu á luz o sétimo volume de Roman Imperial Coinage (RIC), de cuxa edición se responsabilizou Bruun, que abrangue as emisións monetarias do período entre Constantino I e Licinio (313-337 d. de C.).

Vida persoal

Canto á súa vida persoal, Patrick Bruun casou dúas veces, a primeira en 1945 coa actriz finlandesa Kyllikki Forssell, da que se divorciou en 1950, e a segunda (1953-1992) con Eva Ulli Margareta Aminoff.

Recoñecementos

Bruum foi nomeado membro correspondente do Instituto Alemán de Arqueoloxía (1979) e membro de honra da Sociedade Numismática Finlandesa (1989) e da Sociedade de Anticuarios de Londres (1990).

Premios

• (1974): Jeton de Vermeil, da Société française de numismatique.
• (1980): Medalla da Royal Numismatic Society, de Londres.
• (1989): Medalla Huntington, da American Numismatic Society, de Nova York.
• (1992): Medalla Gunnar Holst, da Fundación Numismática Gunnar Holst (Gunnar Holst Stiftelse för Numismatik), de Gotemburgo, Suecia.

Publicacións

Esta é unha escolma das monografías máis representativas de Patrick Bruun publicadas ao longo da súa traxectoria académica:

• (1953). The Constantinian Coinage of Arelate. Helsingfors, Helsinqui.
• (1961). Studies in Constantinian Chronology. American Numismatic Society, Nova York.
• (1966). The Roman Imperial Coinage. Vol. 7: Constantine and Licinius, A.D. 313–337. Spink, Londres.
• (1987). Die spätrömische Münze als Gegenstand der Thesaurierung. Mann, Berlín. ISBN 978-3786113805
• (1991). Studies in Constantinian Numismatics. Papers from 1954 to 1988. Institutum Romanum Finlandiae, Roma.

Véxase tamén

Bibliografía

• Westman, R. (1991). Patrick Bruun. En Engman, M. (ed.). Historiens Studium vid Åbo Akademi. Åbo Akademis förlag, Åbo. Páxinas 219-243. ISBN 951-9498-94-X