Yougoslaveye

paspôrt do rweyåme di Yougoslaveye

tos les accints do sierbicrowate e 1988

Li Yougoslaveye, c' est èn ancyin dislaxhî payis k' a skepyî après l' prumire guere daegnrece mins k' a stî pårti e sacwants bokets dins l' disrashonnaedje del Yougoslaveye (1991-2008) bråmint a cåze del guere civile yougoslåve.

Mwaisse veye: Belgråde

Istwere

Li rweyåme di Yougoslaveye skepia oficirmint li 3 d' octôbe 1929. Mins li minme sitindowe di payis egsistéve come Rweyåme des Siebes, Crowates et Slovinnes dispu l' 1î d' decimbe 1918, après l' prumire guere daegnrece.

Li payis fourit evayi pa les foices di l' Aessi (Almagne et Itåleye) e 1941 ey esse anixhilé oficirmint pa l' Almagne da Hitler inte 1943 et 1945.

E 1945, i ravica gråces ås wangnaedje des rezistants anti-nazis et fourit lomé e 1946 Republike federåle populaire di Yougoslaveye, pu rbatijhî e 1963 Republike federåle socialisse di Yougoslaveye

A cmincî di 1991, li payis va toumer e-n ene blesse, mins li Serbeye et les contrêyes ki dmeurnut avou continuwront a s' lomer Yougoslaveye disk' e 2003.​

Politike

Foirt yeure, li prezidint Tito rifuza d' esse on vårlet di l' Union sovietike. Avou des ôtes payis d' Afrike et d' Azeye, i va askepyî li Mouvmint des Nén Aloyîs.

Mågré ki c' esteut les Siebes ki moennént l' payis, tchaeke kiminålté esteut co assez libe divins les republikes federåles, u pår des provinces otonomes.

Mågré totes ses flotches, li sistinme yougoslåve fijheut bediver après : ene miete d’ otonomeye politike po les republikes, et les cminåltés wårdént leu tuzance et leu lingaedje, tchaeke a s’ môde. Des dijhinnes d’ anêyes å long, totes ces djins la ont viké eshonne sins må sins rujhe.

Spôrts

Li Yougoslaveye esteut cnoxhowe po ses fels espôrtifs, dins toplin des spôrts, inte di zels, li fotbal et l' tenisse.

Rilomés Yougoslåves

Djins k' ont morou Yougoslåves

• Tito

Djins k' ont skepyî ou crexhou Yougoslåves

• Radovan Caradzitch
• Slobodan Milozevitch
• Rasco Mladitch
• Alija Izetsbegovitch