Ghair Muqallid

Bhaion
Se Ek
Guzarish





ASSALAM O ALAIKUM WA RAHMATULLAHI WA
BARAKATUHU,
Yeh ek Haqeeqat hai ki Dawat o Tabligh ki Azeem Mehnat
Jise Allah apne Fazl se pure Duniya mein Chala Raha Hai, Isske
Zariye se log Allah ke Hukm aur huzur sallallahu Alaihi wasallam
ke Tareeqe wali zindagi se Judte Hain. Allah sab ko Qabool Kare.
Aisa Dekha Gaya hai ki Kuch Nadan Musalmanon ke
group Tablighi Jamaat ke kaam ko na samajhne ki wajah se isske
Khilaf ho jate hain. Iski Asal Wajah kuch aur hoti hai. Lekin who
us wajah ko chipa lete hain.
Aur agar who Asal wajah ke sath sahih Jagah par Jaenge to unko
apne Ashkalat ka Jawab Milega .Matlab yeh hai Ulma e Kram ki
Ilmi Baat cheet hogi aur Apas mein Dalil diye Jaenge.
Misal ke Taur par Hamare Ghair Muqallid Bhai Fazail e
Amaal ko Nishana banate hain Fazail e Amaal Ahle Sunnat wal
Jamaat ke usoolon par likhi gayi Hai Lekin Ghair Muqallid Bhaion
ko Ahle Sunnat Wal jamaat se kuch Maslon mein Ikhtalaf Hai.
Jaise ke
1. Char Imam mein se kisi ki Tahqeeq par bharosa kiya jae ya
nahih .
2. Targheeb o Fazail mein Zaeef Hadith use Hogi ya Nahin.
3. Aulia Ke Karamat ki Hasiat Islami Nuqte Nazar se Kiya Hai.
4. Huzur pak Sallallahu Alaihi Wasallam ke Qabr ki zindagi kis
tarah ki Hai, Kiya Aam Musalmanon ki Tarah ahi Ya Khas
Hai..Wagairah Wagairah
Usool ki baat yeh hai ki Ghair Muqallid Bhaion ko Ahle
sunnat Wal Jamaat ke Ulma se Raabta Karna Chahiye aur apni
baat aur dalil pesh karna chahiye.Aur quran hadith ki roshni mein
batoon ko samajhna chahiye.
Unki Asaanee ke liye Chand Ulmae Karam ke
Naam likha jar aha hai jinse who rabta kar sakte
hain.
(Iske Alawa who aur madarson mein bhi rabta
kar sakte hain)
In India who yaha rabta kar sakte hain
1. Maulana Rabey Hasni Nadwi Darul Uloom Nadwatul Ulema
Lucknow,
2. Maulana Saeed sb Deoband ,
3. Maulana khalid saifullah Rahmani Sb Hyderabad
In pakistan
1. Maulana Taqi Usmani,karachi,
2. Maulana Rafi Usmani Sb Karachi
In Arab World.
1. Maulana Muhammad Makki who daily give dars in Masjid e
Haram (Kaba) after Magrib and after Isha near Bab e Fahad.
Woh inke alwa Darul uloom deoband /Nadwatul ulma/Darul uloom
Karachi waghairah ahle sunnat madaris se direct rabta karein
Lekin Aisa Woh Nahin Kar rahe hain Balki yeh Aam
Aadmi jo namaz roza karne wala hota hai uske paas pahunchte
hain aur unke dil mein shak aur waswasa daalte hain ki Tumahari
to namaz hi nahin hui, Aulia Allah ke waqea mein jhoot wagairah
ka ilzam lagate hai,.Aur usko intashar mein daalne ki koshish
karte hain
Halanki agar aap nazdeek se dekhein to who is tarah se 1%
Musalmanon ko bhi Apne group mein nahih kar paye
hain..Hazaron mein koi ek unke shak mein mubtala hota hai.
Woh internet /face book, you tube ya phir center aur library
waghairah banakar apni taqat dikhane ki koshish karte hain lekin
unki zameeni tadad na ke barabar hai
Is lihaz se Ahle sunnat ya Tablighi Jamaat ka koi nuqsan nahin
hai
Lekin ek bahut bada nuqsan Musalman Ummat
Jismein Hanafi SHafaee Ahle Hadith Salafi aur
Ghair Muqallid sab shamil hain.SABHI KA NUQSAN
HO RAHA HAI WOH kiya hai.
1. Mausalmanon ka waqt o salahiat aapas ke ikhtalaf mein
barbad ho raha hai
2. Musalman Bajae deen ki buniad par aane ke Tawheed
Risalat aur akhrat ke bajae chote chote masail mein ulajh
rahe hain
3. Musalmanon mein Apas mein boghz Enaad aur kabhi Kabhi
Gali Galauj tak ki naubat A Rahi Hai
4. Aam Musalman Pareshan Hai, Baaz log pure deen ko Masle
ki wajah batakar apna alag thalag ho rahe hain.
5. Jab kuch Ghair Muqallid Jaise Meraj Rabbani sb aur unke
jaise log Face book waghairah par Gali Galauj aur ghatia
bazari zaban istemal karte hain. Baaz kahte hain ki Imam
Abu Haneefah ko sirf 3 ya 17 hadith Aati thi, ..Iski wajah
se Ahle Sunnat ke log bhi Jawab dete hain Aur baaz log
jaise ko taisa ke usool par jawab mein waisi hi zaban istemal
karte hain.
6. Is Tarah Sare musalman Is fitnah mein pad jate hain aur
bahut sa gunah ho jata hai Allah Maaf kare aur Amal ki
taufeeq de.
In sab halat ke pesh nazar yeh Mazmoon yahan Naqal kiya jar
aha Hai.
Yeh ek Mukalma aur Bahas hai jo ek Aise Hanafi
Musalamn Bhai se ho rahi hai Jo pahle deen se door tha Phir who
jamaat mein Gaye aur apni zindagi Allah se Jodi Phir Ghair
Muqallid Bhaion ne use Fazail e Amaal /tablighi jamaat ke khilaf
bahkaya Jisse who mutassir hue aur ghair muqallid ban gaye Phir
unhone dusron ko bahkana shuru kiya 2 saal mein who sirf 2
bacchon ko Hanafi fiqh aur Dawat ke kaam ke khilaf bahka sake.
Phir unki mulaqat ek Aalim se Hoti hai Jahan who apne sare point
jo Fazail e Amaal ke khilaf unke zehan mein dala gaya tha Who
rakhte hain. Phir ek lambi guphtagu ke baad who Mutmaeen
hokar phir se Hanafi Ban jate hain
Islie Hamri Ghair Muqallid Bhaion se Darkhast
hai ki.
1. Yeh Pur Makalma Padhein aur samjhein.
2. Agar iske baad bhi koi aur sawal ho to Ahle Sunnat Ulema
se Ruju Karein Nadwatul ulema, Darululoom deoband,
Karachi,Saharanpur waghairah se Rabta karein Unke samne
apni baat rakhein.
3. Apni Pashemani aur group waghairah na sochein Balki jo
Haq baat ho use Qabool kar lein Ismein har jeet ki koi baat
nahin hai. Allah amaal ki taufeeq de.
4. Awam ko bahkane aur warghalane se koi Phaeda nahi
Tabligh ka kaam Tablighi jamaat ka kaam nahin allah ka
kaam hai. Aur Allah ke kaam ko rokna kisi ke bas ki baat
nahin hai.
5. Aap ek do loig to hataenge aur Hazaron log sath Aa jaenge.
Hamare ek engineer dost hai Woh kai saal jamaat ka kaam
karte rahe rahe Phir Ghair Muqallid ho kar jamaat ke sakht
khilaf ho gaye. 5-6 Saal baad kisi Aalim se ,Mile unhone
Haqeeqat batayee. Phir Alhamdulillah ab normal ho gaye
Dawat ke kaam se Muhabbat karne Lage aura b
Alhamdulillah Positive Kaam kar Rhae hain.
6. Tabligh ke kaam ko agar Maulana Saad sb (nizamuddin) aur
Abdul wahab sb (Raiwind) bhi chhahein to nahi rok sakte.
Yeh sirf Allah ke control mein hai. Isliye Tabligh ki Mukhalfat
mein apna aur Tamam Musalmanon ka Waqt zae na Karein.
Yeh Chand Guzarshat thi Allah Amal ki taufeeq Naseeb
Farmae.(Ameen).
App koi nek Mashwara ya koi baat is mail ID par kar sakte hain
islamicresearchcenter1@gmail.com
JAZAKALLAH O KHAIR




Note : Aham Wazahat
1. Kai Jaghon par yeh Ghair Muqallid Bhai apne ko Ahle
Hadith ya phir Salafi batakar awam ke samne pesh
karte hain. Jisse Awam sahi Salfi/ sahi Ahle Hadith ke
bare mein bhi Badguman ho jati hai. Lihaza yeh baat
zehan nashin kar lein ki yahan jo baat hai who ghair
muqallid group ke liye hai. True Ahle Hadith aur true
salafi se koi Maslala nahin hai who ahle sunnat wal
jamaat ki hissa hain.

2. Ghair Muqallid Bhai apni nadani /kam ilmi ki wajah
se gumrah kar diye gaye hain lekin who Musalam
hain aur who hamare bhai hain Isliye hamein unko
narmi ke saath samjha kar sahih tareeqe par lana
hai.







, ,
,
, , .
.
In the name of Allah, Most Gracious, Most Merciful
All praises to Allah the Sustainer of the worlds, and grace,
honour and salutations on the Chief of Apostles and Seal
of Prophets, Our beloved Hazrat Muhammad Sallallahu
Alaihi Wasallam, his family, companions and those who
followed him in an excellent fashion and invited mankind
towards Allah, till the Day of Resurrection.










Niche Ka Mazmoon Ek kitab ka hissa bhi hai jo is
link par download kar sakte hain
http://islamicbookslibrary.wordpress.com/2013/04/28/jamat-
e-tableegh-per-aiterazaat-kay-jawabaat-by-shaykh-hafiz-
muhammad-aslam-zahid/
Yeh Is Link Par Bhi Maujood Hai
http://www.darululoom-
deoband.com/urdu/current/fazail1.htm


Pure Masle ki Mazeed Wazahat ke liye
ek Aham kitab hai
Tableeghi Jamaat Aur Kutub e Fazail Haqaiq , Ghalat
Fehmiyan
By Shaykh Mufti Abubakr Jabir Qasmi
http://islamicbookslibrary.wordpress.com/2013/09/09/tableeg
hi-jamaat-aur-kutub-e-fazail-haqaiq-ghalat-fehmiyan-by-
shaykh-mufti-abubakr-jabir-qasmi/