Ժան Լուի Տրենտինյան

Ժան Լուի Տրենտինյան ֆր.՝ Jean-Louis Trintignant
Ծնվել է	դեկտեմբերի 11, 1930(1930-12-11)[…]
Ծննդավայր	Piolenc
Մահացել է	հունիսի 17, 2022(2022-06-17) (91 տարեկան)
Մահվան վայր	Collias
Գերեզման	cimetière du Pont-de-Justice
Կրթություն	Փարիզի կինեմատոգրաֆիայի ինստիտուտ և Պոլ Սեզանի համալսարան
Քաղաքացիություն	Ֆրանսիա
Մասնագիտություն	կինոռեժիսոր, սցենարիստ, աուդիոգրքեր կարդացող, բնավորության դերասան, ավտոարշավորդ, թատրոնի դերասան, կինոդերասան և դերասան
Ընտրանի	Եվ Աստված ստեղծեց կնոջը, Տղամարդ և կին և The Conformist?
Ծնողներ	հայր՝ Raoul Trintignant?, մայր՝ Claire Trintignant?
Ամուսին(ներ)	Ստեֆան Օդրան, Nadine Trintignant? և Marianne Hoepfner?
Երեխա(ներ)	Մարի Տրենտինյան և Vincent Trintignant?
Պարգևներ և մրցանակներ	«Արծաթե արջ» մրցանակ լավագույն տղամարդու դերակատարման համար Կաննի կինոփառատոնի մրցանակ տղամարդու լավագույն դերակատարման համար «Սեզար» մրցանակ՝ տղամարդու լավագույն դերի համար Եվրոպական կինոակադեմիայի մրցանակ լավագույն դերասանին և Արծաթե արջ

Ժան-Լուի Տրենտինյան (ֆր.՝ Jean-Louis Trintignant, դեկտեմբերի 11, 1930(1930-12-11)^[…], Piolenc - հունիսի 17, 2022(2022-06-17), Collias), ֆրանսիացի դերասան, ռեժիսոր և սցենարիստ։ Կաննի և Բեռլինի կինոփառատոների մրցանակակիր։

Կենսագրություն

Ժան-Լուի Տրենտինյանը ծնվել է Ֆրանսիայի հարավում գտնվող Վոքլյուզ դեպարտամենտի Պյոլենկ համայնքում` հարուստ ձեռնարկատիրոջ ընտանիքում։ Մանկության տարիներին նա երազում էր դառնալ հայտնի ավտոմրցարշավորդ, ինչպիսիք էին իր հորեղբայրներ Լուի և Մորիս Տրենտինյանները։ 1942 թվականին, 12 տարեկանում նա հմայված էր Ժակ Պրևերի, Գիյոմ Ապոլիների և Լուի Արագոնի պոեզիայով։ 1949 թվականին, 19 տարեկանում, լինելով Էքս-ան-Պրովանս քաղաքի համալսարանի ուսանող-իրավաբան, դիտում է Մոլիերի «Ագահը» պիեսի ներկայացումը` Շառլ Դյուլենի բեմադրությամբ։ Այդ պիեսը բեկումնային էր նրա կյանքում և նա լքելով համալսարանը, որոշում է թատերական արվեստի դասընթացներ անցնել Փարիզում` Շառլ Դյուլենի և Տանյա Բալաշովայի մոտ։

1951 թվականին կայանում է նրա դեբյուտը թատրոնում, որտեղ նա հանդես է գալիս «Յուրաքանչյուրին ըստ պահանջի» և «Մակբեթ» պիեսներում։ Դրանից հետո նա կինեմատոգրաֆիայի ինստիտուտում սովորում է ռեժիսուրա։

1956 թվականին, մի քանի դրվագային դերերից հետո, Ժան-Լուի Տրենտինյանը նկարահանվում է Քրիստիան-Ժակի «Եթե ողջ աշխարհի տղաները» կինոնկարում։ Նույն թվականին, Բրիժիտ Բարդոյի հետ միասին նկարահանվել է Ռոժե Վադիմի «Եվ Աստված ստեղծեց կնոջը» կինոնկարում։ Նրա սիրավեպը Բրիժիտ Բարդոյի հետ, ով այն ժամանակ Ռոժե Վադիմի կինն էր, մեծ աղմուկ բարձրացրեց և հանգեցրեց Ռոժե Վադիմի և Բրիժիտ Բարդոյի ամուսնալուծությանը։ Այնուհետև, Ժան-Լուի Տրենտինյանը երեք տարով մեկնել է զինվորական ծառայության, այդ ընթացքում լինելով Գերմանիայում և Ալժիրում։ Նրա երկարատև բացակայությունը և Բրիժիտ Բարդոյի կապը երաժիշտ Ժիլբեր Բեկոյի հետ, հանգեցրին նրանց հարաբերությունների խզմանը։

Վերադառնալով բանակից, նա խաղացել է թատրոնում, կերտելով Համլետի դերը, իսկ 1959 թվականին, Ռոժե Վադիմի շնորհիվ կրկին վերադարձել է կինո և խաղացել նրա «Վտանգավոր կապեր» կինոնկարում` Ժերար Ֆիլիպի, Ժաննա Մորոյի, Աննետ Ստրոյբերգի և Բորիս Վիանի հետ միասին։ 1966 թվականին, Անուկ Էմեի հետ միասին նկարահանվել է Կլոդ Լելուշի «Տղամարդը և կինը» կինոնկարում։ Այդ ֆիլմն արժանացել է Կաննի կինոփառատոնի «Ոսկյա արմավենու ճյուղ» և երկու «Օսկար» մրցանակների։

Այդ տարիներին նա Ռոմի Շնայդերի և Անրի Սերրի հետ միասին նկարահանվել է Ալեն Կավալյեի «Մենամարտ կղզում» (1962 թ.), Իվ Մոնտանի հետ Կոստա-Գավրասի «Զեթ» (1969 թ.) կինոնկարներում։ Վերջին կրինոնկարում խաղացած դերի համար, 1967 թվականին, Կաննի կինոփառատոնում արժանացել է տղամարդու լավագույն դերի համար մրցանակի։ Այդ տարիներին Ժան-Լուի Տրենտինյանը զբաղվում է ավտոմրցաշարերով և մասնակցում բազմաթիվ մրցավազքերի։

1990-ական թվականներին հիմնականում խաղում էր մարդատյացների և ցինիկների։ 1996 թվականին նա գտել էր նոր զբաղմունք` խաղողի մշակությունը։ 2003 թվականին, իր դստեր` Մարի Տրենտինյանի հետ միասին ասմունքում էր բեմից։ Ժան-Լուի Տրենտինյանին հաջողությունը կրկին ժպտաց, երբ 2012 թվականին նկարահանվեց Միխայել Հանեկեի «Սեր» կինոնկարում` ստանալով բազմաթիվ հեղինակավոր մրցանակներ։ Որպես ռեժիսոր, Ժան-Լուի Տրենտինյանը նկարահանել է «Մի լարված օր» (1973 թ.) և «Լողի ուսուցիչը» (1979 թ.) ֆիլմերը։

Անձնական կյանք

Առաջին անգամ Ժան-Լուի Տրենտինյանը ամուսնացել է դերասանուհի Ստեֆան Օդրանի հետ, սակայն շուտով բաժանվել են, իսկ Ստեֆան Օդրանն ամուսնացել է ռեժիսոր Կլոդ Շաբրոլի հետ։

Երկրորդ անգամ ամուսնացել է ռեժիսոր և սցենարիստ Նադին Մարկանի հետ և ունեցել երեք երեխա։ Նրանց դուստրը` Մարի Տրենտինյանը, ով նույնպես դերասանուհի էր, 2003 թվականին սպանվել էր իր ընկերոջ, երաժիշտ Բերտրան Կանտաի կողմից ծեծի ենթարկվելով։

Երրորդ անգամ Ժան-Լուի Տրենտինյանը ամուսնացել էր դերասանուհի Շանտալ Նոբելի հետ։

Ֆիլմագրություն

Թվական	Անվանում	Բնօրինակ անվանում	Կերպար
1956	Եթե ողջ աշխարհի տղաները	Si tous les gars du monde...	Ժան-Լուի
1956	Փողոցների օրենքը	La Loi des rues	Իվ
1956	Եվ Աստված ստեղծեց կնոջը	Et Dieu... créa la femme	Միշել Տարդյե
1956	Կանանց ակումբը	Club de femmes	Միշել
1959	Վտանգավոր կապեր	Les liaisons dangereuses	Դանսենի
1959	Դաժան ամառ	Estate violenta	Կառլո Կարեմոլի
1960	Հազարերորդ պատուհանը	La millième fenêtre	Ժորժ
1960	Ճակատամարտ Աուստերլիցի մոտ	Austerlitz	-
1961	Մարդասպանը ելնում է ստվերից	Pleins feux sur l'assassin	Ժան-Մարի դե Կերլոգեն
1961	Ատլանտիդա	Antinea, l'amante della città sepolta	Պիեռ
1961	Երեք ճշմարտությունների ջրհորը	Le puits aux trois vérités	-
1961	Զարկող սրտով	Le coeur battant	Ֆրանսուա
1961	Խաղ իրականության հետ	Le jeu de la vérité	-
1962	Հորացիոս 62	Horace 62	Ժոզեֆ Ֆաբիան
1962	Յոթ մահացու մեղք	Les sept péchés capitaux	Բեռնար
1962	Մենամարտ կղզում	Le combat dans l'île	Կլեմենտ Լեսեր
1962	Վազանց	Il sorpasso	Ռոբերտո Մարիանի
1963	Հաջողություն	Il successo	Սերջիո
1963	Դղյակը Շվեդիայում	Château en Suède	Էրիկ
1964	Սպասասրահ	Les pas perdus	Ժորժ
1964	Սուլողները	Les siffleurs	-
1964	Մատա Հարի. Գործակալ H21	Mata Hari, agent H21	կապիտան Ֆրանսուա Լասալ
1964	Դժոխք	L'enfer	Մարսել 2
1965	Բարեհաճ պատահար	La bonne occase	Ժակ Դանզաս
1965	Ես սպանում եմ, դու սպանում ես	Io uccido, tu uccidi	Ջաննի Սանտի
1965	Ցասկոտ Անժելիկան	Merveilleuse Angélique	Կլոդ Լե Պտի
1965	Մարդասպանը ննջավագոնում	Compartiment tueurs	Էրիկ Գրանդեն
1966	Տասնյոթերորդ երկինքը	Un garçon, une fille. Le dix-septième ciel	Ֆրանսուա
1966	Տղամարդը և կինը	Un homme et une femme	Ժան-Լուի Դյուրոկ
1966	Այրվու՞մ է արդյոք Փարիզը	Paris brûle-t-il?	կապիտան Սերժ
1966	Անդրեվրոպական ճեպընթաց	Trans-Europ-Express	Էլիաս
1966	Երկար ուղի	La longue marche	Ֆիլիպ
1967	Հևոցով	Col cuore in gola	Բեռնար
1967	Իմ սեր, իմ սեր	Mon amour, mon amour	Վինսենթ
1968	Մահը, որ ձու էր ածել	La morte ha fatto l'uovo	Մարկո
1968	Եղնիկներ	Les Biches	Պոլ
1968	Մարդը, ով ստում է	L'homme qui ment	Ժան Ռոբեն, Բորիս Վարիսա
1968	Լռակյացը (Մեծ լռություն)	Il grande silenzio	Գորդոն կրտսեր
1968	Անառակը	La matriarca	դոկ. Կառլո Դե Մարշ
1969	Զեթ	Z	հետաքննիչ Քրիստոս Սարձետակիս
1969	Եթե կարող ես, արի երեկոյան ընթրելու	Metti, una sera a cena	Միշել
1969	Գիշերը Մոդի մոտ	Ma nuit chez Maud	Ժան-Լուի
1969	Հանցագործություններ առևանգողը	Le voleur de crimes	Ժան Ժիրո
1969	Այդքան քնքուշ, այդքան այլասերված	Così dolce... così perversa	Ժան Ռեյն
1969	Ամերիկացին	L'américain	Բրունո
1970	Կոնֆորմիստը	Il conformista	Մարչելո Կլերիչի
1970	Գաղտնի մտադրություններ	Las secretas intenciones	Միգել
1970	Անպիտանը	Le voyou	Սիմոն Դյուրոկ
1971	Կավի պատնեշներ	Remparts d'argile	-
1971	Առանց որևէ պատճառի	Sans mobile apparent	Ստեֆան Կարելա
1971	Ափիոն և մահակ	L'opium et le baton	-
1972	Նապաստակի վազքը դաշտերով	La course du lièvre à travers les champs	Անտոն Կարդո
1972	Առևանգում Փարիզում	L'attentat	Ֆրանսուա Դարիեն
1972	Մարդը մահացել է	Un homme est mort	Լուսիեն Բելոն
1973	Մի լարված օր	Une journée bien remplie ou Neuf meurtres insolites dans une même journée par un seul homme dont ce n'est pas le métier	-
1973	Իմանալն արգելված է	Défense de savoir	Ժան-Պիեռ
1973	Գնացք	Le train	Ժյուլիեն
1973	Պարահանդեսի ջութակները	Les violons du bal	Լուի (Միշել)
1974	Խելացնոր ոչխարը	Le Mouton enragé	Նիկոլյա Մալլե
1974	Փախուստ	L'escapade	Ֆերդինանդ
1974	Գաղտնիք	Le secret	Դավիդ
1974	Խաղ կրակի հետ	Le jeu avec le feu	Ֆրանս
1975	Ագրեսիա	L'agression	Պոլ Վարլին
1975	Ոստիկանական պատմություն	Flic Story	Էմիլ Բյուիսոն
1975	Սանտյագոյում անձրև է գալիս	Il pleut sur Santiago	սենատոր
1975	Կիրակնօրյա կինը	La donna della domenica	Մասիմո Կամպի
1976	Մահ ծրագրավորող համակարգիչը	L'ordinateur des pompes funèbres	Ֆրեդ Մալոն
1976	Ամուսնական ճամփորդություն	Le voyage de noces	Պոլ Քարտեր
1976	Տարտարյան անապատ	Il deserto dei tartari	ավագ բժիշկ Ռովին
1977	Ուղևորները	Les passagers	Ալեքս Մուանո
1977	Գործ	L'affaire	-
1977	Փորձ	Repérages	Վիկտոր
1978	Ուրիշի փողերը	L'argent des autres	Անրի Ռանյե
1979	Լողի ուսուցիչը	Le maître-nageur	-
1979	Մելանխոլիկ փոքրիկը	Melancoly Baby	Պիեռ
1980	Սանդղավանդ	La terrazza	Էնրիկո Դ'Օրսի
1980	Բանկիրուհին	La banquière	Հորաս Վաննիստեր
1980	Ես ձեզ սիրում եմ	Je vous aime	Ժուլիեն
1981	Մարդասպանը, ով անցնում է	Un assassin qui passe	Ռավիկ
1981	Սիրային կիրք	Passione d'amore	բժիշկ
1981	Մալվիլ	Malevil	Ֆուլբերտ
1981	Խոր ջրեր	Eaux profondes	Վիկ Ալլեն
1981	Տղամարդկային գործ	Une affaire d'hommes	Լուի
1981	Հատուցման օրը	Le grand pardon	կոմիսար Դյուշե
1982	Մարդասպանների ծառուղին	Boulevard des assassins	Դանիել Սալմոն
1982	Գիշերը Վարենում (Նոր աշխարհ)	La Nuit de Varennes	մսյո Սոս
1983	Ուղիղ սրտին	Colpire al cuore	Դարիո
1983	Կրեդո	Credo	պրոֆեսոր Լենսկի
1983	Գոնե կիրակին շուտ գար (Ուրախ կիրակի)	Vivement dimanche!	Ժյուլիեն Վերսել
1983	Կրիմինալ ոստիկանություն	La crime	Քրիստիան
1983	Կրակի տակ	Under Fire	Մարսել Ժազի
1984	Այդպիսին է իմ ցանկությունը	Le bon plaisir	նախագահ
1984	Ոչ մեկի կանայք	Femmes de personne	Միշել
1984	Կեցցե կյանքը	Viva la vie!	Ֆրանսուա
1984	Հաջորդ ամառ	L'été prochain	Պոլ
1985	Գնալ, վերադառնալ	Partir, revenir	Ռոլան Ռիվյեր
1985	Ժամադրություն	Rendez-vous	-
1985	Համազարկ սև գոմեշի վրա	Sortüz egy fekete bivalyért	-
1985	Արծաթագույն աչքերով մարդը	L'homme aux yeux d'argent	Մայեն
1986	Տղամարդը և կինը քսան տարի անց	Un homme et une femme, 20 ans déjà	Ժան-Լուի Դյուրոկ
1986	Իմ կյանքի կինը	La femme de ma vie	Պիեռ
1986	15 օգոստոսի	15 août	-
1987	Բեղավորը	Le moustachu	գեներալ Ժերար
1987	Խաբուսիկ հովիտը	La vallée fantôme	Պոլ
1989	«Պալաս-հոթել» զետեղարանը	Bunker Palace Hôtel	Հոլմ
1990	Ժյուլի դե Կարնելան	Julie de Carneilhan	Հերբերտ դ'Էսպիվանտ
1991	Շնորհակալ եմ, կյանք	'Merci la vie'	SS-ի սպա
1992	Դատավարություն Վալյադոլիդում	La controverse de Valladolid	Գինես դե Սեպուլվեդա
1993	Հրեշտակի բնազդը	L'instinct de l'ange	Էդուարդ
1994	Երեք գույն. Կարմիր	Trois couleurs: Rouge	դատավոր
1994	Նայիր, ինչպես են մարդիկ ընկնում	Regarde les hommes tomber	Մարքս
1995	Ֆիեստա	Fiesta	-
1996	Բոլորին անհայտ հերոսը	Un héros très discret	Ալբերտ
1996	Կանացի խռովություն	L'insoumise	-
1996	Տիկո Մուն	Tykho Moon	-
1998	Նրանք, ովքեր ինձ սիրում են, կգնան գնացքով	Ceux qui m'aiment prendront le train	Լուսիեն Էմմերիշ
2003	Ջենիսն ու Ջոնը	Janis et John	Կենոն
2012	Սեր	Amour	Ժորժ Լորան

Ծանոթագրություններ

Վիքիպահեստն ունի նյութեր, որոնք վերաբերում են «Ժան Լուի Տրենտինյան» հոդվածին։