IGREYIDI

MIND THE GAP! 12

IsiNdebele Ilimi Lekhaya
INOVELA UBONAKELE
 UMHLAHLANDLELA WEZEMITLOLO

INOVELA ‘UBONAKELE’

IGREYIDI 12

ISINDEBELE ILIMI LEKHAYA

2020

IsiNdebele Novel: ‘UBonakele : ISBN 978-1-4315-3372-5

1
This content may not be sold or used for commercial purposes.

Curriculum and Assessment Policy Statement (CAPS) Grade 12 IsiNdebele Home

Language Mind the Gap study guide for the Novel: UBonakele by M Sikosana.

This publication has a Creative Commons Attribution Noncommercial Sharealike Licence.

You can use, modify, upload, download, and share content, but you must acknowledge
the Department of Basic Education, the authors and contributors. If you make any changes
to the content you must send the changes to the Department of Basic Education. This
content may not be sold or used for commercial purposes. For more information about the
terms of the license please see: http://creativecommons.org/licenses/by-nc-sa/3.0/.

Copyright © Department of Basic Education

2019 222 Struben Street, Pretoria, South
Africa
Contact person: Ms C. Weston
Email: Weston.C@dbe.gov.za
Tel: (012) 357 4183
http://www.education.gov.za
Call Centre: 0800202933

Acknowledgements
The extracts from the novel in this study guide are from UBonakele by M. Sikosana

Mind the Gap Team

Senior Project Leaders: Dr S. Malapile, Ms C Weston
Production co-ordinators:
B. Monyaki, B. Ras, ME Phonela, M. Nematangari
Authors: NM Mahlangu, P. Tjotjo; L. Skosana, E. Skosana, K.M Mtsweni, M. Mhlanga, T. Seloane

Designer: Page82 Media

Onsite writers’ workshop support:
J. Mphidi, V. Magelegeda, P. Hlabiwa, R. Maboye, N. Malope
Ministerial Foreword
The Department of Basic Education remains steadfastly committed
to innovative strategies aimed at enhancing learner attainment.
Consistent with the government’s commitment in promoting the
indigenous languages that form the tapestry of our democratic
landscape, this Mind the Gap Self study guide is a concrete
demonstration of this commitment.

African Home Languages focusing on the novel genre at this stage.

Not only does the study guide incorporate the African languages, but
it also incorporates South African Sign Language Home Language,
Afrikaans Home Language and English First Additional Language.

The Mind the Gap Literature Self Study Guide is responding to the
broader sectoral reading challenges that the country is experiencing.
It seeks to strengthen the following strands of the National Reading
Sector Plan: Teacher Development and Support; Direct Learner
Support; and Provisioning and Utilisation of the Learning and
Teaching Support Materials. Its interactive nature will make it easier Matsie Angelina Motshekga, MP
for both teachers and learners to read, to learn or study. It is hoped Minister of Basic Education

that through this Study Guide, the reading and learning outcomes
will be achieved.

and examples of the types of questions as a learner you may expect

to be asked in an examination, are included in this study guide. In

responses forms part of the study guide package.

The study guide is designed to appeal to any learner offering Grade

12, whether as a part-time or a full-time candidate. Educators in the

Every learner is a national asset, all you need now is to put in the
hours required to prepare for the examinations and excel!
We wish each and every one of you good luck and success.

MRS AM MOTSHEKGA, MP
MINISTER
DATE: 14 NOVEMBER 2019
 OKUMUNYETHWEKO

Lotjhani mfundi wegreyidi le-12 4

Indlela yokusebenzisa umhlahlandlela lo 4

Iiyeleliso ezili-7 zokufunda 4

Mhlana uyokutlola iinhlahlubo 5

Isakhiwo sephepha lesi-2 lesiNdebele ILimi Lekhaya: Isihlahlubo 6

sezemitlolo

Khuyini okufunwa bahloli? 7

Amagama asetjenziswa nakubuzwako 8

Isirhunyezo senovela ethi; ‘UBonakele’ 10

1. Umlando ngepilo yomtloli 11

2. Isendlalelo senovela 12

3. Ihlathululo yesihloko senovela 12

4. Indlela indaba eyethulwe ngayo 13

4.1 Isizinda 13

4.1.1 Isizinda sendawo 13

4.1.2 Isizinda sesikhathi 14

4.1.3 Isizinda sepilo 16

5. Amaqhinga wokuvezwa kwabalingisi 17

5.1 Iqhinga lokuveza umlingisi ngebizo 17

5.2 Iqhinga lokuveza umlingisi ngezenzo 17

5.3 Iqhinga lokuveza umlingisi ngelembatho 18

5.4 Iqhinga lokuveza umlingisi ngokuzikhulumela 18

5.5 Iqhinga lokuveza umlingisi ngokuhlathululwa mtloli 18

6 Imihlobo yabalingisi 18

6.1 Umlingisi oyikutani 18

2
6.2 Umlingisi oyimbangi 19

6.3 Umlingisi oyihlanganisa 19

6.4 Abalingisi abancani/abasekelako 19

7. Isakhiwo nesakhiwana senovela 20

8. Ukulamana kwezehlakalo 21

9. Imihlobo yamararano 23

10. Ummongondaba/imilayezo neemfundo 26

11. Imilayezo 27

12. Isifundo 28

13 Ummoya ovezwa zizehlakalo zenovela 29

14 Ingemuva nesizinda somlingisi oyikutani 32

15 Isiphetho senovela 33

16 Iinrhunyezo zezahluko zenovela 34

17 Ngonjani umbuzo onemibuzo emifitjhani? 38

18 Ngonjani umbuzo omude? 53

19 Iimpndulo zemibuzo emifitjhani nemihlahlandlela yemibuzo emide 55

3
Lotjha mfundi wegreyidi le-12

Umhlahlandlela wezemitlolo wokufunda lo ukusiza bonyana ukghone ukuzilungiselela ukutlola

iinhlahlubo zakho zesiNdebele ILimi Lekhaya iphepha lesi-2.
Kunamaphepha weenhlahlubo ama-3 eLimini lesiNdebele:
Iphepha loku-1: Ukusetjenziswa kwelimi ebujameni ebuthileko,
Iphepha lesi-2: Zemitlolo
Iphepha lesi-3: Ukutlola.

Iphepha lesi-2: Zemitlolo zifaka hlangana iinkondlo, amanovela/ubukghwari bomlomo nemidlalo.

Lomhlahlandlela ngewenovela yesihloko esithi; ‘UBONAKELE’ ekuyinovela eyabelwe ukufundwa
egreyidini le-12.
Indlela yokusebenzisa umhlahlandlela lo

• Esethulweni somhlahlandlela lo (ikhasi 12) uzokufunda ngezehlakalo ezenzeka epilweni

yamambala ezikhuthaze umtloli ukobana atlole inovela le. Kunesendlalelo esiveza indlela
inovela le eyethulwe ngayo.
• Ukusuka (ekhasini 13) ungakghona ukufunda isahluko ngasinye senovela le utjheje
amatshwayo wezemitlolo alandelako:
- Isakhiwo nesakhiwana;
- Ukwethulwa kwabalingisi;
- Indima yomdembi;
- Imihlobo yamararano;
- Imilayezo nemimongondaba;
- Ingemuva nesizinda nokobana zithintana njani nomlingisi nommongondaba;
- Imimoya, isiphetho-phekghu/isiphetho esilindelekileko;
- Ukulamana kwezehlakalo/iingameko;
- Ikhethomagama nokusetjenziswa kwelimi elitjhujileko ukudemba/ukucoca indaba.
• Uzokuphendula imibuzo ebuzwe esahlukweni ngasinye nekuzokwenza ukobana uzwisise
ngcono indaba eyethulwa yinovela le.

Iiyeleliso ezili-7 zokufunda

1. Hlukanisa umsebenzakho ngeengatjana. Lokho kuzokusiza bona ingqondwakho ukobana
ikhumbule lokho okufundileko. Kufuze uphumule ngemva kokufunda isigatjana ngasinye.
2. Buthelela zoke iintlhabagelo ozozitlhoga ezinjengeempensela, ipeni, iphepha amanzi wokusela,
njll ngaphambi kobana uthome ukufunda.
3. Cabanga ngendlela eyakhako ukuze ingqondwakho ikwazi ukubamba ilwazi olifundileko.
4. Ingqondo ifunda lula ngemibala nangeenthombe, njeke linga ukuzisebenzisa ngaso soke
isikhathi nawufundako.
5. Ukubuyabuyelela kusikhali esisiza ukukhumbula ilwazi olifundileko. Buyelela ufunde
umsebenzakho kufikela lapha ukghona ukuwukhumbula khona bulula.
6. Fundisa abanye lokho okufundileko. Lokho kwenza ngokobana ufundele amanowuthi wakho
phezulu.

4
7. Ukulala ama-iri abunane ebusuku, udle okudla okunepilo nokusela amanzi amanengi zizinto
eziqakatheke khulu nezitlhogwa yingqondwakho lokha nawufundako. Ukufundela ukuyokutlola
iinhlahlubo kumsebenzi obudisi, njeke kufanele uzilungiselele ngokomzimba
nangokomkhumbulo.

Check spellingMhlana uyokutlola iinhlahlubo

1. Qinisekisa bona uza nepeni etlolako, ipensela iloliweko, iraba, irula nomtjhini wokulola.
Qinisekisa bona uza nencwadi kamazisi kanye ne-Examination admission letter. Fika kusele i-
iri eli-1 ngaphambi kobana kuthonywe ukutlolwa iinhlahlubo.
2. Iya endlwaneni yokuzithuma ngaphambi kobana ungene ngekumbeni yokutlolela iinhlahlubo.
Akufuneki ukobana wone isikhathi sakho sokutlola ngokobana uye endlwaneni yokuzithuma
kanengi.
3. ESIGABENI A ufanele wazi ukobana kuneenkondlo ezi-4 ezabelwe ukufundwa, qinisekisa bona
ukhetha EZIMBILI kwaphela bese kuthi UMBUZO 5 kube mbuzo okatelelekileko bona
uwuphendule.
Nawukhethe UMBUZO OMUDE ESIGABENI B qinisekisa bona ukhetha UMBUZO
ONEMIBUZO EMIFITJHANI ESIGABENI C.
Nawukhethe UMBUZO ONEMIBUZO EMIFITJHANI ESIGABENI B yazi kobana ufanele
uphendule UMBUZO OMUDE ESIGABENI C.
4. Sebenzisa imizuzu eli-10 yokufunda ukuze ufunde imilayelo ngokuyelela.
5. Yelela amagama amummongo ukuze uzwisise lokho okufunwa mbuzo. Lokha nawungaphenduli
umbuzo ngendlela olindeleke ngayo uzokulahlekelwa mitlomelo.
6. Hlela isikhathi sakho ngokuyelela. Thoma ngemibuzo ocabanga bonyana ilula kuwe. Tjheja bona
mitlomelo emingaki eyabelwe umbuzo ngamunye ukwenzela bonyana unikele ipendulo
elilingene imitlomelo leyo.
7. Zigedle nanyana umbuzo uzwakala ubudisi ekuthomeni. Umadanise nelwazi onalo. Nawuzizwa
urarwe kuphendula umbuzo othileko dlulela phambili uphendule elandelako uzakubuyela kiwo
isikhathi nasisakuvumelako. Linga ukuphendula imibuzo eminengi ngendlela ongakghona
ngayo.
8. Tlola ngesandla esibonakalako ukuze otshwayako akghone ukufunda iimpendulo zakho lula.

5
Isakhiwo sephepha lesi-2 lesiNdebele ILimi Lekhaya: Isihlahlubo sezemitlolo

Esihlahlubeni sephepha lesibili sezemitlolo ufanele uphendule imibuzo evela eengabeni ezi-3.
Khetha ngokulandela imileyo yephepheli. Iphepheli lineengaba ezi-3:
ISIGABA A: Iinkondlo
ISIGABA B: Inovela/Ubukghwari bomlomo
ISIGABA C: Umdlalo nanyana Idrama

Iphepheli labelwe imitlomelo ema-80 okutjho bona isigaba A sinemitlomelo ema-30, isigaba B
sabelwe imitlomelo ema-25 bese isigaba C naso sabelwe imitlomelo ema-25.
Unama-iri ama-2 ½ ukuphendula iphepheli.
Nasi isirhunyezo sesihlahlubo sephepha lesibili sezemitlolo.

ISIGABA A: IINKONDLO
Iinkondlo ezibekelwe ukufundwa:
Phendula NANYANA ngimiphi imibuzo EMIBILI.
INOMBORO YOMBUZO UMBUZO IMITLOMELO IKHASI
1. Ikondlo 1 Umbuzo omude 10
2. Ikondlo 2 Umbuzo onemibuzo emifitjhani 10
3. Ikondlo 3 Umbuzo onemibuzo emifitjhani 10
4. Ikondlo 4 Umbuzo onemibuzo emifitjhani 10
KANYE
Ikondlo engakabonwa:
Ukatelelekile ukuphendula umbuzo lo.
5. Ikondlo 5 Umbuzo onemibuzo emfitjhani 10
ISIGABA B: INOVELA NOBUKGHWARI BOMLOMO
YELELA: Khetha umbuzo OWODWA ngaphasi kwalesisigaba. Nawukhethe umbuzo OMUDE
enovelini nofana ebukghwarini bomlomo qinisekisa bona ukhetha umbuzo
OMFITJHANI emdlalweni.
NOFANA
Nawukhethe umbuzo OMFITJHANI enovelini nofana ebukghwarini bomlomo qinisekisa bona
ukhetha umbuzo OMUDE emdlalweni.
6. Mbala Ngubaba Umbuzo omude 25
7. Mbala Ngubaba Umbuzo onemibuzo emifitjhani 25
8. UKholiwe Umbuzo omude 25
9. UKholiwe Umbuzo onemibuzo emifitjhani 25
10. UBonakele Umbuzo omude 25
11. UBonakele Umbuzo onemibuzo emifitjhani 25
12. Ubukghwari bomlomo Umbuzo omude 25
13. Ubukghwari bomlomo Umbuzo onemibuzo emifitjhani 25

6
ISIGABA C: UMDLALO/IDRAMA
YELELA: Khetha umbuzo OWODWA ngaphasi kwalesisigaba. Nawukhethe umbuzo OMUDE
enovelini nofana ebukhgwarini bomlomo qinisekisa bona ukhetha umbuzo
OMFITJHANI emdlalweni.

NOFANA

Nawukhethe umbuzo OMFITJHANI enovelini nofana ebukgwarini bomlomo qinisekisa bona

ukhetha umbuzo OMUDE emdlalweni.
14. Ibhudango Lami Umbuzo omude 25
15. Ibhudango Lami Umbuzo onemibuzo emifitjhani 25
16. Umbango KaNzunza NoManala Umbuzo omude 25
17. Umbango KaNzunza NoManala Umbuzo onemibuzo emifitjhani 25
18. Ifindo Umbuzo omude 25
19. Ifindo Umbuzo onemibuzo emifitjhani 25

Khuyini okufunwa bahloli?

Abahloli bazokuhlola iimpendulo zakho zemibuzo emifitjhani ngokuqalisa kokulandelako:

• Ukuzwisisa kwakho ihlathululo ebhamba nofana engakafihleki ngenovela mazombe.
Kufanele ulemuke ilwazi elivezwe njengomban linjalo enovelini.
• Bahlola ikghono lakho lokuhlela ngobutjha ilwazi elivezwe enovelini mazombe. Isibonelo:
Ungalayelwa bona urhunyeze amaphuzu aqakathekileko/amummongo nofana utlole
okufanako/umahluko phakathi kwabalingisi ababili.
• Bahlola ikghono lakho lokunikela ilwazi elingakavezwa tjhatjhalazi ethekstini
ngokusebenzisa ilwazi onalo ngenovela le. Ikambiso le ibizwa ngokobana imibuzo efuna
kuthathwe iinqunto. Lokhu kufaka hlangana ukuhlathulula unobangela nofana
umphumela/isithintela wesenzo esithileko, umnqopho womtloli wokumadanisa izenzo
nofana iimilo zabalingisi, ukuhlathulula umqondo/umnqopho wokwenza isenzo esithileko.
• Bahlola ikghono lakho lokuthatha iinqunto ngokwemileyo yesakhiwo senovela nokunikela
imobono yakho ngokuqalisa elwazini onalo ngenovela le. Ikambiso le ibizwa ngokobana
ukuhlola. Isibonelo: Ungabuzwa bonyana uyavumelana nofana awuvumelani nesitatimende
esithileko, ungatshwaya ngelihlo elibukhali ukwamkeleka kwemikghwa/kwezenzo zomlingisi
othileko emphakathini ahlala kiwo.
• Bahlola ikghono lakho lokubuka abalingisi/ukutloleka kwenovela/lokuzwakalisa ummoya.
Ikambiso le ibuzwa ngokobana ukubuka. Isibonelo: Coca ngokuphumelela komtloli
ukusethulela umlingisi oyikutani wenovela le, coca ngokuphumelela komtloli wenovela le
ukusethulelela umlayezo/ummongondaba wenovela le.

7
 Amagama asetjenziswa nakubuzwako
Nanzi iimbonelo zemibuzo engabuzwa esihlahlubeni ngokuya kwamzinga wobudisi bayo

Imihlobo yemibuzo Indlela olindeleke bona uphendule ngayo

Umbuzo obhamba/ ongakafihleki: Imibuzo efuna ilwazi elivezwe ethekstini njengombana injalo.
Tlola iinzathu ezimbili/Kubayini into ethileko Tlola iinzathu ezimbili (okutjho bona njengomban
yenzeka… zitloliwe etheksthini.
Tlola ukuvezwa Tlola indlela umlingisi athulwe ngayo/iinzathu
komlingisi/iinzathu/ummongondaba… zokwenzeka kokuthileko/ummongondaba
wetheksthi…
Hlathulula Tlola amatshwayo aqakathekileko wento ethileko;
indawo/umlingisi/kwenzekani/kuphi/nini… isibonelo: wendawo ethileko, womlingisi othileko,
njll.
Ngimuphi umlingisi owenza … Tlola igama lomlingisi owenza …
Ingabe umlingisi kunqotjhiswe kimuphi Tlola igama lomlingisi ekunqotjhiswe kuye…
umlingisi…
Umbuzo ofuna ilwazi elihlelwa ngobutjha: Imibuzo efuna ukubuthelelwa/enikela umahluko
ngendlela ehlelekileko.
Rhunyeza amaphuzu aqakathekileko/imibono Tlola amaphuzu/imibono eqakathekileko
eqakathekileko… ngaphandle kokunikela imininingwana.
Buthelela ama-elemende avamileko… Hlanganisa izinto ezifanako.
Tlola isirhunyezo sento…. Tlola amaphuzu aqakathekileko ngaphandle
kokunikela imininingwana.
Umbuzo ofuna kuthathwe iinqunto: Imibuzo efuna kurhunyutjhwe itheksthi ngokosebenzisa
ilwazi elingakavezwa etheksthini. Ikambiso leufuna kucatjangwe ngokobana kwenzekalani
eengcenyeni ezahlukahlukeneko zetheksthi; kuqalwe umtlhala okutjela kabanzi ngomlingisi
othileko, ngommongondaba, ngomlayezo nofana ngesifundo ngokusebenzisa ilwazi onalo
ukukusiza ukobana uzwisise gcono itheksthi.
Hlathulula bona umbono Tlola wenabe ngokobana ummongondaba
ulumathana/ukhambelana njani wenovela ulumathana/ukhambelana njani
nommongondaba…. nombono ovezwe embuzweni.
Madanisa indlela yokuziphatha/izenzo Veza okufanako nokuhlukileko ngabalingisi.
zomlingisi othileko nomlingisi nezomlingisi
othileko….
Ingabe amagama athileko ahlathulula Veza bona ucabanga ukobana kungaba yini
ukuthini/asitjelani nofana ubujamo obuthileko ihlathulululo ngokuqalisa ekuzwisiseni kwakho
busitjelani…. itheksthi.
Ingabe umlingisi othileko wenzanjani Tlola okungenziwa mlingisi othileko/okwenziwa
nakasebujameni obuthileko….. mlingisi othileko nofana indlela azizawa ngayo.
Hlathulula bona into ethileko inawuphi
umthelela….
Veza bona wazi njani bona umlingisi othileko u…
Ingabe umlingisi othileko Hlathulula bona kungebanga lani umlingisi
bekasitjelani/bekasivezelani ngoku… othileko akhuluma/asebenzisa amagama

8
 athileko.
Phendula isitatimende esithileko ngoLiqiniso Tlola uLiqiniso nofana akusilo iqiniso bese
nofana akusilo iqiniso. usekela isiqunto osithathako.
Khetha ipendulo enembako bese uqedelela Kunikelwa irhelo leempendulo ezilebuliweko ( A
ngayo umutjho(khetha ipendulo ekungiyo – D). Tlola iledere elinependulo enembako
kezinikelweko). kwaphela (A, B, C or D) eduze nenomboro
yombuzo.
Dzubhula okusetjenziswe esiqetjhaneni usekele Tlola umuda onembako wetheksthi usebenzise
ipendulwakho…. amagama atholakala emdzubhulweni
wetheksthi njengombana anjalo. Sebenzisa
iindzubhuli; “ ” emagameni adzujuliweko.
Imibuzo efuna kuhlolwe: Imibuzo efuna kuthathwe iinqunto ngokuqalisa elwazini onalo
nokuzwisisa kwakho itheksthi, kufaka hlangana ukusebenzisa ilemuko lakho mazombe.
Hlathulula umbonwakho/amazizo womlingisi Tjheja yoke imininingwana ephathelene nombuzo
othileko/ummongondaba wetheksthi…. bewuyokufikelela esiphethweni.
Ngokubona kwakho ingabe umtloli Veza umbonwakho ngokuphumelela komtloli
uphumelele…. ukwenza okuthileko.
Ingabe uyavumelana nofana uyaphikisana Tlola usekele ngamaphuzu azwakalako
nesitatimendesi/nombono lo…. amazizwakho avumelana nofana aphikisana
nombono/nesitatimende.
Ucabanga bona okwenzekileko yinto ehle nofana Veza amazizwakho ngokobana uthathe ihlangothi
embi na … linye ekungaba ngelimbi nofana elihle bese
usekela isiqunto osithathako.
Coca ngelihlo elibukhali uveze imikghwa Tlola wenabe ngemikghwa yomlingisi bese uveza
yomlingisi… amazizwakho ngayo.
Ngokubona kwakho ingabe bekufanele bona Veza umbonwakho uhlabe nofana ukwakwazele
umlingisi othileko athathe igadango elithileko na... igadango olithethwe mlingisi othileko.
Imibuzo efuna kubukwe: Imibuzo le ifuna uveze imizwa yakho ngomlingisi/ngesenzo esithileko
esenzeka etheksthini.
Nangabe bewumlingisi othileko ngikuphi Nangabe bewusebujameni bomlingisi othileko
ebewungakwenza ebujameni ebuthileko…. ngikuphi ebewungakwenza.

Ingabe uyazwelana nomlingisi othileko nofana Thatha ihlangothi lokuvuma nofana lokuphika
awuzwelani naye….. bese usekela isiqunto osithetheko.
Coca ngokuvezwa komlingisi Veza izenzo nofana iimilo zomlingisi
oyikutani/ngokuphetheka othileko/izehlakalo ezifikisa inovela
kwenovela/ngommongondana/ngesifundo…. esiphethweni/izehlakalo ezibumba
ummongondaba.
Coca ngomhlobo werarano osetjenziswe Tlola imihlobo yamararano esetjenziswe mtloli
mtloli enovelini le…. enovelini.

9
Isirhunyezo senovela ethi; ‘UBonakele’
Inovela le imayelana noNom. Mahlangu owayetlhorisa umkakhe uNaMndebele bekwafika lapha
athatha isiqunto sokobana aziphe inarha, atjhiye umntwanakhe uBonakele noyise. Uyise waragela
phambili nepilo, wathatha umfazi wesibili uNaSilombo, naye oweza nomntwana womntazana
okungasuye kaMahlangu, uBafunani. Ukufika kwakaNaSilombo emzinia wakwaMahlangu kwenza
ipilo kaBonakele bona ibe budisi ngombana bekangamthandi, amtlhorisa kodwana wakhe
umntwana amphatha njengeqanda. UBonakele walinga ukuyiveza kuyise indaba yokutlhoriseka
kwakhe kodwana uyise azange ayithathele ehloko bekwafika laphab athatha khona isiqunto
sokobana aziphe anarha ayokufuna unina nanyana agade angazi bona uyomfuna kuphi nenarha.
Ngaphambi kobana aphume kwabo watjhiya umanakhe lo namagama wokobana uzakubuya
azokutjhaphulula uyise kilobubudisi aqalene nabo kwabo.

Ekhambeni lakhe lokuyokufuna unina wakhamba ahlangabezana neentjhijilo ezinengi. Walala

ehlathini amalanga amathathu ngaphandle kokudla, wahlala emzini wakwaMbuyiseli kodwana
nakhona wasuka ngombana abesana bakhona babemnina. Ukusuka lapho wayokuhlala
ngekoloyini edala, eDaveyton aphila ngokuthengisa amahabhula ngesitetjhini sesitimela. Nakhona
lapho azange kwabamnandi ngombana abesanyana beDaveyton, uNduku noSponono babephila
ngokumtlhagisa bekwagcina ngokobana bamtjhisele nekoloyi ebegade ahlala kiyo. Indlea
abegade azibuyisela ngayo lokha abesanyanaba nabambethako yenza bona uKiller, owabe gade
ambethi weendubulo ambone bona angaba mbethi weendubulo osezingeni eliphuzulu.
Nangambala uKiller wenza iqhinga lokobana amdosele lapha bazibandula khona bekwafika lapha
uBonakele aba mbethi weendubulo obhadelwako.

Ipumelelo yepilwakhe yavela mhlana ayokulwa nombethi weendubulo owayevela enarheni

yangaphetjheya kwamalwandle uDuke Hudson ngombana indaba le yavezwa kiwo woke
amaphephandaba nekwenza bona ababelethi bakhe babenetjisakalo yokuyokubukela ipi le.
Okwenza bona uNaMndebele abe netjisakalo kukobana wathi nakabona igama lakaBonakele
Mahlangu ephephandabeni wasolela bonyana kungenzeka mntwanakhe amtjhiya noyise asese
mncani khulu kanti noMahlangu ngakelinye ihlangothi waba nokusolela bona mhlamunye ikutani
ekukhulunywa ngayo ephephandabeni le kungenzeka kube mntwanakhe owabe aziphe inarha
asithi uyokufuna unina.

Ngemva kobana uBonakele athumbe ipi le, hlangana nabantu ababegade bambunganyele
bamthokozisa wabona nababelethi bakhe. Wabawa kumphathi bona amnikele isikhathi sokobana
akhulume nababelethi bakhe ngeqadi wabavezela amazizwakhe ngokuhlukumezeka kwakhe
ngemva kokuhlukana kwabo bewababawa bona babuyelane babe mndeni munye
njengaphambilini. Ukusuka lapho babuyela emzini wekhabo ngeSiyabuswa. Ekufikeni kwabo
baqotha uNaSilombo njengokutjho kwakaBonakele. Umndeni wakwaMahlangu wasala uzihlalela
kamnandi njengekuthomeni.

10
1. Umlando ngepilo yomtloli

UMarcus Henry Sikosana

Wabelethwa mhlana amalanga ama-27 kuNobayeni emnyakeni we-1960 esiphandeni
seWitbank eMkobola. Ikghono lakhe lokutlola labonakala nakathoma ukusebenzela umrhatjho
wesiNdebele emnyakeni we-1983.

Iimfundo azizuzako:
● Wenza ibanga letjhumi emnyakeni we-1980
● Wafumana i-Diploma eemfundweni ze-Theology emnyakeni we-1987
● Wafumana i-Diploma eemfundweni zezeRhwebo emnyakeni we-1982
● Wafumana i-Diploma eemfundweni zeKhomphyutha emnyakeni we-1997
● Wafumana i-GCE esifundweni se-English neYunivesithi ye-London eemfundweni
zangeqadi emnyakeni we-1990
Zokutlola nokuthuthukisa:
● Bekamsunguli bekangunobhala weMpumalanga Writers Association (MWA) ngomnyaka
we-1997
● Wakhethwa njengelunga leBhodo yeMpumalanga Arts and Culture Council (MACC)
ngomnyaka we-2001
Imitlolo ayitlolileko:
● UBonakele - inoveli (1990)
● Manikelela - iindatjana ezifitjhani (1995)
● Ikhombindlela elingaphathwa Bafokazana – inoveli (1996)
● Kungavuk’ amaJali – inoveli eyathumba unongorwana ngomnyaka we-1997 nowe-
1998
● Iinthelo Zokufundisa IsiNdebele (IGreyidi lesi-4, 5 nelesi-6) OBE Series
1999/2000/2001
● Nasi-ke IsiKhethu (IGreyidi loku-1 kufika kele-9) OBE, NCS

Imidlalo yommoya ayitlolileko:

● Umuntu Akalahlwa (IKwekwezi FM)
● Isipho Sabezimu (IKwekwezi FM)
● Ngiyindlalifa (IKwekwezi FM)
● Ezandleni Zakho (IKwekwezi FM)
● Kungenca Yakho Mama (UKhozi FM)
● Not Yet UHuru (Thobela FM)
Igalelo Kezakamabonakude:
● Wakhethwa amahlandla ama-3 kusifundobandulo sokuzithuthukisa ku-New
Direction M-NET TV ne-Film Script emnyakeni we-1998 nowe-1999
zokuzithuthukisa:
● Wathumba unongorwana we-Best High school Student eMohlabetsi ngomnyaka we-
1980
● Wathumba unongorwana we-Achiever of the Year ekuthuthukiseni zokutlola
ngomnyaka we-1999
● Wathumba unongorwana we-JS Mtsweni Literary Award ngomnyaka wee-2004.

11
2. Isendlalelo senovela

Inovela isilemukisa ngepilo mazombe manqophana nemithelela emimbi ebangelwa kuhlukana

kwababelethi. Lokha ababelethi nabahlukanako abentwana baba bongazimbi
bokuhlukumezeka bekufike lapha amaphilwabo ahlangahlangana khona. Abanye babentwana
ababonakala bahlala eendleleni kwangathi abanamakhaya kungebanga lokuhlukumezeka
emakhayeni abahlala kiwo ngebanga lokuhlukana kwababelethi babo beengazi. Ngakelinye
ihlangothi umtloli wenovela le usilemukisa iphuzu lokobana abentwana abaphila
ngokuhlukunyezwa nangaphandle kokuhlala nababelethi babo kanengi kuyenzeka bona kube
ngibo abaphumelelako epilweni kunalabo abaphila ngokutetenyiswa babelethi babo.

3. Ihlathululo yesihloko senovela

Isihloko senoveli sidlala indima eqakathekileko ekwenzeni bona abafundi barhabe balemuke
bona inovela imanqophana nani. Ngamanye amagama isihloko senovela sikghona
ukuhlathulula ilingaphakathi lenovela ngaphambi kobana umfundi ayifunde ngokuzeleko.
Isihloko senovela le sithi; ‘UBONAKELE’ nekuligama lomlingisi wayo oyikutani. Umtloli unikele
inovela le isihlokwesi ngomnqopho wokobana silemuke nofana sibone bona uBonakele lo
ekugcineni uzokuphumelela.
Esingenisweni senovela le umtloli usethulele uBonakele anesibindi sokuqalana nonina
uNaSilombo, amtjele bona uyakhamba kodwana uzokubuya azokutjhaphulula uyise ebudisini
aqalene nabo lapha kwabo. Nasiyelela indlela uNaSilombo ebegade amtlhorisa ngayo
bekungakalindeleki bona angakhupha amagama afana nala kuye. Ukusuka lapho uBonakele
uzipha inarha angazazi bona uyaphi. Ukutholana kwakhe nomtjhayeli oyamlayitjhako
bewayokufika ngeBenoni ngokhunye okusibonisako bona uBonakele lo ekugcineni
uzokuphumelela. Indlela uBonakele aqalana neentjhijilo ahlangabezana nazo ekhambeni
lakhe zikhombisile bona umdlali ozokugcina aphumelele.
Nasiyelela indlela ihlathululo enghla le kuyabonakala bona umtloli wenovela le uphumelele
ukuyinikela esihloko esiyifaneleko ngombana vele ekugcineni uBonakele, njengegama lakho
ugcine aphumelele bewaba yikutani yezeendubulo bewakghona nokuhlanganisa
umndenakhe wabuyela waba mndeni owodwa

4. Indlela indaba eyethulwe ngayo enovelini le

Umtloli usebenzise iindlela ezilandelako ukusethulela indaba le.
4.1 Isizinda

Umtloli wenovela le usethulela indabakhe ngokulandela isizinda salapha indaba yenzeka,

isizinda sesikhathi indaba eyenzeka ngaso nesizinda sesikopilo yabalingisi balapha indaba
yenzeka khona. Kilomtlolo sizokutjheja khulu ipilo yomlingisi onguBonakele njengomlingisi
oyikutani bona umtloli usethulele yena akhambisana njani nesizinda azifumana akiso
ngokwemileywana esele ibalwe ngehla le.

12
4 Isizinda sendawo
.
1 • IIsizinda sendawo senovela le asikabumbani. Okutjho bona indaba yenovela le
. ayenzeki khona endaweni eyodwa kodwana yenzeka eendaweni ezinengana. Lokhu
1 kungebanga lekhambo lakaBonakele owazipha inarha asese mncani ayokufuna
unina.
• Yeke, indaba le yenzeka eendaweni ezintathu; eSiyabuswa, eBenoni neDaveyton.
Ngokwamatshwayo esinike mtloli, usivezela bona iSiyabuswa yindawo esisabelo,
eBenoni wasivezela indawana eliplasi bese iDaveyton yindawo esigoga/elilokitjhi.
• Amatshwayo la alandelako asivezela bona leendawo ezintathu ziindawo ezinjani.
ESiyabuswa (esabelweni)
Amatshwayo alandelako asikhanyisela bona indawo yeSiyabuswa iyindawo
esisabelo:
• Iintolo zikhona, lokho sikubona ngokobana uNaSilombo unikela uBonakele imali bona
ayokuthenga uburotho azokwenzela uBafunani ukudla.
• Iinkolo zikhona, ukobana indawo le ineenkolo umtloli usethulele uBonakele,
uBafunani noThokozani bafunda.
• Kuneenkhwelo, bakwaKhoza baneenkoloyi, sibabona bakhamba ngekoloyi lokha
nabaya esondweni. UBonakele naye ukhwezwa yikoloyi lokha nakasuka
ngeSiyabuswa azipha inarha.
• Imizi yakhona ihlalelene. UNaSilombo lokha nakathukana noMahlangu uthe bekalwa
nabomakhelana bakhe kodwana nakungaMahlangu azange abe ayingene indabakhe
• Amanzi asakhiwa ngemlanjeni. Lokhu sikubona ngokobana uNaSilombo athi
nakaqeda ukuthukana noMahlangu athathe umgqomu ehlele ngemlanjeni ayokukha
amanzi.
• Kuneensetjenziswa zomphakathi. Sitjelwa bona uNaSilombo banoBafunani
bebatlhoga nosende wokusa umntwana emtholapilo.
• Kuneentetjhi zamapholisa. Ngemuva kobana uBafunani aziphosele phambi kwekoloyi
beyimbulale emzini kaMahlangu kweza ipholisa lazokutjela uNaSilombo bona
ayokufanisa isidumbu sakaBafunani emakhazeni wesitetjhi samapholisa.
EBenoni (eplasini)

Ikhambo lakaBonakele lokuzipha inarha likhamba belifika emaplasini weBenoni lapho

ahlala khona emzini wakwaMbuyiseni. Usuka lapho uyokuhlala ekhuweni ebekade
alisebenzela. Yeke, ukobana iBenoni inendawo eliplasi siyibona ngamatshwayo
alandelako:
• Kufuyiwe, uNomzana uMbuyiseni nekhuwa elisetjenzwa nguBonakele bafuyile
(baneenkomo, iimbuzi, nezimvu).
• Kunamasimu, omunye womsebenzi ikhuwa eliwuqatjhele uBonakele kusiza ukulima
emasimini.
• Iinkhwelo ziyindlala, sitjelwa bona ikhuwa elisetjenzwa nguBonakele likhamba
ngepera. Ibhesi eyakhwelwa nguBonakele nakaya ngelokitjhini leDaveyton wayithola
endleni ekulu kanti nokufika kwakhe kilendawo weza ngekoloyi eyamehlisa kiyo yona
leyondlela.

13
 EDaveyton (isigoga/ilokitjhi)

Ikhambo lakaBonakele likhamba beliyokufika neDaveyton ekuyindawo esigoga nofana

elilokitjhi. Ukobana iDaveyton isigoga/ililokitjhi umtloli usikhombisa ngamatshwayo
alandelako:
• Iinkhwelo zitholakala lula. UBonakele ufika ngebhesi nakeza eDaveyton. Kunesitetjhi
sesitimela lapho uBonakele athengisa khona amahabhula.
• Kunamalampa amakhulu akhanyisa indawo yoke. Lokhu kuvela lokha uBonakele
nakavukwa madlharuma phakathi kobusukua agijima athi uyozibuyiselela kuNduku
noSponono ngemva kobana batjhise ikoloyi ebekalala ngakiyo nekwenza bona alobe
yoke into ebekanayo, okufaka hlangana nemali ayifihlileko.
• Amathuba wokuzithuthukisa nokuziphilisa manengi: UBonakele uziphilisa ngokobana
ayokuthengisela abantu abakhwela isitimela ngesitetjhini amahabhula. Kunendawo
yokuzibandulela zeendubulo nekukulapho uBonakele agcine azithuthukise khona
bewaba mbethi weendubulo osezingeni eliphezulu.
• Abantu bakhona bayazana. Lokhu sikubona ngokobana uBonakele athi nakalwa
noNduku banoSponono ngesitetjhini sesitimela kube nabanye abesana ababaziko
ababasizako ukulwisana noBonakele.

4.1.2 Isizinda sekhathi

Kilenovela umtloli usivezele isizinda sesikhathi esivangileko, okutjho bona kuvela isikhathi
sepilo yakade nesikhathi sepilo yanje.
Isikhathi sakade
Amatshwayo alandelako asivezela bona indaba yenovela le yenzeka esikhathini sakade.

• Kusese nebandlululo labamhlophe ebantwini abanzima. Lokhu kuvezwa kukobana

umtloli asitjele bona uMahlangu ubanjwa mapholisa amhlophe ngeBenoni ngebanga
lokobana ukhamba angakaphathi umazisakhe.
• UNaMndebele akawazi amalungelwakhe njengomma wekhaya. Lokhu kubonakala
ngokobana athi nakatlhoriswa yindodakwakhe uMahlangu angayokubika emapholiseni
nofana ayokufuna isizo emNyangweni wezeHlalakuhle kodwana akhethe ukutjhiya
indoda nomntwana aziphe njetshwayo lokuzilamulela. Okhunye okubufakazi balokhu
kukobana uBonakele naye bekatlhoriswa ngumanakhe uNaSilombo kodwana azange
ayokufuna isizo kebezomthetho.
• Abantu abanzima abakavumeleki bona bakhambakhambe eplasini lekhuwa ngaphandle
kwemvumo. Lokhu sikubona ngokobana uBonakele abuzwa likhuwa leplasi bona
ufunani eplasini lalo ngemva kokubaleka kwakhe kwaMbuyiseli belamthembisa
nokumbopha.
• Izinga lomnotho lisese phasi khulu: kubonakala abalingisi bathenga izinto ngeentengo
eziphasi tle. UBonakele wasungula irhwebo lokuthengisa amahabhula ngeranda linye
namasende amatjhumi amahlanu. Uyise naye uthenga iphephandaba ngamatjheleni
amabili kwaphela. Kuyavela bona imirholo yalabo abasebenzako iphasi khulu.
UBonakele ubhadelwa amaranda abu-8 ngenyanga kanti noNaMndebele naye
ubhadelwa imali engaphezu kwama-R20 ngenyanga endiyeni ebekalisebenza
ngeJwanasbhege.

14
 Isikhathi sanje
Amatshwayo alandelako asivezela bona indaba yenovela le yenzeka esikhathini sanje.

• Iindaba zirhatjhwa ngamaphephandaba nangemirhatjho nekuziinsetjenziswa zagadesi

zokurhatjha iindaba. Lokhu sikubona lokha uNaMndebele ezwa emrhatjhweni ngepi
kaBonakele banoDuke Hudson kanti uMahlangu yena uyithola ephephandabeni.
• Iinkolo nemaplasini zikhona. UBonakele ufika kwaMbuyiseli ufakwa esikolweni.
• Sebakhona nabantu abanzima abafundileko, njengoNom. Mbuyiseli ungutitjhere.
• Sekuneendawo zokuhlala eziqatjhiswako. UBonakele uqatjhe ikamuru lokuhlala
kwaMthimunye, uqatjhela nababelethi bakhe ihotela ngemva kokuthumba ipi
yezeendubulo.
• Iinkoloyi sezizinengi. UBonakele usuke eSiyabuswa ngekoloyi, ukhwela ibhesi nakaya
eDaveyton, uboleka ikoloyi kaKiller nakabuyela ekhabo nababelethi bakhe, kwaKhoza
baneenkoloyi, uBafunani utjhayiswe yikoloyi.
• Abentazana sebaba sidisi basese bancani nofana basafunda isikolo. UBafunani
uzithwala asafunda isikolo ngemva kwalokho isokana lakhe liyambalekela nekuzizinto
ezenzeka amalanga la.
• Iinarha sezinetjhebiswano nokusebenzisana. Lokhu sikubona ngokobana isokana
elilwa noBonakele livela enarheni ye-Amerika.
• Indaba yokobana uNaSilombo uhlala kwaMahlangu angakathathwa isivezela isikhathi
sanje ngombana sekuvamile bona abantu bahlalisane bangakathathani.
• Umbuso sele ukghona ukubulunga abantu abangakghoni iindleko zomngcwabo begodu
neendumbu sezibekwa emakhazeni ngaphambi kobana zibulungwe. Lokhu sikubona
lokha uBafunani nakabhubhako uNaSilombo utjelwa bona bambeke emakhazeni
wombuso bewabawa bona abulungwe mbuso ngombana yena angeze akghona
ukuqalana neendleko zomngcwabo.

4.1.3 Isizinda sesikopilo/sehlalo yabantu

Amatshwayo alandelako asivezela bona indaba yenovela le yenzeka ngaphasi kwesikopilo

elivangileko.

• Enovelini le umtloli usuivezela ikolelo evangileko kuya ngokobana abalingisi batholakala

kiziphi iindawo. Umndeni wakwaKhoza ukholelwa kuZimu. Sibabona lokha nabaya
esondweni. UNaMndebele ukholelwa kuZimu naye ngombana simbona lokha
nakaseRhawudeni nakunento ayibonako bona ingaphezu kwamandlakhe uyathandaza.
UMahlangu ukholelwa ebezimini ngombana uSgwadi nakamtjela bona uthunywe
bezimu bona ayokufuna abentwabakhe simbona ayithathela ehloko indaba leyo Begodu
ayisikimela.
• Isikopilo labantu beSiyabuswa lidzimelele ehlonipheni. Lokho sikubona ngendlela
uBonakele ahlonipha ngayo nekuyinto esihlathululela bona uyifunde ekukhuleni
kwakhe.
• Abantu beBenoni bona banobuntu nezwelo. UBonakele ubonakala afika aledlha
kwaMbuyiseli ngombana bamukela ngezandla ezimhlophe nangethando. Nalokha
nakafika eplasini lekhuwa nakhona waledlha ngombana bamukela ngethando.
• UBonakele uthi nakafika ngeBenoni wakghona ukukhambisana nesikopilo lakhona
ngombana simthola alusa, asenga begodu asiza nemasimini wekhuwa lendawo
nanyana izinto lezo bezingenziwa eSiyabuswa lapho abelethwa bewakhulela khona.

15
 • Abantu beDaveyton abanasimilo esihle. UBonakele bambone asafika bona akusuye
umuntu wakilendawo, uSponono banoDilika bakhetha ukumhlukumeza ngombana
banganaso isimilo esihle nepatho.
• Ubulelesi eDaveyton bandile. Ekufikeni kwakaBonakele eDaveyton, uSponono
banoNduku bambamba ikunzi bamthathela imali ebegade ayiphethe. Ngemva
kwamalangana bamtjhisela ikoloyi ebekahlala kiyo bebathatha imali namahabhula
awathengisako. UBonakele naye wagcina sele abona ubulelesi kuyindlela engcono
yokuziphilisa ngombana simbona eba amahabhula emarageni abetha umninisitolo
ngesimbi ehloko.
• Isikopilo lakhona liyazitjho bona kusesigoga. Ngepelaveke akulalwa kuselwa ubusuku
boke. Lokhu sikubona kwenzeka kwaMthimunye lapha uBonakele athola khona ikamuru
lokuhlala.
• Nasiyelela isikopilo leJwanasbhege kuyabonakala bona abantu besikhethu nabafika
khona balahla isikopilo lesikhethu. Lokhu sikubona ngomkhozi kaNaMndebele uNompi
Mthimunye obekaziphilela njengentombi angumma, ufuna ukumbatha ngendlela
yesimanjemanje, abizwe ngegama begodu uziselela notjwala.
Nasiyelela ihlathululo yesizinda senovela le, kuyavela bona umtloli uphumelele ukusethulela
sona ngendlela enembako.

5. Amaqhinga wokuvezwa kwabalingisi

Nasikhuluma ngamaqhinga wokuvezwa kwabalingisi sisuke sikhuluma ngendlela
esetjenziswe mtloli ekwethuleni umlingisi othileko. Lokhu ukwenzela bona abafundi benovela
leyo bazi bona umumuntu onjani nokobana silindele bona aziphathe njani ngaphasi kobujamo
obuthileko ahlangabezana nabo. Abatloli bangasebenzisa amaqhinga alandelako ukuveza
umlingisi othileko: ukuveza umlingisi ngebizo, ngezenzo, ngelembatho, ngokuzikhulumela
yena ngokwakhe nangokuhlathululwa mtloli.

5.1 Iqhinga lokuvezwa komlingisi ngebizo

Kilenoveli sithola umtloli wayo alisebenzisa leliqhinga ngombana uthiye umlingisi wayo
oyikutani ibizo elithi; ‘Bonakele’. Umlingisi lo ubonakele kwasebuncanini bakhe bona
ekugcineni uzoliphumelelisa ibhudango lakhe abegade alihlosile lokuhlanganisa unina noyise
bona babuyelane babe mndeni owodwa. Esingenisweni senovela le sivezelwa bona uyise
likaBonakele, uMahlangu utlhorisa umkakhe uNaMndebele kufika lapha azipha khona inarha
angaziwa bona uyephi, atjhiya uBonakele noyise. Ngemva kwalokho uyise uthatha omunye
umfazi uNaSilombo, nofika ngokutlhagisa uBonakele ngombana kungasuye umntwanakhe
weengazi. Lokhu kwenza uBonakele bona naye agcine aziphe inarha ngomnqopho
wokuyokufuna unina. Ekhambeni lakhe uhlangabezana neentjhijilo kodwana ubonakala
akghona ukudlula kizo zoke ngaphandle kokulahla ithemba. Nasitjheja koke lokhu
kuyabonakala bona ukwenza kwakhe kulandela igama lakhe ngombana izenzo zakhe
kwasebuncanini zibonakele bona akavumi ukobana kube nobujamo obumkhandelako bona
angafikeleli kilokho akuhlosileko epilwenakhe.

5.2 Iqhinga lokuvezwa komlingisi ngezenzo

Umtloli kilenovela ulisebenzisile iqhinga lokusivezela umlingisi oyikutani ngokwezenzo

ukwenzela bona simbone bona umumuntu onjani. UBonakele wakghona ukutjhiya ikhabo

16
 asese mncani khulu wazipha inarha angazi litho ngobujamo balapha aya khona. Isenzo sakhe
lesi sisitjela bona umumuntu onesibindi nonebonelo phambili lokobana igadango
alithathakweli lingamphumelelisa kilokho akuhlosileko nanyana angazi bona ikusasa
limphatheleni. Into nakazitjele bona uyayenza akatjhuguluki esiquntweni asithetheko. Isenzo
sakaBonakele sokobana athi asese mncani ngalendlela azi iimbongo zakayise njengombana
zinjalo sisitjela bona umlingisi ohlakaniphileko. UBonakele umlingisi ozimiselako nakathi
wenza into ethileko ngombana wakghona ukuzibandula naboKiller emdlalweni weendubulo
bekwafika lapha aba mbethi weendubulo obhadelwako.

Zinengi nezinye izenzo ezisetjenziswe mtloli enovelini le ezisivezela bona uBonakele lo

umlingisi onjani ezingakabalwa kilesisitjengiso, njeke sekusele kuwe mfundi bona uqale
nezinye izenzo ezisihlathululela uBonakele lo bona singathi umumuntu onjani.

5.3 Iqhinga lokuvezwa komlingisi ngelembatho

Umtloli kilenovela ulisebenzisile iqhinga lokusivezela umlingisi ngokumhlathulula
ngelembatho. Lokha uBonakele nakasuka eplodini lekhuwa ebegade alisebenza ngeBenoni
aya ngeDaveyton sitjelwa bona bekambethe izambatho zokwelusa namanyathelo
adabukileko anobulongwe beenkomo. Ilembatho lakheli lenza uNduku banoSponono
bonyana bambone lula lokha nakafika eDaveyton bona akahlali khona. Lokho kwenza bona
bagcine ngokumtshwenya, bambethe bebamthathele nemalakhe ngombana bathi
bayamfikisa.

5.4 Iqhinga lokuvezwa komlingisi ngokuzikhulumela

Iqhinga lokuvezwa komlingisi ngokuzikhulumela sibona umtloli alisebenzisile kilenovela
ngombana wakghona ukutjela uNaSilombo indlela azozibuyiselela ngayo kilobuhlungu
amzwisa bona. Nalokha abesana bakwaMbuyiseli nabaqeda ukumbethisa ngoNomzana
uMbuyiseli simuzwa azikhulumela bona yena nabo bazakuhlangana ngelinye ilanga, nokutjho
bona uzimisele ukuzibuyiselela. Ikulumo kayedwana ekhulunywa nguBonakele lokha
nakabona bona uKiller uyamtjhijila imhlathulula ukobana umumuntu ongavumi ukuthuselwa
nokuhlulwa.

5.5 Iqhinga lokuvezwa komlingisi ngokuhlathululwa mtloli.

Umtloli angamhlathulula umlingisi ngokwakhe ukobana umumuntu onjani, ubujamo esimthola

akibo nelingemuva lakhe. Esingenisweni senoveli le umtloli usihlathululela ngobujamo
bakaBonakele esimthola akibo nokobana kuze njani bona azithole sele akilobo bujamo.
Umtloli uragela phambili ngokusihlathululela ubudisi uBonakele ebegade aphila ngaphasi
kwabo bekwafika lapha azipha khona inarha. Iqhinga lokuvezwa komlingisi ngokuhlathululwa
mtloli lisiza umfundi bona azwisise kuhle ubujamo bomlingisi ngaphandle kokuzicabangela.

6 Imihlobo yabalingisi benovela

Abatloli bamanovela basebenzisa abalingisi abathathu abaqakathekileko ekumlingisi

oyikutani, umlingisi oyimbangi nomlingisi ohlanganisako. Ukwenzela bona indaba ikghone
ukuragela phambili babuye basebenzise nabanye abalingisi ebabizwa bona balingisi

17
 abancani/abasekelako. Enovelini le umtloli usethulele uBonakele amlingisi oyikutani,
uNaSilombo amlingisi oyimbangi bese uMahlangu waba mlingisi ohlanganisako.

6.1 Umlingisi oyikutani

Umlingisi oyikutani ngiloyo indaba edzimelele phezu kwakhe. Ukobana umlingisi uyikutani
simbona ngokobana esingenisweni avezwe anomraro aqalene nawo. Emzimbeni
kulindeleke bona avele aluka amaqhinga/amano wokobana uphuma njani emrarweni lo bese
esiphethweni silindele ukumbona bona ugcina ngani. Nasiyelela indlela amatshwayo
womlingisi oyikutani esele ahlathululwe ngehla la kuyavela bona umlingisi oyikutani enovelini
le nguBonakele. Esingenisweni senovela le uvezwa anomraro wokutlhoriswa
nguNaSilombo. Emzimbeni sivezelwa yena aluka amano wokobana angawuqeda njani
umraro aqalene nawo lo bese esiphethweni simthola aphumelela ukufumana isisombululo
sawo.
6.2 Umlingisi oyimbangi

Umlingisi oyimbangi mlingisi ojamelene nento efuna ukuphunyeleliswa mlingisi oyikutani.

Kesinye isikhathi imbangi kuba bujamo umlingisi oyikutani aqalana nabo. Imbangi nayo
ingabonakala isethubeni elihle lokuphumelela ukukhandela bona isifiso somlingisi oyikutani
sibe yipumelelo. Enovelini le umlingisi oyimbangi nguNaSilombo ngombana ekuthomeni
kwendaba simthola anamandla phezu kwakaBonakele noyise, uMahlangu. Uzibona
anamandla wokwenza nanyana yini esemkhumbulwenakhe ngaphandle kokuthikanyezwa.
Sithola uNaSilombo ajama endleleni yokobana uBonakele akhule kuhle njengabanye
abentwana ngokumtlhorisa begodu angafuni adlale nabanye abentwana.

6.3 Umlingisi oyihlanganisa

Umlingisi oyihlanganisa ngiloyo ohlanganisa umlingisi oyikutani nomlingisi oyimbangi.

Umlingisi oyihlanganisa kufuze kube mlingisi onobudlelwano obuthileko nabalingisi
ababilaba. Enoveleni le sithola uMahlangu kunguye umlingisi oyihlanganisa ngombana
nguye olethe uNaSilombo epilweni kaBonakele ngomnqopho wokobana azokuhlala naye
ngemva kokuzipha inarha kwakanina, uNaMndebele. UMahlangu umlingisi oyihlanganisa
ngombana unguyise kaBonakele kanti ngakelinye ihlangothi uthandana noNaSilombo,
nangathana bekangekho, uBonakele bengeze azana noNaSilombo.

6.4 Abalingisi abancani/abasekelako

Yelela-ke mfundi kobana indaba nofana inovela ayipheleli ebalingisini abathathu

ababalwe ngehlaba kwaphela kodwana kukhona nabanye abalingisi ababizwa ukobana
balingisi abancani/abasekelako. Kanengi abalingisi laba bahlukaniseka ngokobana
abanye babo bajame nomlingisi oyikutani, abanye bajame nomlingisi oyimbangi bese
abanye bajamelane nepumelelo yomlungisi oyikutani nanyana bangasi ngesibayeni
sembangi. Ukuhlelwa kwabalingisaba sekuzakuya ngomfundi bona umlingisi ovela
enovelini le utjhigamele ngakiliphi ihlangothi labalingisi abathathwaba lokha nakafunda
incwadi le. Ngaphasi kwabalingisi abancani kunabalingisi ekuthiwa basipara nekuthiwa

18
 bayindulungu/barondo. Okhunye esingakuveza kukobana abalingisaba baneendima
abazidlalako ukwenza bona indaba iragele phambili beyiyokufika esitlhorini sayo.
Umlingisi onguBafunani uyindulungu/orondo ngombana simthola azithanda begodu
azemukela izenzo zakanina zokobana angamkhuzi nanyana enze okungakalungi
kodwana isikhathi nasikhambako simthola atjhuguluka alemuka bona unina akamthandi.
Uyabona bona nangathana bekamthanda bekazomkhuza bekambonise indlela. Ukuba
khona komlingisi ongubafunani enoveleni le kwenza bona sikghone ukubona kuhle
ibandlululo ebelenziwa nguNaSilombo kuBonakele, ukuveza tjhatjhalazi izenzo ezimbi
egade zenziwa nguNaSilombo kuBonakele nakuMahlangu.

Umlingisi onguKiller, uNduku banoSponono bavezwe babalingisi abasipara ngombana

bavezwa ihlangothi linye lepilo begodu abatjhugutjhuguluki lokha indaba nayiragela
phambili. UKiller uvezwa athanda indlela uBonakele alwa ngayo. Lokho kugcina kumenza
bona adose amdose ayomfaka esiqhemi sezeendulo. Umtatayise bekwafika lapha
aphumelela khona aba yikutani kezeendubulo, azange atjhuguluke indlela ebekazizwa
ngayo ngoBonakele. UNduku banoSponono bamtlhagisa basathoma ukumbona
uBonakele nakafika eDaveyton bekwaba sekugcineni bangamthandi, akukho lapha
batjhuguluka indlela abazizwa ngayo ngaye.

7 Isakhiwo nesakhiwana senovela ethi, ‘UBonakele’

Nakukhulunywa ngesakhiwana senovela kusuke kukhulunywa ngokubumbeka kwenovela

ngokwemileyo eziingatjana. Kulindeleke bona ngaphasi kesinye nesinye isigatjana kube
nezehlakalo ezenzeka ngokuqongelana ekubumbeni ummongondaba wenovela leyo.
Iingatjanezi zilandelana ngendlela yokobana ekuthomeni kube singeniso, silanywe sisusa
serarano, kulandele itjharagano/ukukhula kwendaba, kulandele isitlhori bese kuba siphetho.

• Esingenisweni senovela le umtloli usethulele uBonakele kumsanyana owatjhiywa

ngunina weengazi asese mncani.
• Simthola ahlala noyise nonina ongasuye weengazi.
• Umtloli usivezele yena aqalene nomraro wokutlhagiswa ngunina omutjha lo bekwafika
lapha angasakghoni ukukghodlhelela khona.
• Umtloli usivezela yena azama ukukhulumisana noyise ngendaba le kodwana kungabi
nepumelelo bekube lapha azipha khona inarha.
• Ngaphambi kobana akhambe kwabo simuzwa atjela unina omutjha lo ukobana
uyakhamba kodwana uzakubuya azokutjhaphulula uyise kilobubudisi aqalene nabo
lapha kwabo.

• Isisusa serarano enovelini le nguNaSilombo ngokungaphathi kuhle kwakhe uBonakele.

• Lokho kugcina kubangeka umraro wokobana aziphe inarha.
• Ukutjhiya kwakhe ikhabo aye lapha angazi khona bekumzamo wokuqeda lomraro
aqalene nawo kwabo.

19
• UNaSilombo usisusa serarano ngombana ngaphambi kobana afike emzini
wakwaMahlangu lo, umtloli usitjela bona uBonakele bekazihlalele kamnandi,
anganamraro nababelethi bakhe, bebamthanda bobabili nanyana bebahlala
ngokunghwarana.

• Ukukhula kwendaba/itjharagano livela la sithola uBonakele akhamba ahlala

eendaweni ezahlukahlukeneko kodwana nakhona lapho angatholi ukuthula.
• Ngemva kokuphuma kwakhe kwabo simthola alala ehlathini amalanga amathathu
ngaphandle kokudla.
• Ukusuka lapho simthola amukelwa ngubaba uMbuyiseni kodwana nakhona lapho
azange ahlale isikhathi eside.
• Ukusuka lapho uya ekhuweni leplasi lapha azitholela khona umsebenzi.
• Uthe nakakhumbula bona into emsuse ekhabo akusi kukobana ayokufuna umsebenzi
simbona acabanga ukusuka lapho ahlabele phambili.
• Uya ngeDaveyton, ipilwakhe ayibi mnandi ngombana uhlala ngokutlhoriswa ngaso soke
isikhathi.
• Ukutlhoriswa kwakhokhu kumbangela itjhudu ngombana kukulapho uKiller ambona
khona bona angaba mbethi weedubulo omuhle.
• Mbala ugcina angenile esiqhemeni saboKiller wazibandula bekwafika lapha aba mbethi
weendubulo osezingeni eliphezulu khona.

• Esitlhorini senovela le umtloli usivezela uBonakele sele ambethi weendubulo

osezingeni eliphezulu nobhadelwako.
• Umtloli usivezela yena ayokulwa ipi nombethi weendubulo ovela ngaphetjheya
kwamalwandle, uDuke Hudson.
• Ngelanga lepi sithola unina banoyise nabo bakhona. Bobabili sibathola beze
ngomnqopho owodwa wokobana bahlangane noBonakele.
• Mbala kuthe bona uBonakele alwe nesokaneli alivuse phasi, bobabili ababelethi bakhe
bagijimela kuye kwaba kuhlangana kwabo bobathathu.
• Ukusuka lapho sithola umndeni kaMahlangu ubuyelana uba mndeni owodwa.

• Esiphethweni senovela le umtloli usethulela uBonakele sele aqalene noNaSilombo

nekukulapha amkhumbuza khona amagama amtjhiya nawo ngaphambi kobana
akhambe.
• Simthola aqotha uNaSilombo bona abone eze ngayo.

20
8. Ukulamana kwezehlakalo ezibumba ummongondaba wenovela ethi;
uBonakele.
Ukulamana kwezehlakalo kulokha umtloli wenovela alandelanisa izenzeko ezenziwa
balingisi enovelini. Izehlakalwezi zenzeka ngokulandelana bese zithi nazihlanganiswako
zibumbe indaba eyodwa umtloli anqophe ukusivezela yona ngenovelinakhe. Ukuze inovela
iphumelele ukusethulela indaba ezwakalako ifanele ibe nezehlakalo ezenzeka
ngokulamana, okutjho bona kuthoma kwenzeke esithileko bese silanywa ngesinye,
njalonjalo. Ekugcineni izehlakalwezi zibumba indaba eyodwa nekumummongondaba
wenovela leyo.

• Esingenisweni senovela le sithola bona uBonakele akanapilo ehle ngonobangela

wokutlhoriswa ngunina omutjha uNaSilombo. Sitjelwa bona unina kaBonakele weengazi
uNaMndebele wamtjhiya noyise asese mncani khulu ngonobangela wokobana
indodakwakhe, uMahlangu bekaphila ngokumhlunguphaza.
• Nasifunda inovela le ukuya phambili sitjelwa bona uBonakele bekakukghodlhelelela
ukutlhoriswa nguNaSilombo kufika lapha angasakghoni khona. Wabona bona kungcono
azilamulele ngokobana aziphe inarha.
• UBonakele uzipha inarha nje usese mncani khulu, usatlhoga itlhogomelo lababelethi.
• Uthe bona aziphe inarha njalo azange abe nendawo yokulala nokudla amalanga
amathathu woke.
• Simthola alala ehlathini bekaphila ngokudla iinthelo zemmangweni kufika lapha apheze
alunywa yinyoka khona.
• Ngemva kwalapho umukelwa emzini wakwaMbuyiseli nakhona azange ahlale isikhathi
eside ngombana abesana bakhona basuke baba nomona bamqotjhisa ngoyise.
• Ngetjhudu utholwa likhuwa leplodi elingasi kude kangako nomuzi wakwaMbuyiseli
kodwana nakhona lapho uthi nakakhumbula bona ususwe yini ekhabo ubona
kungasafaneli bona angaragela phambili nokuhlala lapho nanyana ahlala kamnandi
angatlhogi litho nje.
• Ukusuka lapho simbona asuka eplodini aya ngeDaveyton nekukulapho afikiswa khona
nguNduku banoSponono ngokobana bambethe bebamthathele nemadlana anayo
ayisebenzele pheze iminyaka emibili yoke eplodini lekhuwa.
• Indlela uBonakele amukelwa ngayo besanyanaba iyadanisa ngombana ngesikhathi
nakabaleka eplodini bekathembe bona uzaziphilisa ngemadlana leyo lapha aya khona.
• Indlela amukelwa naqalwa ngayo babantu beDaveyton yamkatelela bona agcine sele
ahlala ngaphandle kwemizi yeDaveyton, lapha kulahlwa khona iinkoloyi ezidala
ezingasasebenziko.
• UBonakele nakahlala kilendawo kutlhogeka bona azame iqhinga lokobana alale adlile
ngawo woke amalanga.
• Njeke, ukateleleka bona njalo emini aye ngesitetjhini sesitimela ayokuthengisa
amahabhula njengombana abona kusenza abanye abesanyana abaseminyakeni yakhe.
• Nanyana abanye babesanabo bazithengisela ngokuthanda kwabo kodwana uBonakele
yena ukatelelekile bona akwenze lokho ngombana kungiyo yodwa indlela angaziphilisa
ngayo.

21
• Kuthi lokha uBonakele nasele azitjela bona nokho selayitholile indlela angaziphilisa
ngayo, kufika uNduku banoSponono bamtjhisela koke anakho bekutlhogeka bona
athome ipilo phasi ngokobana ayokweba amahabhula ngemarageni avame ukuthenga
kiyo.
• Ngemva kwalapho sithola bona izinto ziyatjhuguluka epilweni kaBonakele ngokobana
azibandakanye nesiqhema sezamaguduva saboKiller.
• Ipilo kaBonakele ithoma ukuthabisa lokha umphathi wakhe esiqhemeni sezeendubulo
amfaka kilabo ababhadelwako ngombana ngaleso sikhathi besele angasahlali lapha
kulahlwa khona iinkoloyi ezingasasebenziko, sele aqatjhe ikamuru emzini
wakwaMthimunye nanyana ihlalo yakhona ingasi yihle kangako.
• Indaba yepi kaBonakele banoDuke Hudson ivela emaphephandabeni nokwenza bona
unina banoyise babe nokusolela bona kungenzeka kube mntwanabo ekukhulunywa
ngaye lo.
• Bobabili bazimisele ukuyokubukela umdlalo wezeendubulo lo, ukwenzela bona nangabe
nguye mbala uBonakele bakwazi ukutholana naye.
• Nangambala ngelanga lepi bobabili ababelethi bakaBonakele bafika lapha
ekwakuzokulwelwa khona.
• UBonakele uthi asalwa njalo ubona unina hlangana nesiqubuthu sabantu esasibukele,
lokho kumenza bona alwe ngamandla kufika lapha adula uDuke Hudson phasi khona.
• Ngemva kokuphela kwepi uMahlangu naye uthola ithuba lokungena. Uthi nakafika
kuBonakele kanti nonina sele afikile bekwaba kuhlangana kwabo.
• Ngemva kweenkulumiswano njengomndeni ngelanga elilandelako bangena indlela
bobathathu babuyela ekhabo ngeSiyabuswa.
• Ekufikeni kwabo eSiyabuswa uBonakele uqotjha umanakheuNaSilombo, njengokutjho
kwakhe mhlana akhambako.

9. Imihlobo yamararano/yamatjharagano
Irarano
Kutjhayisana ngemibono komlingisi oyedwa nofana abambalwa ngomzamo
wokurarulula ubujamo obuthileko/kungaboni ngalihlo linye bekufike lapho kuba
nokurhitjhana ngamagama nofana ukulwa ngezandla khona. Sinemihlobo emibili
yamararano. Kunerarano langaphakathi nerarano langaphandle.

Irarano/itjharagano langaphakathi

Irarano langaphakathi mhlobo werarano obamba umlingisi ayedwa. Lapha asuka

azithola anobudisi ngebanga lemicabango. Usuke ahlezi ayedwa akhuluma
ngehliziyo, ajule ngomcabango nofana abanjwe mzwangedwa.

• Kilenovela sifumana irarano langaphakathi lokha uBonakele nakahlezi

ngemlanjeni abalabala ngendlela aphethwe ngayo ngumanakhe uNaSilombo
nekukulapho agcina sele athatha isiqunto sokuzipha inarha athi uyokufuna unina.
Simuzwa asithi kulungile unina kaBafunani akaragele phambili nepilo amphilisa
yona le kodwana uZimu uyamuzwa nakathi naye lakhe lizakufika ilanga lapha
azozibuyiselela khona. Lokhu kusibumbela irarano langaphakathi ngombana
libamba umlingisi oyedwa.

22
• Elinye irarano langaphakathi livela lokha uBonakele nakasehlathini nekukulapho
alala khona amalanga amathathu. Simthola abalabala yedwa begodu anehliziyo
ebuhlungu asithi ‘ngimi lo osele aphenduke intandani namhlanjesi kube ababelethi
bami basaphila bobabili?’.
• Omunye umhlobo werarano langaphakathi utholakala lokha uBonakele nakasuka
kwaMbuyiseli ngemva kobana abesana bakhona bambethise ngoyise
ngokumleyela amala wokobana ulahle amakonyana ekweluseni ngebanga
lokobana bekalele. Ngemuva kobana uBonakele abetjhwe nguMbuyiseli, simuzwa
akhuluma yedwa asithi; ‘ubaba uMbuyiseli udlumbana bona yena uzakubuya
azokuhlala emzini onabesana abamhloye kangaka’. Ubona kungcono aziphe
inarha ayozifunela ipilo engcono. Simuzwa godu akhuluma yedwa afunga
bonyana lizakufika ilanga elisidlhayela la azakuhlangana khona noHloyiwe
banoDilika nekukulapho bazamazi khona bonyana ungubani.
• Irarano langaphakathi elilandelako lifumaneka lokha uBonakele nakasebenza
eplodini lekhuwa. Nanyana bekahlezi kamnandi, afumana ukudla, umrholo
nendawo yokulala, simthola sele abalabala yedwa bona sesiside iskhathesi
asebenza lapha.
Angeze asakghona ukuragela phambili nepilo yokutlhogomela nokulusa ifuyo.
Ungezelela ngokobana unina ubengeze ayithabela indaba yokobana yena
usebenza iplasi nekuyinto eyamenza athathe igadango lokusuka eplasini lekhuwa
aragele phambili ngokuyokufuna unina.
• EDaveyton nakhona sifumana uBonakele aba nerarano langaphakathi lokha
nakafikako. UNduku banoSponono bayabetha bebamthathela nemadlanakhe.
Uzithola angasanamali yokuthenga ukudla nendawo yokulala. Simfumana
akhuluma yedwa nakahlezi ekoloyini edala asithi lapha ahlezi khona kuzakuba
likhaya lakhe bekahlongakale. Ungezelela ngokuthi abantu beDaveyton boke
bamqala kwangasuthi akafani nabanye abantu.
• Lokha uNduku banoSponono nabaqeda ukutjhisa ikoloyi uBonakele ebekahlala
kiyo, sithola uBonakele aba nerarano langaphakathi. Uthe nakafika ekoloyinakhe
ngemva kokuyozibandula naboKiller wayifumana ivutha amalangabu. Ukhuluma
ngehliziyo ebuhlungu nakabona ikoloyakhe ivutha uthi ‘seyenzekile intando
yabantu benarha le’, bazakuthokoza nabambona ahlezi lapha ahlezi khona,
bewatjho nokobana uyabazi abantu abatjhise ikoloyakhe nabenzebona
alahlekelwe zizambatho, imali namahabhula awathengisako.

Irarano/itjharagano langaphandle

Irarano langaphandle lihlukaniseke kabili. Sithola irarano langaphandle elihlangana

nabalingisi nelihlangana nomlingisi oyikutani nobujamo bendawo.

Irarano elihlangana nabalingisi

Lomhlobo werarano uvezwa kurhitjhana ngamagama nofana kukulwa ngezandla

kwabalingisi.

• Enovelini le irarano langaphandle lokuthoma silifumana lokha uNaSilombo

nakarhitjhana noMahlangu ngamagama ngemva kokuzwa uBonakele abikela
uyise bona uNaSilombo uyamtlhorisa.

23
 UNaSilombo uthi uMahlangu uyindoda enjani ephatha umntwana njengeqanda,
uveza nokobana uNaMndebele ngathana ukhambe nomntwanakhe ngombana
yena angeze alisa ukumtshwenya. UMahlangu uyamtjhidela bekuba ngasuthi
ufuna ukumbetha.
• Elinye irarano langaphandle livela lokha uNaSilombo nakakatelela uBonakele
bona ayokuthengela uBafunani uburotho. UBonakele uzihlalele phezu kwedwala,
uNaSilombo umphosa ngemali bona ayokuthenga uburotho bewumtjela
namaganyana amhlabako wokobana unehliziywana bani yokobana
angazondiswa kulokha nakamlayako’ uveza nokobana isenzo sakhe sokuba
nehliziyo yokunghala nakamkhalimako siyamnyenyisa.
• Elinye irarano langaphandle livela lokha uBonakele nakathatha isiqunto
sokukhamba kwabo. Ngaphambi kobana akhambe simuzwa akhupha amagama
awaqalise kuNaSilombo asithi uNaSilombo asale kuhle kuzakuba sikhatjhana
angamboni kodwana uzokubuya ambone godu nekuzabe sele kusikhathi lapho
azokutjhaphulula khona uyise ebudisini aqalene nabo lapha kwabo. UNaSilombo
uphendula uBonakele ngokobana athi uyamlibala bona yena ungubani,
udlumbana bona kunento angayenza kuyapha. UBonakele wamphendula
ngokobana athi yoke imibuzwakhe le uzayiphendula mhlana abuyako. Ngemva
kwalapho uyaphuma uBonakele ubetha ibadi.
• Irarano elilama elingehleli livela lokha uMbuyiseli nakabetha uBonakele athi
uyamkhalima ngombana kulahleke amakonyana, uBonakele simbona isenzwesi
simzuswa ubuhlungu bewugcina ngokobana akhambe angasabuyi.
• Lokha uBonakele nakafika eDaveyton uNduku banoSponono bamthomelela
ngamanga bona uyabatjhayisa, bamwunawuna bebamthathela nemalakhe.
• Iraranweli liyavela godu lokha uBonakele alwa noNduku banoSponono
ngesitetjhini sesitimela. Bathoma ngokurhuga uBonakele bekufika lapha
babambana khona ngezandla bekwakhutjhelanwa nemikhwa. UBonakele naye
akhange azithambise, ubonakala azilwela bekabahlula.

Irarano hlangana nekutani nobujamo bendawo

Lomhlobo werarano ulethwa mlingisi oyikutani nasele ararana nendawo etja ahlala
kiyo nofana nabantu abanamasiko ahlukileko kunewakhe nofana mumuntu ongafuni
ukulandela isiko lakwabo. Izinto ezivame ukutjhayisana nomlingisi oyikutani endaweni
ethileko masiko, mithetho yesintu nofana yesikhuwa nendlela yokuziphatha kwabantu
nekolelo yabo kileyo ndawo.
• Enovelini yesihloko esithi; ‘UBonakele’ sifumana irarano elihlangana nomlingisi
oyikutani uBonakele nendawo yehlathini leBenoni lapho afikela khona ngemva
kokuhliswa yikoloyi evela eSiyabuswa. Simthola ahlezi ehlathini amalanga
amathathu, anganakudla, izembatho namanzi wokusela. Indawo le ibonakala
ingakafaneli ukuhlala umntwana ongangoBonakele ngombana ayikaphephi
begodu azikho iimfanelo ezinganelisa iindingo zomntwana.
• Enye indawo etjhayisana nomlingisi oyikutani kuseDaveyton lapho sithola khona
uBonakele ahlala ekoloyini edala nekuyindawo engakahlwengeki nengakaphephi
bona kungahlala umuntu kiyo. Bekangathola amalwele ahlukahlukeneko,
ahlaselwe babantu bambulale nofana abulawe lilothe.

24
• Okhunye okwenza uBonakele omlingisi oyikutani angakhambelani nendawo le
kukobana abantu bakhona abamamukeli begodu abasizani. Kuyavela bona
abantu bakhona bamqala kwangathi akafani nabantu balapho begodu nalokha
nakahlaselwa besana esitetjhini akhange kube khona omsizako, esikhundleni
salokho basizana babodwa bayamhlanganyela.
Ekugcineni kwenovela le sithola bona amararano la enze bona umlingisi oyikutani
aphumelele epilweni. Ngalokho singatjho bona amararano la aqakathekile
ekuphumeleliseni ummongodaba ohlosiweko.

10. Ummongondaba

Ummongondaba ngilokho inovela ekhuluma ngakho. Abatloli nabatlola amanovelabo vane

kukhona into abafuna ukuyidlulisela ebafundini bayo. Ekugcineni umfundi kufanele azi bona
inovela leyo ikhuluma ngani. Ummongondaba esiwethulelwa yinovela yesihloko esithi;
‘UBonakele’ kukobana umntwana okhule atlhoriswa khulu mbelethi ongasuye weengazi,
uyahlakanipha agcine aphumelele epilweni ukudlula loyo okhuliswa ngokutetenyiswa,
angakhalinywa nanyana enza izinto ezimbi.

• UBonakele msanyana onganamraro ozihlalela nababelethi bakhe bobabili, uMahlangu

banoNaMdebele ngendaweni yangeSiyabuswa.
• Ukhombise kwasebuncanini bakhe bona uzakukhula abe yindoda ehlakaniphileko.
• Indaba yonakala ngokobana unina uNaMndebele aziphe inarha ngonobangela
wokuhlunguphazwa yindodakwakhe.
• Ekukhambeni kwesikhathi uMahlangu uthola omunye umfazi, uNaSilombo naye oze
nomntwana womntazana, uBafunani.
• UNaSilombo lo mfazi onehliziyo embi, ongathandi uBonakele begodu nomtlhorisako.
• Kufika isikhathi lapha uBonakele angasakghodlheleli khona azipha inarha ngokubona
bona uyise ayikho into angamsiza ngayo.
• UBonakele ukhamba ahlala eendaweni ezahlukahlukeneko. Kokuthoma ufikela
kwaMbuyiseli ngeBenoni kodwana azange ahlale isikhathi eside kangako nanyana
ahlezi kamnandi. Unobangela wokukhamba kwakhe kukobana abesana bakhona
basuke baba nomona nababona indlela uyise athanda ngayo uBonakele ngebanga
lokukhuthala kwakhe. Lokho kubenza baluke iqhinga lokumbethisa ngoyise nokwenza
bona uBonakele agcine sele abaleka
• Ukusuka lapho uBonakele uthuthukela eplodini lekhuwa khona ngeBenoni. Ekhuweneli
ugcina azisukela ngombana afikelwe mkhumbulo wokobana nakangaphika nokuhlala
kamnandi, athole yoke into ayifunako angagcina angaphumeleli ukufeza ibhudango
lakhe lokuhlanganisa unina noyise ukuze aqothe uNaSilombo kwabo.
• Usuka lapho uthuthukela ngeDaveyton lapho afike wahlala ngekoloyi edala lapha
kulahlwa khona iinzibi, aziphilisa ngokuthengisa amahabhula ngesitetjhini sesitimela.
Ipilwakhe ayibi mnandi endaweni le ngombana abesanyana bakhona bahlala
bamhlukumeza kodwana lokho akumenzi bona alahle ithemba. Akwenzeko kuqinisekisa
bona irhwebo lakhe liragela phambili.

25
• UBonakele uba mbethi weendubulo nekuyinto eyenza bona abe yikutani evela
emaphepheni begodu lokho kwenza ababelethi bakhe bakwazi ukumbona. Ibizelweli
limenza bona abe nemali bekahlonipheke
• UBonakele nababelethi bakhe bayahlangana bebabuyela ngeSiyabuswa nekukulapho
aqotha khona uNaSilombo njengokumthembisa kwakhe ngaphambi kobana aziphe
inarha.
Nasitjheja ihlathululo engehla le kuyabonakala bona umtloli wenovela le uphumelele
ukusivezela izehlakalo ezifakazela ummongondaba lo.

11. Imilayezo

Umlayezo ngilokho umtloli afuna ukusethulela khona ngenovelakhe asebenzisa iimilo

nezenzo zabalingisi abathileko. Ngilokho ahlose bona ngemva kobana sesiyifundile inovela
sazi bona isehlakalo leso asuke atlole ngaso siyenzeka epilweni yamambala.

• Enovelini le sethulelwe uMahlangu ayindoda etlhorisa umkakhe uNaMndebele kufika

lapha umkakhe azipha khona inarha. Umlayezo esiwudluliselwa mtloli ngesenzo
sakaMahlangu lesi ngewokobana umfazi ugcina atjhiya umzakhe nabentwana nangabe
usobentwabakhe uyatlhoriswa.
• UNaMndebele sivezelwa yena asebenza kamnandi eRhawudeni bebamrholela nemali
ebonakalako kodwana ubonakala anganakho ukuthula nokuthaba ehliziywenakhe
ngombana utjhiye umntwanakhe nendodakhe eSiyabuswa. Umlayezo esiwudluliselwa
mtloli ngalokhu kukobana ayikho indawo edlula ikhaya nokuqakatheka komndeni
nanyana umuntu angaba nabo boke ubukhazikhazi bepilo obungathengwa ngemali.
• UBonakele umntwana okhule kabuhlungu ngokutlhoriswa kodwana ugcine aphumelele
esiphethweni senovela le. Umlayezo esiwufumana ngalokhu kukobana nanyana
ungaqalana neentjhijilo ezingangani epilweni kodwana lokha nawukghodlhelelako
ekugcineni ungakghona ukuphumelela.
• UNaSilombo uvezwe njengomma odelelako, otlhorisako nonganazwelo kwabanye
abantu. Ekugcineni simthola sele aqalene nobudisi bepilo, kungekho noyedwa umuntu
ofuna ukumsekela. Umlayezo esethulelwa wona ngoNaSilombo kukobana koke okumbi
okwenzako epilweni kunemiphumela yakhona.
• UBafunani uvezwe amntwana okhule atetenyiswa begodu angakhalinywa nekuyinto
eyenze bona angabi nekusasa elihle nophethe ngokuzibulala. Umlayezo esiwufumana
lapha kukobana ababelethi kufanele bangatetemisi abentwababo kodwana
ababafundise indlela ehle yokuziphatha nokuhlonipha khona bazokwazi ukuzijamela
epilweni.
Nasiyelela ihlathululo engehla kuyakhanya bona umtloli uphumelele ekusethuleleni
imilayezo ehlukahlukeneko ngezenzo nezehlakalo ezibandakanya abalingisi benovela
le. Tjheja: Zinengi nezinye iimfundo wena njengomfundi ongazifumana enovelini le
ezingakabalwa emtlolweni lo.

12. Isifundo
Isifundo ngilokho umtloli afuna bona sikuyelele endabenakhe nokungahle kwenzeke
epilweni yamambala. Isifundo singezelela ilwazi nelemuko ebafundini mayelana nepilo.
Isifundo esithulwa yinovela silola umfundi besimlungiselele bona akghone ukuqalana nepilo.

26
Ngokujayelekileko iimfundo ziba zinengi enovelini begodu zihluka ngokobana umfundi
ngamunye yena ngikuphi akufundileko emlingisini ngamunye. Nanzi ezinye zeemfundo
ezivelako enovelini le.

Nasiqala indlela uBonakele avezwe ngayo enovelini le sithola isifundo sokobana umlingisi
okghonako ukuthatha iinqunto ezihle. Lokhu sikususela ezehlakalweni ezilandelako.
• Lokha nakabona bona uNaSilombo uyamtlhorisa ubone kungcono bona atjhiye ikhabo
ayozifunela ipilo egcono sekunokobana alwisane naye.
• Uthe nakabona bona abesana bakwaMbuyiseli sebanomukghwa wokumleyela amanga
ngombana bafuna ukumqothisa ngoyise wavele watha isiqunto sokobana azikhambele
ayozifunela ipilo engcono, lapha kunganabantu abamhloye njengabesana
bakwaMbuyiseli.
• Nanyana bekahlala kamnandi ekhuweni egade alisebenza eplodini kodwana
ngokakhumbula bona into ayiphumela kwabo akusi kuhlala kamnandi uthethe isiqunto
sokobana ahlabele phambili nakafikelwa mcabango wokobana lapha ahlezi khonapha
angeze kwamhlanganisa nonina.
• Indlela uKiller amdosa ngayo lokha nakade afuna bona ayozibandula nabo
kezeendubulo beyingasiyihle kodwana wakghona ukuthatha isiqunto sokobana avume
bona uzazibandula nabo ngokubona bona mhlamunye lokhu kungamenza bona agcine
aphumelelise ibhudango lakhe.

Ngomlingisi onguBonakele sibuye sithole isifundo sokobana nawumumuntu ungaqali

ilingemuva lakho bese ufikelwa kukuzinyaza, kunalokho lisebenzisele bona likukhuthaze
ukobana ungenza ngcono epilweni. Lokhu uBonakele ukhombisa ngokobana eendaweni
ezinengi umtloli umethule aphila ipilo ebudisi kodwana koke lokho azange kumqede
amandla, azithathe njengesehluleki epilweni. Lokho kumuphe amandla bekwafika lapha
aphumelela khona.

UBonakele usifundisile bona nawumumuntu ufanele ujame emagamenakho. UBonakele

uthe nakasuka kwabo watjela uNaSilombo bona uyakhamba kodwana uzakubuya
azokukhupha uyise ebudisini aqalene nabo kwabo. Nangambala esiphethweni senovela le
ubonakala akwenza lokho, azange akhohlwe amagamakhe. Isitjengiso salokhu sivela
nalokha nakahlala ekhuweni, bekahlala kamnandi athola koke akufunako kodwana lokho
azange kumenze bona akhohlwe amagama awatjhiye noNaSilombo la.

Ngomlingisi uMahlangu sifunda bona nawumumuntu ufanele ulalele iiyeleliso zabanye

abantu bewungasabi ukulungisa iimphoso zakho. Lokhu sikususela esenzweni
sakaMahlangu sokobana alalele uSgwadi nakamyelelisa bona ayokufuna umkakhe
nomntwanakhe.

Ngomlingisi uNaMndebele sifunda bona nawungumma ufanele bona uhloniphe, uyazi

indawakho begodu ungathatheki lula. Lokhu sikubona lokha nakafika ngeJwanasbhege
akhange alahle indlela ebegade aphila ngayo lokha nakasahlala eSiyabuswa. Nanyana
umkhozakhe uNompi alinga ukumfakela ummoya wokusela utjwala nokubizwa ngegama
njengombana kusenziwa ngeJwanasbhege.
Ngomlingisi uNaSilombo sifunda bona nawungumma kumele ube netjhebiswano elihle
nabantu ohlala nabo newakhelene nabo. Lokhu sikususela ekutheni uNaSilombo
bekaphethe uBonakele noMahlangu kumbi khulu.

27
Lokho kwambangela bona nanyana bamthola asemrarweni ngokuhlongakala
komntwanakhe uBafunani bangamsiza kodwana azange bamsize, esikhundleni salokho
bamqotjha. Ngakelinye ihlangothi nabomakhelana bakhe bathe nabezwa indaba
yokuhlongakala komntwanakhe akekho namunye owazwelana naye bona angamfaka
isandla ukwenzela bona umntwanakhe agcwatjwe.

Yelela mfundi kobana iimfundo ezitholakala enovelini le azipheleli kilezi ezivezwe ngehla
nezinye ongaziveza zizokwamukelwa kodwana kulindeleke bona uzisekele.

13. Ummoya ovezwa zizehlakalo zenovela

Ummoya mazizo nofana kuthinteka kwemizwa yabalingisi ezwakaliswa kukwenzeka

kwesehlakalo esithileko enovelini. Isehlakalo singazwakalisa ummoya wokudana nofana
sizwakalise ummoya wokuthaba kuye ngokobana senzeka ngayiphi indlela nokobana
ukwenzeka kwaso kumthinta njani umlingisi nofana abalingisi abathileko benovela leyo.
Inovela yesihloko esithi; ‘UBonakele’ ibunjwa zizehlakalo ezizwakalisa ummoya ovangileko.
Sifumana izehlakalo ezizwakalisa ummoya wokudana nalezo ezizwakalisa ummoya
wokuthaba.

Ummoya wokudana
Izehlakalo nezenzo ezilandelako zivusa ummoya wokudana kubalingisi ababandakanyeka
kizo nebafundini benovela le.
• UMahlangu utlhorisa uNaMndebele, uyambetha bewumenza koke okumbi
okungazwisa umuntu wengubo ubuhlungu emmoyeni nemzimbeni. Isenzo
sakaMahlangu lesi siyadanisa ngombana uMahlangu njengendoda ulindeleke bona
athande umkakhe abe amvikele.
• UMahlangu uthatha uNaSilombo umfaka emzinakhe banoNaMndebele. UNaSilombo
uza nomntwana okungasuye wakaMahlangu weengazi. UNaSilombo ubonakala
atlhorisa umntwana kaMahlangu uBonakele noMahlangu imbala. Isehlakalwesi
siyadanisa ngombana uMahlangu bekacabanga bona uNaSilombo uzobaphatha kuhle
banomntwanakhe, avale isikhundla sakaNaMndebele.
• UBonakele ubikela uyise bona umanakhe uyamtlhorisa kodwana uyise akakuthatheli
ehloko lokho. Esikhundleni salokho umtjela bona uNaSilombo uyamthanda naye.
Isehlalako esenziwa nguMahlangu sokungayeleli indaba ayibikelwa nguBonakele,
siyadanisa ngombana kubuhlungu ukubona umntwana atlhoriswa athi nanyana atjela
umuntu amthembako bonyana uzamvikela indabakhe angayitjheji.
• UBonakele uthatha isiqunto sokobana aziphe inarha ngehloso yokuyokufuna unina
bona abuye azokuhlala nabo ekhabo. Igadangweli elithathwa nguBonakele leli lizwisa
ubuhlungu, khulukhulu nasiyelela iminyaka akiyo le bona angatjhiya ilikwabo angazazi
nokobana uyaphi begodu uyokuphatheka njani lapha aya khonapho.
• UBonakele utlhoga indawo yokulala nakafika eBenoni. Ugcina sele alala ehlathini.
Ubulawa yindlala, ukoma nelothe. Ubujamobu budanisa khulu bumenza intandani
ekubeni ababelethi bakhe bobabili bakhona basaphila.
• Uragela phambili nekhambo lakhe ufumana amahlalo kwaMbuyiseli. Nasiqale bona
uzakhe abe nepilo engcono, abesana bakhona bayamhloya kangangokobana
bamleyela amala ngokulahleka kwamakonyana ngehloso yokumraranisa noyise.

28
 Isehlakalwesi sibangela uMbuyiseli bona abethe uBonakele. Ukubetjhokhu kumzwise
ubuhlungu khulu uBonakele, ngikho simthola abaleka kwaMbuyiseli.
• UBonakele utjhinga ngeDaveyton ngehloso yokuyokufuna unina. Ekufikeni kwakhe
uzithela phezu kwakaNduku banoSponono, bayamsukela, bayambetha bebamthathela
nemadlana ebegade anayo. Isehlakalwesi siyadanisa ngombana bamthathela imadlana
ebegade azithembise bona uzaziphilisa ngayo.
• UBonakele ugcina sele ahlala ekoloyini edala ngemva kokubona ipatho embi yabantu
bendawo le. Uzwakala adaniswa kuhlala ekoloyini le, abulawa yindlala ngonobangela
wokuthathelwa imadlanakhe. Simuzwa akhupha amagama wokobana ikoloyi le
seyizakuba mumuzi azokuhlala kiwo bekahlongakale nekusisehlakalo esizwakala
sidanisa khulu.
• UBonakele uthatha igadango lokobana aziphilise ngokuthengisa amahabhula. UNduku
banoSponono baba nomona bamhlasela ngesitetjhini sesitimela kwarhatjheka
amahabhulana lawa woke abantu bazidobhela. Isehlakalwesi siyadanisa ngombana
sitjho khona uBonakele akasento angaziphilisa ngayo naphezu kobana kunganamuntu
omqalelelako.
• UNduku banoSponono batjhisela uBonakele ikoloyi ahlala kiyo. Nakabuya
ukuyozibandula naboKiller ufumana ikoloyakhe ivutha amalangabu. Lokhu kuzwisa
ubuhlungu khulu ngombana simbona atsega iinyembezi nakakhumbula bona
ukutjhiselwa ikoloyi le kumlobise indawo yokuhlala, imalakhe namahabhula
awathengisako. Ubujamobu bumkatelela bona ayokweba amahabhula emarageni
khona azakwazi ukuziphilisa.
• UBafunani uzifumana asidisi asafunda isikolo ngonobangela wokungakhalinywa
ngunina nakenza izenzo eziphuma endleleni. Lokhu kuzwisa ubuhlungu khulu
ngombana wonakalelwa ikusasa lakhe kanti nesokana elimphule idolo seliyamjikela.
• UBafunani simthola agulelwa mntwana begodu anganayo imali yokumusa
kwadorhodera. Ubujamobu bumenza ararane nonina bekamsole khulu ngokungaphathi
kuhle uMahlangu nokwala ukuyokubika umlandu kwaKhoza. Ugcina athatha isiqunto
sokuzibulala ngonobangela wokuba nehliziyo ebuhlungu nokungabi neensombululo
zemirarwakhe.
• Ukuzibulala kwakaBafunani kuletha okukhulu ukudana kuNaSilombo ngombana
bekanganamali yokumngcwaba kanti ngakelinye ihlangothi umtjhiye nomntwana
ogulako nongakhange ayombika ekhabo kwaKhoza. Ubujamobu bukatelela
uNaSilombo bona abawe umbuso bona umbulungele ithambo lakwaNkosi.
• Nakufika uBonakele nababelethi bakhe ngeSiyabuswa kwabo, uBonakele uqotha
uNaSilombo njengombana amthembisa mhlana asuka kwabo azipha inarha. Nanyana
uNaSilombo anehliziyo embi kangaka kodwana kuzwisa ubuhlungu ukobana
uBonakele amqotjhe naphezu kobana azililela bona uhlongakalelwe mntwana
ekufanele ngathana ulungiselela isilahlo sakhe.
Nasiyelela indlela umtloli asethulele ngayo izehlakalo ezibalwe ngehlezi kuba
sepepeneneni bona inovela le izwakalisa ummoya wokudana. Ummongondaba,
iimfundo nemilayezo umtloli wenovela le uzethule ngokusebenzisa izenzo ezidanisako
nezizele amatlhuwo.

29
Ummoya wethabo
Izehlakalo nezenzo ezilandelako zivusa ummoya wokuthaba kubalingisi ababandakanyeka
kizo.

• UBonakele uthe nngemva kokulala ehlathini amalanga amathathu adla iinthelo

zommango bekabulawa nalilothe waya kwaMbuyiseli nekukulapho amukelwa khona
ngezandle ezifuthumeleko. Ukwamukelwa kwakhokhu kuletha ummoya wethabo
ngomba kuletha ithemba lokobana selazakufumana ipilo engcono nenothando
nekuzizinto ebegade angazitholi nakasese kwabo.
• UBonakele wathuthukela eplasini lekhuwa ngeBenoni nekukulapho afika waledlha
khona. Uphiwa indawo yokuhlala, umsebenzi wokutlhogomela ifuyo nokusiza
emasimini begodu uyarhola. Ubujamobu buletha ummoya wethaba ngemva kobana
amaphaphu besele aphakamile, sizibuza bona uyokwenza njani njengombana
angasahlali kwaMbuyiseli nje.
• UBonakele simthola athengisa amahabhula ngesitetjhini begodu sele akghona
nokuthenga amabhokisi ambalwa nekutjho khona bona izinto besele zimkhambela
kuhle nanyana bekahlala ekoloyini edala engasasebenziko. Lokho kuletha ummoya
wethabo ngombana iintjhijilo zakhe ezinengi zithembisa njengombana sazi bona imali
ikghona ukwenza izinto zenzeke.
• UKiller udosela uBonakele esiqhemeni sabo somdlalo wezeendubulo ngombana
ambona bona unekghono lokulwa kanti nomzimbakhe uyamvumela bona angaba mdlali
weendubulo osezingeni eliphezulu. Isehlakalwesi siletha ummoya wokuthaba
ngombana kuyabonakala bona ipumelelo kaBonakele iyatjhidela.
• Isehlakalo esiletha ummoya wethabo khulu ngesenzeka esitlhorini somdlalo lo lokha
uBonakele nakalwa nesokana elivela enarheni yangaphetjheya kwamalwandle uDuke
Hudson. UBonakele wayiphumelela ipi le bekwaba kulapha atholana khona
nomndenakhe, unina noyise nekuyinto ebekayifisa ngehliziyo yakhe yoke.
• Ngemva kwalapho uumoya wethabo uragela phambili ngokobana uMahlangu,
uNaMndebele noBonakele bakhulisane bekufika lapha kuvunyelanwa khona bona
kubuyelwe emzinabo eSiyabuswa baykuhlala boke njengomndeni. Nabafika
ngeSiyabuswa uNaSilombo waphelelwa mahlalo kwaMahlangu njengombana
uBonakele wayemthembisile ngaphambi kobana aziphe inarha.

Nasiyelela ihlathululo engehla kuyabonakala bonyana nanyana inovela le izele

ngezehlakalo ezinommoya wokudana kodwana nommoya wethabo nawo ukhona nanyana
izehlakalo zawo zingasi zinengi kangako.

14. Ingemuva nesizinda somlingisi oyikutani ekuphumeleliseni

ummongondaba wenovela ethi; ‘UBonakele’
Ingemuva lomlingisi bunjalo bomlingisi nofana indlela umlingisi akhule angayo. Ngamanye
amagama sisuke sitjheje indlela umlingisi umtloli asuke amethule ngayo ngehlangothini
lobuntu bakhe/indlela abunjwe ngayo, njengokuthi unobuntu nofana akanabuntu, uyatlhaga
nofana udla izambana leponde, uhlakaniphile nofana usidlhayela, ufundile nofana
akakafundi, njll. Isizinda sifaka hlangana indawo umlingisi ahlala kiyo, isikhathi somlando
esimthola ngaphasi kwaso nesikopilo nofana ikolelo yabantu ahlala hlangana nabo.

30
• Enovelini le umtloli usebenzise ingemuva lakaBonakele kumntwana olalelako
nohloniphako.
• Umntwana osithandako isikolo kodwana ngokutlhoriswa kwakhe ngumanakhe
obengasafuni bona uBonakele adlale nabangani bakhe nekuyinto eyamenza bona
afune ukukhamba kwabo.
• Uyise uMahlangu akhange abe alinge ukurarulula umraro kaBonakele nanyana sele
amtjela.
• Ipilo egade ayiphila ekhabapha ngiyo eyagcina imbalekisile wayokufika eBenoni.
• Umtloli usivezela uBonakele sele aselokitjhini leBenoni, eDaveyton alala nemahlathini
ngombana alinga ukubalekela ubujamo bokutlhoriswa ngebanga lokutjhiywa ngumma
ombelethako.
• Ukobana uBonakele uzimisele ukutjhiya ipilo yokutlhoriswa sivezelwa yena sele ahlala
kwaNomzana uMbuyiseli nokwaba ngokwesikhatjhana ngombana abentwana bakhona
bamleyela amala nekusisehlakalo esamenza bona aphume kwaMbuyiseli aragele
phambili ngekhambo lakhe lokuyokufuna ipilo engcono.
• Wathola umsebenzi kelinye iplasi kodwana nawo wawulisa ngemva kwesikhathi
ngombana angakaneliseki emmoyeni, asafuna unina nepilo engcono kunale
ebekayiphila.
• Umtloli usethulela indawo yeSiyabuswa kuyindawo esisabelo nekhambisana nepilo
yakhe uBonakele.
• IDaveyton yona yindawo esigoga nepilo yakhona iyagijima. Ukobana uBonakele ufuna
ipilo engcono simthola athengisa amahabhula.
• Usuka lapho uhlanganyela naboKiller uba mbethi weendubulo nogcina sele ambethi
weendubulo ophambili nozenzele igama ebantwini ngokuhlula abosaziwako
kezeendubulo abanjengabo-George, D.D Bush naboFalakhona.
• Wabesele arhola bewakghona nokuzibhadelela ikamura kwaMthimunye kanti
nabentwana bakwaMthimunye besele bamhlonipha kungasafani nangesikhathi sakade
la bebamdelela khona.
• Uswaphelise ngokuthumba unongorwana waba yikutani kezeendubulo.
• Ingemuva lakaBonakele nesizinda aphile ngaphasi kwazo zibe nomthelela omkhulu
kummongondaba wenovela le.
• Nasitjheja iphuzu lokobana umtloli usivezele yena amlingisi olalelako, ohloniphako
nozifunela ipilo engcono, uBonakele ulinge ngamandlakhe woke ukuzifumanela ipilo
engcono nenokuthula.

31
16. Iinrhunyezo zezahluko zenoveli ethi; ‘UBonakele’
Izehlakalo ngokurhunyezweko
• UMahlangu utlhorisa umkakhe uNaMndebele ongunina kaBonakele.
• UNaMndebele uzipha inarha utjhiya uBonakele noyise uMahlangu.
• UMahlangu uthatha umfazi, uNaSilombo ngemva kokutjhiywa mkakhe.
ISAHLUKO 1

• UNaSilombo uza nomntwana, uBafunani okungasuye umntwana kaMahlangu

weengazi.
• UNaSilombo utlhorisa umntwana kaMahlangu uBonakele kodwana wakhe uBafunani
umphatha njengeqanda.
• UBonakele ubikela uyise kodwana uyise indaba le akayithatheli ehloko.
• UBonakele uzipha inarha ngomnqopho wokuyokufuna unina nokuthola ipilo engcono
kunale ayiphila kwabo.
• UBonakele ufika ngeBenoni ulala amalanga amathathu adla iinthelo zemmangweni
kodwana angatholi amanzi nezambatho ezifuthumeleko.
• Ngelanga lesithathu uBonakele wapheze walunywa yinyoka phezu komuthi abegade
alala kiwo.
• Ukusuka kwakhe ehlathini uya kwaMbuyiseli khona ngemaplasini wangeBenoni.
• UMbuyiseli umamukela ngezandla ezifuthumeleko nezinethando bewamenza
omunye wabentwabakhe ngokobana amfake esikolweni bewamthengela
nezambatho.
• UBonakele ulusa iinkomo zakwaMbuyiseli nabesana bakhona, uHloyiwe noDilika
njalo nababuya esikolweni.
• Indlela uBonakele ebekanehlonipho begodu alalela ngayo kwenza abesana
bakwaMbuyiseli bamhloye.
• Abesana bakwaMbuyiseli benza iqhinga lokobana babophelele amakonyana amabili
ISAHLUKO 2

emthini bese bathi nabafika ekhabo baleyela uBonakele amala bona nguye olahle
amakonyana ngombana bekalele ekwaluseni.
• UMbuyiseli ubetha uBonakele bewumtjela bona ayokufuna amakonyana lawo begodu
angabuya angakawatholi.
• UBonakele uthatha isiqunto sokobana akhambe kwaMbuyiseli ngokubona bona
abesana bakhonaba bamhloyile.
• UBonakele uthe asagelagela khona ngeBenoni wazithela phezu kwekhuwa leplodi
nelamthatha lamusa emzinalo belamupha nomsebenzi wokulilusela iinkomo, izimvu
neembuzi.
• Ngemva kweminyaka emibili neenyanga ezisithandathu asebenza ekhuweni leplodeli
uBonakele ufikelwa mkhumbulo wokobana ikhambo lakhe lokuyokufuna unina lisese
lide, njeke usuka lapho uya endleleni ekulu uyokukhwela ibhesi eya ngeDaveyton.
• Ukufika kwakhe ngeDaveyton uzithela phezu koNduku noSponono ebambona indlela
ambethe ngayo bona akusuye wendaweni yekhabo le.
• Lokho kwenza bona bamfikise ngokobana bambethe bebamthathele nemadlana
abegade ayiphethe.

32
 • Ngokubona indlela abantu beDaveyton ebebamqala ngayo uBonakele wabona
bonyana aphume hlangana nemizi aziyele lapha bekulahlwa khona iinkoloyi ezidala
ezingasasebenziko ayozihlalela khona.
• Uthe nakazisetjhako wazifumana bona usele nemali emaranda ama-2 kwaphela
bewalemuka imalakhe ithethwe besana abamfikisilekwaba, uNduku noSponono.
• Wasuka lapho uBonakele waya ngesitolo wayokuthenga amahabhula nomgadango
ukwenzelela bona kube khona akudlako.
• Uthe asahlezi ngisitolo asadla njalo kwafika umsanyana wambawa bona
amthengisele amahabhula amabili ngombana bekaphelile ngesitolo.
• Isenzweso samlemukisa bona nakangathatha imadlana asele nayo le athenge ngayo
ISAHLUKO 3

amahabhula abe manengi ayowathengisa ngesitetjhini sesitimela angenza imali ehle

tle.
• Mbala uBonakele wenza njalo kodwana ngamalanga wokuthoma azange
bamthengele ngombana wabe gade angazitshwenyi ngokuhlamba nokukama
iinhluthu zakhe.
• Ngelanga elilandelako wazihlwengisa waba muhle bekwaba kulapha amahabhulakhe
athengwa khona woke nekwaba yindlelakhe yokuziphilisa.
• Kuthe kusese njalo uNduku banoSponono bakhumbula bonyana uBonakele uhlala
ngekoloyini edala engasasebenziko bacabanga ukuyomfundisa ukuphila nabantu
balapha eDaveyton.
• UKiller Masombuka owabona ikghono lakaBonakele lokulwa ngesikhathi abethana
noNduku banoSponono waba nekareko yokumrogela bona azozibandula esiqhemeni
sabo sezamaguduza.

33
 • UKiller uya kuBonakele ufuna ukuyomrogela bona akhambe naye ukuyozibandula
kodwana kuba budisi ngombana uyikomo edla yodwa.
• UKiller uza neqhinga lokusukela uBonakele ngokumbetha, uBonakele wathi
nakalinga ukuzibuyiselela kuye wabalekela lapha azibandulela khona nekukulapho
afumana khona ithuba lokumtjela bona nakangazibandakanya nokuzibandula nabo
angagcina sele ayikutani kezeendubulo.
• UBonakele wawuthabela khulu umbono lowo, wathembisa bona sele azazidandula
nabo.
• Kuthe ngelinye ilanga abuya khona ekuzibanduleni wafumana ikoloyakhe itjhiswe
ngomlilo, kutjhe koke ngitjho nemadlana ebegade ayifihlile.
• UBonakele wahlala ekoloyinapho anganakudla nokuhlamba angasahlambi kodwana
koke lokho azange kumkhandele bona ayozibandula naboKiller.
•
ISAHLUKO 4

Ukuphila ngendlala kwambangela bona afikelwe mkhumbulo wokuyokuphula

emarageni ukuze athole amahabhula angawathengisa.
• Kuthe asese phezulu alinga ukuqunta umtato kwavela umnikazi wemaraga newathi
asalinga ukubuzabona wenzani phezu kwemaraga uBonakela walisa isimbi
ebekaqunta ngayo yawela phezu komnikazi wemaraga waduleka phasi bewayatha.
• Lokho kwabalitjhudu kuBonakele ngombana wathi nakamsetjhako wafumana
iinlodlhelo zemaraga wabese uthatha amabhoksi ama-3 wamahabhula wawalayitjha
engolovaneni wabaleka.
• Ukweba kwakhe amahabhulokhu kwamenza bona athengise khulu bekathole imali
enengi ukudlula ebakayenza ngaphambilini.
• Ukusuka lapha wabona bonyana kungcono athuthe lapha ebegade ahlala khona
ayokuqatjha ikamuru emzini wakwaMthimunye khona ngeDaveyton kodwana
azange alise ukuzibandula naboKiller.
• Nakhona kwaMthimunye lapha akhange abe nehlalo ehle ngombana khabe
bathengisa utjwala kanti nabesana bakhona bebamdelela, batjho nokobana uvela
kwantuthu akayazi ipilo yesikomplasi.

• Isahlukwesi sisibuyisela emva kiwaMahlangu ngendaweni yangeSiyabuswa, lapha

sithola bona uMahlangu akanapilo ehle ngebanga lokungaphathwa kuhle
nguNaSilombo.
•
ISAHLUKO 5

Sifumana uNaSilombo atjela uMahlangu bonyana angasathumi uBafunani ngombana

akusi mntwanakhe nekwabanga ukungasezwani emzini wakaMahlangu.
• Indlela ebegade kuphilisanwa ngayo yenza bona uBafunani aphume ngaphasi
kwelawulo wagcina sele anomntwana nomsana wakwaKhoza uThokozani.
• UNaSilombo akhange afune bona kuyokubikwa umlandu wokuzithwala
kwakaBafunani nokwenza bona nalokha umntwana lo nasele agula anganamali
yokumusa kwadorhodera babhalelwe ukuyokubika ekhabo kwaKhoza.

34
 • Isahlukwesi sisitjela ngepilo yakaNaMndebele eRhawudeni nekukulapho aya khona
ngeskhathi nakasuka ngeSiyabuswa.
• ERhawudenapha wafika nomfazi weNdiya, uJubi ahlangana naye ngeSiyabuswa
athengisa iimpahla.
ISAHLUKO 6

• Nanyana uNaMndebele abegade ahlala kamnandi emzini wakaJubi banoFoos

kodwana belingatjhingi ilanga angakakhumbuli indodanakhe uBonakele nendodakhe
yomtjhado uMahlangu.
• Okhunye okuvela esahlukwenesi kufika kwakamnakwabo kaMahlangu uSigwadi
emzini wakaMahlangu ngeSiyabuswa azomtjela bona uthunywe bezimu bona
azomtjela bonyana akhambe ayokufuna abentwabakhe.
• Ngelanga elilandelako nangambala uMahlangu wavuka ngesamarimarima
wakhamba wayokufuna abentwabakhe.
• Isahlukwesi sibuyela ngeDaveyton lapha uBonakele sele azibandula ngokupheleleko
esiqhemeni seendubulo.
• Njengombana umtloli asethulele bona uBonakele akasimumuntu odlala ngamathuba
nakavelako, njeke simthola sele ambethi weendubulo obhadelwako.
• Kwafika lapha umphathi wabo amhlelela khona ipi nesokana elalivela ngaphetjheya
uDuke Hudson.
• Indaba yepi kaBonakele banoDuke Hudson yavela emaphephandabeni nokwenza
bona unina banoyise babe nokusolela bona kungenzeka kube mntwanabo
ekukhulunywa ngaye lo.
• Lokho kwenza bona bobabili bazimisele ukuyokubukela umdlalo wezeendubulo lo,
ISAHLUKO 7

ukwenzela bona nangabe nguye mbala uBonakele bakwazi ukutholana naye.

• Nangambala ngelanga lepi bobabili ababelethi bakaBonakele bafika lapha
ekwakuzokulwelwa khona.
• UNaMndebele wathenga ithikithi wangena ewolweni la bekulwelwa khona kodwana
uMahlangu akhange akghone ukungena ngombana ubegade anganamali, njeke
walinda emnyango azitjelile bona angeze akhamba angakaboni isokaneli.
• UBonakele wathi asalwa njalo wabona unina hlangana nesiqubuthu sabantu
esasibukele, lokho kwamenza bona alwe ngamandla bekwafika lapha adula khona
uDuke Hudson khona phasi.
• Ngemva kokuphela kwepi uMahlangu naye wathola ithuba lokungena wathi nakafika
kuBonakele kanti nonina kaBonakele sele afikile bekwaba kuhlangana kwabo.
• Ngemva kweenkulumiswano njengomndeni ngelanga elilandelako bangena indlela
bobathathu babuyela ekhabo ngeSiyabuswa.

35
 • KungeSiyabuswa emzini wakwaMahlangu lapha sithola umntwana wakaBafunani
agulela ukufa, uNaSilombo atlhoga ngitjho nopeni onzima wokobana angasiwa
emtholapilo.
• Sithola uBafunani avuleka ihloko atjela unina bona indlela aziphethe ngayo ngiyo
eyenza bonyana uBonakele banoMahlangu bakhambe eSiyabuswa bangazazi
nokobana bayaphi.
• Ipi eyaba khona phakathi kwakaBafunani banonina yenza bona uBafunani atjhiye
umntwana nonina ayoziphosela phambi kwekoloyi neyamtjhayisa bewagcina sele
ahlongakele.
• UNaSilombo wathi nakalemukako bona uBafunani ukhambe nje utjhiye umntwana
ISAHLUKO 8

agula, wathatha umntwana lo wamlalilsa phezu kwetafula ihloko yalengelela atjho

ukumkapa ngezembe amquntule intamo.
• Kuthe kusese njalo kwangena ipholisa elaligade lizokubika bona uBafunani
uhlongakele.
• Ngesikhathi uNaSilombo asaphume nepholisa ayokuhlola isidumbu sakaBafunani
kwasala kufika umndeni wakwaMahlangu, uBonakele nababelethi bakhe.
• UNaSilombo wathi nakabuyako wathola uBonakele amlindile ukuzomtjela bona
sekufike isikhathesa ebekathe uzokubuya ngaso azokutjhaphulula uyise ebudisini
ebekaqalene nabo kwabo.
• UNaSilombo wathi nanyana athi ubabikela ngokuhlongakala kwakaBafunani
akhange bafune ukumlalela. UBonakele wamqotha, uMahlangu banoNaMndebele
akhange baphawule ngalokho.
• Umndeni wakwaMahlangu wabuyelana godu waba ndawonye.

17. Ngonjani umbuzo onemibuzo emifitjhani?

Embuzweni onemibuzo emifitjhani unikelwa isiqetjhana esidzujulwe enovelini esinamagama ama-

200-350 esisetjenziselwe ukukukhumbuza ngencwadi yoke. Eminye ingaqaliswa esiqetjhaneni
esidzujulweko kanti eminye ingahlola ukuzwisisa kwakho imileyo yenovela yoke, ekungaba kuvezwa
kwabalingisi, ummongondaba wenovela, imihlobo yamararano, njll. Eminye imibuzo izokufuna
imibonwakho ukuya ngelwazi onalo.

Imibuzo enemibuzo emifitjhani

Izehlakalo ngokurhunyezweko
• UMahlangu utlhorisa umkakhe uNaMndebele ongunina kaBonakele.
• UNaMndebele uzipha inarha utjhiya uBonakele noyise uMahlangu.
ISAHLUKO 1

• UMahlangu uthatha umfazi, uNaSilombo ngemva kokutjhiywa mkakhe.

• UNaSilombo uza nomntwana, uBafunani okungasuye umntwana kaMahlangu weengazi.
• UNaSilombo utlhorisa umntwana kaMahlangu uBonakele kodwana wakhe uBafunani
umphatha njengeqanda.
• UBonakele ubikela uyise kodwana uyise indaba le akayithatheli ehloko.
• UBonakele uzipha inarha ngomnqopho wokuyokufuna unina nokuthola ipilo engcono
kunale ayiphila kwabo.

36
UMSEBENZI WESAHLUKO SOKU-1

1.1 Tlola igama lendawo lapho kwabelethelwa khona uNaSilombo. (1)

1.2 Tlola igama lomlingisi oyikutani elivezwe esiqetjhini sokuthoma nomraro aqalene nawo. (2)

1.3 Tlola igama lomlingisi oyimbangi obonakele ajamelene nepilo kanye nehlalakuhle
yomlingisi oyikutani. (2)

1.4 Tlola amatshwayo AMABILI ebekabonakala kuBonakele bonyana umntwana

otlhoriswako nongatholi itjhejo kwabo. (2)

1.5 Rhunyeza ngephuzu ELILODWA okusisusa serarano enovelini le. (2)

1.6 Rhunyeza ngephuzu ELILODWA bonyana kweza njani bona uNaMndebele, ongunina
kaBonakele azifumane sele aseJwanasbhege. (2)

1.7 Madanisa indlela uNaSilombo ebekaphatha ngayo uBonakele naleyo ebekaphatha

ngayo uBafunani ngaphambi kobana uBonakele aziphe inarha. (2)

1.8 Hlathulula bona izenzo zomlingisi onguNaSilombo esahlukwenesi zimveza amumuntu

onjani? Ipendulwakho ayibe maphuzu AMABILI. (2)

1.9 Ucabanga bonyana kwabangelwa yini bona uNaMndebele athi nakazipha inarha atjhiye
umntwanakhe uBonakele, angakhambi naye? (2)

1.10 Ucabanga bona uyini unobangela owenza uMahlangu bona angathatheli phezulu ikulumo
kaBonakele yokobana umanakhe uyamtlhorisa? Sekela ipendulwakho ngephuzu
ELILODWA. (2)

1.11 Phendula isitatimende esingenzasi ngoLiqiniso nofana Akusilo iqiniso bese usekela
isiqunto osithathako ngephuzu ELILODWA.

UNaSilombo azange atshwenyeka nakancani ngemva kobana uBonakele aziphe inarha,

angaziwa bona uyaphi begodu uyokuphila bunjani lapha aya khona. (2)

1.12 Coca ngokuphumelela komtloli ukusethulela isingeniso senovela le. Ipendulwakho ayibe
maphuzu AMATHATHU. (3)

1.13 Tshwaya ngommoya ozwakaliswa sisehlakalo lapha uBonakele alayelisa khona

uNaSilombo. Ipendulwakho ayibe liphuzu ELILODWA. (2)

37
 Izehlakalo ngokurhunyezweko
• UBonakele ufika ngeBenoni ulala amalanga amathathu adla iinthelo zemmangweni
kodwana angatholi amanzi nezambatho ezifuthumeleko.
• Ngelanga lesithathu uBonakele wapheze walunywa yinyoka phezu komuthi abegade
alala kiwo.
• Usuka ehlathini uya kwaMbuyiseli khona ngemaplasini wangeBenoni.
• UMbuyiseli uyamamukela ngezandla ezifuthumeleko nezinethando, umenza omunye
wabentwabakhe ngokobana amfake esikolweni bewamthengela nezambatho.
• UBonakele ulusa iinkomo zakwaMbuyiseli nabesana bakhona, uHloyiwe noDilika
ngamalanga nababuya esikolweni.
• Indlela uBonakele ahlonipha begodu alalela ngayo yenza abesana bakwaMbuyiseli
bamhloye.
• Abesana bakwaMbuyiseli benza iqhinga lokobana babophelele amakonyana amabili
ISAHLUKO 2

emthini bese bathi nabafika ekhabo baleyela uBonakele amala bona nguye olahle
amakonyana ngombana bekalele ekwaluseni.
• UMbuyiseli ubetha uBonakele bewumtjela bona ayokufuna amakonyana lawo begodu
angabuyi angakawatholi.
• UBonakele uthatha isiqunto sokobana akhambe kwaMbuyiseli ngokubona bona
abesana bakhonaba bamhloyile.
• UBonakele uthi asagelagela khona ngeBenoni azithele phezu kwekhuwa leplasi,
liyamthatha limusa emzinalo belimupha nomsebenzi wokulusa iinkomo, izimvu
neembuzi.
• Ngemva kweminyaka emibili neenyanga ezisithandathu asebenza ekhuweni leplaseli
uBonakele ufikelwa mkhumbulo wokobana ikhambo lakhe lokuyokufuna unina lisese
lide, njeke usuka lapho uya endleleni ekulu uyokukhwela ibhesi eya ngeDaveyton.
• Ukufika kwakhe ngeDaveyton uzithela phezu koNduku noSponono ebambona indlela
ambethe ngayo bona akusuye wendaweni yekhabo le.
• Lokho kwenza bona bamfikise ngokobana bambethe bebamthathele nemadlana
ayiphetheko.

UMSEBENZI WESAHLUKO SESI-2

2.1 Tlola bona uBonakele wahlala amalanga amangakhi ehlathini. (1)

2.2 Tlola iintjhijilo EZIMBILI uBonakele ahlangabezana nazo ngesikhathi alele ehlathini
ngemva kokusuka kwakhe ekhabo. (2)

2.3 Tlola bona uBonakele nakasuka ehlathini wabawa isizo kwabani begodu uNomzana
walapho bekasebenza muphi umsebenzi? (2)

2.4 Ngikuphi okwenza bona uNomzana walapha kwafikela khona uBonakele amthande
khulu nekwagcina sele kwenza abentwabakhe bona bahloye uBonakele? (1)

2.5 Tlola isizathu esenza bona uBonakele agcine akhambile ekhuweni ebekasebenza kilo
nanyana gade ahlala kamnandi kangaka nje. (2)

2.6 Rhunyeza iqhinga lokuqotjhisa uBonakele elenziwa madodana wakwaMbuyiseli.

Ipendulwakho ayibe liphuzu ELILODWA. (2)

38
2.7 Ucabanga bona uyini umnqopho womtloli wokobana athathe uBonakele ayomhlalisa
kwaMbuyiseli ngaphambi kobana aye ngeDaveyton? (2)

2.8 Madanisa ipilo yakaBonakele ngesikhathi asahlala ekhabo eSiyabuswa nepilo afika
wayiphila nakafika kwaMbuyiseli. (2)

2.9 Khetha ipendulo enembako kezingenzasi bese uqedelela ngayo umutjho olandelako.
Umhlobo werarano esiwuthola lokha uNduku banoSponono babetha uBonakele nakafika
eDaveyton lirarano la...

A Ngaphakathi.
B Ngaphandle/Lahlangana nomlingisi nomunye umlingisi.
C Hlangana nomlingisi nendawo.
D Hlangana nomlingisi nesiko. (2)

2.11 Hlathulula bona ngisiphi isifundo esisethulelwa mtloli ngesenzo somlingisi

onguBonakele sokusuka eplasini lekhuwa nanyana bekahlala kamnandi anakho koke
akutlhogako. Ipendulwakho ayibe liphuzu ELILODWA. (2)

2.12 Ucabanga bona izenzo zakaNduku banoSponono zokutlhagisa uBonakele ngebanga

lokobana akahlali eDaveyton zisitjelani ngabesanyana abakhulela eloktjhini/esigoga?
Ipendulwakho ayibe liphuzu ELILODWA. (2)

2.12 Ingabe uyasisola isenzo sakaMbuyiseli sokujezisa uBonakele ngonobangela

wokulahleka kwamakonyana? Sekela isiqunto osithathako ngephuzu ELILODWA. (2)

2.13 Tshwaya ngokukholweka kwesenzo sakaNduku banoSponono sokusukela uBonakele

bambethe angakabenzi litho. (2)

2.14 Coca ngokuphumelela komtloli ukusebenzisa ilimi esahlukweni sesi-2 senovela le.
Ipendulwakho ayibe liphuzu ELILODWA. (1)
[25]

39
Izehlakalo ngokurhunyezweko
• Ngokubona indlela abantu beDaveyton ebamqala ngayo uBonakele ubona
bonyana aphume hlangana nemizi aziyele lapha kulahlwa khona iinkoloyi ezidala
ezingasasebenziko ayozihlalela khona.
• Uthi nakazisetjhako ufumana bona usele nemali emaranda ama-2 kwaphela
bewalemuka bona imalakhe ithethwe besana abamfikisilekwaba, uNduku
noSponono.
• UBonakele uya ngesitolo uyokuthenga amahabhula nomgadango ukwenzelela
bona kube khona akudlako.
• Uthi nakasahlezi ngesitolo asadla njalo kufika umsanyana umbawa bona
amthengisele amahabhula amabili ngombana aphelile ngesitolo.
ISAHLUKO 3

• Isenzwesi simlemukisa bona nakangathatha imadlana asele nayo le athenge

ngayo amahabhula abe manengi ayowathengisa ngesitetjhini sesitimela angenza
imali ehle tle.
• Mbala uBonakele wenza njalo kodwana ngamalanga wokuthoma simthola
bangamthengeli ngombana akazitshwenyi ngokuhlamba nokukama iinhluthu
zakhe.
• Ngelanga elilandelako uyazihlwengisa uba muhle namahabhulakhe ayathengwa
nekuba yindlelakhe yokuziphilisa.
• Kuthi kusese njalo uNduku banoSponono bakhumbule bonyana uBonakele uhlala
ngekoloyini edala engasasebenziko bacabange ukuyomfundisa ukuphila nabantu
balapha eDaveyton.
• UKiller Masombuka ubona ikghono lakaBonakele lokulwa ngesikhathi abethana
noNduku banoSponono uba nekareko yokumrogela bona azozibandula
esiqhemeni sabo sezamaguduza.

UMSEBENZI WESAHLUKO SESI-3

3.1 Tlola amabizo wabesana ababetha uBonakele mhlana afika endaweni eDaveyton. (2)

3.2 Ngokurhunyezweko tlola unobangela owenza bona uBonakele agcine sele ahlezi
ngekoloyini ngemva kobana alinge ukuzibandula nakabuya ukuyokuthengisa
ngesitetjhini. (2)

3.3 Tlola bona uBonakele uhlezi isikhathi esingangani esikorokorweni sekoloyi ngaphambi
kobana ayozibandula naboKiller? (1)

3.4 Tlola bona abantu beDaveyton gade bamcabangela bona uneminyaka emingaki
uBonakele. (1)

3.5 Ngokurhunyezweko tlola ngamaphuzu AMABILI okwenzeka ngemva kobana

uBonakele athengisele umsanyana owambawa bona amthengisele amahabhula
ngombana aphelile ngesitolo. (2)

3.6 Hlathulula umnqopho womtloli wokobana asebenzise umsana bona azokuthenga

amahabhula kuBonakele. (2)

40
3.7 Isenzo somlingisi onguBonakele sokobana angaphenduli uNduku banoSponono lokha
nabamsukelako ngesitetjhini simveza amlingisi onjani? Sekela ipendulwakho
ngephuziu ELILODWA. (2)

3.8 Ucabanga bona indlela uNduku banoSponono ebaphila ngayo iyakhambelana

nesizinda sendawo yeDaveyton? Sekela ipendulwakho ngephuzu ELILODWA. (2)

3.9 UBonakele njengomntwana ohlala endleleni uziphilisa ngokuthengisa. Ingabe ngikuphi

okhunye okungenziwa bentwana abahlala eendleleni abangaziphilisa ngakho
ngaphandle kokuthengisa nokweba? Ipendulo ayibe maphuzu AMABILI. (2)

3.10 Tshwaya ngokuphumelela komtloli ekusebenziseni umlingisi onguKiller ukufikisa

inovela le esiphethweni asihlosileko. (2)

3.11 Nangathana bewusebujameni obufana nebekaBonakele bokobana uzithole utlhagiswa

ngabanye abantu ngikuphi ebewungakwenza? Ipendulwakho ayibe liphuzu
ELILODWA. (2)
[25]

Izehlakalo ngokurhunyezweko
• UKiller uya kuBonakele ufuna ukumrogela bona akhambe naye ayozibandula
nabo kodwana kuba budisi ngombana uyikomo edla yodwa.
• UKiller uza neqhinga lokusukela uBonakele ngokumbetha, uBonakele uthi
nakalinga ukuzibuyiselela kuye ubalekela lapha azibandulela khona nekukulapho
afumana khona ithuba lokumtjela bona nakangazibandakanya nokuzibandula
nabo angagcina sele ayikutani kezeendubulo.
• UBonakele uwuthabela khulu umbono lowo, uthembisa ukubuya azozidandula
nabo.
• Ngelinye ilanga nakabuya ekuzibanduleni ufumana ikoloyakhe itjhiswe ngomlilo,
kutjhe koke ngitjho nemadlana ebegade ayifihlile.
• UBonakele uhlala ekoloyinapho anganakudla nokuhlamba angasahlambi
kodwana koke lokho azange kumkhandele bona ayozibandula naboKiller.
ISAHLUKO 4

• Ukuphila ngendlala kwambangela bona afikelwe mkhumbulo wokuyokuphula

emarageni ukuze athole amahabhula angawathengisa.
• Uthi nakalinga ukuqunta umtato kuvela umnikazi wemaraga newathi asalinga
ukubuza bona wenzani phezu kwemaraga uBonakele walisa isimbi ebekaqunta
ngayo yawela phezu komnikazi wemaraga waduleka phasi bewayatha.
• Lokho kwaba litjhudu kuBonakele ngombana wathi nakamsetjhako wafumana
iinlodlhelo zemaraga wabese uthatha amabhoksi ama-3 wamahabhula
wawalayitjha engolovaneni wabaleka.
• Ukweba kwakhe amahabhulokhu kwamenza bona athengise khulu bekathole
imali enengi ukudlula ebakayenza ngaphambilini.
• Ukusuka lapha ubona bonyana kungcono athuthe lapha ebegade ahlala khona
ayokuqatjha ikamuru emzini wakwaMthimunye khona ngeDaveyton kodwana
azange alise ukuzibandula naboKiller.
• Nakhona kwaMthimunye lapha akhange abe nehlalo ehle ngombana bathengisa
utjwala kanti nabesana bakhona bayamdelela, batjho nokobana uvela kwantuthu
akayazi ipilo yesikomplasi.

41
UMSEBENZI WESAHLUKO SESI-4

4.1 Tlola bona uKiller uneminyaka emingaki ayikutani kezeendubulo? (1)

4.2 Tlola bona kungebanga lani uKiller afika lapho kuhlala khona uBonakele
wamsukela wambetha kunokobana akhulume naye kuhle? (2)

4.3 Tlola isenzo esibulelesi esenziwa nguBonakele ngemva kobana atjhiselwe

ikoloyakhe nebesingamfaka ejele. (1)

4.4 Ngokurhunyezweko tlola unobangela owenza uKiller afune bona uBonakele

angene esiqhemeni sabo samaguduva. Ipendulwakho ayibe maphuzu AMABILI.
(2)

4.5 Tlola izinto EZIMBILI uBonakele azilobako nakutjhiswa ikoloyi ebekahlala kiyo. (2)

4.6 Ngokurhunyezweko tlola ummongo walokho uKiller akutjela uBonakele

ngesikhathi bangaphakathi kwendlu yokuzibandulela iindubulo kokuthoma. (2)

4.7 Ingabe ukuhlaselwa kwakaBonakele besana beDaveyton esitetjhini seentimela

lapho ebekathengisa khona kube namuphi umthelela epilwenakhe? Ipendulo
ayibe liphuzu ELILODWA. (2)

4.8 Hlathulula bona amagama akhulunywa nguKiller athi, ‘UBonakele uyikomo edla
yodwa’ amveza amlingisi onjani uBonakele. Ipendulwakho ayibe liphuzu
ELILODWA. (2)

4.9 Ucabanga bona uyini umnqopho womtloli wokusebenzisa uNduku banoSponono

bona bahlale babetha uBonakele, bamthathele nemalakhe bebamonele
ipahlakhe? Sekela ipendulwakho ngephuzu ELILODWA. (2)

4.10 Ucabanga bona isenzo sakaBonakele sokulwa nabantu abanengi singaba

namuphi umphumela ekuphepheni kwakhe la ahlala khona. (2)

4.11 Ucabanga bona ngibuphi ubungozi obebungavelela uBonakele ngokuhlala

ekoloyini edala ngaphandle kokwetjelwa nokutjhiselwa njengokwenza
kwakaNduku banoSponono. Ipendulo ayibe maphuzu AMABILI. (2)

4.12 Ingabe ucabanga bona kwaba sisenzo ESILUNGILEKO nofana

ESINGAKALUNGI esenziwa nguKiller sokudosa uBonakele ngokumbetha?
Ipendulwakho ayibe liphuzu ELILODWA. (2)

4.13 Ingabe isenzo sakaDabula sokungena ngelawini lakaBonakele ngaphandle

kokukokoda, afike akhulume ngendlela athanda ngayo noBonakele le sisitjelani
ngaye ebujameni bemikghwa mazombe? Sekela ipendulwakho ngephuzu
ELILODWA. (2)

42
 4.14 Coca uveze amazizwakho ngamagama akhulunywa nguBonakele athi,
‘...umuntu akaphunyeleliswa yifundo kwaphela...’. ipendulwakho ayibe liphuzu
ELILODWA. (1)
[25]

Izehlakalo ngokurhunyezweko
• Isahlukwesi sisibuyisela emva kwaMahlangu ngendaweni yangeSiyabuswa, lapha
sithola bona uMahlangu akanapilo ehle ngebanga lokungaphathwa kuhle
nguNaSilombo.
• Sifumana uNaSilombo atjela uMahlangu bonyana angasathumi uBafunani
ISAHLUKO 5

ngombana akusimntwana wakhe nekwabanga ukungasezwani emzini

wakaMahlangu.
• Indlela ebegade kuphilisanwa ngayo yenza bona uBafunani aphume ngaphasi
kwelawulo wagcina sele anomntwana nomsana wakwaKhoza uThokozani.
• UNaSilombo akhange afune bona kuyokubikwa umlandu wokuzithwala
kwakaBafunani nokwenza bona lokha umntwana nasele agula banganamali
yokumusa kwadorhodera babhalelwe ukuyokubika ekhabo kwaKhoza.

UMSEBENZI WESAHLUKO SESI-5

5.1 Tlola igama lendawo lapho uNaSilombo nomntwanakhe uBafunani

bebahlala khona ngaphambi kobana bazokuhlala eSiyabuswa (1)
kwaMahlangu.

5.2 Tlola ibizo nesibongo somsana ebekathandana noBafunani. (2)

5.3 Tlola isizathu esenza bona uNaSilombo ale bona uMahlangu athume
uBafunani esitolo. (1)

5.4 Rhunyeza izinto EZIMBILI ezihle uMahlangu azikhumbulako ngomkakhe

uNaMndebele. (2)

5.5 Tlola umehluko okhona ngokwehlalisano phakathi komuzi wakwakhoza

nowakwaMahlangu. Ipendulo ayibe liphuzu ELILODWA. (2)

5.6 Rhunyeza ngamaphuzu AMABILI amatshwayo atholakala emzimbeni

kaBafunani aveza ukungakaphili kuhle kwakhe.
(Zimbili iimpendulo kezingehla.) (2)

5.7 Ucabanga bona siyini isisusa serarano langaphandle elihlangana

nabalingisi esahlukwenesi? Ipendulwakho ayibe liphuzu ELILODWA. (2)

5.8 Phendula isitatimende esingenzasi ngoLIQINISO nofana AKUSILO

IQINISO bese usekela isiqunto osithathako ngokuqalisa kilokho
okubonakala kwenzeka enovelini le.

43
 Abentwana abakhulela emndenini obambeneko bayakghona ukuzithathela
iinqunto ezifaneleko epilweni. (2)

5.9 Hlathulula obekungenziwa nguThokozani banoBafunani ukukhandela

ubujamo bokuzithwala okungakahlelelwa kukaBafunani. Ipendulo ayibe
liphuzu ELILODWA. (2)

5.10 Ingabe isenzo sakaMahlangu sokuzisola ngokuthatha kwakhe uNaSilombo

sisitjelani ngobujamo esele akibo? Ipendulwakho ayibe liphuzu ELILODWA. (2)

5.11 Hlathulula bona umtloli usivezele iSiyabuswa iyindawo enjani ngokuya

kwesahlukwesi. Ipendulwakho ayibe liphuzu ELILODWA. (2)

5.12 Ingabe isenzo somlingisi onguNaSilombo sokobana kungabikwa

ukuzithwala kwakaBafunani kwaKhoza siyamukeleka nofana asamukeleki?
Ipendulwakho ayibe liphuzu ELILODWA. (2)

5.13 Coca ngommoya ozwakaliswa sisehlakalo sokobana uMahlangu adime

uBafunani imali yokubhadela ikhambo lesikolo. Ipendulwakho ayibe liphuzu
ELILODWA. (2)

5.14 Ingabe isenzo sokobana uMahlangu simbone sele athobela koke okufunwa
nguNaSilombo ekubeni ubegade atlhorisa uNaMndebele siyakholweka
nofana asikholweki? Sekela ipendulwakho ngephuzu ELILODWA. (1)
[25]

Izehlakalo ngokurhunyezweko
• Sitjela ngepilo yakaNaMndebele eRhawudeni nekukulapho aya khona ngeskhathi
nakasuka ngeSiyabuswa.
• ERhawudenapha wafika nomfazi weNdiya, uJubi ahlangana naye ngeSiyabuswa
athengisa iimpahla.
ISAHLUKO 6

• Nanyana uNaMndebele ahlala kamnandi emzini wakaJubi banoFoos kodwana

alitjhingi ilanga angakakhumbuli indodanakhe uBonakele nendodakhe yomtjhado
uMahlangu.
• USigwadi umnakwabo kaMahlangu ufika emzini wakaMahlangu ngeSiyabuswa,
umtjela bona uthunywe bezimu bona azomtjela bonyana akhambe ayokufuna
abentwabakhe.
• UMahlangu uvuka ngesamarimarima uyakhamba uyokufuna abentwabakhe.

44
UMSEBENZI WESAHLUKO SESI-6

6.1 Tlola igama lendawo lapha uNaMndebele ahlala bewasebenza kiyo. (1)

6.2 Tlola iminyaka uNaMndebele egade sele ayihlezi lapha ebekasebenza khona
ngaphambi kobana abuyelane nomndenakhe. (1)

6.3 Tlola iintjhijilo EZIMBILI uMahlangu ahlangabezana nazo ekhambeni lakhe

lokuyokufuna abentwabakhe. (2)

6.4 Rhunyeza ummongo webhudango lakaNaMndebele aba nalo ngomndenakhe. (2)

6.5 Ngokurhunyezweko tlola unobangela owenza bona uSgwadi asuke

eMgungundlovu aye kwamnakwabo uMahlangu eSiyabuswa. (2)

6.6 Ucabanga bona ngiziphi iindlela ezisetjenziswako esikhathini sanje lokha

nakufunwa abantu abalahlekileko ezingasetjenziswa nguMahlangu ukufuna
abentwabakhe? Ipendulo ayibe maphuzu AMABILI. (2)

6.7 Ucabanga bona siyini isizathu somtloli sokobana asebenzise umlingisi

onguSgwadi ukobana kube nguye ozokutjela uMahlangu bona ayokufuna
abentwabakhe? Ipendulwakho ayibe liphuzu ELILODWA. (2)

6.8 Ingabe ikulumo kaSgwadi ethi; ‘Sebakuphendule umfazi ngalendlela!’ isitjelani

ngoMahlangu? Ipendulwakho ayibe liphuzu ELILODWA. (2)

6.9 Phendula isitatimende esingenzasi ngoLiqiniso nofana Akusilo iqiniso bese

usekela isiqunto osithathako ngephuzu ELILODWA.

Umlingisi onguMahlangu uvezwe amumuntu okholelwako ebezimini. (2)

6.10 Ingabe uyamsola na uSgwadi ngesenzo sakhe sokungafuni ukudla nokungena

ngendlini kamnakwabo uMahlangu? Sekela ipendulwakho ngephuzu ELILODWA. (2)

6.11 Ingabe isenzo sakaNaMndebele sokobana atjhiye umuzakhe aziphe inarha

ngebanga lokobana utlhoriswa nguMahlangu siyamukeleka nofana asamukeleki
na? Sekela isiqunto osithathako ngephuzu ELILODWA. (2)
[20]

45
 Izehlakalo ngokurhunyezweko
• Isahlukwesi sibuyela ngeDaveyton lapha uBonakele sele azibandula ngokupheleleko
esiqhemeni seendubulo.
• Njengombana umtloli asethulele bona uBonakele akasimumuntu odlala ngamathuba
nakavelako, njeke simthola sele ambethi weendubulo obhadelwako.
• Kwafika lapha umphathi wabo amhlelela khona ipi nesokana elalivela ngaphetjheya uDuke
Hudson.
• Indaba yepi kaBonakele banoDuke Hudson ivela emaphephandabeni nemirhatjhweni
nokwenza bona unina banoyise babe nokusolela bona kungenzeka kube mntwanabo
ekukhulunywa ngaye lo.
• Lokho kwenza bona bobabili bazimisele ukuyokubukela umdlalo wezeendubulo lo,
ISAHLUKO 7

ukwenzela bona nangabe nguye mbala uBonakele bakwazi ukutholana naye.

• Nangambala ngelanga lepi bobabili ababelethi bakaBonakele bafika lapha
ekwakuzokulwelwa khona.
• UNaMndebele uthenga ithikithi ungena ewolweni la bekulwelwa khona kodwana
uMahlangu akhange akghone ukungena ngombana ubegade anganamali, njeke ulinda
emnyango azitjelile bona angeze akhamba angakaboni isokaneli.
• UBonakele uthe asalwa njalo ubona unina hlangana nesiqubuthu sabantu esasibukele,
lokho kumenza bona alwe ngamandla bekwafika lapha adula khona uDuke Hudson khona
phasi.
• Ngemva kokuphela kwepi uMahlangu naye uthola ithuba lokungena uthe nakafika
kuBonakele kanti nonina kaBonakele sele afikile bekwaba kuhlangana kwabo.
• Ngemva kweenkulumiswano njengomndeni ngelanga elilandelako bangena indlela
bobathathu babuyela ekhabo ngeSiyabuswa.

UMSEBENZI WESAHLUKO SE-7

7.1 Tlola igama nesibongo sesokana le-Amerika elabethana noBonakele emdlalweni

wezeendubulo. (2)

7.2 Tlola unongorwana ebewuzokuthunjwa nguBonakele nesokana le-Amerika

ekukhulunywa ngalo embuzweni 7.1 ngehla. (1)

7.3 Tlola bona uBonakele bekaneminyaka emingaki ngesikhathi alwa nesokana le-Amerika
leli? (1)

7.4 Tlola amabizo wabantu ABABILI esele bahlulwe nguBonakele eendubulweni ngaphambi
kobana azokulwa nesokana le-Amerika. (2)

7.5 Rhunyeza indlela uNaMndebele banoMahlangu ebazi ngayo mayelana nepi ephakathi
kukaBonakele nesokana le-Amerika. Ipendulwakho ayibe maphuzu AMABILI. (2)

7.6 Ngokurhunyezweko tlola isizathu esenza bona uMahlangu abhalelwe kungena ewolweni
la ipi kaBonakele nesokana le-Amerika beyilwelwa khona. Ipendulwakho ayibe liphuzu
ELILODWA. (2)

46
7.7 Ucabanga bona ukubotjhwa kwakaMahlangu ngebanga lokungakaphathi umazisi
kusitjelani ngesizinda sesikhathi senovela le? Ipendulwakho ayibe liphuzu ELILODWA. (2)

7.8 Bewuyini umnqopho womtloli ngokusebenzisa iinrhatjhi ukusabalalisa indaba yepi

kaBonakele? Sekela ipendulwakho ngephuzu ELILODWA. (2)

7.9 Ucabanga bona ukubuyelana kwakaMahlangu banoNaMndebele kuzokuba namuphi

umphumela epilweni yakaNaSilombo. Ipendulwakho ayibe liphuzu ELILODWA. (2)

7.10 Ingabe isenzo sakaBonakele sokwamukela ababelethi bakhe ngaphandle kokubahlulela

ngalokho abakwenza kuye simveza amlingisi onjani? Ipendulo ayibe liphuzu ELILODWA.
(2)

7.11 Ingabe ngisiphi isehlakalo esisakhela isitlhori senovela esahlukwenesi. Ipendulwakho

ayibe liphuzu ELILODWA. (2)

7.12 Ngokubona kwakho ingabe kwaba ligadango elihle nofana elingasilihle bona uBonakele
ayelelise ababelethi bakhe bona babuyelane amntwana nje? Ipendulwakho ayibe liphuzu
ELILODWA. (2)

7.13 Coca ngokuphumelela komtloli ukusethulela uBonakele njengomlingisi oyikutani

wenovela le. Ipendulwakho ayibe maphuzu AMATHATHU. (3)
[25]

Izehlakalo ngokurhunyezweko
• KungeSiyabuswa emzini wakwaMahlangu lapha sithola umntwana wakaBafunani
agulela ukufa, uNaSilombo utlhoga ngitjho nopeni onzima wokobana angasiwa
emtholapilo.
• UBafunani uvuleka ihloko utjela unina bona indlela aziphethe ngayo ngiyo eyenze
bonyana uBonakele banoMahlangu bakhambe eSiyabuswa bangazazi nokobana
bayaphi.
• Ipi eba khona phakathi kwakaBafunani banonina yenza bona uBafunani atjhiye
umntwana nonina ayoziphosela phambi kwekoloyi, iyamtjhayisa bewagcina sele
ahlongakele.
ISAHLUKO 8

• UNaSilombo uthi nakalemuka bona uBafunani ukhambe nje utjhiye umntwana

agula, uthatha umntwana lo umlalilsa phezu kwetafula ihloko yalengelela atjho
ukumkapa ngezembe amquntule intamo.
• Kungena ipholisa elaligade lizokubika bona uBafunani uhlongakele.
• Ngesikhathi uNaSilombo asaphume nepholisa ayokuhlola isidumbu sakaBafunani
kwasala kufika umndeni wakwaMahlangu, uBonakele nababelethi bakhe.
• UNaSilombo uthi nakabuyako uthola uBonakele amlindile ukuzomtjela bona
sekufike isikhathesa ebekathe uzokubuya ngaso azokutjhaphulula uyise ebudisini
ebekaqalene nabo kwabo.
• UNaSilombo uthi nanyana alinga ukubabikela ngokuhlongakala kwakaBafunani
akhange bafune ukumlalela. UBonakele uyamqotha, uMahlangu banoNaMndebele
akhange baphawule ngalokho.
• Umndeni wakwaMahlangu uyabuyelana godu uba ndawonye.

47
UMSEBENZI WESAHLUKO SOBU-8

8.1 Tlola ebegade kutlhogwa nguNaSilombo banoBafunani ukuze basize umntwana

kaBafunani ngokumusa emtholapilo. (1)

8.2 Tlola isizathu esenza bona uBafunani agcine akhambile ekhabo atjhiye umntwanakhe
nonina. (1)

8.3 Tlola amatshwayo AMABILI abufakazi bokobana indaba eyenzeka esahlukwenesi

yenzeka esikhathini sanje. (2)

8.4 Ngokurhunyezweko tlola isehlakalo esenzeka mhlana uNaSilombo abuya ukuyokubona

isidumbu sakaBafunani nakazakuthola umndeni wakwaMahlangu ubuyile. Ipendulwakho
ayibe liphuzu ELILODWA. (2)

8.5 Hlathulula ubujamo ipholisa elafika labuthola kwaMahlangu naliyokubikela uNaSilombo

ngokuhlongakala kwakaBafunani. (1)

8.6 Tlola okukodwa uNaSilombo akubona njengesisombululo somraro egade aqalene nawo
ngemva kokobana alemuke bona uBafunani ukhambe wamtjhiya nomntwana. (1)

8.7 Hlathulula bona amagama athi, ‘Sekubonwa ngokusa emntwaneni kaBafunani’

ahlathulula ukuthini ngomntwana lo. (2)

8.8 Ucabanga bona isenzo sepholisa sokukhupha amagama athi, ‘Yewuthule kosikazi
angikaqedi ukukhuluma. Uzakusala ulila mina sengikhambile’ lokha nakayokubika
ukuhlongakala kwakaBafunani asitjelani ngalo ipholiseli? Ipendulwakho ayibe liphuzu
ELILODWA. (2)

8.9 Phendula isitatimende esilandelako ngoLIQINISO nofana AKUSILIQINISO bese usekela

isiqunto osithathako ngephuzu ELILODWA.

Boke abentwana abakhula baphathwa njengeqanda abafiki ndawo ngepilo. (2)

8.10 Ucabanga bona ngikuphi uBafunani abengakwenza ukurarulula umraro wokugulelwa

mntwana nokungabi nekusasa elihle kunokobana azibulale. (2)

8.11 Ingabe uyazwelana namkha awuzwelani noNaSilombo ngokuqothwa khwakhe

nguBonakele esiphethweni senovela le? Sekela isiqunto osithathako ngephuzu
ELILODWA. (2)

8.12 Ngokubona kwakho kufanele bona uNaSilombo abotjhelwe igadango lokuzibulala

kwendodakazakhe na? (2)
[20]

48
18. Ngonjani umbuzo omude?
Umbuzo omude mbuzo oyi-eseyi yezemitlolo. Tjheja-ke mfundi ukobana ukuze uphendule
ngendlela efaneleko umbuzo lo kutlhogeka bona wazi inovela ngobunjalo bayo. Iimpendulo
zombuzo omude ziphadlhalele nenovela yoke. Okutlhogeka khulu kuwe likghono lokutsenga,
ukwazi ukukhupha lokho okunemba phezu kombuzo obuzweko. Kanengi iimpendulo
zombuzo lo zidzimelele ehlathululweni yomfundi ekhambe idzubhula izehlakalo ezibalwe
enovelini ukusekela lokho asuke akhuluma ngakho.

UMSEBENZI 1

UMBUZO OMUDE
Ingemuva nesizinda sabalingisi bamanovela zinomthelela omkhulu kummongondaba umtloli
asuke awuhlosile. Akhe utshwaye ngelihlo elibukhali ingemuva nesizinda somlingisi oyikutani
wenovela yesihloko esithi; UBONAKELE bewuhlathulule neendima eziyidlalileko
ukuphumelelisa ummongondaba wayo. I-eseyakho esingenisweni ayihlathulule bona yini
umlingisi oyikutani, ingemuva nesizinda somlingisi oyikutani nommongondaba, emzimbeni
coca ngelingemuva nesizinda somlingisi oyikutani wenovela le bewuhlathulule neendima
eziyidlalileko ukuphumelelisa ummongondaba wayo bese esiphethweni tshwaya
ngokuphumelela komtloli ekusithuleleni ingemuva nesizinda somlingisi oyikutani yenovela le.
Amagama ozowasebenzisa awabe ma-340-390. [25]

UMSEBENZI 2
UMBUZO OMUDE

Umlingisi oyikutani wenovela ulindeleke bona avele kiyo yoke imileyo yesakhiwana sayo. Coca
ngokuphumelela komtloli ukusethulela umlingisi oyikutani emileyweni yesakhiwana senovela
yesihloko esithi; UBonakele. I-eseyakho esingenisweni ayihlathulule bona yini umlingisi
oyikutani nokobana ngubani umlingisi oyikutani enoveleni le, emzimbeni veza bona umlingisi
oyikutani lo wethulwe bunjani eengabeni zesakhiwana senovela le bese esiphethweni
[25]
utshwaye ngokuphumelela komtloli ukusivezela umlingisi oyikutani lo kizo zoke iingaba
zesakhiwana senovela. Amagama ozowasebenzisa awabe ma-340–390.

UMSEBENZI 3
UMBUZO OMUDE
Imimongondaba yamanovela iphunyeleliswa likghono lomtloli lokusebenzisa abalingisi
abafaneleko ukwakha lowo mmongondaba. Coca ngendlela umtloli wenovela yesihloko esithi;
‘UBONAKELE’ asebenzise ngayo abalingisi abalandelako; uMahlangu, uNaMndebele,
uNaSilombo noBonakele, ukuphumelelisa ummongondaba awuhlosileko ngenovelakhe. I-
eseyakho esingenisweni ayinikele ihlathululo yabalingisi nommongondaba beyitjho nokobana
ummongondaba wenovela le uthini, emzimbeni naba ngendlela umtloli asebenzise ngayo
abalingisi ababalwe ngehla ukuphumelelisa lowo mmongondaba bese esiphethweni utshwaye
bona umtloli uphumelele kangangani ukusebenzisa abalingisi labo ukuviza ummongondaba
awuhlosileko. Amagama ozawasebenzisa awabe ma-340-390.
[25]

49
 UMSEBENZI 4

UMBUZO OMUDE

Abatloli bamanovela basebenzisa imihlobo yamararano ahlukahlukeneko ukuphumelelisa

ummongondaba abasuke bawuhlosile ngamanovela wabo. Akhe uhlathulule imihlobo
yamararano athinta umlingisi oyikutani asetjenziswe mtloli enovelini yesihloko esithi;
‘UBONAKELE’ bewuveze nokobana uwasebenzise njani ekuragiseleni inovela le phambili
beyiyokufika esiphethweni sayo. I-eseyakho esingenisweni ayihlathulule bona yini irarano,
iveze bona ngimiphi imihlobo yamararano etholakala enovelini le nokobana uyini umlingisi
oyikutani bese emzimbeni kuvele izehlakalo ezimararano lawo nokobana abe nawuphi [25]
umthelela ekuragiseleni inovela le phambili beyiyokufika esiphethweni sayo, esiphethweni
tshwaya ngokuphumelela komtloli ekusebenziseni imihlobo yamararano la. Amagama
ozowasebenzisa awabe ma-340 – 390.

UMSEBENZI 5

UMBUZO OMUDE
Abatloli bamanovela basebenzisa imihlobo ehlukileko yabalingisi ukusethulela lokho
abakuhlosileko ngamanovelabo. Coca ngokuphumelela komtloli ukusebenzisa abalingisi
abandelako, uBonakele, UNaSilombo, uMahlangu, uBafunani, uNduku banoSponono
bewutjho nokobana umlingisi ngamunye umhlobo bani womlingisi ngokuya kwendima
ayidlalako enovelini le. Esingenisweni hlathulula bona bayini abalingisi, uveze imihlobo
yabalingisi esinayo enovelini bese uyaveza nokobana umlingisi ngamunye kababalwe
ngehlaba umhlobo bani. Emzimbeni hlathulula imihlobo yabalingisi ababalwe ngehla
bewuveze namatshwayo enza bona umlingisi othileko abe ngilowo mhlobo womlingisi bese
esiphethweni utshwaya ngokuphumelela komtloli ukusebenzisa imihlobo yabalingisi le. [25]

19. IIMPENDULO ZEMIBUZO EMIFITJHANI NEMIHLAHLANDLELA YOKUTSHWAYA

IMIBUZO EMIDE

IIMPENDULO ZOMSEBENZI WESAHLUKO SOKU-1

1.1 KuseHlazatje. (1)

1.2 Igama lomlingisi oyikutani elivezwe esiqetjhini sokuthoma ngelikaBonakele, umraro aqalene
nawo ngewokutlhoriswa ngumanakhe uNaSilombo. (2)

1.3 NguNaSilombo. (1)

1.4 - Umzimbakhe watjhuguluka waba mncancani khulu ngathi mntwana ophethwe bulwele
besifuba.
- Besele aphenduke ikomo edla yodwa.
- Bekahlala alila. (2)

1.5 Okuvela njengesisusa serarano enovelini le kufika kwakaNaSilombo

kwaMahlangu/Kuthatha kwakaMahlangu omfazi omunye. (2)

50
1.6 Wathi asazulazula ngeSiyabuswa ngemva kobana acabange ukuzipha inarha wahlangana
nomfazana wendiya owayethengisa izambatho, wamthatha wakhamba naye
eJwanasbhege bona ayomsebenzela. Emzinakhe. (2)

1.7 UNaSilombo wabe gade atlhorisa uBonakele, ambetha, amthuka bekangamuphi nokudla
kodwana uBafunani bekamphatha njengeqanda, amnikela koke akufunako begodu angafuni
bona akhalinywe.
(Tlomelisa nakumadanisweko kwaphela). (2)

1.8 Izehlakalo zomlingisi ongunaSilombo esahlukwenesi zimveza amumuntu onehliziyi embi

nomtlhorisi ngombana bekatlhorisa uBonakele, angamuphi ithando lombelethi.
onganapatho ehle nonenyazo endodenakhe ngombana ukhuluma noMahlangu ngendlela
athanda ngayo/Uzicabangela yena ayedwa/akanandaba namazizo wabanye abantu
ngombana ukhuluma kumbi ngoBonakele phambi kwakaMahlangu.
(Umfundi angayibeka ngeyakhe indlela ezwakalako.) (2)

1.9 Ngicabanga bona uNaMndebele watjhiya uBonakele nakazipha inarha ngombana

bekangazazi bonyana uyaphi, njeke wabona kungcono bonyana amtjhiye noyise.
(Umfundi angayibeka ngeyakhe indlela ezwakalako). (2)

1.10 Ngicabanga bona unobangela owenze uMahlangu angathatheli phezulu ikulumo

kaBonakele yokobana umanakhe uyamtlhorisa kukobana bekaphandlwe yikungu yethando
analo kuNaSilombo/Bekasaba bona bazakulwa banoNaSilombo bekufike lapho
uNaSilombo naye athatha isiqunto sokobana amtjhiye naye.
(Umfundi angayibeka ngeyakhe indlela ezwakalako. (2)

1.11 Liqiniso ngombana uMahlangu wathi nakabuya emsebenzini ambuza bona uphi uBonakele
wamphendula ngokobana athi uye lapha kwaya khona unina, njeke uMahlangu
angatshwenyeki ngombana sebazakuhlala kamnandi bangaphazanyiswa mumuntu.
(Umfundi angayibeka ngeyakhe indlela ezwakalako.) (2)

1.12 - Umtloli uphumelele ukusethulela isingeniso senovela le ngombana usivezele umlingisi

oyikutani onguBonakele.
- Umraro aqalene nawo okukutlhoriswa ngumanakhe.
- Usivezele isizinda sendawo lapha indaba ithoma khona nesikhathi sokuthoma kwayo.
(Umfundi angayibeka ngeyakhe indlela ezwakalako kodwana kuvele amaphuzu
AMATHATHU ayingcenye yesingeniso senovela.) (3)

1.13 Ummoya ozwakaliswa sisehlakalo lapha uBonakele alayelisa khona uNaSilombo

mummoya wokudana ngombana ukutjhiya ikhaya uziphe inarha akusiyinto umuntu
angayithabela. (2)
[25]

51
IIMPENDULO ZOMSEBENZI WESAHLUKO SESI-2

2.1 Amathathu/Amalanga ama-3. (1)

2.2 - Bekabulawa makhaza.

- Aphethwe yindlala.
- Omele amanzi.
- Upheze wagongodwa/wabulawa yinyoka.
(ZIMBILI iimpendulo kezingehla). (2)

2.3 UBonakele nakasuka ehlathini wabawa isizo KwaMbuyiseli, uNomzana Mbuyiseli

bekasebenza ukufundisa/Bekangutitjhere. (2)

2.4 Okwenza bona uNomzana walapha kwafikela khona uBonakele amthande kukobana wabe
amntwana oziphethe kuhle/olalelako/onehlonipho. (1)

2.5 Isizathu esenza bona uBonakele agcine akhambile ekhuweni ebekasebenza kilo
kukobana wakhumbula bona ukhambe kwabo ngomnqopho wokuyokufuna unina bese
babuyele kwabo bayokutjhaphulula uyise ngaphasi kwegandelelo lakaNaSilombo, njeke
wabona bona ukuhlala eplasinapha angeze kwaphumelelisa isifiso sakhesi.
(Umfundi angayibeka ngeyakhe indlela ezwakalako) (2)

2.6 Babophelela amakonyana amabili emthini omkhulu bawabopha imilomo bonyana

angabangi itjhada nabafika kwabo bathi alahlwe nguBonakele. (2)

2.7 Umnqopho womtloli wokobana ayokuhlalisa uBonakele kwaMbuyiseli ngaphambi kobana

aye eDaveyton bekukukwenzela bonyana akhe akhula khule kancani ukwenzela bonyana
athi nakafika eDaveyton akghone ukujamelana nobujamo bakhona.
(Umfundi angayibeka ngeyakhe indlela ezwakalako.) (2)

2.8 Ipilo kaBonakele ngesikhathi asahlala ekhabo eSiyabuswa beyingasimnandi ngombana

bekaphila ngokutlhoriswa bewagcina sele ehlile emzimbeni kanti kwaMbuyiseli bekahlala
kamnandi nomzimbakhe bewathoma ukuhluma.
(Umfundi angayibeka ngeyakhe indlela ezwakalako.) (2)

2.9 B/Ngaphandle/Lahlangana nomlingisi nomunye umlingisi. (2)

2.10 Isifundo esisethulelwa mtloli ngomlingisi ngesenzo somlingisi onguBonakele lesi kukobana
ungavumi bona ibhudango lakho litjhabalale ngebanga lokobana sekukhona okhunye
okubonakala kungcono kunalo/Ungathengisi ngebhudango lakho.
(Umfundi angayibeka ngeyakhe indlela ezwakalako izakwamukelwa.) (2)

2.11 Izenzo zakaNduku banoSponono zisitjela bona abesana abakhulela eloktjhini/esigoga

abamhloniphi omunye umuntu khulukhulu nabangamaziko/Zisitjela bona abesana
abakhulela eloktjhini/esigoga bayanyaza.
(Umfundi angayibeka ngeyakhe indlela ezwakalako.) (2)

52
2.12 - Ngiyasisola isenzo sakaMbuyiseli sokujezisa uBonakele ngebanga lokobana ulahle
amakonyana ngombana bekufanele anikele uBonakele ithuba lokuziphendulela
angakholwa ipendulo yamadodanakhe kwaphela.
- Angisisoli isenzo sakaMbuyiseli sokujezisa uBonakele ngebanga lokobana ulahle
amakonyana ngombana kulilungelo lombelethi lokujezisa umntwana nangabe wonile.
(Umfundi angayibeka ngeyakhe indlela ezwakalako). (2)

2.13 Isenzwesi siyakholweka ngombana epilweni yamambala kuvamile ukubona abesana

bendaweni ethileko balwa kubangwa ukobana omunye akahlali endaweni leyo.
Isenzwesi asikholweki ngombana esikhathini sanamhlanje abantu banamhlanje
abasenandaba nokobana umuntu ubuyaphi, bazwisisa kuhle indaba yetjhaphuluko
neyamalungelo.
(Umfundi angayibeka indlela ezwakalako.) (2)

2.14 Umtloli uphumelele ukusebenzisa ilimi esahlukweni sesi-2 senovela le ngombana wenze
bona uBonakele nekhuwa bazwane ekulumeni yabo/Usebenzise ilimi ukuveza ubuntu
ikhuwa leplaseli elinabo/Usebenzise ilimi elilula elingananungo ezinengi ezifana
neenthombengqondo, izaga nezitjho ukwenzela bona sizwisiseke lula isahlukwesi. (1)
[25]

IIMPENDULO ZOMSEBENZI WESAHLUKO SESI-3

3.1 NguNduku banoSponono. (2)

3.2 UBonakele wazizwa aphethwe yihloko begodu anesiyezi. (2)

3.3 Iinyanga ezili-9/Ezilithoba. (1)

3.4 Abantu beDaveyton gade bacabangela uBonakele bona uneminyaka ematjhumi amabili
(20) nofana ngaphezulu. (1)

3.5 UBonakele walemuka bona nakathenga amahabhula amanengi angakghona

ukuwathengisa enze imali/Wasuka wayokufuna indawo lapha bekangathenga khona
ibhoksi lamahabhula ukuzowathengisa. (2)

3.6 Umnqopho womtloli wokobana asebenzise umsanyana lo bekukukwenza bona uBonakele

alemuke bona ikhona indlela angakghona ukuziphilsa ngayo njengombana athathelwe
imali begodu anganamuntu angalilela kuye. (2)

3.7 Isenzo sakaBonakele sokobana angaphenduli uNduku banoSponono lokha

nabamsukelako ngesitetjhini simveza amumuntu ongahluthuki lula/Simveza amumuntu
othatha kancani ukuphendula nakabona ngathi uyasahlelwa. (2)

3.8 - Ngicabanga bona indlela uNduku banoSponono ebaphila ngayo iyakhambelana

nesizinda sendawo yeDaveyton ngombana esikhathini esinengi abesana abahlala
endaweni esigoga njengeDaveyton bayarhuga begodu banelunya bazitjela bona
indawo leyo ingeyabo, njeke akunamuntu obuya ngaphandle ozokufika ahlale
bekasebenze ngaphandle kobana kuvume bona.

53
 - Ngicabanga bona indlela uNduku banoSponono ebaphila ngayo ayikhambelani
nesizinda sendawo yeDaveyton ngombana esikhathini esinengi abesana abahlala
endaweni ezinjengalezi abanandaba nabantu abeza endaweni leyo baziqale bona,
njeke ukutjhayisana akubi khona ngombana omunye nomunye wenza lokho okufunwa
nguye.
(Umfundi angayibeka ngeyakhe indlela ezwakalako.) (2)

3.9 - Abentwana abahlala eendleleni bavame ukuvasela abantu iinkoloyi bese

bayabhadelwa.
- Bathwalela abantu imithwalo eenthabathabeni zeentolo bese babhadalwe imali
yokuziphilisa.
- Bagadela abantu iinkoloyi zabo nabasayokuthenga nokwenza ezinye izinto
eenthabathabeni zeentolo nedorobheni.
(Umfundi angayibeka ngeyakhe indlela ezwakalako.) (2)

3.10 UKiller wenza bona uBonakele azibandule nabo, wagcina sele ayikutani kezeendubulo,
waduma inarha yoke nekuyinto eyenza bona kube bulula bona ababelethi bakhe
bamfumane/bamthole.
(Umfundi angayibeka ngeyakhe indlela ezwakalako.) (2)

3.11 Nangathana bengiseenyathelweni zakaBonakele zokobana ngizithole ngitlhagiswa

ngabanye abesana bengingabavulela iqala emapholiseni/Bengingalinga ukukhulumisana
nabo ngibabawe bona bahlukane nami/Bengingabaleka nangibona bona bafuna
ukungibetha/Benginghahlala ngiphethe isikhali sokuzivikela bona ngisisebenzise
nabafikako.
(Umfundi angayibeka ngeyakhe indlela ezwakalako (2)
[25]

IIMPENDULO ZOMSEBENZI WESAHLUKO SESI-4

4.1 UKiller uneminyaka elitjhumi ayikutani kezeendubulo. (1)

4.2 UKiller bekahlose ukudosa uBonakele bona amlandele abe ayokufika naye lapho
bazibandulela khona ngombana uBonakele bekungasimumuntu okhulumisekako, ngakho-
ke bengeze uKiller akghone ukumbawa bona akhambe naye. (2)

4.3 UBonakele wayokweba amahabhula emarageni/Wabetha umnikazi wemaraga ngesimbi

bese weba amahabhula. (1)

4.4 - UKiller beka karwa yindlela uBonakele alwa ngayo lokha nakunabesana
abamtshwenyako ngesitetjhini.
- Bekabona umzimba kaBonakele utjengisa ukuqina khulu. (2)

54
4.5 - Imali.
- Izambatho.
- Amahabhula awathengisako.
(ZIMBILI iimpendulo kezingehla.) (2)

4.6 UKiller wathi uBonakele nakangaragela phambili azibandule nabo angaphetha

selayikutani kezeendubulo. (2)

4.7 Ukuhlaselwa kwakaBonakele besana beDaveyton esitetjhini seentimela lapho

ebekathengisa khona kube nomthelela omuhle ngombana uKiller wakghona ukubona
ikghono lakhe lokulwa, wamfaka esiqhemeni sabo sezeendubulo nekuyinto
eyamsebenzelako njengombana simthola sele ayikutani yeendubulo nje.
(Umfundi angayibeka ngeyakhe indlela ezwakalako.) (2)

4.8 Amagama akhulunywa nguKiller la aveza uBonakele amlingisi ongathandi

ukuhlanganyela nabanye abantu/ongathandi ukuhlala nabanye abantu/ongafuni
ukukhuluma iindaba zakhe nabanye abantu.
(Umfundi angayibeka ngeyakhe indlela ezwakalako.) (2)

4.9 Ngicabanga bona umnqopho womtloli wokusebenzisa uNduku noSponono bona bahlale
babetha uBonakele, bamthathele nemalakhe bebamonele ipahlakhe ukusivezela indlela
uBonakele anekghono lokulwa ngayo/anesibindi ngayo.
(Umfundi angayibeka ngeyakhe indlela ezwakalako.) (2)

4.10 Ukulwa kwakaBonakele nabantu abanengi kungambangela amanaba amanengi

nekuyinto engenza bona irhwebo lakhe lingasakhambi kuhle/Angagcina sele
angasahlali kamnandi ngombana kuzokufanele bona ahlale agade ipi/ukusahlelwa.
(Umfundi angayibeka ngeyakhe indlela ezwakalako.) (2)

4.11 - UBonakele bekangavelelwa yingozi yokuphathwa malwele afana newamathambo

nesifuba ngebanga lokungenwa makhaza ekoloyini ahlala kiyo.
- UBonakele bekangavelelwa yingozi yokungenelwa besana bambambe ikunzi,
bambethe bebamlimaze/Bekangathunjwa ayokusetjenziselwa imisebenzi ebulelesi
kezinye iinarha.
(Umfundi angayibeka ngeyakhe indlela ezwakalako.) (2)

4.12 - Ngicabanga bona kwaba sisenzo esilungileko ngombana ingathana uKiller azange
enze njalo uBonakele bengeze ayithathe indabakhe nakamtjela bona bakhambe
bayozibandula ngombana vele emkhumbulweni kaBonakele bele kunokuthi naye
uKiller lo ungomunye wabesana abamhloyileko.

- Ngicabanga bona kwaba sisenzo esingakalungi ngombana nangabe ufuna

ukukhulumisa umuntu mayelana nento ethileko kufanele umbawe kuhle ukukhuluma
naye ungamthomi ngokumbetha naye angazi bona umbangisani.
(Umfundi angayibeka ngeyakhe indlela ezwakalako.) (2)

4.13 Isenzo sakaDabula sokungena ngelawini lakaBonakele ngaphandle kokukokoda, afike

akhulume ngendlela athanda ngayo noBonakele sisitjea bona umumuntu odelelako
nongahloniphi abanye abantu.
(Umfundi angayibeka ngeyakhe indlela ezwakalako.) (2)

55
4.14 Amagama akhulunywa nguBonakele la aliqiniso khulu ngombana banengi abantu
esiphila nabo abaphumeleleko epilweni bangakafundi, abanye bosomarhwebo,
abavumi, abadlali bezemidlalo ehlukahlukeneko, njll.
Amagama akhulunywa nguBonakele la akasilo iqiniso ngombana esikhathini esiphila
kiso namhalnje ifundo isilodlhelo sayo yoke iminyango yezemisebenzi/Nawunganafundo
nofana isithifikhethi somsebenzi othileko awuqatjheki/awuqatjhwa.
(Umfunsi angayibeka ngeyakhe indlela ezwakalako.)
(1)
[25]

IIMPENDULO ZOMSEBENZI WESAHLUKO SESI-5

5.1 UNaSilombo banoBafunani bebahlala eHlazatje. (1)

5.2 Ibizo nesibongo somsana obekathandana noBafunani nguThokozani wakwaKhoza. (2)

5.3 Isizathu esenza uNaSilombo ale bona uMahlangu athume uBafunani esitolo kukobana
uMahlangu akusuye uyise likaBafunani weengazi. (1)

5.4 - UNaMndebele bekanehlonipho.

- UNaMndebele bekakwazi ukuphatha indoda kuhle.
- UNaMndebele bekawazi umuzakhe.
(Zimbili iimpendulo kezingehla.) (2)

5.5 - Emzini wakwaKhoza kunezwano nehlaliswano elihle/bayakwazi ukurarulula iinkinga

zabo/kunethando nethabo/bamakholwa.
- KwaMahlangu akunazwano/bahlala banghwarana malanga woke/abakwazi
ukurarulula iinkinga zomndenabo/akunathando nethabo/abasiwo amakholwa.
(2)
(Umfundi angayibeka ngeyakhe indlela ezwakalako izakwamukelwa.)

5.6 - UBafunani uphethwe mathumbu.

- UBafunani unesiyezi.
- UBafunani nakakhamba isikhathi eside uphelelwa mamandla afune nokuwa.
(Zimbili iimpendulo kezingehla.) (2)

5.7 Irarano esahlukwenesi lisuswe kulokha uNaSilombo nakala bona uMahlangu athume
uBafunani esitolo ngombana isenzwesi sakaNaSilombo senze bona kube khona
ukurhitjhana ngamagama phakathi kwakhe noMahlangu. (2)

5.8 LIQINISO ngombana nasiyelela indlela uThokozani ababelethi bakhe bamkhulisa ngayo
imenza akghone ukuzithathela iinqunto ezifanele ipilwakhe, njengalokha akhetha
ukuzimisela ngefundo. (2)

5.9 - UThokozani banoBafunani bebangakhandela ubujamobu ngokobana bazile ukuya

emsemeni.
- UThokozani banoBafunani bebangakhandela ubujamobu ngokobana basebenzise
iinkhandela-mbeleko. (2)
(Nezinye iimpendulo ezinembako zizakwamukelwa.)

56
 5.10 Isenzwesi sakaMahlangu sisitjela bona sele asebujameni obungaphzu kwamandlakhe,
akasakghoni ukubekezelela indlela uNaSilombo amphilisa ngayo uyazisola sele afisa
ukubuyela kuNaMndebele.
(Umfundi angayibeka ngeyakhe indlela ezwakalako izakwamukelwa.) (2)

5.11 Umtloli usivezele iSiyabuswa iyindawo esisabelo esahlukwenesi ngombana kuneenkolo

lapho uBafunani noThokozani bafunda khona nesitolo uBafunani abuya kiso
nakazakuhlangana noThokozani amsome. (2)

5.12 Isenzo sakaNaSilombo sokungafuni ukuyokubika ukuzithwala kwakaBafunani ekhabo

lakaThokozani asamukeleki nakancani ngombana kulilungelo lakaThokozani bonyana
azi umntwanakhe ngaphandle kokufihlelwa/ Kulilungelo lomntwana omunye nomunye
ukobana angafihlelwa abantu bekhabo ngombana uhlobana nabo
ngokweengazi/Njengabantu abanzima kungenzeka bona ekukhambeni kwesikhathi
kutlhogeke bonyana umntwana kaBafunani afune ukuphethelwa isiko elithileko
ngebekhabo, yeke-ke kuzakuba budisi nangabe azange baziswe litho ngaye.
(Umfundi ozokuthi siyamukelela bekasekele ngendlela ezwakalako ayamukelwe.) (2)

5.13 Isehlakalwesi sizwakalisa ummoya wokudana ngombana uBafunani bekangakalindeli

bona uMahlangu angamtjela amagama ahlabako wokobana akayokutjela uyise amtjhiya
eHlazatje uNkosi bona ambhadalele naphezu kobana uBafunani lo uthatha uMahlangu
njengoyise weengazi ngombana umenzela koke akufunako.
(Umfundi angayibeka ngeyakhe indlela ezwakalako izakwamukelwa.) (2)

5.14 - Isenzwesi sakaMahlangu siyakholweka ngombana vele akhona amadoda atlhorisa

abafazi babo bamambala kodwana bathobele abomma abahlalisana nabo
ngokungasisemthethweni.
- Isenzwesi sakaMahlangu asikholweki ngombana akusikanengi sithola umuntu
atjhuguluka lula entweni ebekajayele ukuyenza.
(Umfundi angayibeka ngeyakhe indlela ezwakalako izakwamukelwa.) (1)
[25]

IIMPENDULO ZOMSEBENZI WESAHLUKO SESI-6

6.1 EJwanasbhege. (1)

6.2 UNaMndebele lapha bekasebenza khona wahlala iminyaka elithoba/eli-9. (1)

6.3 - Bekanganamalalo.
- Wabulawa amakhaza.
- Wabulawa yindlala.
(ZIMBILI iimpendulo kezingehla). (2)

6.4 UNaMndebele wabhudanga uBonakele abulele uNaSilombo banoBafunani bewagwetjwa

ubuphilo bakhe boke angejele. (2)

6.5 Unobangela owenza bona uSgwadi asuke eMgungundlovu aye kwamnakwabo

uMahlangu eSiyabuswa bekukuyokutjela uMahlangu bona abezimu bamthume bonyana
akhambe ayokufuna umkakhe nomntwanakhe ngombana lapho bakhona abakutholi
ukuphumula. (2)

57
6.6 - Ngicabanga bona bona angabika emirhatjhweni bona abantu bansize ukubafumana.
- Ngicabanga bona angasebenzisa ihlelo lakamabonakude lokufuniswa abalahlekileko.
- Ngicabanga bona angafaka isaziso emaphephandabeni.
- Ngicabanga bona angafaka isaziso eenkundleni zokuthintana ezifana neFacebook,
Twitter, Instagram, WhatSapp, njll. Ukwenzela bona abantu bamsize ukubafumana.
(Nezinye iimpendulo ezizwakalako zizokwamukelwa.) (2)

6.7 Ngicabanga bona isizathu somtloli sokobana asebenzise uSgwadi ukobana kube nguye
otjela uMahlangu bona ayokufuna abentwabakhe budlelwana abanabo ngombana
ungowakwabo/mnakwabo njeke lokho kumbeka ethubeni elihle lokobana uMahlangu
amlalele/amuzwe. (2)

6.8 Ikulumo kaSgwadi le isitjela bona uMahlangu sele aphenduke indoda ebuthakathaka
engakghoni ukuthatha iinqunto ngomuzayo njengehloko yekhaya/Sele ezwa
ngoNaSilombo bona kufuze enzeni begodu nini.
(Umfundi angayibeka ngeyakhe indlela ezwakalako.) (2)

6.9 Liqiniso ngombana nangathana bekangakholelwa ebezimini bengeze amlalela uSgwadi

nakamtjela ukobana uthunywe bezimu ukuzomtjela bonyana ayokufuna
abentwabakhe/bengekhe athathele phezulu isiyeleliso sakaSgwadi sokobana kufuze
ayokufuna abentwabakhe.
(Umfundi angayibeka ngeyakhe indlela ezwakalako.) (2)

6.10 - Angimsoli uSgwadi ngokungafuni ukudla nokungena ngendlini yakwamnakwabo

uMahlangu ngombana bekungakahlwengeki kunamaboda akade agcina
ukusindwa/Angimsoli uSgwadi ngokungafuni ukudla nokungena ngendlini
yakwamnakwabo uMahlangu ngombana uNaSilombo ubegade amfazi odelela
ngendlela erarako.
- USgwadi ngiyamsola ngokungafuni ukudla nokungena ngendlini yakwamnakwabo
uMahlangu ngombana usivakatjhi kufanele aziphathe kuhle emzini wenye indoda.
(Umfundi angayibeka ngeyakhe indlela ezwakalako izakwamukelwa). (2)

6.11 - Isenzo sakaNaMndebele sokobana atjhiye umuzakhe aziphe inarha ngebanga

lokobana utlhoriswa nguMahlangu siyamukeleka ngombana bekaphephisa ipilwakhe,
uMahlangu bekazambetha bekambulale.
- Isenzo sakaNaMndebele sokobana atjhiye umuzakhe aziphe inarha ngebanga
lokobana utlhoriswa nguMahlangu asamukeleki, bekufanele alinge amanye
amaqhinga wokungararulula imirarwakhe le njengombana wazibopha kumfundisi
nababelethi bakhe bona uzakuhlala noMahlangu bebahlukaniswe kukufa.
(Umfundi angayibeka ngeyakhe indlela ezwakalako izakwamukelwa).
(2)
[20]

58
IIMPENDULO ZOMSEBENZI WESAHLUKO SE-7

7.1 NguDuke Hudson. (2)

7.2 Ngunongorwana wephasi kezeendubulo kilaba abasebangeni eliphakathi. (1)

7.3 UBonakele ngesikhathi alwa nesokana le-Amerika bekaneminyaka ematjhumi amabili

nanye ubudala. (1)

7.4 - NguGeorge
- Ngu-D. D Bush
- NguFelakhona Mpisi
(Zimbili iimpendulo kezingehla) (2)

7.5 - UNaMndebele wezwa emrhatjhweni mayelana nepi le.

- UMahlangu yena wafunda ephephandabeni mayelana nepi le. (2)

7.6 Isizathu esenza bona uMahlangu abhalelwe kungena ewolweni yepi kukobana ubegade
anganayo imali eyaneleko yokubhadela emasangweni. (2)

7.7 Ukubotjhwa kwakaMahlangu ngebanga lokungakaphathi umazisi kusitjela bona indaba

yenovela le yenzeka esikhathini sakade la bekusatlhogeka khona bona umuntu onzima
athi nakakhambako atholakale anomazisi khulukhulu endaweni engasiyo yekhabo. (2)

7.8 Umnqopho womtloli bekukukwenza bona ababelethi bakaBonakele bakwazi

ukuhlangana noBonakele epini le khona bazokubuyelana babe mndeni owodwa
njengombana bekuvele kusifiso sabo boke. (2)

7.9 Ukubuyelana kwakaMahlangu banoNaMndebele kuzokwenza ipilo yakaNaSilombo ibe

budisi khulu njengombana angasebenzi, nendawo yokuhlala akanayo begodu akhekho
namunye umakhelana ongamsiza kanti ngakelinye ihlangothi kufanele akhulise
nomntwana ogulako kaBafunani. (2)

7.10 Isenzwesi sakaBonakele simveza amumuntu onehliziyo ehle, ongabambeli abanye

abantu amavunda nokghona ukulibalela ngaphandle kokuzibuyiselela.
(Umfundi angayibeka ngeyakhe indlela ezwakalako izakwamukelwa.) (2)

7.11 Isehlakalo esisakhela isitlhori senovela esahlukwenesi kulokha uBonakele nakalwa

bekahlule isokana le-Amerika akagcine sele ayikutani yephasi nekukulapho akwazi
ukufumana bewabuyisana nababelethi bakhe khona. (2)

59
 7.12 - Ngibona kuligadango elihle ngombana bobathathu bayalitlhoga isizo elivela komunye
wabo ngalokhe-ke, bekufanele bona babuye babe mndeni obumbeneko
njengekuthomeni.

- Ngibona kuligadango elingasilihle ngombana uBonakele njengomntwana akukafaneli

azibandakanye eendabeni zokubuyelana kwababelethi bakhe.
(2)
(Umfundi angayibeka ngeyakhe indlela ezwakalako izakwamukelwa.)

7.13 - Umtloli uphumelele ukusithulela uBonakele amlingisi oyikutani ngombana sithulelwa

umraro aqalane nawo okukutlhoriswa.
- UBonakele simthola ayemayema ekulingeni ukuthola isisombululo somrarwakhe.
- UBonakele uvela kiyo yoke imileyo etholakala ngaphasi kwesakhiwana senovela le.
(3)
[25]

IIMPENDULO ZOMSEBENZI WESAHLUKO SOBU-8

8.1 Begade banganayo imali yokusa umntwana kaBafunani emtholapilo. (1)

8.2 Isizathu esenza uBafunani bona akhambe kwabo atjhiye umntwanakhe nonina
kukobana balwa babanga ukobana abanamali yokusa umntwana emtholapilo. (1)

8.3 - Kubalwa ikoloyi etjhayise uBafunani.

- Kubalwa isibhedlela lapha kwasiwa khona umzimba kaBafunani/umtholapilo lapha
bekufanele kusiwe umntwana kaBafunani.
- Kubalwa namakhaza lapha kufanele kusiwe umzimba kaBafunani.
(ZIMBILI iimpendulo kezingehla.) (2)

8.4 UNaSilombo wafika walwa noMahlangu banoNaMndebele wabe wambetha ngepama

uNaMndebele kodwana kwathi nakungena uBonakele waguqa ngamadolo phasi. (2)

8.5 Ipholisa nalifika kwaMahlangu lathola uNaSilombo abeke umntwana phezu kwetafula
intambo ilengele phasi aphethe izembe ngesandla. (1)

8.6 UNaSilombo wabona bona kungcono agongode umntwana ngezembe amfake

emgodleni ayomlahla ngemlanjeni. (1)

8.7 Amagama la ahlathulula bona umntwana lo ugula khulu/angahlongakala nanyana kunini.

(Umfundi angayibeka ngeyakhe indlela ezwakalako.)
(2)

8.8 Ngicabanga bona isenzo sepholisa sokungatjheji uNaSilombo simveza amumuntu

onganatjhejo nonganazwelo/simveza amumuntu ongakavuthwa.
(Umfundi angayibeka ngeyakhe indlela ezwakalako.) (2)

60
8.9 Liqiniso ngombana abafundiswa basese bancani bona ipilo injani, bathola koke
abakufunako ngesikhathi ebakufuna ngaso/Bakhula bazi bona nabahlanga nobudisi
epilweni ababelethi babo bazobasiza bese nasele bahlangana nobudisi ababelethi
bangasekho bathome babheme iindakamizwa abanye baphethe ngokuzibulala.
Akusiliqiniso ngombana bakhona abentwana abakhule baphathwa njengeqanda
emakhabo kodwana namhlanje bafundile, abanye bosomarhwebo, abosopolotiki, njll.
begodu bakuthole koke lokhu ngaphandle kokusizwa babelethi babo.
(Umfundi angayibeka ngeyakhe indlela ezwakalako.) (2)

8.10 Ngicabanga bona bengambelekelisa umntwanakhe bese yena abuyele esikolweni

ayokuqedelela iimfundo zakhe/Bekangathatha umntwana amise kuyise
(Umfundi angayibeka ngeyakhe indlela ezwakalako.) (2)

8.11 Ngiyazwelana naye uNaSilombo ngombana akunamuntu ekufuze aqothwe ngendlela

aqothwe ngayo le khulukhulu ngombana besele kuhlwile begodu ezwa nobuhlungu
bokulahlekelwa mntwanakhe.
Angizwelani naye uNaSilombo ngombana nguye owathoma waba nehliziyo embi
watlhorisa uMahlangu banoBonakele bebazipha inarha/Uvuna lokhu akutjalileko.
(Umfundi angayibeka ngeyakhe indlela ezwakalako.) (2)

8.12 Iye, kufanele bona abotjhelwe ukuzibulala kwendodakazakhe ngombana nguye owenze
bona igcine sele inghala iyoziphosa phambi kwekoloyi.
Awa akukafaneli bona abotjhelwe ukuzibulala kwendodakazakhe ngombana isiqunto
sokuzibulala yazithathela yona ngaphandle kokusizwa ngunina.
(Umfundi angayibeka ngeyakhe indlela ezwakalako.) (2)
[20]

UMSEBENZI WOKU-1 (UMHLAHLANDLELA WOKUTSHWAYA)

Ingemuva lomlingisi bunjalo bomlingisi nofana indlela umlingisi akhule ngayo. Ngamanye
amagama sisuke sitjheje indlela umlingisi umtloli asuke amethule ngayo ngehlangothini
lobuntu bakhe/indlela abunjwe ngayo, njengokuthi unobuntu nofana akanabuntu, uyatlhaga
nofana udla izambana leponde, uhlakaniphile nofana usidlhayela, ufundile nofana akakafundi,
njll. Isizinda sifaka hlangana indawo umlingisi ahlala kiyo, isikhathi somlando esimthola
ngaphasi kwaso nesikopilo nofana ikolelo yabantu ahlala hlangana nabo. Ummongondaba
kube ngilokho umtloli asuke akhuluma ngakho enovelini ayitlolileko. Emitlolweni eminengi
kubonakele bona abatloli abanengi batlola ngemimongondaba ekhambisana nelingemuva
nesizinda sabalingisi babo.

Enovelini le umtloli usethulele ummongondaba wokutlhoriswa kwabentwana nokugcina sele

kubenza bahlale eendleleni ngonobangela wokubaleka emakhaya bayokufuna ipilo engcono.
Umtloli usebenzise uBonakele ukusivezela ummongondaba lo. Enovelini le umtloli usebenzise
ingemuva lakaBonakele kumntwana olalelako nohloniphako. Umntwana osithandako isikolo
kodwana ngokutlhoriswa kwakhe ngumanakhe obengasafuni bona uBonakele adlale
nabangani bakhe nekuyinto eyamenza bona afune ukukhamba kwabo. Uyise uMahlangu
akhange abe alinge ukurarulula umraro kaBonakele nanyana sele amtjela. Ipilo egade ayiphila
ekhabapha ngiyo eyagcina imbalekisile wayokufika eBenoni.

61
Umtloli usivezela uBonakele sele aselokitjhini leBenoni, eDaveyton alala nemahlathini
ngombana alinga ukubalekela ubujamo bokutlhoriswa ngebanga lokutjhiywa ngumma
ombelethako. Ukobana uBonakele uzimisele ukutjhiya ipilo yokutlhoriswa sivezelwa yena sele
ahlala kwaNomzana uMbuyiseli nokwaba ngokwesikhatjhana ngombana abentwana bakhona
bamleyela amala nekusisehlakalo esamenza bona aphume kwaMbuyiseli aragele phambili
ngekhambo lakhe lokuyokufuna ipilo engcono. Wathola umsebenzi kelinye iplasi kodwana
nawo wawulisa ngemva kwesikhathi ngombana angakaneliseki emmoyeni, asafuna unina

nepilo engcono kunale ebekayiphila. Umtloli usethulela indawo yeSiyabuswa kuyindawo

esisabelo nekhambisana nepilo yakhe uBonakele.

I-Daveyton yona yindawo esigoga nepilo yakhona iyagijima. Ukobana uBonakele ufuna ipilo
engcono simthola athengisa amahabhula. Usuka lapho uhlanganyela naboKiller uba mbethi
weendubulo nogcina sele ambethi weendubulo ophambili nozenzele igama ebantwini
ngokuhlula abosaziwako kezeendubulo abanjengabo-George, D.D Bush naboFalakhona.
Wabesele arhola bewakghona nokuzibhadelela ikamuru kwaMthimunye kanti nabentwana
bakwaMthimunye besele bamhlonipha kungasafani nangesikhathi sakade la bebamdelela
khona. Uswaphelise ngokuthumba unongorwana waba yikutani kezeendubulo.

Ingemuva lakaBonakele nesizinda aphile ngaphasi kwazo zibe nomthelela omkhulu

kummongondaba obalwe ngehla wenovela le. Nasitjheja iphuzu lokobana umtloli usivezele
yena amlingisi olalelako, ohloniphako nozifunela ipilo engcono kummongondaba kuyavela
lokho bona ngathana ufumana unina babuyele babe mndeni bese uNaSilombo akhambe
abuyele kwakhe. UBonakele ulinge ngamandlakhe woke ukuzifumanela ipilo engcono
nenokuthula.

Nasitjheja indlela ekuhlathululwe ngayo eengabeni ezingehlezi kuyabonakala bona ingemuva

nesizinda esizithola uBonakele aphile ngaphasi kwazo zidlale indima eqakathekileko
kummongondaba wenovela le. [25]
(Umfundi angayibeka ngeyakhe indlela ezwakalako.)

62
UMSEBENZI WESI-2 (UMHLAHLANDLELA WOKUTSHWAYA)

Umlingisi oyikutani ngiloyo mlingisi ondaba edzimelele phezu kwakhe. Mlingisi umtloli
asivezela yena anomraro kodwana simthole azama ukuwurarulula indaba nayiya ngokukhula.
Isakhiwana sifaka hlangana isingeniso, isisusa serarano, ukukhula kwendaba, isitlhori
nesiphetho. Umtloli wenovela usuke aphumelele ukwethula umlingisi wayo oyikutani navane
amveze kiyo yoke imileyo yesakhiwana le. Enovelini le umlingisi ovela njengomlingisi oyikutani
nguBonakele ngombana simthola avela kiyo yoke imileyo yesakhiwana ebalwe ngehla.
Esingenisweni senovela le umtloli usethulele uBonakele kumsanyana owatjhiywa ngunina
weengazi asese mncani. Simthola ahlala noyise nonina ongasuye weengazi. Umtloli usivezele
yena aqalene nomraro waokutlhagiswa ngunina omutjha lo bekwafika lapha angasakghoni
ukukghodlhelela khona. Umtloli usivezela yena azama ukukhulumisana noyise ngendaba le
kodwana kungabi nepumelelo bekwafika lapha azipha khona inarha. Ngaphambi kobana
akhambe kwabo simuzwa atjela unina omutjha lo ukobana uyakhamba kodwana uzakubuya
azokutjhaphulula uyise kilobubudisi aqalene nabo lapha kwakhe.

Isisusa serarano enovelini le nguNaSilombo ngokungaphathi kuhle kwakhe uBonakele. Lokho

kugcina kubangeka umraro wokobana aziphe inarha. Ukutjhiya kwakhe ikhabo aye lapha
angazi khona bekumzamo wokuqeda lomraro aqalene nawo kwabo. UnaSilombo usisusa
serarano ngombana ngaphambi kobana afike emzini wakaMahlangu lo umtloli usitjela bona
uBonakele bekazihlalele kamnandi, anganamraro nababelethi bakhe bamthanda bobabili
nanyana bebahlala ngokunghwarana.

Indaba ikhula/itjharagano livela lokha sithola uBonakele akhamba ahlala eendaweni

ezahlukahlukeneko kodwana nakhona lapho angatholi ukuthula. Ngemva kokuphuma kwakhe
kwabo simthola alala ehlathini amalanga amathathu ngaphandle kokudla. Ukusuka lapho
simthola amukelwa ngubaba uMbuyiseni kodwana nakhona lapho azange ahlale isikhathi
eside. Ukusuka lapho uya ekhuweni leplasi lapha azitholela khona umsebenzi. Uthe
nakakhumbula bona into emsuse ekhabo akusi kukobana ayofuna umsebenzi wacabanga
ukusuka lapho wahlabela phambili. Waya ngeDaveyton. Ipilwakhe azange ibe mnandi
ngombana bekahlala ngokutlhoriswa ngaso soke isikhathi. Ukutlhoriswa kwakhe lokho
kwambangela itjhudu ngombana kukulapho uKiller ambona khona bona angaba mbethi
weedubulo omuhle. Mbala wagcina angenile esiqhemeni saboKiller wazibandula bekwafika
lapha aba khona mbethi weendubulo osezingeni eliphezulu.
Esitlhorini senovela le umtloli usivezela uBonakele sele ambethi weendubulo osezingeni
eliphezulu. Umtloli usivezela yena yokulwa ipi nombethi weendabulo ovela ngaphetjheya
kwamalwandle, uDuke Hudson. Ngelanga lepi sithola unina noyise nabo bakhona. Bobabili
sibathola beze ngomnqopho owodwa wokobana bahlangane noBonakele. Mbala kwathi bona
uBonakele alwe nesokaneli alivuse phasi bobabili ababelethi bakhe bagijimela kuye bekwaba
kuhlangana kwabo bobathathu. Ukusuka lapho sithola umndeni kaMahlangu ubuyelana uba
mndeni owodwa.
Esiphethweni senovela le umtloli usethulela uBonakele sele aqalene noNaSilombo
nekukulapho amkhumbuza khona amagama amtjhiya nawo ngaphambi kobana akhambe.
Simthola aqotha uNaSilombo bona abone eze ngayo.
Nasitjheja ihlathululo engehla le singatjho bona umtloli wenovela le uphumele ukusethulela
umlingisi wayo oyikutana kizo zoke izakhiwana zayo, [25]
(Umfundi angayibeka ngeyakhe indlela ezwakalako.)
UMSEBENZI WESI-3 (UMHLAHLANDLELA WOKUTSHWAYA)

Abalingisi babantu abakhethwe mtloli bona badlale iindima ezahlukahlukeneko ekwethuleni

izehlakalo ezibumba indaba epheleleko yenovela. Ummongondaba wona ngilokho inovela

63
ekhuluma ngakho. Ummongondaba esiwethulelwa yinovela yesihloko esithi; ‘UBonakele’
kukobana umntwana okhule atlhoriswa khulu mbelethi ongasuye weengazi, uyahlakanipha
agcine aphumelele epilweni ukudlula loyo okhuliswa ngokutetenyiswa, angakhalinywa
nanyana enza izinto ezimbi. Lapha sizokucoca ngendlela umtloli asebenzise abalingisi
abalandelako; uMahlangu, uNaMndebele uBonakele noNaSilombo ukusithulela
ummongondaba awuhlosileko.

Umtloli usivezele uMahlangu ayindoda etlhorisa umkayo nenganalo itjhejo elaneleko

elingathatjelwa mumuntu wengubo. Bekamtlhorisa ngokumbetha amenze koke okumbi
okumhlukumeza emzimbeni nasemkhumbulweni. Isenzo sakhesi uMahlangu sanghalisa
uNaMndebele watjhiya umzakhe nomntwanakhe. Ngemva kokukhamba kwakhe umtloli
usivezele uMahlangu athatha omunye umfazi, onguNaSilombo, wafika kwaMahlangu
watlhorisa uBonakele. Nanyana uBonakele bekambikela uyise bona umanakhe uyamtlhorisa
kodwana uMahlangu ayikho into ayenzako ekukhandeleni uNaSilombo bona angatlhorisi
umntwanakhe. Ngalokho, umtloli usivezela bona ababelethi nabahlukeneko umntwana
angaqalana nobudisi bokuliselelwa ngiloyo mbelethi osele naye nanyana abona bona
uyatlhoriseka.

UNaMndebele yena uvezwe angumma ohloniphako nozithobe kangangokuthi akakghoni

ukuthathela indodakwakhe amagadango afaneleko nayimtlhorisako. Wabona kungcono bona
akhambe aziphe inarha atjhiye umntwanakhe noyise uMahlangu, kwaba kuhlukana kwakhe
nosobentwabakhe. Ukuhlukana kwabo kwatjhiya uBonakele ngaphasi kobudisi bokutlhoga
ithando netjhejo lakamma njengomntwana osakhulako. Umtloli usivezele nokobana
ukukhamba kwakaNaMdebele kwavulela uMahlangu ithuba elihle lokobana athathe omunye
umfazi amlethe ngakwakhe. Lokhu kwenza uBonakele bona aqalane nobudisi bokwamukela
omunye umma ombandlululako, ongamthandiko nomtlhorisako.
Nasiqalisisa uNaSilombo, umtloli usivezele yena angumma onganathando, ihlonipho
nefundiso ehle emntwanenakhe nonesibindi sokwenza nanyana yini embi. UNaSilombo
wahlukana nendodakwakhe yomtjhado wayokuhlala noMahlangu ngemva kokukhamba
kwakaNaMndebele. Lokho kukodwa kufaka umntwanakhe uBafunani ngaphasi kobudisi
bokwamukela ubaba omutjha epilwenakhe. Nakafika kwaMahlangu uNaSilombo ufike
wathwesa uBonakele ubudisi bokumtlhorisa ngazo zoke iindlela ngombana kungasuye
umntwanakhe weengazi. Bekambetha, amthuka, amdima ukudla begodu amthuma
butjhwileni. Izenzo zakhezi uNaSilombo zisivezela tjhatjhalazi ubudisi obuqalana nabentwana
lokha ababelethi babo nabahlukanako bese akhuliswe ngumma/ngubaba ongambelethiko.

Umtloli usivezele uBonakele amntwana okhula ngaphandle kwababelethi bakhe bobabili

ndawonye ngombana sele bahlukene. Lokhu kwamenza bona aqalane nobudisi
bokukhumbula unina mihla namalanga nokutlhoga ithando netjhejo lakhe. NgoBonakele
umtloli usivezele nokobana ababelethi nabahlukanako bese omunye wabo athole umlingani,
loyo mlingani angamhlukumeza umntwana angambelethiko njengombana uNaSilombo enzile
kuBonakele. Lokha umntwana nasele atlhoriswa ngiloyo mlingani otjhade nombelethakhe,
usuke abone kungcono abaleke ngakwabo ayolinga ukuziphilisa ngcono ngaphandle
kokuhlukunyezwa mumuntu. Lobu ngobunye ubudisi esibona uBonakele aqalana nabo, bona
akhambe ngakwabo ayokufuna unina ozakukghona ukumthanda bekamphathe kuhle.

64
Ekuzipheni inarha uBonakele uhlangabezana neentjhijilo ezinengi ezivamise
ukuhlangabezana nabanye abentwana abazipha inarha. Iintjhijilo ezifana nokutlhoga
amahlalo, ukudla nezembatho. Waqalana nobunye ubudisi bokubawa amahlalo emzini
angawaziko, kwaMbuyiseli. Nakasuka lapho kwafanela bona azijamele epilweni asesemncani
njalo ngokusebenzela ikhuwa leplasa leBenoni. Wafuduka waya eDaveyton nakhona
wakateleleka bona athengise amahabhula khona azakwazi ukuziphilisa. Boke ubudisi lobu
uBonakele aqalana nabo umtloli usivezele tjhatjhalazi ukobana bubangelwa kuhlukana
kwababelethi bakhe. Nanyana akhula ngaphasi kobudisi obungako, umtloli esiphethweni
senovela le usivezele bona uBonakele uphethe ngokuphumelela. Besele ayikutani
yezeendubulo. NakunguBafunani okhule atetenyiswa akhange abe nekusasa elihle
nakancani, waphetha ngokuzibulala.
Nasiyelela ihlathululo engehla, singatjho bona umtloli uphumelele kuhle khulu ekusebenziseni
abalingisi bakhe ekuvezeni tjhatjhalazi ummongondaba wenovela le wokobana umntwana
okhule atlhoriswa khulu mbelethi ongasuye weengazi, uyahlakanipha agcine aphumelele
epilweni ukudlula loyo okhuliswa ngokutetenyiswa, angakhalinywa nanyana enza izinto
ezimbi.
Umfundi angayibeka ngeyakhe indlela, ezwakalako.)
[25]

65
UMSEBENZI WESI-4 (UMHLAHLANDLELA WOKUTSHWAYA)

Irarano kutjhayisana ngemibono komlingisi oyedwa nofana abambalwa ngomzamo

wokurarulula ubujamo obuthileko/kungaboni ngalihlo linye bekufike lapho kuba
nokurhitjhana ngamagama nofana ukulwa ngezandla khona. Sinemihlobo emibili
yamararano. Kunerarano langaphakathi nerarano langaphandle. Irarano
langaphandle lihlukaniseke kabili; lirarano langaphandle eliba hlangana nabalingisi
nerarano elihlangana nomlingisi ayedwa oyikutani nendawo. Umlingisi oyikutani
ngiloyo indaba edzimelele kuye, oqalene nemiraro nesimthola ayemayema
ekulingeni ukurarulula imiraro leyo. Kile-eseyi sizokucoca ngamararano abalwe
ngehla nokobana abe nawuphi umthelela ekuragiseleni inovela le phambili
beyiyokufika esiphethweni sayo.

Irarano langaphakathi mhlobo werarano obamba umlingisi ayedwa. Lapha asuka

azithola anobudisi ngebanga lemicabango. Usuke ahlezi yedwa akhuluma
ngehliziyo, ajule ngomcabango nofana abanjwe mzwangedwa. Enovelini yesihloko
esithi; ‘UBonakele’ sifumana irarano langaphakathi lokha uBonakele nakahlezi
ngemlanjeni abalabala ngendlela aphethwe ngayo ngumanakhe uNaSilombo
nekukulapho agcina sele athatha isiqunto sokuzipha inarha athi uyokufuna unina.
Simuzwa asithi kulungile unina kaBafunani akaragele phambili nepilo amphilisa
yona le kodwana uZimu uyamuzwa nakathi naye lakhe lizakufika ilanga lapha
azozibuyiselela khona. Lokhu kusibumbela irarano langaphakathi ngombana
libamba umlingisi oyedwa. Umzwangedwa lo abe nawo wenza bona agcine sele
athethe isiqunto sokuzipha inarha.

Isiqunto sakhesi silanywa ngelinye irarano langaphakathi elivela lokha uBonakele

nakasehlathini nekukulapho alala khona amalanga amathathu. Simthola abalabala
yedwa begodu anehliziyo ebuhlungu asithi ngimi lo osele aphenduke intandani
namhlanjesi kube ababelethi bami basaphila bobabili. Ngokuzifumana
anganandawo yokuhlala, uBonakele waya kwaMbuyiseli. Abesana bakhona
bambethisa ngoyise ngemva kokumleyela amala wokobana ulahle amakonyana
ekweluseni ngombana bekalele. Ngemva kokobana uBonakele abetjhwe
nguMbuyiseli, simuzwa akhuluma yedwa asithi; ubaba uMbuyiseli udlumbana bona
yena uzakubuya azokuhlala emzini onabesana abamhloye kangaka. Wabona
kungcono bona aziphe inarha ayozifunela ipilo engcono.
Uthe nakabaleka kwaMbuyiseli wayokusebenza ekhuweni leplasi. Khonapho
simuzwa abalabala ngokuthi nanyana ahlezi kamnandi, afumana ukudla, umrholo
nendawo yokulala, ulemuka bona sesiside iskhathesi asebenza lapha angeze
asakghona ukuragela phambili nepilo yokutlhogomela nokulusa ifuyo ngombana
kungasiyo into eyamkhupha ekhabo. Umzwangedwa lo umenze wathatha isiqunto
sokunghala ekhuwenapha akhambe ayokufuna unina ngeDaveyton.
Nakafika eDaveyton ubetjhwa nguNduku noSponono bebamthathela imali ebegade
anayo wasala anganalitho atlhoga nendawo yokuhlala. Simfumana akhuluma
yedwa nakahlezi ekoloyini edala asithi lapha ahlezi khona kuzakuba likhaya lakhe
bekabhubhe. Lokhu kulanywa kulokha abesanaba nabamtjhisela ikoloyakhe.
Ukhuluma ngehliziyo ebuhlungu bona seyenzekile intando yabantu benarha le,
bazakuthokoza nabambona ahlezi lapha ahlezi khona bewathi uyabazi nabantu
abatjhise ikoloyakhe.
Irarano langaphandle lihlukaniswe kabili. Sithola irarano langaphandle elihlangana
nabalingisi nelihlangana nomlingisi oyikutani nobujamo bendawo.

66
Irarano elihlangana nabalingisi mhlobo werarano lapha umlingisi oyikutani
atjhayisana khona ngemibono nabanye abalingisi. Kungaba kurhitjhana
ngamagama nofana ukulwa ngezandla. Enovelini yesihloko esithi; ‘UBonakele’
irarano langaphandle lokuthoma silifumana lokha uNaSilombo nakakatelela
uBonakele bona ayokuthengela uBafunani uburotho. UBonakele uzihlalele phezu
kwedwala, uNaSilombo umphosa ngemali bona ayokuthenga uburotho bewumtjela
namaganyana amhlabako wokobanyana unehliziywana bani yokobana
angazondiswa kulokha nakamlayako waveza nokobana isenzo sakaBonakele
sokuba nehliziyo yokunghala nakathunywako siyamnyenyisa.

Lokhu kwenze uBonakele athathe isiqunto sokuzipha inarha. Kuvuka irarano

langaphandle ngaphambi kobana akhambe ngombana simuzwa akhupha
amaganyana awaqalise kuNaSilombo athi uNaSilombo asale kuhle kuzakuba
sikhatjhana angamboni kodwana uzokubuya ambone godu nekuzobe sele
kusikhathi lapho azokutjhaphulula khona uyise ebudisini aqalene nabo lapha
emzinakhe. UNaSilombo uphendula uthi uBonakele uyamlibala bona ungubani,
udlumbana bona kunento angayenza kuyapha. UBonakele wamphendula ngokuthi
yoke imibuzwakhe le uzayiphendula mhlana abuyako. Waphuma uBonakele
wabetha ibadi. Irarano elilama elingehleli livela lokha uMbuyiseli nakabetha
uBonakele athi uyamkhalima ngombana kulahleke amakonyana, uBonakele
wabaleka watjhinga eDaveyton.

UBonakele nakafika NgeDaveyton uNduku noSponono bamwunawuna

bebamthathela nemalakhe. Iraranweli liragela phambili lokha uBonakele alwa
nabesanaba ngestitjhini seentimela. Bathoma ngokuthukana bagcina sele
babambana ngezandla kwakhitjhelwana imikhwa. Kuphosanwa ngamatje
nangamahabhula. Ihlamba kuba yihlamba. UBonakele naye akhange azithambise
wazilwela bewabahlula.

Omunye umhlobo werarano ofumaneka enovelini le lirarano hlangana nekutani

nobujamo bendawo. Lomhlobo werarano ulethwa mlingisi oyikutani nasele ararana
nendawo etja ahlala kiyo nofana nabantu abanamasiko ahlukileko kunewakhe
nofana mumuntu ongafuni ukulandela isiko lakwabo. Enovelini yesihloko esithi;
‘UBonakele’ sifumana irarano elihlangana nomlingisi oyikutani uBonakele nendawo
yehlathini leBenoni lapho afikela khona ngemva kokuhliswa yikoloyi evela
eSiyabuswa. Simthola ahlezi ehlathini amalanga amathathu, anganakudla,
izembatho namanzi wokusela. Indawo le ibonakala ingakafaneli ukuhlala umntwana
ongangoBonakele ngombana ayikaphephi begodu azikho iimfanelo ezinganelisa
iindingo zomntwana, kungebangelo wafukuda ehlathini waya kwaMbuyiseli nje.

Nasiyelela ihlathululo engehla, kuyakhanya bona umtloli uphumelele ukusebenzisa

imihlobo yamararano ekuragiseleni phambili inovelakhe beyiyokufika esiphethweni
sayo.
(Umfundi angayibeka ngeyakhe indlela ezwakalako izakwamukelwa.) [25]

67
UMSEBENZI (UMHLAHLANDLELA WOKUTSHWAYA)
Abalingisi babantu ebakhethwe mtloli bona babandakanyeke endabeni ngokobana
badlale indima ethileko kileyo ndaba yenovela. Abalingisi bahlukaniseke
ngokwemihlobohlobo ethileko; kunomlingisi oyikutani, oyimbangi, oyihlanganisa,
oyindulungu/orondo nosipara. Enovelini yesihloko esithi; ‘UBonakele’, umlingisi
oyikutani nguBonakele, oyimbangi nguNaSilombo, oyihlanganisa nguMahlangu,
oyindulungu/orondo nguBafunani bese osipara kube nguNduku banoSponono.

Umlingisi oyikutani ngiloyo indaba edzimelele phezu kwakhe. Ukobana umlingisi

uyikutani simbona ngokobana esingenisweni avezwe anomraro aqalene nawo.
Emzimbeni kulindeleke bona avele aluka amaqhinga/amano wokobana uphuma njani
emrarweni lo bese esiphethweni silindele ukumbona bona ugcina ngani. Nasiyelela
indlela amatshwayo womlingisi oyikutani esele ahlathululwe ngehla la kuyavela bona
umlingisi oyikutani enovelini le nguBonakele. Esingenisweni senovela le uvezwa
anomraro wokutlhoriswa nguNaSilombo, umanakhe ngemva kokutjhiywa ngunina,
uNaMndebele. UNaMndebele watjhiya uBonakele noyise ngebanga lokobana besele
adinwe kutlhoriswa nguMahlangu.

Emzimbeni sivezelwa yena aluka amano wokobana angawuqeda njani umraro

aqalene nawo lo. Simbona athoma ngokubikela uyise bona umanakhe uyamtlhorisa
kodwana uyise azange awuthathele amagadango afaneleko umraro lo bekwafika
lapho athatha igadango lokuzipha inarha ngehloso yokuyokufuna unina. Ekhambeni
lakhe nakayokufuna unina uhlangabezana nezinye iintjhijilo ezifaka hlangana
ukutlhoga indawo yokuhlala, ukudla nokutlhoriswa babantu akhamba ahlangana
nabo. Zoke iintjhijilo lezo ulinga ngakho koke okusemandlenakhe bona azihlule
aragele phambili ngokuyokufuna unina. Esiphethweni simthola aphumelele ayikutani
yeendubulo, ahlanganisa umndeni wakwabo babuyela eSiyabuswa nekukulapho
aqotha khona uNaSilombo njengokumthembisa kwakhe mhlana aphuma kwabo.

Umlingisi oyimbangi mlingisi ojamelene nento efuna ukuphunyeleliswa mlingisi

oyikutani. Kesinye isikhathi imbangi kuba bujamo umlingisi oyikutani aqalana nabo.
Imbangi nayo ingabonakala isethubeni elihle lokuphumelela ukukhandela bona isifiso
somlingisi oyikutani sibe yipumelelo. Enovelini le umlingisi oyimbangi nguNaSilombo
ngombana ekuthomeni kwendaba simthola anamandla phezu kwakaBonakele
noyise, uMahlangu. Uzibona anamandla wokwenza nanyana yini
esemkhumbulwenakhe ngaphandle kokuthikanyezwa. Sithola uNaSilombo ajama
endleleni yokobana uBonakele akhule kuhle njengabanye abentwana
ngokumtlhorisa begodu angafuni adlale nabanye abentwana.

Umlingisi oyihlanganisa ngiloyo ohlanganisa umlingisi oyikutani nomlingisi

oyimbangi. Umlingisi oyihlanganisa kufuze kube mlingisi onobudlelwano obuthileko
nabalingisi ababilaba. Enoveni le sithola uMahlangu kunguye umlingisi oyihlanganisa
ngombana nguye olethe uNaSilombo epilweni kaBonakele ngomnqopho wokobana
azokuhlala naye ngemva kokuzipha inarha kwakanina, uNaMndebele. UMahlangu
umlingisi oyihlanganisa ngombana unguyise kaBonakele kanti ngakelinye ihlangothi
uthandana noNaSilombo, nangathana bekangekho, uBonakele bengeze azana
noNaSilombo.
Umlingisi oyindulungu/orondo ngiloyo ovezwe atjhugutjhuguluka epilweni indaba
nayiragela phambili. Akadzimeleli ehlangothini elilodwa beyiphele indaba.

68
Kuyenzeka avele amlingisi osekela ikutani lokha ubujamo nabumvumelako, kuthi
bungatjhuguluka ubujamo, naye atjhuguluke athathe ihlangothi lembangi.
Kinenovela, uBafunani umlingisi oyindulungu/orondo ngombana simthola azithanda
begodu azemukela izenzo zakanina zokobana angamkhuzi nanyana enze
okungakalungi kodwana isikhathi nasikhambako simthola atjhuguluka alemuka bona
unina akamthandi. Uyabona bona nangathana bekamthanda bekazomkhuza
bekambonise indlela. Ukuba khona komlingisi onguBafunani enoveleni le kwenza
bona sikghone ukubona kuhle ibandlululo ebelenziwa nguNaSilombo kuBonakele,
kuveza tjhatjhalazi nezenzo ezimbi egade zenziwa nguNaSilombo kuBonakele
nakuMahlangu.

Umlingisi osipara mlingisi othatha ihlangothi linye nongatjhugulukiko nalokha

ubujamo butjhuguluka indaba nayiragela phambili. Enovelini le abalingisi abasipara
nguNduku banoSponono. Abesanaba bamtlhagisa basathoma ukumbona uBonakele
nakafika eDaveyton bekwaba sekugcineni bangamthandi, akukho lapha batjhugulula
indlela abazizwa ngayo ngaye. Nanyana uBonakele besele ayikutani kezeendubulo
kodwana bona bebangakazimiseli ukurhobha batjhugulule indlela ebebamthatha
ngayo.

Nasiyelela ihlathululo engehla singatjho bona umtloli uphumelele ekusebenziseni

imihlobo le ebalwe ngehla ekuphumeleliseni inovelakhe.
(Umfundi angayibeka ngeyakhe indlela ezwakalako, izakwamukelwa.) [25]

69
The Mind the Gap study guide series
This publication in not for sale.

© Copyright Department of Basic Education

www.education.gov.za

Call Centre 0800 202 993

IsiNdebele Novel: ‘UBonakele : ISBN 978-1-4315-3372-5