Músa
King relihion karing pre-Kristiánung Griegu, ding músa la ring babáing dios a inspirador ning literatúra, kabiasnan at kalalangan. King modernung gámit ning terminu, ing músa ya ing nínumang babáing inspirador king metung a laláki.
King kawatásan
[mag-edit | alilan ya ing pikuwanan]"King Musa ning Taguimpan Ku" ing títulu ning isa karing poema king amánung Kapampángan ning talasúlat a Filipínung i Renato Alzadón.
Kaministilan kang ayan, O Musa ning taguimpan ku
Kaministilan kung sabian ika pin ing palsintan ku;
Nung ika ing kakung sinta, ninu naman palsintan mu?
Nung ing pusu ku kekaya, kenu neman ing pusu mu ?
Nung emu man mosa tula sintang daraun ku keka
Nung sikwil mu mang mistula poesia kung yampang keka;
Palsintan da ka pa mu rin, ing lugud ku alang angga
Palsintan ku ika mu rin keti sulip angga banua.
Karing kakung poesia ,ikang kakung ampanganan
Karing daralit kung kanta, ikang kakung parikilan;
Balang jardin kung sambitlan, ikang Rosa king mulajan
Balang banua kung bangguitan, ikang batwin king katasan.
Pagumasdan me yang aldo neng saslag ya king alaya
Pagumasdan me yang dagat neng uman ne ing aplaya;
Malabab a sinag aldo ing kanakung pamalsinta
Malalam a dayatmalat ing kanakung lugud keka.
Eme asagka yang batis king pamunta na king ilug
Eme abawal yang ilug king dagat bisa yang talbug;
Eme asagka ing aklis kening salu kung kakarug
Eme abawal ing kutug kening pusung mapanirug.
Kening bie ku ikang Alpa, mula ka king pamigunam
kening bie ku Omega ka , sepu ning bie mipagkalam.
Nung mate ku atyu keka, ikang diwa ku't panamdam
Nung mie ku uli mu sinta, ikang bie ning bie kung dinam.
Ing artíkulung ini metung yang súlî. Makasáup ka king Wikipedia kapamílatan ning pámandagdag kaniti.