Koiv
| Koiv | ||||||||||||
|---|---|---|---|---|---|---|---|---|---|---|---|---|
 Raudkoiv (Bétula péndula) | ||||||||||||
| Tedoklassifikacii | ||||||||||||
|
||||||||||||
| Latinankel'ne nimi | ||||||||||||
| Bétula L., 1753 | ||||||||||||
| Areal | ||||||||||||
 | ||||||||||||
|
Koiv (latin.: Betula) om puiden heim Koivunvuiččed-sugukundaspäi.
Leviganduz
[vajehta | vajehtada lähtetekst]Heimon kazmused oma levitadud Pohjoižes mapoliškos (Evrazii i Pohjoižamerik), sen venos i subarktižes vöiš. Koivun äjad erikod märitas lehtezmecoiden i segoitadud mecoiden mülündad. Elonform om pu päpaloin, armotomankoiv (Betula nana) om tundran i soiden penzaz.
Erikoiden tobj pala om pakaiženvastaine, ei ole mokičenus keväzližiš haloišpäi, voib eläda igähižel rougul. Koiv sädab mecan üläröunad korktoiden mägiden pautkil. Erased erikod oma lämännavedijad i oma levitadud subtropižes vös (gimalajiž-kitajižed, erased japonižed, amerikaine Betula nigra), kaikiš suvemb om Suvipäivnouzmaižen Azijan mägirajoniden Betula alnoides-erik.
Koivun erikod kazdas letemail i savikoil, kazvateližil i vägitomil mahusil, nepsoiš i kuiviš tahoiš. Putub jogiden i meriden nepsoil randoil, soidme, sokhas tundras, kuivil kivekahil pautkil, räkiš kuiviš stepiš. Koivud om päivännavedijad, no om pil'vesenvastaižid-ki erikod.
Erikod
[vajehta | vajehtada lähtetekst]Läz 100 erikod, kaik oma Pohjoižes mapoliškos.
Erased erikod:
- Betula nana — Armotomankoiv
- Betula pendula vai Betula verrucosa — Raudkoiv
- Betula pubescens — Kurdiž koiv
Galerei
[vajehta | vajehtada lähtetekst]-
Levedlehtesižen koivun tüven kor' (Betula platyphylla) -
Radden koivun lambhaižed (Betula raddeana) -
Kurdhon koivun semnikaz plod -
Sokoivun barb (Betula pumila) -
Ermanan koivun lehtez (Betula ermani)
Koivhu sidodud vepsän tärtused
[vajehta | vajehtada lähtetekst]- Iver — koivun jur'.
- Koivik, koivišt, koivžom — koivuine mec.
- Kurč — koivun kuhm.
- Toh' — koivun kor'.
Koivhu sidodud vepsän muštatišed
[vajehta | vajehtada lähtetekst]
- Dölota koivuine ei koverdelde.
- Jotta koivuižel čajul. (aznoita)
- Koivuine om kandoine, ka koivuine i vezaine.
- Koivuižes kandos habašt vezod ei kazva.
Homaičendad
[vajehta | vajehtada lähtetekst]
 |
Koiv Vikiaitas |
|
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |