2002
Good script, Good film.
劇本好難寫。
Favorite films
Recent activity
AllPinned reviews
More-
Mr. Virgin 1984
59分43秒，低角度鏡頭慢慢推上去，影住鄭文雅著白色襯衫睇住太陽升起，同時眼泛淚光，27秒鏡頭，係世上最美麗的27秒。
Personal favorite！最喜歡這種反對無效的愛情！今日睇都唔過時，大力推介！！
鄭文雅瓜子臉簡直靚過世上所有女人😭對唔住世上所有女人，太老婆material❤ 戲入面瘋狂嗌老公😭節奏好smooth，畫面超靚，我直情唔想理電影嘅缺點，其實故事都寫得好好，所以我先會畀五星，用愛情喜劇典型的一正一反來製造衝突，重點是故事一路都能貼緊「迷信」這個主題，一路影響雙方的命運，直到最後能越過所有障礙，甚至打破一生的迷信。
再講深遠啲，電影除咗迷信，又有提到中國人避忌嘅嘢，男女主角分別象徵著不易被世俗接納的人，兩人剛好走到一起，為對方打破心理枷鎖，好比Juno劊子手和尼姑的故事，又好比田中絹代導演《只有黑夜的女子》。30處男是用誇張迷信的角度和輕鬆幽默講述一段無法抗拒的愛情，導演處理很有摩登的感覺，例如男女主角第一場食飯戲，鄭文雅講錯嘢lur嘴講返啱，但成件事係正，唔hea唔求其，喺8 、90年代從來冇見過咁樣寫法、處理，係去到現代輕鬆、少少兒戲嘅電影先會睇到，我覺得陳友係幾有料到，真係拍得幾好，片名可能給人輕佻滑稽的感覺，但千萬不要和美國尺度很大的40處男(The 40 year-old virgin) 相提並論。
另外一讚美術真的很厲害，taste一流，中產應有的美感❤ 西式家居設計很美，服裝、造型、場景design 我可以畀一百分！原來美指李景文做過好多套我鍾意嘅香港電影。
色tone 直情靚過王家衛添啦💜💛💙🧡
我想去80年代😢Translated from by -
Kiss Me Goodbye 1986
若果畀我rank德寶電影，戀愛季節係我心目中第一位❤。
播《迷戀》嗰一段係電影中播歌處理最為正確的示範，有內容、有feel、有節奏。
戀愛季節係我希望電影應該有嘅模樣，鏡頭唔會為郁而郁，大部分鏡頭都係定位處理，正反打、其他剪接都唔會太快，有較長鏡頭、簡單調度，人物關係 恰到好處，包括林保怡、黃耀明的同事，在關係裏失意也安分地離場，而兩位主角的描寫也十足，各自性格、願景靠戲劇表達，唔直白講。
未計我係達明一派fans，電影本身喺香港電影之中絕對罕有，青春、隨性、冒險、自由，且質素之高，同類香港電影還未見有比戀愛季節做得更好的作品。
取景太正，天后站、巴比頓道、仲有好多好多，導演的處理和美術絕對令電影升華，特別要讚李麗珍屋企樓下個set超靚，視覺上100分，垂吊風扇個影、信箱、黃曆，令保安偷睇嗰場戲特別好睇。
Translated from by
Recent reviews
MorePopular reviews
More-
Time Still Turns the Pages 2023
我一早估到啦…
差劇本，堆砌感極強，而且錯曬重點😔
香港電影可能要過多十年先可以真正surprise 到我，呢套意識落後現代電影起碼廿年🤦🏻♂️中學同學屋企遇到Nancy嗰幕寫得好撚假
病重老豆剖白之後，就敢講返？Translated from by -
Timeless Romance 1998
「我發現後面山坡種咗好多大麻」
「咁正？」出世以嚟睇電影笑得最犀利嘅一次😂
電影標題一出就一直笑到完場🤣
劉鎮偉是香港有史以嚟最瘋狂、最具幻想力、寫喜劇最強的編劇，只有佢先可以寫得出咁痴線嘅劇本，同時又有超浪漫對白，外國人睇字幕一定唔會睇得明！
Deucy 貂蟬😂
