7tho Tamaare maxaafe

Gamoththo Doona Tamaare Maxaafe 7tho Kifile
i
Tamaarento!
Ha tamaare tamarso maxaafas koshshiza bonchonne naago
kaalodata:-
Ha tamaare maxaafey timirte keeththas gita haaroko. Hessa

gishshas, maxaafazi moorettonta (dhayonta) mala keehippe
naagetethi koshshes. Ha maxaafezas koshshiza naago haysappe
garsan qonc’ida ogen ooso bolla peeshite.
 Maxaafeza iita metoppe naagana mala lastiqen kammite.

 Maxaafeza wuri wode melanne geeshsha sohon wothite.
 Maxaafeza go’etanas koyishe geshshanne mela kushen
oykite.
 Maxaafeza giddon de’iza misiletanne shayeta daakkopite.
 Maxaafeza kama bolla gidin gaathan xaafoppite.
 Maxaafeza inte korojon gelsishenne kessishe lo’athi
naagettite.
 Maxaaafeza hara asas immishe woyko ekkishe inteppe
koshshsiza naago oothite.
 Maxaafeza tamay, c’uwaynne xuray bochchonta naago.
ii
Giigissidayti:
Tamire Meseret (BA)
Abate Asfaw (BA)
Darza Milkias (MA)
Qorethiday:
Ambaye Sara (MA)
Tishatetha Xeellidaysa:
Gondere Samuel (PhD)
Zaarethi nabbabiday:
Goofare Genebba (MA)
Giigabatetha dhishisiday:
Choloka Geneto (Diploma)
Misiliday:
Tesfaye Tariku (Diploma)
XUQUMAYTA, 2014 M.L

ARBA MINC’E
iii
Dugeha Tophphiya Zare Zangaratanne Dereta

Ayso Dalga Heera Timirte Biiroy Gaammo
zoone Timirte Kaalethora Koththan
Giigisidayssa.
Maatawatetha
©2014 M.L Ha Maxaafe Wogara Duuqidi Laamo

Maatawatethay Dugeha Tophphiya Zare Zangaratanne Dere
Asa Ayso Kilile Timirte Biironne Gaammo zoone timirte
Kaalethizaysa Xalaala.
Koyro attamo
Xuqumayta, 2014 M.L.
iii
Gelo
Ha maxaafey Gamoththo doona timirte tamaariza

lappuntho kifile tamaaretas giigida maxaafe gidishin ba
gaathan 10 shempota oykidaysakko. Ha shempoti banta
giddon dumma dumma doona era qarata (ezgo, haasaya,
nabbabonne xaafo) bolla tamaareti banta era dichchana
malanne banta doona dichchana mala dumma dumma
qoppobatanne paatetha qoppobatan giigida kaaratan ha
kifile deththan zawattidi giigetidaysakko.
Kumethathara ha maxaafey tammareti Gamoththo doona

go’ttiza qawosa maara naagidi giigettidaysa gidida gishasi
tamaareti ezgo, haasaya, nabbabonne xaafo hiilla
dichchana mala: astamaaretika tamaaro tamaariso ooso
muruutisana malanne dumma dumma pilgetha ooso
oothiza asatikka maado maxaafedan go’etana mala
qoppettidi giigidaysakko.
iv
Keso
Kaara Sintha
SHEMPO ISSINO ........................................................................................................................ 1
MEDHETA NASHO ...................................................................................................................... 1
SHEMPO NAM’A ........................................................................................................................ 17
SO ASA HALCHO ....................................................................................................................... 17
SHEMPO HEEDZDZA ............................................................................................................... 26
SHEMPO OYDA ......................................................................................................................... 41
Erettida Asa De’o Taarike ............................................................................................................ 41
SHEMPO ICHCHASHA ............................................................................................................. 57
Haaththanne Iza Go’a ................................................................................................................... 57
SHEMPO USUPPUNA ................................................................................................................ 70
Wogi Bayna Asa Yuusho .............................................................................................................. 70
SHEMPO LAAPPUNA .............................................................................................................. 84
Issippetetha Duussa Gaagotetha ................................................................................................... 84
SHEMPO HOSPUNA .................................................................................................................. 95
Suuke............................................................................................................................................. 95
SHEMPO UDDUPUNA ............................................................................................................. 116
Dere Doso ................................................................................................................................... 116
SHEMPO TAMMA ................................................................................................................... 130
Duuna Ginxo ............................................................................................................................... 130
v
SHEMPO ISSINO
MEDHETA NASHO
Shempo Qoppobata:
Ha shempo wurssethan tamaareti:
 Harata qofa suuren ezgandettes

 Medheta aybatethaba tobbandettes.
 Dhoqa dethan xuufeta nabbabandettes.
 Dumma dumma medheta qorunthata nashandettes.
 Daassa xaafandettes.
Shaako1.1. Ezgo
Ezgoppe koyro Meezeta
Meeze 1
1. Gongolo guussi ay guussee?

2. Gaammo zoonen medheta haaroti de’iza woradatanne medheta
haro qommota xeesanaw danda’etii?
3. Gongoloy aazappe medhettizan eretii?
4. Quc’c’a Alpa woraday awa zoonen beetii?
1
Ezgo wode meezeta
Meeze 2
Ezgo xuufezi intes nabbabetishin, loythi ezgadi xuufezas ayfe ayfe

qofata, ooratha kochchatanne dumma dumma oyshata mastosha
oykite.
Ezgoppe guye meezeta
Meeze 3
Kaallidi ezgo nibbabeppe shiiqida ‘A’ cugan de’iza qofatas‘N’

cugappe doorada dabbotha.
‘A’ ‘ N’
1. Xoossa keethay beettiza worada A. medheta haaro
2. Salambare katamappe haakotetha N. 50
3. Xoossa keeththa E. 4
4. De’iza kifileta D. 68
5. Aappun asata oykki I. Quc’c’a alpa
Meeze 3
Ezgo xuufeppe immettida oyshatas qantha zaaro yoota.
1. Yelaga nayti aaza kawoteththa wode xoossa keeththan

qosettizonna.
2
Shaako1.2. Haasaya
Kaallidi immettida hago loythi nabbabadiinte laggetara

hanibesite.
Banqato: Nec’isare parke bada be’a eray?
Baassa: Ee bada be’a eraysi.
Banqato: Parke uteththa hanotay aaza mala?
Baassa: Keehi dalga dembanne malaliya booththa maatati

kumdaysa.
Banqato: Parke yuushon aazi de’izaysa be’adi?
Baassa: Abbayanne C’aamo abbati Xoossa zokon shaaketi mic’c’eti
uttida.
Banqato: Parke giddon medosata be’adii?
Baassa: Keehi c’ora medosata be’adis. Leemisos, geela, gaara,
gaasho, wora harenne haratikka de’ettes.
Banqato: Aaza aaza miththha qommti de’izoo?
Baassa: Keehi c’orati de’ettes. Leemisos, sobbo, galal’o, c’ac’anne
h.h.m. de’oosona.
Banqato: Ero, keehi gallatays.
Baassa: Tanika wozanappe gallatays. Saaron de’a.
3
Shaako 1.3. Nabbabo
Nabbaboppe koyro meezeta
Meeze 1
1. Nec’isaare biheraawe parkey awan de’izakon eretii?

2. Gaammo zoonen de’izaytanne Tophphiya deththan diza turiste
kaha goochiza medheta haarotappe inte erizaysata yootite.
Nec’saare biheraawe parke
Nu dere Tophphiyay salosa deththan de’iza erettida medheta

haaroti beettiza deretappe issinoza gidishin nu killilen addappe
turisteta kaha goochiza medheta taarikenne woga haaroti deettes.
Hessadanka Gaammo zoonen de’iza medheta haarotappe abbati,
wora medosati, zumati, ho’o pulto haaththati qoxettidi eqida
shuchchati haaththa soosoti, xoossa zokkotinne h.h.m. yootanaw
bessizaytako.
Nec’isaare biheraawe parkey nu dere Tophphiyan erettidinne

naagettidi de’iza parketappe issinozakko. Iza dalgateththay 750
km2nne doomeththayka 1974 M.L. gidishin, beettiy Gaammo
zoonenkko. Ha parkey demba, malalissiza, xeellanaw lo’iza, daro
wora medosa qommoti de’izayssanne doloa Afirikan gita dilba
zangara giddon diza, harata ubbappe aadhidi turistetan
erettidayssakko.
4
Nec’sare parke yara gidida Abbayanne caamo abbati be giddon

oykkida wogga mole, haaththa haylashonne horoqe doorethay
killileppe aadhidi salosa kumethas go’a immizaysa gides. Gujon, ha
parke giddon Geelle/qorke, Gaara, wora hare, Gaasho, cora
dhanthiza wora medosatanne dumma dumma kafo qommoti
de’ettes. Miththa qommotappe qase. Moqotha, c’ac’a, galal’o
sobbonne hara shi’eppe bolla gidiza doza zerethati beettizaysakko.
Nec’sare parken de’iza daro demisha pultoti laytha giddon

demissiza. Oydu tammu pultoti, medheta worati, xoosa zokkoty,
haylasho giyay, nac’sare demday, haaththanne gade bolla de’iza
al’onne lo’o wora do’ata yuuyi be’anaw daro turisteti dere
giddoppenne kare dereppe yizaytappe beettiza demon turuzime
cuway baynda industure gissisides.
(Nec’i Sare parke Misile)
5
Nabbaboppe-wode Meezeta
Meeze 2
Kaallidi immettida oyshata nibbabeza bolla zempidi suure zaaro

immite
1. Biheraawe parke guussi ay guussee?

2. Parkey issi deres ay go’a immizee?
3. Gaammo zoonen diza medheta haarota paata xaafa.
4. Nec’isare biheraawe parke giddon diza miththa qommota
xaafite.
5. Nec’isare biheraawe parke giddon de’iza wora medosati aaza
aazee?
6. Nec’isare beheraawe parkey awan beettizee?
Meeze 3
I. Kaallidi immettida qofa qashota nibbabezan zempada

‘Tuma’ woyko ‘wordo’ giidi zaaro immite.
1. Wora harey nec’isare parke giddon beettenna.
2. Neci’isare parkey turustetappe daro demisha demissenna.
3. Parkey cuway baynda industure geetetanaw danda’ettes.
4. Parke keehi loythi naago koshshees.
5. Nec’isare biheraawe parkey Gaammo zoonen xalaala erettees.
6. Turuste demisha demissizay kare dere asata xalaalakko.
6
II. Hayssappe kaallidi ‘A’ garsan de’izayta ‘N’ garsan

de’izaytara dabbotha.
‘A’ ‘N’
1. Haaththa giddo medosa A. Parke
2. Nec’isare parke doometha N. 750km2
3. Parke go’a E. Woysha
4. C’uway baynta industure D. Haylasho
5. Nec’isare parke I. Sobbo
6. Parkezan de’iza miththa Y. 1974 M.L.
O. Demisha pulto
Nabbaboppe guye meezeta
Kaalliza oyshata bolla ne laggetara tobba
1. Inte Nec’isare biheraawe parke bizako aaza aaza bee’ana giidi

qoppetii?
2. Inte heran de’iza turusiteta malalissiza medheta haarota
yootite.
Shaako 1. 4. Xaafo
1. Bollan qonc’ida misilen zempa daassa xaafa.
2. Ne xaafana daassas ayfe mega qofa xaafa.
3. Kaallidi immettida kaaratappe issinoza doorada daassa xaafa.
A. wora D. wora medosa
N. haaththa sooso I. biitta
E. zuma
7
Inte xaafana daassan gelanaw bessiza qofati:
 Sohoza dummathiza dumma

 Sohoza misile suuren qoncciso
 Beettiya medosata
 Ogenne tiransiporte hanota
 Dere asas immiza go’a
Shaako 1.5. Kobe
Kaallidi nibbabeppe ke’ida kochchata suure gidiza birrshethara

dabbotha
Kochcha Birshetha
1. Dooretha A. Dalga ziqqa soho
2.Malalissiza N. Issi mala
3.Dilba zangara E. Asa oosetontaysa
4.Turuste D. Dhoqqasoppe guppiza
haaththa
5.Yara I. Kaha beeko goochizaysa
6.Xoosa zoko Y. Cora haylashoti shiiqidi
beetiza soho
7.Demisha O. Issippe shiiqidi beettidaysa
8.Medheta S. Dummattiza miishshatanne
sohota yuuyi xeellizayta
9.Sooso T. Abbayanne caamo abbata
10. Haylasho giya shaakkiza gade
M. Miishsha pulto gidizaysa
1
1.6. QAWOSA
Gamoththo be qofa qonc’isanaw koyidaysi dumma dumma enc’ere

deththa be kiita aaththanas danda’ees. Doona enc’erey ziqqappe
dhoqqa deththan uttishin kaalliza yara oykanaw danda’e
Pidale kochcha sura tura meega qofa

daassa adarso
Kochcha kifileta
Beegotho oysha
1. Kochcha guussi ay guussee?

2. Gamoththo doonan aappun kochcha kifileti de’izo? Izetikka
aaza aazakkon xaafite.
A. SUNTHA
Suntha guussi issi miishshas immettida xeesa guussakko.
1. Suntha gidiza miishshata xaafite

2. Inte xaafida sunthati ay qommo sunthakko shaakite
Meeze -1.
I. Kaallidi immettida sunthata izeta qommon zara giddon

shaakidi xaafite
Abbaya godare Rasdaashene Guugge Darota
maaze moqota Deme deesha kana
2
Tophphiya pulto kilmanjoore Hawasa woyshe

Kamba Aawa
Suntha qommota Suunthata

Asa sunthata
Zuma sunthata
Dere sunthata
Medosa sunthata
Miththa suthata
Haaththa sunthata
1. SUNTHA
Sunthay issi meega qofa giddon so-addenne ekkadde gididi go’ees.
a. So-adde
Leemiso: Booray maata mees.
Ha bollan qonc’ida qantha meega qofan boora giza kochchay
suntha gidishin, ha meega qofan so-adde gididi go’ees.
b. Ekkadde
Leemis: Booray maata mees.
Hesadankka qase, ha bollan qonc’ida meega qofan maata giza

kochchay suntha gidishe, ha meega qofan ekkadde gididi go’ees.
Meeze 2
kaallidi immettida qantha meega qofatas so-addenne ekkadde

shaakada bessa.
3
1. Hadaroy mayo mec’idees.

2. Ta maata buuccadis.
3. Tamaareti puute tokkidoosona.
4. Na’ay kere menthidees.
5. Daabuloy boora shukkees.
6. Tamaareti dawutara shamidoosona.
Gembe
Beegotho oyshata
Gembe guussi ay guussee?

Gembe qommoti aappunee?
Meeze 3
Kaallizi de’iza zara giddon immetida kochchalatas leemisota

baasotidi heedzdzu gembetan kunthite.
4
1tho gembe 2tho gembe 3tho gembe

palo daro palo daro palo daro
kochcha M A
tani nuni neni inteni iza izi izeti
Imo imandis imandos imandasa imandeta imandus imandes imandettes
Shoc’o
Uto
Gixo
Katho
Goodo
Muusa
Shama
N. SUNQO
Meeze 1
1. Hinte cugan gididi sunqo guussi aaza guusakkon tobbite.

2. Sunqoy aaza qonc’isana maadizaysee?
3. Hinte dawtara bolla sunqo gidiza kochchata xaafite.
Sunqoy sunthappe sinthan gelidi suntha qonc’sees.
Leemisos: Daroti booththa boora shammides. Ha meega qofa

giddon boothay sunqo gidees.
5
Meeze 2
a. Hinte c’ugan dumma dumma sunqotan go’ettidi suntha

qonc’isizaysa bessite.
b. Kaalliza meega qofata giddoppe sunqo gidida kochchata
shaakite.
1. Dorsay c’ilila maata mees.
2. Tas zo’o mayoy de’ees.
3. Aaway kareththa deesha shukides.
4. Adussa miththay kundides.
5. Kifilen oydu tamaareti de’ettes.
6. Masqala ooraththa c’aamma aathadus.
E. PEESHO
Beegotetha oyshata
1. Hinte guutha c’ugatan moodettidi peesho guussi aaza

guussakko tobbethan zaarite.
2. Tamaare nayti timirtoso kifile giddon aaza aaza oosota

polizakon inte laggetara tobbite.
Peeshoy kochcha kifiletappe issinoza gides. Gamoththo doonan

peesho meega qofas wurssethan gelidi hanota qonc’issiza kochcha
kifilekko.
6
Meeze 2
Kaallidi immettida meega qofatappe peesho gidiza kochcha

shaakidi bessite.
1. Izi timrte keetha bides.

2. Astamaarey Gamoththo tamarsees.
3. Aaway soon dees.
4. Iray keehippe bukkides.
5. Ufaysa mizata haaththa ushadus.
6. Anjuloy giya bides.
7. Kanay daroto omarsi boc’c’ees.
8. Tamaareti so ooso oothidosona.
9. Nayti demba giddon kuwase ka’ettes.
10. Asati miththa worappe qanxettes.
Wodenne mattuma qonc’isiza peeshota
Meeze 3
Kaallidi immettida kochchata leemisotan zempada wodenne

mattuma qonc’issidi bessite.
Leemiso:
 Aawazi quma mides. (Aadhida wode)

 Dangoy parso uyees.(hano bolla de’izaysa)
 Na’iya quma mandusu.(sintha wode)
7
1. Naago A. E.
A. N. 8. Shoc’o
N. E. A.
E. 5. Nabbabo N.
2. Qanxo A. E.
A. N. 9. Hemmeto
N. E. A.
E. 6. Dendo N.
3. Be’o A. E.
A. N. 10. Gordo
N. N. A.
E. 7. Gelo N.
A. E.
4. Kundo N.
E. Peeqo
Peeshoppe sinthe gelidi peesho qonc’isees.
Leemisos: - tamichiya buro yabuku.
- Na’ay tamaare keethappe elle yides.

- Gashe na’ay iita hargides.
- Bonkey karen eqides.
15
D. Guugame
Gamoththo doonan guugameti kochchcata bolla guye baggara

xalaala geliza sometakko.
Leemiso:
-n -ppe -y
-nne -teth
-dan -s
-w nne h.h.m. de’osona
Meeze 1
Kaallidi immettida kochchatas leemison zempada pace soho

kuntha.
Leemiso: asa- asan, asanne, asadan, asappe, asatetha, asas,

asay, asaw, h.h.m
1. Keetha:
A_____________ N._______________
E_______________ D. _____________
2. Biita:
A. _____________ N. ______________
E._______________ D.______________
3. Oyda:
A._____________ N.______________
E. ______________ D.______________
4. Awa:
A.____________ N. ______________
E. _____________ D.______________
16
SHEMPO NAM’A
SO ASA HALCHO
Shempo qoppobata:
Tamaareti dandayanaw bessizaysi:
 Akeekan ezgo
 So asa halcho giza qofa bolla tobbetha
 Kawusha hanotata taarike
 So asa halcho giza qofa bolla palama medho
 Misileta nabbabo
Shaako 2.1. Ezgo
Ezgoppe koyro
Bollan qonc’ida misileza xeellada ezgo oyshata bolla ne qofa imma.
17
1. Misileta xeellada aaza akeekadii?

2. So asa guussi aaza gussee?
Ezgo wode
So asa giza nibbabe aastamaarey nabbabishin ezgidi inte dawutara

bolla mastosha oykite
Ezgoppe guye
Ezgo nibbabeppe keyida oyshatas zaaro immite.
I. Inte astamaarey nabbabishin ezgidi nibbabeza baaso

oothada kaalliya qofata ‘Tuma’ woyko ‘Wordo’ giidi
zaara.
1. So asa guussi dumma dumma keethaan de’iya asatakko.
2. Issi deres dendoy so asakko.
3. So asati banta naytas koyro timirte keethakko.
4. Nayta dichchas so asa koshshena.
5. So asa issippetetha dhayoy nayta bolla meto ehenna.
II. Kaallidi shiiqida ezgo oyshata nibbabeza qofa baaso
oothidi paati xaafite.
1. So asa yarata geetettizayti oonantee?
A._____________________________________________
N. ______________________________________________
E. ______________________________________________
D._______________________________________________
18
2. so asati banta naytas koyro timirte keethakko gishin ay guussee?
Daassa giddon xaafanchay go’ettiza gathethiya kochchata xaafa.
Shaako 2.2. Haasaya
1. Kaalliya oyshatas inte laggetara kifile giddon tobbite.

A. Giigonta dere asa paydo gujo guussi ay guussee?
N. Na’ay ba qaadan dic’es giza qofay ekketii? Aazas?
E. So asa halcho giigisoy lo’o ye iitaa?
Shaako 2.3. Nabbabo
So asa halcho giigiso
Nabbaboppe koyro oyshshata
1. So asa halcho giigiso guusi ay guussee?

2. So asa halcho giigiso go’ay aazee?
3. Inte so asati so asas halcho giigiso maaran go’ettizoo?
Derey so asa halcho aazas giigisi?
So asa halcho giigisoy wolqara geedaridi na’a ginan hassi yelon
bonchidi dichchanaw danda’issiza hiillarakko. Haysa ogera so asa
halcho giigiso go’a Tophphiya mala wolqara geedaretonta dere as
paydoy gujida deretan akeeka timirte imo akisoti koshshizaysa.
Beni woden na’a yeloy harodan paydetizaysa aawaynne ayiya daro

yelada paydon lo’o de’o haro demida mala paydettes. Ubba qase,
gaxare heeran atuma na’ay yelettikko goyidi, mehe haridi, oothidi
19
olidi, iitappe naagidiCimida wode shiishidi oykkandes, mac’c’ na’iya

yeletoko qase, harako giza qofay gam’ides. Gido atin, ha’i wode so
asa halcho giigiso go’a imo hiilla go’ettidi ginara haasi haasi yeloy
lo’o gididi beettides.
Na’ay ba qaadan dic’es giza giigay baynda qofan wolqappe bollara

yeloy so asa bollanne dere bolla meto medhdhes. Dere paydo gujoy
ooso dhayo, kaatha meto, payatethanne timirte go’a pacenne hara
daro metota kaallethees. Hessa gishaw ha metota teqanaw so asa
halcho giigiso go’a timirte dere asas gathoy daro go’izaysako.
Hessa gishaw, so asa halcho giigiso menthishin, nayta paydo

giigisanaw haasi haasi yelos danda’isiya nam’u ogeti de’iyaysa ero
koshees. Izettika medhetanne ha’iwodeogetakko. Ha nam’u ogettika
shaharatetha teqosona. Koyron, medheta oge geetettiyageti bena
assho gaagotethappe teqethi, gallassa taybonne nayta dhantha
dhantho. Nam’antho ogey qase, ha’i wode teqetha oge gidishin,
izettika mac’c’anne attuma kondome, marpe, luuppe, diyaframe
woyko mac’c’atas hashen moogizaysanne h.h.m
20
Nabbabo wode oyshata
Kaalliza oyshatas nibbabeza nabbabadanne suure zaaro immite
A. Wolqappe bollara yelo qohay aazee?

N. Dere asa paydo gujoy ay meto ehizee?
E. so asa halcho giigiso timirte eratethi aaza go’izee?
D. misileza xeellidi inte demmida qofata qonc’isite.
I. nibbabezas ayfe qofay aazakkon yootite.
Y. beni wode asati daro nayta yeloy aazas go’es giidi qoppidoo?
Nibbabeppe guye oyshata
I. Kaallidi immettida meega qofatas nibbabeza baaso oothada

‘Tuma’ woyko ‘Wordo’ gaada zaaro imma.
1. So asa paydo gujoy ikkonome gujees.
2. Na’a ginara yelos go’ay bawa.
3. Ha nibbabeza qofay so asa halchhoy giigisoy koshshontaysa
yootes.
4. Ha’i wode duussas so asa halcho giigisy keehippe
koshshizaysakko.
5. Na’iay ba qaadan di’c’ees giza qofay suure qofakko.
6. Dic’c’onta deretas so as halcho giigiso temirte aakisoy bessees.
7. C’ora nayta yelo giza qofay lo’o qofa gidanaw danda’ees.
8. So asa halcho giigiso guussi so asa paydo gujo guussakko.
II. Kaallidi nibbabeppe ke’ida suratas gaagiza qofatara dabbotha
21
‘A’ ‘N’
1. haaro mala paydettes A. so as halcho giigiso
2. wolqappe bollara yelo N. nu dere tophphiya
3. giigonta qofa E. c’ora nayta yelo
4. dere asa gatho D. dure asa ootheees
5. dic’c’onta dere I. na’ay be qaadan dic’c’es
Y. manqotetha ehees
I. amerika dere mala
III. Kaallidi shiiqida pac’e sohota nibbabbeza baaso oothada
kuntha.
1. Na’a ginan _________________yeloy boncho dichchanaw

maadees.
2. Beni wode cora na’a yeloy_______________paydettees.
3. _______________bollara yeloy so asara dere bolla meto gathees.
4. Dere asa paydo
gujoy_________________,___________________,_______________
nne ______________meto kaalethees.
Shaako 2.4. Xaafo
Meeze 1
Kaalliya oyshatas zaaro paatada xaafa
A. Adarso guussi ay guussee?

N. Adarso xaafanas ne qofata wosti shiishanakonne paatada
xaafa.
E. Neni shiishiza naqaashan zempada heedzdzu daassara de’iza
22
qonc’iso adarso xaafa. Ne xaafida adarso zaarada laggetara
suurisa.
D. Na’a haasi haasi yelos danda’isiza ogeti aappunne? Izeti

awaysatee?
I. Yelo teqetha ogetappe inte heeran go’ettizaysa xaafite.
Shaako 2.5. Kobe
Kaallidi nibbabezappe ke’ida kochchatas birshetha xaafa.
1. Wolqa 4. Geedaro 7. Dhayo

2. Haaro 5. Hiilla 8. Halch
3. Giigiso 6. Payatetha
Shaako 2.6. Qawosa
Baaso doona enc’ere paatetha
Meega qofa
Meega qofa guussi ay guussee?
Meega qofa guussi qaalatappe medhettidi ba giddon guuxishin so

adde peesho oykkidi kumetha kiita aathizaysa.
Leemiso:
 Na’ay muuze midees.

 Darotay zo’o boora shamidees.
 Aawway giyappe eeson yidees.
23
Meeze 1
Bolllan qonc’da leemisotan baaso ooththada kaallidi immettida

kochchatara meega qofa medhdha.
1. C’ora 5. Oge 9. Heera
2. Go’a 6. Timirte 10. Gujo
3. Meto 7. Yelo
4. Gita 8. Bolla
Meeze 2
2. Kaalliya oyshatas suure zaaro doora
Haasaya meega go’ettada doora.
Adussa away zo’o boora hirayson shammides.
1. Sunthay:
A. boora N. aawa
E. shammides D. A nne N
2. Sunqoy:
A. Zo’o N. aawa
E. adussa D. A nne N
3. Peesho:
A. Boora N. hirayso
E.adussa D. shammides
4. Peeqo:
A. Zo’o N. hirayso
E. shammides D. adussa
5. So adde:
A. boora N. shammides
24
F. aawa D. adussa
6. Ekkadde:
A. zo’o N. boora
E. aawa D. shammides
7. Shammides giza meega qofay ay mattuma qonc’isizee?
A. mac’c’a N. attuma
E. nam’a D. zaaroy baawa
8. ______________ ogeppe zine yides.
A. tani N. nuni
E. izi D. iza
9. Baalota timirte keeththappe eeson _________________.
A. yides N. yadus
E. yandos D. ubba
10. Giyappe giza suran guugamey awaysee?
A. giya N. -ppe
E. giyappe D. zaaroy baawa
Kaallidi de’iza suure gidonta meega qofata suurisa xaafa

1. Aaway goyis boora waaxidi.
2. Dalboy polis qaaxenan timirtiya
3. Saron olas simmidosona bidayti.
4. Shammis al’o giyappe dorsa zino aaway
5. Bessees oothanas asati mini.
6. Bana wursiidi so timirte.
7. Oonee sunthay ne?
8. Bonchadis 14thotani laytha yeleta halaythi.
25
SHEMPO HEEDZDZA
Kehateththa
Shempo qoppobata:
Tamaareti eranaw dandayanaw bessizayssi:
 Ezgonne zaari yooto

 Aybateththa paato
 Xuufes ayfe qofa akeeko
 Keehateththa heerata shaako
 Xuufezappe erettida kochchata keso
Shaako 3.1. Ezgo
Ezgoppe koyro
Meeze 1
1. Inte heeran asay issoy issuwa maaddi erii? Aazan aazan

maadettizoo?
2. Issoy issora maadetay aazas koshshizee?
3. Haysappe kase ‘Meqodoniya’ getettiza eqo eretii? Aaza aazaa
ooththizaysa eqota misattizee?
Meeze 2
Kaalliza kochchatasinne suratas birsheththa yootite.
26
Haggazo Buzo eqota
Kawoba gidonta eqo Hiiththa lagge
Meeze 3
Tamaareto inte astammaarezi intes ezgo xuufe nabbabishin loythi

ezgon kaallidi shiiqida kochchati ezgo xuufe giddon de’izaysatanne
de’ontaysata shaakkidi xaafite.
Yeleta dondza kawo

timirte shuchcha gaxappe
buzo eqo qaada
biitta astamaare
De’iza kochchata de’onta kochchata
________________ _________________
________________ _________________
________________ _________________
________________ _________________
________________ _________________
Ezgoppe guye
Meeze 4
Inte ezgida xuufeppe kaallidi immettida oyshatas pace sohota

kunthite.
27
1. Meqodoniyay asatas immidi de’iya haggazo ezgo

nibaabbezappe xaafite.
A. _____________________
N. _____________________
E._____________________
D._____________________
2. Meqodoniya eqoy maadizay cimmatasinne
_________________asata shiiqo soho.
3. Meqodoniya eqotay _________________M.L _______________
getettiza yelagan eqiides.
Shaako 3. 2. Haasaya
Kaallidi shiiqida oyshata inte astamaarey intena shaakida cugan

cugan gididi haasayko inte qofa cugappe issi issi tamaarey dendidi
kifile laggetas yooto.
1. Nabbaboppe koyro intes keehateththa guussi ay guussee? Giidi

shiiqida oysha bolla inte demmida qofa baaso ooththidi gujanka
issini issinira maadeteththa guussi ay guussakko
paattada ne laggetas kifile giddon yoota.
2.Keehatetha ooson erettida asati inte heeran de’izoo? De’ikko ay
ay ooson erettidakkon inte kifile laggetas yootite.
3. Nam’as gididi tamaare issintha ke’ida Abebech Goobeni be de’o
laythan oothida keehatetha oosota haasayshin loythidi ezgite.
Atidaysatikka taran taran dendidi haasayite.
28
Nabbaboppe koyro oyshata
1. Keehatetha guussi ay guussee?

2. Keehatetha ooson erettiya asati inte heeran de’izo?
3. Keehatetha oothiza asati aaza aaza ooso qommota polizoo.
4. Abebech Goobana giza mac’c’asiyo eretii?
5. Iza oothida keehatetha oosoti aaza aazee?
Abebech Goobena
Mishiro Abebech Goobeni Amara kililen Salale Awurajan Shebele

geetettiza heeran 1928 M.L yelettadus. Buro yelagetethan 11
laythara azina geladusu. Gido attin, geloza dosonta gishas ba koyro
azina agada Tunga badasu. Mishira haysappe kase Tunga
erontaysanne heni dabboy izis dontaysa gishaw bida mala Gorgisse
Bataskana eqada c’oo he ha gaada asa xeellishin Asrate giza keeha
asi ekkidi be na’a mala dichchides. Ha adde maatan tamaarashe
kushe hiillakka gujada tamaaro qaada demmadusu. Hessa
bollakka, kare dere timirte tamaaranaw qaada demmada iza baana
gada qoppishin iita harge oykkettada attadusu.
Ha mishiriya haysappe guyen bena aysanas dumma dumma oosota

ootho doommadusu. Leemisos: quma keethan, tukke bayzoninne
yedo eqotan haratanka guutha damozan qaxaretada
de’adanam’antho azina geladusu.
Hessappe guyen mishiro Abebech Goobeni be giddon de’iza

keehatethappe dendidaysan oge bolla yegettida qeeri nayta
shiishshada koyro wode 1972 M.L 11 naytas quma, mayo, duussa
29
soho imon doomadus. Hessappekka aathadadhantha koyza naytas

be dhantha dhanthada dichchadus. Gidikkonne ha lo’o qofaza izi
azinay dosibenna. Iza ha nayta dichchanas asas oothoppenne be
azinappe ke’ada parso agoninne soollo uukada bayzo doomadus.
Nayta paydo keehippe guji guji bishin dumma dumma asatappe
maado demmada gita ooso oothidaysappe dendada dumma dumma
wodetan ‘’manqo nayta aayiyo woyko daro xeetu nayta aayiyo’’
geetetadus.
Kumethara Abebech Goobeni guutha oothoppe dendada daro asata

maadadusu. He maadotappe 12,000 nayti bantana danda’ida
dumma dumma oothon aqizayta, 150 eqotan suure maadoninne
suure gidonta maado imon 1.5 miilone paydettiza metotanchatas
hagazo immadusu. Wursethan salosa qaatha kobide-19 getettiza
harggen oyketada hospitale dethan hakime maado ekkayda
gam’ada 2013 M.L 85 laythan be dossiya cora naytappe hayqon
xeeseta shaaketadusu.
30
Nabbabo wode oyshata
1. Nibaabeza wozanthi nabbabidi nibaabes ayfe qofata akeekite.
Nabbaboppe guye oyshata
Meeze 1
A. Kaalliya nibaabe oyshatas nibaabeza baaso oothada zaaro
immite.
1.Mishiro Abebech Goobeni ay oothora eretadee?

2.Abebech Goobeni nayta dichchanas oothida ooso qommotappe
yootite.
3.Abebech Goobeni dhantha koyza nayta ba dhantha immada
dichchadus gishin ay guussee?
4.Mishiro Abebech taarike qanthara yootite.
5.Abebech Goobenas hara sunthay oonee?
Meeze 2
Kaallidi nibaabeppe ke’ida oyshatas qofay suure gidikko ‘Tuma’

woyko qofay suuronta agikko qase ‘Wordo’ gada zaara.
1. Abebechi azinay iza oothiza ooson maadees.

2. Mishiriya be yelo asatara dic’c’abeku.
3. Abebech Goobanay Tunga yiday be dabbota oychchanasikko.
4. Abebecha kawo oosanchakko.
5. Mishiro Abebecha lo’o oothoza kawoy erenna.
6. Abebecha qalame timirte tamaarabeku.
31
7. Mishiriya kare dere buussa qaada demmabeku.

8. Nayta dichchanas Abebecha aza oosokka ootha eriku.
9. Ha mishiro Abebech Goobeni be koyro azinaza cimada
geladus.
10. Abebecha azina gelos keha dosadus.
11. Abebecha be azinatas c’ora nayta yeladus.
Meeze 3
Kaalliya oyshatas nibaabeppe qofa baaso oothada suure zaaro

doora.
1. Abebecha yelettida wodey
A. 1932 M.L N. 1972 M.L
E. 1928 M. L D. 1938 M.L
2. Abebech Goobenay erettida oothoy

A. Keehatetha N. kawo ooso
E. zal’e D. goshsha ooso
3. Mishiro Abebecho hayqos gaaso gidida hargey aazee?

A. HIV Edise N. uunno
E. qoxe harge D. Kobide- 19
4. Abebechi awa heeran yeletadee?

A. Dugeha kililen Gaammo zoonen
N. Amara kililen Selale Awurajan Shebelen

E. Tigraye Awurajan
32
D. Afare Awurajan
5. Izi maadon bantan danda’idi ke’ida nayta qooday

_________gidees.
A.12000 N. 11000
E. 13000 D. 1.5 miloone
6. Iza sa’a bolla gam’ida laythay aapunee?
A. 58 N. 68
E. 98 D. 85
7. Abebech Goobena hayqo hanota bessiza daassay ____________.

A. 1tho N. 2tho
E. 3tho D. 4tho
8. Daassa issino bolla ‘izis’ giza kochchay oona bessii?
A. Abebecho N. mishiri aawa
E. mishiri aayo D. aawi baynta nayta
9. Iza ba oothida wodeta hagazo immida eqoti ____________
A. 50 N. 100
E. 150 D. 1500
10. Abebech Goobenay ba koyro azina gelida laythay:
A. 20 N. 11
E.18 D. 25
33
Shaako 3.4. Xaafo
Adarso xaafo
Meeze 1
Adarso guussi aaza guussakkon 6tho kifilen tamaarida mala inte

qofa astamaares paattidi yootite.
Qanthara adarso guussi daassata shiiqo gididi issi doorettida kaara

bolla xaafo woga kaallidi xaafetiya dhoqa xuufe kifilekko.
Erettida adarso qommota
Doona timirte xaafo hiillan oydu adarso qommoti de’ettes.
Izetikka:
1. Qonc’iso adarso: issi miishshi waanidi oothettidakkon woyko

pollettizakkon, guutha miishshata ubba qonc’issiza adarso
qommokko.
2. Palamissiza/ammanthiza adarso: nam’i mishshati geedareti
shiiqiza adarso qommokko. Palamissizay woyko ammanthizay
shiiqida nam’I qofata doson woyko ixon palamidi qofa
ammanthanas shiiqida qofakko.
3. Taarike yootiza adarso: issi hanota oosota yanides,
histettides, woyko beni yanides giidi qonc’issiza qommokko.
4. Kessi beso/ misile medhiza adarso: issi mishsha hano ayfen
be’ida mala, kushen bochida mala oothettiddi shiiqizaysa.
34
Kessi besishe, koshshida miishsha qaalara misile medhetana

mala oothizaysakko.
Adarrso kifileta
Meeze 2
 Adarso kifileta inte laggettarra tobbidappe guye suuren xaafite

Adarsoy dumma dumma kifileta oykkes:
1. Kaara: ha kifiley adarso giddon de’iza qofati issi bolla

shiiqidinne issi kochchan, issi suran woyko issi haasaya
meegan qonac’siza kifilekko.
2. Gelo: adarso qofa shiishidi qanthan qonc’issiza kifilekko. Ha
kifiley qofata qanthan erisanasinne qoppobata qonc’isanas
maades.
3. Paatetha kifile: kumetha qofati paatethan shiiqiza kifilekko.
4. Kuuyetha: adarso giddon shiiqiza palamissiya qofatas igintho
gido gatettiya qofata oykkiza kifilekko.
Adarso xaafo woga
Adarso xaafanas wogaynne maara dethati de’ettes. Hessatikka:
 Kaara dooro
 Kaaras qofa shiisho
 Qofa c’iiro
Qofa c’iiro go’ata
Qofay awarshshena mala.
35
Kaarara gaagonta qofay gelonta mala.
Qofa zaari zaari go’etoy de’onta mala.
Daassas qofa issippetethay de’ana malanne h.h.m.
Meeze 3
Ha bollan shiiqida adarso xaafo woga go’etada oydu daassa oykkida

adarso xaafada ne kifile laggetas shiisha.
Meeze 4
1. Ne xaafida issi issi daassappe ayfe meega qofa kessada xaafa.

2. Neni xaafida adarsoza ne laggetara tobbada suurisa.
Shako 3.5. Kobe
Waatha kochchata
Waatha kochcha guussi aza guussee?
Waatha kochcha guussi nam’u dumma dumma birshetha oykkida

kochchati issi bolla shiiqidi waaxetidi issi birshetha oykkidaysa
guussakko.
 Ha wode kochchati koyro de’z birshetha yedidi issi birshetha

immana mala waaxetosona.
 Nam’u kochchata waaxanas walaka malaata (- ) kochchata
shaakanas go’ettees.
Leemiso:
Kana + siidhe = kana-siidhe
36
Kana + kasle = kana-kasle

Dabbo + asa = dabbo-asa
Giya + deesha = giya-deesha
Tukke + keetha = tukke-keetha
Katha + ayfe = katha-ayfe
Tukke + ayfe = tuke-ayfe
Laytha + lame = laytha -lame
Meeze 1
Asho asa
Kushe gita
Bolla qara
Toora keeththa
Mana miiza
Timirte dabbo
Dere kayso
Qita mashsha
Banga gade
maaththa
m
Gara maatha
37
Ha bollan qonc’ida edzdzo gonpan de’iza kochchatappe

xeellada suure gidida waaththa kochchata medhdha.
1. ________________________
2. ________________________
3. ________________________
4. ________________________
5. ________________________
6. ________________________
7. ________________________
8. ________________________
9. ________________________
10.________________________
Meeze 2
Ha bollan tamaarida qofan zempada ne laggetara tobbethan 20

gidiya waatha kochchata medhada bessa.
1. _____________ 11. _____________

2. _____________ 12. _____________
3. _____________ 13. _____________
4. _____________ 14. _____________
5. _____________ 15. _____________
6. _____________ 16. _____________
7. _____________ 17. _____________
8. _____________ 18. _____________
9. _____________ 19. _____________
10._____________ 20. _____________
Meeze 3
Kaallidi misilen de’iza kochcha karta bolla shiiqida dendo qofa bolla
immettida leemiso baaso oothada attida bessata kuntha.
38
Shaako 3.6. Qawaso
Palonne Cora Medho
Akkekiso:
Palo guussi paydon issino guussa gidishin, c’ora guussi paydon
issinoppe bolla gididaysa guussakko.
Leemiso:
Palo C’ora
Kana Kanata
Boora boorata
Keetha keethata
Mides midosona
39
Bides bidosona
Asha ashanta
Ha bollan shiiqida leemison zempidi kaallidi immettida
kochchata palo woyko cora giidi pace sohon zaaro xaafite.
1. Shuchcha _____________
2. Oyde _____________
3. _____________ nayta
4. Buluko _____________
5. ____________ goobata
6. Maxaafa ____________
7. Dorsa _______________
8. Puute _______________
9. Hare ______________
10. _____________ miishshata
Meeze 2
Kaallidi immettida suure gidonta haasaya meegata palo woyko c’ora
gididaysa shaakidi suuren xaafite.
1. Nayti quma mides.
2. Aaway goshsha gade bidosona.
3. Ayalay giyappe shammida dorsay daro bira wurssidosona.
4. Tamaareti paace oothides.
5. Bayra asati beni wode kathi hirayso gees.
6. Nuuni wonto tamaare keetha yandis.
7. Nuso boorati qaycha dares.
8. Darotaranne Baaloti tamaare keetha bides.
40
SHEMPO OYDA
Erettida Asa De’o Taarike
Shempo qoppobata:
 Paatethas ezgandettes.
 De’o taarike birshetha qonc’isandettes.
 Nabbabo xuufeppe gaasonne muruuta dabbotetha
shaakandettes.
 Erettida asa de’o taarike xaafandettes.
Shaako 4.1. Ezgo
Gelo:
De’o taarike xaafo
Beegotho oyshata
 De’o taarike guussi ay guussee?

 De’o taarikey aappunan shaaketi?
De’o taarike xaafoy nam’an shaakettes.
1. Buzo de’o taarike xaafonne

2. Hara asa de’o taarike xaafo geetetosona.
41
Akeekiso:
De’o taarike xaafo wode akeekanas bessiza mishshati:
- Suntha
- Yeleta laytha
- Timirte hanota
- Ekko gelo hanotata
- Guja oosota oykanas danda’ees.
Ezgo wode meezeta
Hara asa de’o taarike xaafo
Hara asa de’o taarike eransinne xaafanas dumma dumma hanotata

polanas koshshees.
- Gidida qoodimaga shiisho

- Xaafeti uttida xuufeta nabbabo
- He asa matan erizaddey de’iko oycho
- Dabbo (so asa) oychi ero
- Qofata sintha guye maaraan wotho
- Xaafetiya asaa yeleta soho, laythanne hayqida gidikko laytha
qonc’iso koshshhees
- Iza dchcha hanota qonc’iso koshshees
- Timirte deththa qon’iso
- Polida oosotanne maaddota qonc’iso
- Xaafanchay eriza qofati de’ikko baappe gujo
- Taarikes kuusha gidida qaalan xaafo
42
- Markata bessiza sohon xaafokoshshees

- Taarike ne xaafida asas de’iza dumma dumma markata
xaafida taarike qofara gaagisso/ wotho koshsheess
Meeze 3
Kaallidi ezgo xuufeppe ke’ida oyshata ‘Tuma’ woyko ‘Wordo’ giidi

zaarite.
1. Artisite Aforqe Tekley Oromo dere yeletakko.

2. Aforqe Tekile xaalane olappe guye yelettidees.
3. Artisite Aforqe Tekile erettiday yethaninne dursaninekko.
4. Aforqe Tekiley Tophphiya yunburisiteppe anjettides.
5. Iza so asati izi kine xibabe timirte tamarana mala koyidosona.
Ezgoppe guye
Meeze 4
Kaallidi zaara shiiqida qofatas Aforqe Tekile giza kaaran

nabbabettiza xuufeza baaso oothidi kuthite.
Qofata Zaaro
Yelettida laytha
Yelettida soho
Yelettida dere
Kaallida timirte qommo
Awa deren tamaaridee?
Izi salosan erettiday aazanne?
43
Shaako 4.2. Haasaya
Meeze 1
Kaallidi immettida qofata bolla tobbite
1. De’o taarike wosti xaafanakko inte laggetara haasayite.

2. De’o taarike xaafos maadiya kaallodata bolla inte laggera
tobbitan qofa immite.
3. De’o taarike bolla tobbidi inte tobbida qofa demmida kifile
laggetas haasayite.
4. Inte heeran de’iya issi erettida asa de’o taarike bolla inte
laggetara tobbidappe guye kumetha kifile giddon yootite.
Shaako 4.3. Nabbabo
Woxanchiyo Xurunash Dibbaba
Nabbaboppe koyro
- Xurunesh Dibbaba erettii?

- Iza aaza oothishin erettii?
- Woxancha guussi ay guussee?
Kaallidi immettida kochchatas inte eriza birshethan qonc’isite.
Kolxancha
Eesho
liqaaqa
Xurunash Dibbabay be aawa daanna Dibbaba Qenenneppenne be
aayo miishiro Gutu Toollappe Gustama 21/ 1978 M.L Tophphiyan
44
Arisi kifilageren chafa woradan Boqoji kataman Oroomo

sheeshappe yeletadus. Iza banta so nayta giddon 3tho na’akko. Izis
dichchay hara woxanchatappe dummattes. Gaasoykka, iza
tamaariza timirte keeththay izetasoppe haakenna gishshaskko.
Hessa, gishshas, izis timirte keeththa bishinwoxo koshshenna.
Gido attin, izis asho dabboti adussa haakotetha woxanchchakko.

Izettika, Derartu Tulu, Beqelu Dibbaba, Ijigayehu Dibbabay wuri
wode kolxancha woxanchakko. Xurunesh Dibbabbay be dabbota
eesho kaallada wotha doomiday izis laythay dhoqi ginakko. Gido
attin, hessappe sinthan izis woththa koshsha baawa.
Xurunesh Dibbabay Addisaba timirte tamaaranas yiday izi dabbiya,

Dararitu Tulluy Barsilonan 10,000 m xoonidappe laappun
laythappe guyenakko. Gido attin, timirte keeththa mazagabettiyo
wodey aadhdhidaysan tamaaro qaada demmabekko. Zaarada be
dere guye Boqoji simanaw koyabenna gishshas dabbo gidida Beqelu
Dibbabay qasho keeththan poolise cugan mazagabissin wotha
meezetho doomadus.
Iza meezetho doomishin izo bee’ida asay izi bolla liqaaqa

misattiyaysasinne laythay cuga asatappe keehi guutha gidida
gishaw wothan muruutancha gidanas giidi oonikka qoppibenna.
Gidoppe attin, iza loythada meezetho oothida gishaw 5,000 nne
10,000 m olompike wotha paalada ubbatakka xoonadus.
2000 M.L Beejiyinge olompiken 10,000 m kaseDararitu Tulun

oykkettida xoono zawa menthadus. Ha olompiken 5000 nne 10,000
m nam’atankka worrqa medaaliya demmida gishas salosan koyro
45
mac’c’a woxancha gidadus. Ha gaason he laythan bayra

wothanchanne malissiza mogotota demmadus. Hegappe
dendidagan be cugasinne be deres lo’o oothin qasho keetha
cugappe letenaale koloneeletetha boncho demmadus. Gujon
Addisaba kataman izi sunthan hosipitaaley summettidi eqidees. Iza
be de’o laythanikka de’oy giigidanne be azina woxancha Sileshi
Beqele gelada Lafa 17/ 2007 M.L be koyro attuma na’a yeladus.
Kumethara Xurunasha salosan oyde, dere kanthon ichchachu
wothatan xoonancha gidadus.
(Pultoy: www abyssinico.com.dihire gaxeppe)
Nabbabo wode meezeta

Meeze 2
1. Woxancha Xurunash Dibbaba giza nibbabe akeekan

nabbabidi ayfe ayfe qofatanne ooratha kochchata inte
mastosha bolla oykkite.
2. Nibbabeza nabbabishe de’o taarike maara suure qofa
mastosha bolla wothite.
Meeze 3
Kaallidi nibbabeppe ke’ida oyshatas nibbabeza qofa baaso oothada

zaara.
46
1. Xurunesh Dibbaba wotha doomethay hara woxanchata

doomethappe wosti dummatizee?
2. Woxanchiya Xurunesh Dibbabay koyro wodes Addi Ababa
yiday aybisee?
3. Xurunesha na’atetha woden de’iya qofay aazee?
4. Koyro woxanchiya Xurunasha asay asay lo’o muruuta
mazagabesiku giday aybisee?
Meeze 4
Kaallidi shiiqida nibbabeppe kezida oyshatas qofay suure gidiko

‘Tuma’ suuronta agiko ‘Wordo’ gada zaara.
1. Woxanichiya Xurunesh Dibbabay be wotha doomiday buro

qeeri na’an de’adakko.
2. Xurunasha qeeri na’a gidada de’ishin izis woxancha gidanas
amoy de’es.
3. Xurunasha wotha doomishin izis bollay keehi le’ekko.
4. Xurunasha banta so asas 3tho na’akko.
5. Xurunasha xoonon erettiday dere giddo wotha xalaalakko.
6. Xurunash Dibbabay Addisaban yeletadus.
7. Izi azinay zal’anchakko.
Meeze 5
Kaalliya oyshata nibAabezanzempidi suure zaaro diorite.
1. Addisaban woxancha Xurunashi Dibbaba sunthan sumettida

eqotay_____________________.
A.Timirte keetha N. woosa keetha
47
E. hospitale D. qasho keetha
2. kase Dararitu Tulun oykkettida woththa xoono zawa awude
menthadee?
A. 2008 m.l N.2000 m.l
E. 1999 m.l D.1998 m.l
3. Iza qasho keethaa polise c’ugatappe demmida bonchoy aazee?
A. shalaqa N. Jeneraale
E. dokitore D. letenaale koloneele
4. Izo qasho keetha polise c’ugan mazagabiday oonee?
A. Aawa N. aayo
E. deraaritu D. Beqelu
5. Xurunasha awa katama na’aa?
A. addissaba N. chafa
E. Boqoji D. Arisi
6. Xurunash Dibbabay yelettiday awudee?
A. 1978 m.l N. 1968 m.l
E. 1988 m.l D. 1958 m.l
7. Izi azina sunthay _________________geetettes.
A. Sileshi Sine N. Sileshi Beqele
E Haile G/selasse D. Qenenisa Beqele
48
8. Xurunash Dibbabay xoonida wootha haakotethay_____________
A. 5000 nne 10000 m N. 4000 nne 7000 m
E. 100 nne 200 m D. 3000 nne 8000 m
9. Kumethara Xurunashi dere kanthonne salosa wothan xoonaday
aappun tohoo?
A. 3 N. 4
E. 4 nne 5 D. 5
10. Izi dabbotti erettida oosoy____________kko.
A. goshsha N. zal’e
E. kawo ooso D woththa
Shaako 4.4. Xaafo
Ziba/Qeela Haasaya
Ziba haasayay kochchati kasettidi oykkida birshetha laamidi, issi

issi wode wogappe ke’idi go’iya hanotakko. Heessa guussikka
moode birshethappe hara ooratha birshetha imman mala oothidi
go’etoy ziba haasaya geetettees. Ziba haasayay issi kochchappe
woyko nam’u kochchappe medhettes.
Leemiso:
Tuussa: aaway keethas tuussakko.
(aysizaysa guuss)
49
Kana siidhe: kathay kana siidhe giddies.
(keehi irxidees)
Meeze1
Ha bolla shiiqidda ziba/ qeela haasaya leemisota baaso oothada

kaalli de’iya meega qofatppe qeela haasaya kessiidi birshetha
xaafite.
1. Miiza dhantha asa ayfey toysidees.

2. Daana Dango nayti deesha dhanthakko.
3. Oomarsa kawo mida ukkethay kana inxarsakko.
Meeze 2
Hagappe kaallidi bolla inte inte tamaarida qofa akeekidi inte heeran
haasayettiya qeela haasaya shiishidi guuxishin 15 gidiyaysa xaafidi
birshethakka paattidi inte kifile laggetas shiishite.
Meeze 3
De’o taarike wosti xaafanakkon inte tamaarida kaalloda akeekidi

erettida hara asa de’o taarike xaafidi shiishite.
Gatheththiya kochchata
Kochchata kochchatara, surata suratara, meega qofa meega

qofataranne daassata daassatara gaththiza kochchata gidiza.
50
Leemiso:
Boora woyko hare.
Iza gooba tamaare gidikokka paacen kundadus.
Meeze 4
Kaallidi de’iza zaran hadirsanne ushshacha bagga de’iza meegata

giddon diza gasetho kochchata giigan go’etada meega qofata suuren
xaafa.
p/m Meega qofa Oythetho Meega gofa

kochchata
1 Ayalacha, masqala Gidikokka Daro ezgo dandayayis
2 Hako soho badis Hessadanka Ne oothidaysi tana
gakkidees
3 Daro haasayo doosike -nne Lo’o muruuta
demmabekku
4 Qan’e mabeyke Shin Quc’c’an gaashey
loythi mokkees
5 Ta laggeta keehippe Heesa gishas Tana nafisibenna
dosaysi
6 Ootho sohon de’aka Tana demmakka
7 C’encha heeran bangay Gido attin, Turunga giya badus
loythi mokkees
8 Mina othaysi Izeti tana dostenna
51
Meeze 5
Hayssappe kaallidi shiiqida pace sohota giiga gidida gasetho

kochchata ekkada kuntha.
- hessa gishas
- gido attin
- nne
- qassi
- hessadankka
- ppe
- gidikokka
Unno hargey geze heera 1_______________daro toho gadha
2______________dollo heeran diza asa qohees. 3_____________gadhan
gam’idi ke’ida asa sakkizaysakka agibenna. Sako xalaala gidenan
hayqiya asa qoodaykka daro. 4______________asay laafa harge mala
xeellidi eesora hakime keetha biidi suutha pilggisidi dhaleza
ekkanas koyenna. 5_______________issi toho gelida hargey asas
maarara meec’i kanthees.
Meeze 6
Kaallidi immettida leemisan zempada woxanchiya Xurunash

Dibbaba giza nibbabeppe gaasonne muruuta gidanas dandayiza
qofata dummayidi kessidi xuufen bessa.
52
Leemiso:
Gaaso Muruuta
-mazagebeto wodey aadho - qasho keetha poolise cugan gelo
-loythi meezeto - gooba woxancha histo
- gooba woxancha gido - daro mooggoto demo
Meeze 7
Bollan immettida leemiso baaso histidi kaallidi immettida zara

giddon gaasonne muruuta gidanas dandda’iza qofata inteppe
kunthite.
p/m Gaaso Muruuta

1
2
3
4
5
6
7
Shaako 4.5. Kobe
Meeze 1
Kaallidi immettida zara ne dawutara bolla xaafidappe guyen bollara

uttida kochchata qonc’isiya qofa xeellada iza garsan (×) malaata
wothada bessa.
53
Qonc’so qofata Kochchata

Madoshanne mismaare
Goshshanchaha
ekkada ya
hiillahiillanc
Kushe hiilla
laggizizaysa
Misilancha
Astamaare
Yexancha
Zalancha
Shufere
Anaaxe
Akime
polise
ha
Masqalanne bulachchan
yexizaysa
Dere sarota naagos bakaka
tookes
Qambaranne kado doses
Irissase, qalamanne
waraqata oycheess
Dhale, marpenne gillabe
koyees
Choke, saledanne maxaafe
attena
Biraatappe baac’c’a qoxxees
Gooma, pirenenne nedaje

koshsheess
Gaashey, badalaynne
tukey hirayso
Shalo, mooqenne harpa
koshshees
Urqappe bashe, baathanne
jabana giigisees
Meeze 2
Haysappe kaallidi inte heeran inte ubba wode go’ettiza kochchata

ekkidi meega qofa medhidi kifile laggetas shiishite.
54
Shaako: 4.6. Qawosa
Sura
Suray maaran giigida koochchata shiiqo gididi kochchappe dhoqi

gizanne so addenne peesho kunthi oykkenan kumetha kiita
aathenna enc’erekko.
Sura qommoti ichchachan shaaketosona. Izetikka:
1. sunthattiza sura
2. sunqottiza sura
3. peeshottiza sura
4. peeqotiza sura
5. guugametiza sura geetetosona.
Ha bollan qonc’idayti ubbatikka nu doonan de’iza sura qommota
gidishin ha shaako bollan nuni xeellanaysi sunthathida sura
gizaysakko.
1. Sunthatiza sura
Sunthatiza suras tuusay sunthakko.

Leemiso:
1. Zo’o boora 7. Ashike asa
2. Maatha miiza 8. Orde na’a
3. Mal’o parso 9. Dalga keetha
4. Bootha para 10. Heedzdzu
5. Kac’ama boora tamaareta
6. Gita mole
55
Meeze 1
Intes bollan shiiqida leemisoza baaso oothidi kaallidi inteppe

sunthattiza sura gidanas dandayza surata guuxishin 15 ppe bolla
gididaysa xaafidi inte astamaariyanta bessite.
Meeze 2
Kaallidi immettida haasaya meegatappe leemisozan zempidi

sunthatiza sura shaakidi bessite.
Leemiso:
Adussa aaway giya bides.
- Sunthatiza suray: adussa aaawa

Oydu tamaareti kifilen de’ettes.
- Sunthatiza suray: oydu tamaareti

1. Xilo haathay ushas maades.
2. Gadha miizay ele dic’c’ees.
3. Wogga mithay kundides.
4. Le’e karetha kanay boc’c’ees.
5. Gooba tamaarey timirte qanxenna.
6. Gal’a mayoy ele duuxees.
7. Geeshsha heeray payatethas keehi koshshees.
8. Hirayso parso wuri ganxees.
9. C’ima aaway tuke uyees.
10.Qara baac’c’ay maata buchchas lo’okko.
56
SHEMPO ICHCHASHA
Haaththanne Iza Go’a
Shempo qoppobata:
 Ezgettida gelsa xuufeppe mastosha oykandettes.

 Haaththa go’a qonc’isana.
 Be dosanne koshiyaba qonc’isana.
 Ooratha kochcha ero hiill dalgisana.
 Haaththa qommota xaafana.
Shaako 5.1. Ezgo
Ezgopppe koyro
Meeze 1
1.Haaththa go’ay aazee?

2.Nuus go’a bolla pey’iza haaththa qomota erettii?
3.Haaththay oona oona go’izee?
Ezgo wode meezeta
Ezgo nibbabe intes nabbabishin loythi ezgidi niibbabezappe

maadiza ayfe ayfe qofata mastosha oyykkite.
57
Ezgoppe guye
Meeze 2
Kaallidi ezgo xuuufeppe ke’ida oyshatas qofay suure gidikko ‘Tuma’

suuronta gidikko ‘Wordo’ gada zaara .
1. Haaththa demmonta issi agina gam’anas danda’ettes.

2. Bolla ho’otetha naagoshaatha koshshees.
3. Shempoy baynagetii haaththa go’etettes.
4. Elekkitrike wolqas haaththi maadenna.
5. Haaththay nuus daro maadza haarokko.
Meeza 3
Ezgo nibbabe loythi ezgidappe guye kaallidi immettida pac’e

sohota kuuntha.
1._____________de’izaytas koshshiza miiishshatappe

_____________haaththakko.
2.Gujon haaththay wolqa pultisos (elekitrikes), _____________ ne
_________________oosos keehippe kkoshshees.
3.Shempoyde’iza ubbas haaththay ____________gididi taybettes.
4.Haaththay _____________giddon daro oosota oothes.
5.Haaththay meqethata danxoti ba koyda mala qaaxanas
___________ oothoy de’ees.
6.Bolla giddo _____________ nne _____________ muruutata, bollay
go’etana mala laamettiya ogey haaththanko.
7.Haaththay _____________ ho’otetha naagees.
58
8.Haaththa uyontta ______________ gallassappe bolla gam’anas

___________________ .
Shaako 5.2. Haasaya
I/ Kaallidi geeshshanne geeshsha gidonta ushsha haatha bolla

immettida qofata tobbidi kifile giddon haasayite.
1. Awappe beettizee?
2. Aaza aazas go’izee?
3. Wosttidi go’etizoo?
4. Ay hanotan moorettizee?
II/ Inte heeran asay haaththa awappe awappe demmizoo? Iza
go’etethay aaza aazee?
Haaththanne go’etetha
Nabbaboppe koyro
 Haaththa ushshas go’etanappe sinthan aaza ogen

geshshanee?
 Haathttha qommota xeessitte.
 Haaththa wostidi naageti go’etannee?
Haaththay gukkibetethay, minotethaynne gaazetetha kanddoy

de’iza walakakko. Haydirojinoppenne okisijineppe beettiza walaka
haaththay shempoy de’iza miishshata ubbas go’ees. Shempoy
haathay baynta de’anaw danda’etenna. Hessa gishaw, shempos
tuusa gidida haaththa minjoninne wogan go’etanas koshshees.
59
Haathtthay shooreppe, abbappenne wuqiyanoseppe awa ho’o

penton laamettes. Ha giigiddaysatappe penton laamettida
haaththay ayere giiddon xokkethan laamettes. Xokethati shiiqidi
shaara medhosona. Shaaray qase ira gididisa’an wodhees.
Eranchati haaththay pude ke’idi duge zaari wodhiza hanota
haaththabiiramo giidi xeesosona.
Haaththa ushshas go’etanappe sinthan dhoqa waayenne miishshe

koyees. Haaththa c’oo xeellishin geeshsha gida hanees. Gido attin,
ayfen beetena harge ehiza miisshati de’ettes. Hessa gishas haaththa
ushshas go’etappe sintha xiliso koshshees. Hessa gishas koyro
irappenne shooreppe beettiza haaththa shiisho koshshees.
Haaththa ac’en xililisoy kaalliya oosokko. Simidi haaththay qohiya
miishshatappe geeyana mala kiloorine gujo koshshees.
Hessappe haathay xilissida sohoppe dendidi koshshiza soho

gakkanaw sugidi gathiza miishshay koshshees. Ha sugiza
miishshan sugettiza haaththa elessidi shiishiya soho gakkees.
Hessappe guyen qumas maadiza haaththaykka bomba giddora
sohon gakkees.
Haaththay ushshas go’appe hara baggara elekitirike wolqa pultoson

dere dichchasinne po’o pultos go’a immees. Goshsha oososikka
daro maadizza gishshas goshshanchti salo ira xallaala naagidi
de’ianappe waaro go’ettidi daro muruuta demmidi asa kalsidi
koshsha dhaysanaw gita maadoy de’ees. Hessadankka erettida daro
go’eta haaththappe dimmizayssi onasikka geema gidena. Gujidikka
60
turizime haaros immiza go’aykka guutha gidenna. Hessa gishaw

ha’I wode haaththa turuzime ufaysizaysa gididi beettidees.
Haaththay wuranas danda’iza medheta haaro gidida gishas maaran

go’etas koshshees. Issi xoko bomba haaththay dhoqqa haaththa
shori bayndayta go’eta medhees. Koshshenna miishsha/bira
kessana mala oothes. Haraykka dumma dumma harge ehiza
qeeribati medhetana mala gaaso gidees. Hessa gishaw so giddon
go’etethappe denthidi dhoqa haaththa go’etetha koyda soho gatha
haaththa minjidinne maaran go’etetha koshshees.
(Pultoy: Amarathon doona maxaafappe gaamothon birshettidees)
Nabbabo wode
1. Inte gaasonne muruuta gidanas dandda’iza qofata shaakidi

kessanas haaththa go’etetha giza kaaran giigiza nibbabbe
loythidi nabbabite.
Nabbaboppe guye
Kaallidi nibbabeppe ke’ida oyshatas nibbabeza qofa baasitidi

oothidi zaarite.
1. Geeshsha ushsha haaththay awappe beetii?

2. Haaththa ushshas go’etappe sintha ay ootho koshshizee?
3. Haatha maaran go’etoy aazas koshshizee?
61
Meeze 3
Kaallidi immettida leemiso zempada nibbabeppe ke’ida gaaso

gidanas danda’iya qofatas muruuta gidizaysa xaafite.
Leemiso:
Gaaso: haaththa shori baynta go’eto
Muruuta: - dhoqqa miishsha kessisees
-hara geeshshatetha moorees.
-haratas wurees.
1. Haaththa minjidi maaran go’eto

A. _____________________
N. _____________________
E. _____________________
2. Haaththa dhayo meto
A. ___________________________________
N. __________________________________
E. ___________________________________
3. Haaththa elekitirike wolqa pulto go’etonan ago
A. _________________________
N. _________________________
E. _______________________
4. Gooshshanchati salo iran xalaala naago
A. ________________________
N _________________________
E. ________________________
62
Meeze 4
Kaallidi shiiqida pac’e sohota nibbabe qofa baaso oothada zaara.
1. Haaththay ______________ nne ________________ walakokko.

2. Eranchati haaththay pude ke’idi duuge zaari wodhiza hanota
haaththa ______________ gidi xeesosona.
3. Hessa gisha shempos _______________ gidida haaththa
___________ nne _______________ koshshees.
4. Haaththa giddon ___________________ qeeri miishshati de’ettes.
5. Haaththay qeeribatappe geeyana mala ________________gujo
koshshees.
6. Haaththay ushshas go’appe hara baggara _______________
wolqa _________ dere dichchasinne ____________ go’a immees.
7. ________________ wuranas danda’iza ________________ kko.
Meeze 5
Ha garsan imettida oyshata nibaabe qofaza baaso histada qofay

sure gidiko ‘Tuma’ suure giddonta aggikko ‘Wordo’ gaada zaara.
1. Nuus beettida haaththa ubba ushshi lo’okko.

2. Eranchati haaththay pude ke’ida duge zaari wodhdhiza
haaththay pento geetettes.
3. Haaththa go’ettizay asa xalaala gidenna.
4. Haaththa giddon diza qeeribata ayfen xeellidi demmanas
danda’os.
5. Ac’e go’ettidi ushshaa haaththa xillisanas danda’ettes.
6. Haaththa miinijidi go’etoy koshshenna.
63
Meeze 6
Nibaabeza baaso oothi kaallidi shiiqida qofata gaaso paattidi

xaafite.
Shaako 5.4. Xaafo
Issi wogga gallassi masqalintaso issi bitaney yiidi wula qoxxidees.

Masqalinne Masiqali aaya tukke uyishin, Masqala taas shooronne
issippe dic’c’iida laggekko. Astera qasse Masqali aayoshin, taasikka
aayo malakko. Taysinne Masqali siiqooy dummakko. Nateththappe
doommidi issi gallassikka asho gayteteththa poli erenaysas nu
heeray ubbaykka markattees. Gaassoykka nuuni issi aayi na’a
malakko.
Ha’i Masqala yunbursiteppe shempos so asakko yida wodekko.

Taana qasse malalizay nu aayeta giddon de’iza ooshakko. Gido
64
attin, taani Masqalintason qasse Masqalakka nusoppe dhayi

erokko. Taani izetaso bishin, izi aayiya ta aayiyo ta sinthan
zigiradanne c’ayasu. Masqala qasse nu so yishin, ta aayiyakka
hessadan hanasu. Tani qasse gidikko ta aayiyo bochchida asa balla
c’ooi ga erikeshin, izi aayiya c’ayishin taas anjo gida hanees.
Masqalis aaway de’on de’enna. Iza tani issi issi wode qidhashe ne
abbo nam’ay shaaketandos gaasu. Taanikka mic’ada nu aayetikka
Aabbo shaaketana geena mala yagadis. Iza taana c’ayishin izis
medhay zo’o gidida gishas sinthay so’ides. Masqala keehi lo’asu.
Gido attin, iza azan lo’izakkon taani erike. C’ooi gaada izo xeellishin
daganthi zaarokko. Issi issi wode asa dossikko. Siiqoy pa’a bessa
kunthidi besses gides na’azi.
Masqalo oychida wodalata taaninne iza nam’an mazagabi woththos.

Ubba izis xaafettida siiqo dabbibabekka issippe nabbabos. Taarika
mac’c’atas yedida dabbidaabe issippe xaafos. Gidikokka Masqala
siiqos xooneta erukku. Be timirtenkka keehi minokko. Izi
wozinankka gelida panthikka baawa. Addeti taasi wuri wode eya
gida hanettes gaada qoppasu.
(Pultoy: zubeeyida 12tho attamo 2013 M.L)
Meeze 1
Bollan intes shiiqida taarikee yooto adarso nibbabeppe guyen

kaallidi immettida kaaratappe dooridi guuxishin heedzdzu daassan
giida taarike yooto adarson xaafidi inte kifile laggetas kifile giddon
nabbabidi sisite. Zaaridi laggetaraa suurissite.
65
1. Masqala poleto hanota.

2. Timirte hanota
3. Na’ateththa wode
4. Dichcha haarota
Shaako 5.5. Kobe
Siitta birshetha
Siitta birshetha guussi kochchatas de’iza suure birshetha

guussakko.
Leemis:
Xillo: - geeshsha
- Wordetenna asa
Lagge: - issi woden yelettidaysa
- Dosettizaysa
Meeze 1
Bollan qonc’ida leemisotan zempidi kaallidi immettida kochchatas

sitta birshetha xaafa.
1. Qonc’e 6. Pulto
2. Minjo 7. Wolqa
3. Adde 8. Koshsha
4. Xiliso 9. Zuma
5. Waaro 10. Goshsha
66
Meeze 2
Kaallidi immettida meegaqofata bolla yafarettida kochchatas

suure birshetha xaafa.
1. Mathotethi dano bolla yeggees.

2. Nuu laggetas wordo haasayokko giidi maac’oos.
3. Timirtey dichchas daro go’a immiyaysi dhishettides.
4. Medosati bessappe bessa yuuyosona.
5. Qeeri nayta deexo ooso oothisanas koshshenna.
6. Ha kaaraza bolla issippe zoretite.
7. Po’oy daro miishshas maades.
8. Izis daro laggeti de’osona.
Meeze 3
Kaallidi immettida kochchata go’etada sitta birshetha oykkida

meega qofa medhite.
1. Xoo’e 4. Xoono
2. Quma 5. Boncho
3. Mata 6. Giya
Shaako 5.6. Qawosa
Azallanne mino haasaya meega
 Mino haasaya guussi issi polettida oothoza polidaysa bessees.

 Wuri wode peesho bolla qonc’ees.
67
Leemiso:
- Mides - Mec’c’idees
- Gordides - Bookkides
- Qanxides - Menthides
Azalla haasaya guussi polettida oothozi iza bolla pollettidaysa
bessees. Polletetha hanota ubba wode peesho bolla qonc’es.
Leemiso:
- Metettides - Meec’ettides
- Gordettides - Bookettides
- Qanxettides - Meqides
Meeze 2
Kaallidi immettida mino haasaya meegata leemisozan zempidi

azalla haasaya meegan laamite.
Leemiso:
A. Mino: Izi kare gordides.

Azalla: karey izan gordettides.
N. Mino: Na’ay gose menthides.
Azalla: goesey na’azan meqides.
1. Astamaarey maxaafa xaafides.
2. Bulachcha mayo meec’c’adus.
3. Iza haaththa uyadus.
4. Aaway kalche masides.
68
5. Dalboy dawutara dakkides.

6. Izi miitha qerides.
7. Iza laggaxa madus.
8. Bitaney olla bookkides.
9. Aaway puute tokkides.
10. Na’ay oyde menthides.
Meeze 3
Kaallidi immettida azalla haasaya meegata mino haasaya

meegan leeisoza baaso oothada zaara.
Leemiso:
Azalla: Maatay booran metettides.

Mino: Booray maata mides.
1. Santhay aayen xayfettides.
2. Gemboy na’an gac’ettides.
3. Shurabey na’an shamettides.
4. Bulukoy Darotan daddettides.
5. Gaabey Garc’on sikkettides.
6. Miththay aawan qanxettides.
7. Ukkethay aayen ukkettides.
8. Karey izin pitettides.
9. Miishshay Kayson bonqettides.
10.Parsoy izan uyettides.
69
SHEMPO USUPPUNA
Wogi Bayna Asa Yuusho
Shempo Qoppobata:
Tamaareti dandayanaw bessizayti:
 Ezgiza miishshatappe ayfe qofata shako

 Asa yuusho giza qofa paato
 Laggetara banan ammanetethan haasaya
 Kolxisidi nabbabo
 Asa yuushoy gathiya qoha paatetha
Shaako 6.1. Ezgo
Ezgoppe koyro
Meeze 1
1. Wogi bayna asa yuusho inte heeran polettizee? Waanidii?

2. Wogi bayna asa yuushoy asa bolla aaza naaqo ehizee?
3. Ha oothoza wosttidi teqqanee?
Ezgo wode
- Ezgo nibbabezi intes nabbebettishin akeeka loythi ezgishe

nibbabeza kumeththa qofa inte dawutara bolla mastosha
oykkite.
- Wogi bayna asa yuushoy gaththiza qohay aazee?
70
Ezgoppe guye
Meeze 2
Kaalliza qofata ezgo nibaaben zempada qofay suure gidikko

‘Tuma’ suure gidonta agikko ‘Wordo’ gaada zaara.
1. Wogi bayna asa yuusho teqqanas polisey xalaala ootho

koshshees.
2. Nu dere Tophphiyan wogi bayna asa yuusho hanotay daridi
poletenna.
3. Nu deren ha hanota toqanas kawoy akeeka timirte ekko
koshshees.
4. Wogi bayna asa yuusho teqanas dic’c’ida dereta lose ekko
koshshees.
5. Nu dere asati wogi bayna yuusho baanas koyetenna.
Shaako 6.2. Haasaya
Meeze 3
1. Wogi bayna asa yuusho maadonne qoha bolla laggetara kifile

giddon tobbite.
2. Wogi bayna yuushoy dere bolla ehiza naaqo bolla inte c’ugan
haasayite.
3. Inte heeran wogi bayna yuushon hara heera woykko dere bida
asati de’izoo? De’ikko ha’i izeti ay dethan de’izona ereti issoy
issora haasayite.
71
Shaako 6.3. Nabbabo
Nabbaboppe koyro
Meeze 1
Intes koyro de’iza eratetha go’ettidi kaallidi immettida

nibbabeppe koyro oyshatazaarite.
1. Wogi bayna asa yuushoy aaze eretii?

2. Wogi bayna asa yuushoy aaza aaza qoha ehizee?
3. Wogi bayna asa yuusho guussi ay guussee?
Wogi bayna asa yuusho
Birshethappe dendishin, wogi bayna asa yuusho guussay asan

lal’es koyida qoppobas daro wode mac’c’atanne qeeri nayta wolqa
manas, wolqan, babison, cimon, bonqoninne h.h.m. ogen hara asas
miishsha immon dooridi ba koyida asas issi sohoppe hara sohon
yuushon aaththidi imo guussakko. Ha asan zal’e guussay heezan
shaakettes. Hessattikka, koyro wolqan woyko c’immidi dooro.
Nam’anthoy dere giddon kare dere wogan woyko wogi bayna
yuushoninne heedzdzanthon asata mishsha demooge histiyaga
gidees.
Qeeri naytanne mac’c’ata wogi bayna asa yuushos gaasos

histiyaysati manqotethappe dendidaysan ooso koshsha, lo’o duussa
ammosinne medheta wondetappe dendidaysan haakidi issi
heerappe hara heera baanaw koyshinikko. Ha bolla gaasotappe
72
dendidaysan daro wode gaxare heera 18 laythappe duge de’iza

nayta lo’o ooso immana giidi c’immo ixxikko babison banta zal’e
gishaw giidi issi sohoppe hara soho yuushettes.
Hessappe dendidaysan daro qeeri naytinne mac’c’ati wogi bayna

asa yuushon dere giddoninne dereppe kare bida sohon asati izeta
maqidi malanne ammanetana mala gidenashin dummatidi daro
bira demo, lo’o de’o duussanne bappe adhidi be soo asata maadana
giidi qofan, oothida wolqanne c’awa demmetenna, maanas quma
dhayettes, shoc’etettes, goodetettes, harge bolla wodhettes, bolla
kifileta qohay gakkes, mac’c’ati bonqetettes, wogi bayna asho
gahetethas kundettes. Gujonikka he yalagata duussay oge gaxa
gides.
(wogi bayna qeeri nayta yuusho misile)
73
Nabbabo wode
- Bollan de’iza nibbabeza kolxissidi nabbabite.

- Daasatappe dooridi eeso nabbabo hiilla go’ettidi kolxison
nabbabite.
Nabbaboppe guye
Kaallidi nibbabeppe keyda oyshata nibbabeza qofa baaso

oothada qanthan zaara.
1. Wogi bayna asa yuushoy aaza qoppon hanizee?

2. Asati wogi bayna asata yuusho aaza gaason oothizoo?
3. Daro wode ha gaason meto bolla wodhizayti oonantee?
4. Hara heera buussan laame demana giidi asati aaza aaza meto
bolla gakkizoo?
5. Asata wogi bayna asa yuushizayti oonantee?
6. Wogi bayna asa yuushos qohay aazee?
Meeze 2
Kaallidi nibaabeppe ke’ida oyshatas zaaro doora.

1. Daro wode wogi bayna asa yuushoy __________ laythappe
garsa de’iza nayta bolla polettes.
A.18 N. 20 E. 15 D. 10
2. Wogi bayna asa yuushiza asata qoppobay azee?
A. asan zal’e N. dere dichchas
E. tamarisos D. bonchos
3. Wogi bayna asata yuushiza asati daro wode qoha gathiza asati
74
_____________.
A. qeeri nayta N. mac’c’ata
E. addeta D. a nne n zaarokko
4. Daassa heedzdza yafara ichchasha bolla c’awa giza kochchas
birshethay ___________guussakko.
A. damoze N. asa bollappe ho’on ke’iza haaththa
mala mishsha
E. wolqa D. ubba
5. Banta sohoppe miishsha demmanagiidi bida nayti
A. lo’o duussa de’osona
N. oge lanqen kundosona
E. wolqa keena bira demmosona
D. banta so asata maadosona
Meeze 3
Kaallidi shiiqida qofata wogi bayna asa yuusho giza nibbabeza qofa
baaso oothidi ‘A’ yipan de’izayta ‘N’ yipan de’izaytara dabbothite.
‘A’ ‘N’
1. Ooso koshsha A. daassa issino
2. Gakiza meto N. daassa nam’a
3. Birshechcha E. daassa heedzdza
4. Qohettizaysata
5. Lo’o duussa amo
6. Babiso, c’imo
75
Shaako 6.4. Xaafo
Qonc’iso adarso
Al’o Ta Laggeza
Na’iya, ta laggiya keehippe lo’asu. Na’ays qoodheppe bollay,

qoodheppe garsaynne xeessappe biidi toho xuguntha gakkanas
de’iya medhetay asappe dummattes.
Na’esy qoodheppe bollay keehi lo’izaysanne hara asappe dumma

medhettidaysakko. Na’ays huuphe binanay haaththa soosory
gogizaysatho killin eqidi xongettidi duge dullekko wodhees. Malay
awappe adhidi po’iya iliilo aarissa gidida gishas issi issi asay
‘’paranje leqqe medhete’’ giidi xeesettes. Harati qasse suuthadan
zo’o xeeqi gidaysa be’idi Amarathon ‘’qeyo’’ goosona. Siidhey halaha
yabana siidhedan qara gididaysanne som’o bolla tokettidi dengo
bolla uttidi yizanne biza asa xeelliya zabayna mala hanees.
Ayfey omarsan maata giddoppe nooc’u gaada beettiya xoolinte mala

ufaysizaysanne Kayson xeela xeela gizarokko. Nam’u metershati
keehipppe cil’idinne zo’idi adda muxo asho mala ekka ekka
gizaysakko. Iza bolla aykota tiyetada keziya wode tire mala mitta
mitta gizarokko. Gaathan miic’c’ishin shachchadan lo’iya achati
de’osonna.
Qoodheppe garsa baggay qasse addappe lo’izaysa gidishin, qoodhey

zaala kuledan ( gosedan) lo’idi wodhizaysakko. Tira bolla de’iza
dhanthata xeelliya wode bazo loome mala xunxa xunxa gees. Xeesa
76
heeray biilamatho le’idinne awan shulida xaway xam’atho

hemettishin linqilinqees. Kushe biradheti qasse alanga mala
waxarki gettees.
Xeesappe toho gakkanas de’iza lo’etetha xeellida asi olizaysakko.

Xeesappe garsan de’iya duc’ay adda darokka guuthakko gidonta
utetha lellehe mala gididi hemettishin boora zimetha mala heninne
ha gees. Lo’ithi xeelliya asi sinthera yiyaysara dom’etizaysakko.
Wodirappe toho biradhe gakanas de’iya medhoy ada xoossa na’as
medhetidaysa gida hanasu. Xaaxi waaxishin, na’iya talagiya
huupheppetoho biradhe gakkanashin wothiyasoy bayna na’akko.
Meeze 1
Ha bollan de’iya qonc’iso adarso leemiso xeellada garsan

immettida kaarata bolla qonc’iso adarso xaafa.
 Mac’c’ata
 Qeeri nayta
Shaako 6.5. Kobe
Yuusho birshechcha
Yuusho birshechcha guussay kochchay bas de’iza sitta birshetha

agidi suure gidonta ogen immiza birshetha guussakko.
Leemisos:
Kallides: - 1. Sitta- midine uyidi ulo kunthides.
77
2.yuusho- otorettides
Demmides: - dhaydaysa demo
-Durettides
Mayides: - mayo mayides
-yohon gaagides
Saxides: - achchan c’adides
-danxides, oythethides
Bukkides: - iray sa’an wodhides
-wadhides, oxides
Meeze 1
Ha bollan immettida leemisota baaso oothada kaallidi immettida

kochchatas sittanne suure birshetha dummayidi bessite.
1. C’awa 5. Aadhides
2. Gaammoy 6. Soolo demmides
3. Bolla 7. Shempides
4. Asho 8. Aac’o
Meeze 2
Kaallidi shiiqida baaso meegata giddon yafarettida kochchas

yuusho birshetha oykkida kochcha doora.
1. Na’azo banga shaayoppa.
A. Eesoyoppa N. kaththoppa
78
E. woxoppa D. ubba
2. Iza huuphe boshetadus.
A. gooyadus N. gakketadus
E. dadadus D. meec’adus
3. Haaththay michchides
A. selides N. pentides
E. qarattides D. ufaysides
4. Izi tana oge bessides.
A. malaattides N. kumides
E. coray de’ees D. n nne e zaaro
5. Ayfey po’ides.
A. wolqamides N. xumides
E. xeellides D. tamaarides
6. Ha’i izas kushey qammides.
A. miishsha dhaydes N. gakkenan ixides
E. durettides D. aduqides
7. Bitanezi ulo dalgakko.
A. aaho N. daro mizaysa
E. dandayancha D. yilottidaysa
8. Mac’c’asiya daaburadus.
79
A. ooso wolqa wursadus N. hayqana hanadus
E. ufayetadus D. kayotadus
Meeze 3
Ha bolla leemisotan zempada 15 gidiza kochchata ekkada siita

birshethaninne yuusho birshetha haasaya meega medhada bessa.
Shaako 6.6. Qawosa
Haasaya meega go’an shaako
- Haasaya meegay go’a imo ogen oydan shaaketosona.

Izetikka:
1. Yeda meega 3. Oysha meega
2. Azazo/ kiita meega 4. Malalo meega
1. Yeda meega
Yeda meegati yeda haasayas kiita aathanaw nashosinne hayseta

yootanaw go’ettes.
Leemiso:
- Kalthana kaththay keren erettes.

- Miiziya zuma bollappe kundadus.
- Ta ishay tamareso wullides.
- Atarkka tamaare keetha badus.
- Ishala miththa qanxadus.
80
2. Oysha meega
Oyshay oothettidaysa gidin, buroppe oothetanaysa, issi mishsha,

h.h.m aybatetha eranas haasayay oysha meega geetettes.
Leemiso:
 Guuge zumay awa heeran beettizee?

 Ne sunthay oonee?
 Maata buuc’c’adii?
 Wora medosatappe wolqamay awaysee?
 Ne ay laythan yeletadii?
3. Azazo/ kiita meega
Azazo meegati ootho oothana mala kiitanasinne oothidaysa essana

mala haasayettiza meega gidees.
Leemiso:
Dude nayta qohoppa.
Giya bada dorsa shama.
Denda eqqa.
Elle elle ootha.
Gamotho doonan haasaya.
4. Malalo meega
Malalo meegati issi miishsha hanidaysa asi bee’idi malalettidaysa
woyko daggamidaysa qonc’isanaw maadees.
81
Leemiso:
o Olay tane! o Nu derey oothon dic’c’o!

o Ay pala yootay! o Hayi, tas gido!
Meeze 1
Kaallidi immettida haasaya meegata izeta go’an akeekada azazo,

oysha yedanne malalo haasaya meega gaada shaaka.
1. Izi tana laamottides.

2. So ooso wostada oothadi?
3. La palaba!
4. Inte keethay awa baggan de’izee?
5. Giya baada santha shammada ya.
6. Poora!
7. Taana naagite.
8. Aayi siiqoy ay siiqoppe dares.
9. Nu deren daro medheta haaroti de’ettes.
10.C’imata boncha.
11. Zine ay tamardetii?
12. Eedisey haako!
13.Wodey woxxidi woxissees.
14.Nes laythay aappunnee?
15. Aazala tamaarey timirte keetha po’isidi gelees.
16. Ta na’azo dic’a!
82
Meeze 2
Kaallidi immettida haasaya meega qommotas inte qofappe leemiso

immite.
1. Yeda haasaya meega.

A. N. E.
2. Azazo/ kiita haasaya meega.
A. N. E.
3. Oysha haasaya meega.
A.
N.
E.
4. Malalo haasaya meega
A.
N.
E.
83
SHEMPO LAAPPUNA
Issippetetha Duussa Gaagotetha
Shempo qoppobata:
Tamaareti dandayanas bessizayssi:
 Tishissidi ezgo
 Issippetetha duussa gaagotetha go’ay aazas koshshizakko
qonc’iso
 Dummattida kaaratan xuufe medho
 Waatha meegata qofa xaafa
Shaako 7.1. Ezgo
Ezgoppe koyro
Meeze 1
1. Issoy issara maadetanas go’ettizay aazee?

2. Issippetetha gaagotetha guussi ay guussee?
3. Inte heeran asay issoy issara ay hanotatan maadetishin eretii?
Ezgo wode
Meeze 2
Intes ezgo xuufe nabbabetishin loythidi ezgidi nibbabezas ayfe

qofatanne oyshati de’ikko mastosha oykite.
84
Meeze 3
Ezgo nibaabeza ezgidi demmida eran zempidi kaallidi mmettida

oyshata zaarite.
1. Ideren asati aybis gelizoo?

2. Mishiro Irxonne daana daroti awa bishe gaagidoo?
3. Ha nam’u asati oge bolla bishe ay qofa bolla tobbettizoo?
4. Idiren asati demmiza maado qommota paatite.
5. Nibaabeza qofan yi’o giza kochchay ay birshetha oykidee?
Meeze 4
Kaallidi ezgo nibaabeppe ke’ida qofa baaso oothada suure

gidikko ‘Tuma’ qasse suuronta agikko ‘Wordo’ gaada zaara.
1. Idirey go’izay yeho wodes xalaalakko.

2. Mishira Irxa idireppe maado demmanas zore demmadus.
3. Nibaabe giddon yi’o-nayta giza waaxa kochchas birrshethay
katama nayta guussakko.
4. Mishiro Irxo zooriday c’imatakko.
5. Ha bolla hago giddon haasayidanne ezgida asati mishiro
Irxonne daana Daarotakko.
6. Darooti idire biza gallassay qeera gallassakko.
7. Idires ayso seeray de’enna.
85
Shaako 7.2. Haasaya
Issippetetha gaatetetha go’a inte laggetara tobbidi demmida qofa

kifile laggetas haasayite. Haasayidappe guyen giiga qofa medhite.
Shaako 7.3. Nabbabo
Issippetetha gaagetetha
1. Dere gaagotetha guussi aaza guussee?

2. Issippetetha go’ay aazee?
3. Ziba haasaya guussi ay guusseee?
Dere asay aduussa wodes koththa go’atethasinne maadetethas

minthidi de’izaysa gidizaysas issippetetha metota deththan
deththan c’ugan shiiqidi birshosinne ootho woga xeelliya wode
matum, laytha danda’onne hiilla gaaso histtidi medhida
issippetethay leemisos:matumatethan mac’c’atanne addeta hanota
mala shiiqidi issoy issara oothon, izetas giigida oothon gelana mala
histonne issippetethanne so asata metota birshiya wogay de’ees.
Hessa gishaw ha issippetethan ba diza hiilla go’etetha dere asati

issippe oothon wodenne wolqa minjidi muruutancha histana
oosotas miishshe kessidinne minjidi gishsheto hanotakka lothidi
oykkees. Ha issippetethan dere asay dumma dumma hanotatan
issoy Issara maadettidi oothon erettidi de’ettes. Ha nu dere asay
issoy Issara maadettiza ogetappe leemisos: doora, hashe, xiire,
dago, am’o, shute, momanne h.h.m. erettidaysatakko.
86
Ha maadetetha ogetappe doora getettiya mac’c’ati shiiqidi banta

heera yuushon puuto suqetha gidishin hashshe guussay goshsha
ooson, kaththa shiishon, pito goshsha gadeefon, harumonne h.h.m
oothon mac’c’ati oothishin, addeti keeththa kexishin, kaththa
shiishon, zeretha zeroninne h.h.m oothota issippetethan oothoy
hashshe geetettes. Hega gishas, ha ootho qommoti yuushon
poletosona. Xiire geetettizaysi qasse ha ootho asati oothoppe hara
miishsha daro laythas shiishi wothidi muusaninne ushan kaa’idi
ufaysan aathiza hanotakko. Izappe harakka metottida asatakka
maadosona.
Haraykka qasse, daro wode aawati issippetethan oothiya oosoy

dago geetettes. Dagon goshshanchati goshsha oosota man’eppe
doommidi muruuta shiisho gatho guutha wode ekkiza oosota
issippe oothiza wogay de’ees. Hessadan am’oguussay azinay bayna
metotiza mac’c’ata maado woga gidishin ha mac’c’atas asura wode
gakkishin kaththa zero, keeththa keexonne kaththa shiisho
hanotan maado wogakko.
Gujidikka shufoy miishsha shiishidinne minjidi buzosinne kotha

wudatas peysho gidishin wurssethan moma geetettizaysi akeekenan
duussa bolla metoy gakkikko tal’e mala bira immonne kaththay
gakkishin zaaron ba duussa kaallethiza wogakko. Ha hanotay ha’i
wode idirenne uqube giidi suntha laammidi go’etosona.
87
(Mac’c’ati issippe puuto suqishin bessiza misile)
Nibbabeza wozanan wothidi nabbabidi meezettida ziba haasayata

baaso oothidi ziba haasayati gaagotethan ay go’izakko qofa xaaxi
waaxidi oykkite.
Meeze 1
Kaallidi nibbabezappe ke’ida oyshata nibbabeza baaso oothada

zaara.
1. Issoyissara dumma hanotatas maadettiza hanotay ay

geetettizee?
88
2. Ha nibbabe giddon qonc’ida issippetetha gaagotetha ogetappe

hara inte heeran asati go’ettizaysata xeesite.
3. Ha bollan 2tho oysha bolla inte xeesidaysatas go’a paattidi
yootite.
4. Shufonne moma ha’I wode asati aazan laamidi go’ettizoo?
5. Nibbabe giddon qonc’ida issippetetha gaasotetha maado ogeta
yootite.
Meeze 2
Kaalliza oyshata nibaabeza qofa baaso oothidi suure gidikko ‘Tuma’

qofay qasse suuronta agikko ‘Wordo’ giidi zaarite.
1. Mac’c’ati issippetethan yuuyi yuuyi puuto suuqiza hanota

dago geetettes.
2. Issippetetha ooson dere dichchanas mettes.
3. Mac’c’ati dere giddon issippetethan maadetidi oothoy daro
lo’izaysakko.
4. Issippetethan dere asati goshsha ootho xalaala gidontashin,
hara darota oothosona.
5. Issippetethan maadetetha oothon asati meto wode bira tal’idi
maadetiya hanotaykka de’ees.
6. Issippetetha oothoy wodenne wolqa minjenna.
7. Yelaga nayti issippetetha oothon banta de’o dichchanas
xalaala oothosona.
8. Issippetethan ootho oothiza asi baasi maadetanasinne
haratakka maadanasikko.
89
9. Gaammo heera asati issippetethan maadetiya ootho qommoy

de’enna.
10. Issippetetha ootho koyizay daro wode attumata xalaalakko.
Meeze 3
Kaallidi immettida qofatas nibaabezan zempada ‘A’ garsan de’iza

kochchatas ‘N’ garsan uttida qofatara dabbotha.
‘A’ ‘N’
1. Dago A. zeretha zeroninne kaththa shiishon

polettizaysa
2. Doora N. metotida asatas tal’o
3. Shufo E. shochcha
4. Xiire D. azinay bayna mac’c’ata maado
5. Hashe I. mac’c’ati yuuyi yuuyi puuto sussa
6. Moma Y. keththa aawata ootho
7. Idirenne uqube O. miishsha shiishidi muussanne
ushsha
8. Am’o S. bira shiishonne minijo
9. Yoho T. gelonne ekko hanota
10.Bullachcha M. ha’i wode sunthata
90
Meeze 4
Kaallidi immettida misileza inte heeran de’iza issippetetha
gaagotetha baaso oothidi kunthite.
Shaako 7.4. Xaafo
Meeze 1
Garsan immettida dumma kaaratappe dooridi inte heeran asay

issippetetha gaagotetha maados go’etiya ogeta bolla inte qofan
paattidi qonc’si xaafite.
 Idire  Hashe  Uqube

 Dago  Xiire
91
Shaako 7.5. Kobe
Meeze 1
Kaallidi ‘A’ c’ugan de’iza kochchata ‘N’ c’ugan diza kochchatara

mise doorada dabbotha.
‘A’ ‘N’
1.Hiilla A. haasayo
2.Woga N. bul’e
3.Man’e E. abbe
4.Akeeka D. bolla
5.Haruma I. baaso
6.Wolqa Y. sintha
7.Dhoqqa O. sigetho
8.Som’o S. seera
9.Gafa T oge
10.Igintho M. namisa
Meeze 2
Ha garsan immettida kochchatasinne suratas mise kochcha

woyko birshetha ima.
1. Minjo
2. Koththa
3. Asura wode
4. Matumatetha
5. Tal’e
92
6. De’o
7. Maadetethi
8. Siiqo
9. Ac’o
10. Inje
Meeze 3
Kaallidi immettida meega qofata bolla yafarettida

kochchatasinne suratas mise immite.
1. Ha duulatan c’ora asay shiiqides.

2. Giyan gaashey hiraysokko.
3. Kaloy timirte keetha bides.
4. Daaroti uuno hagrides.
5. Izi nu qommokko.
6. Ha oosoza eeson wursos.
7. Astamaare azazo boncho besses.
8. Heera geeshatetha naagidi harge teqanas danda’ettes.
9. Iza gooba tamaarekko.
10.Hachchi sa’ay mooc’es.
Meeze 4
Ha bollan qonc’ida kochchatasinne suratan meega qofa medhite.
93
Shaako 7.6. Qawosa
Meeze 1
Haasaya meega izeta go’an shaakkidi shempo usuppunan

tamaaridaysa akeekidi kaallidi de’iya leemison zempidi immettida
kochchata hara meega medhidi bessite.
Leemiso: Ma
- Quma madii?
- Na’azo quma ma.
- Addezi quma mides.
1. Ba
2. Woxa
3. Aadha
4. Meec’a
5. De’o
6. Ootho
7. Ushsha
8. Kalo
9. Wadho
10. Dendo
94
SHEMPO HOSPUNA
Suuke
Shempo qoppobat:
Tamaareti dandayanaw bessizayti:
 Mise xuufeta xaafonne ezgo

 Suukey gathiza qoha qonc’iso
 Nabbabettiza xuufes ayfe qofata shiisho
 Ezganchata maados qofa zaaridi medho
Shaako 8.1. Ezgo
Ezgoppe koyro meezeta
Meeze 1
1. suuke guussi ay guussee?

2. Suukey gathiza qohay aazee?
3. Sizhzhara sarboy aaza meto gathii?
Ezgo wode meezeta
Meeze 2
Sizhzhara sarbo giza ezgo nibbabeza astamarenti intes nabbabishin

loythidi ezgidi ooratha qaalanne ayfe qofata inte mastosha bolla
oykite.
95
Ezgoppe guye
Meeze 3
Eezgo nibaabeppe demmida qofa akeekon kaallidi immettida qofata

suure gidiko ‘Tuma’ qasse suure gidonta agikko ‘Wordo’ giidi
zaarite.
1. Sizhzhaara sarboy payatetha xalaala qohees.

2. Sizhzhaaray suuke oythiza miishshatappe issinozakko.
3. Sizhzhaara sarboy miishsha minjanas maades.
4. Sizhzhaara giddon nuuna qohiza daro kemikaale qommoti
de’ettes.
5. Goofina hargen daro wode kundizayti sizhzhara sarbonta
asata giidi pilgethay dhiishees.
Meeze 4
Kaallidi sizhzhaara sarbo giza nibaabeppe ke’ida qofatas pac’e

sohota nibaabeza qofa baaso oothada kuntha.
1. Sizhzhaara giddon diza kemikaaley ___________ geetettes.

2. Sizhzhaaray ___________ hara _____________ kemikaale oykees.
3. Sizhzhaara sarbiza asati ______________ hargen kundettes.
4. Sizhzhara sarboy miishsha ___________ meto ehees.
5. Sizhzhaara sarbonta agikko __________ nne __________banta
ooso suuren oothanaw danda’okkona.
96
Shaako 8.2. Haasaya
Sizhzhaara sarboy gathiza qoha inte c’ugan gididi issoy issora

haasayite. Inte demmida qofatakka paattidi kifile laggetas yootite.
Shaako 8.3. Nabbabo
C’aate qam’etha
Nabbaboppe koyro
1. Tamaareto! Haysappe kase suuke gishaw aaza eretii?

2. Asay aazas c’aate qam’izakon yootite.
3. C’aate qam’iza asati awappe ekkizona.
Suukey issi toho meezetidappe guyen wuri wode ammosidi ekka

ekka giza losekko. Ha suuke oykissiza miishshatappe issinozi
c’aatekko. Ha’i wode Tophphiyan c’aate qam’iza asata paydoy guji
guji bidaysa qanthan eranaw danda’ettes. Haysassi dumma
dumma sohotan c’aate muruutay gujidees, c’’ate bayziza suuqetika
do’etidaynne dumma dumma sohotan c’aate eriso xuufeti
beetosona. Haysati ubbay c’aate qam’iza asata paydo guji bidaysa
bessees.
C’aate qam’ioy payatethas, miishsha minissidi oykkethasinne

issippetetha de’o bolla dhoqqa qoha gathees. C’aate qam’iza asati
suuke oykkettiza, harge bolla kundonne banta ootho wideza
maarasn go’etonta al’o wodeza c’aate qam’on aathiya gishshaw
banta banta bira c’aate shammanasinne hara izara biza qohiza
97
miishshata shammon meto bolla kundettes. Etas haratara de’izab

issippetetha duussayka guutha gidees. Izetas lo’o kandoy de’ikokka
dere asa ekketethay baawa. Hessa gishaw asappe shaakettidi
de’osona.
C’aate qam’oy payatetha bolla dhoqqa qoha gaththees. C’aate

qam’oy kaha bolla guutha ufaysonne denthetho siiyetetha
medhididi zaaridi qasse doodanissizanne dozhzhigiso giddon
gelisees. Gam’i bishin ulo melisonne kaththa koshshay dhayana
mala histes. Issi issi hargetakka teqqiza wolqa dhayees. Ajjaje, tire
harge, suuththa sugeththa, hargenne haratakka haysatara gaagiza
payatetha meto kaaleththees. C’aate qam’eththan gakkiza metoy
izadeppe aadhdhidi nayta bollakka aadhees. Ha c’aate qam’iza
aayeppe yelettiza na’ay gidiza dhantha maatha demmenna. Ha
gaason lo’idi dic’c’enna.
C’aate qam’iza woden suukera hara mishsheta go’etethi

erettidaysakko. Leemisos suukare qam’o, mal’iza ushsha uyo,
sizhzhaara sarbonne gam’idappe guyen mathosiza ushshata uyoy
eretidaysakko. Ha mishshata c’o’u giidi go’eteththay bollara
qonc’ida hargetasinne iita oosotas dentheththes.
C’aate qam’eththay payateththa qohoppe aadhdhidi mishsha qoho

bollakka gathees. C’aate go’ettiza asati gallasan gallassan c’aates
mishsha kessosona. Hessappe gujon, ooso wode c’aate qam’on
aaththiza gishshas demishay guuxees. Ha gaasotappe dendidaysan
banta so asata aysanas metotettes, so asa siiqo dhayettes. Hessa
gishas so asa laaletethas gathettes.
98
Kumethan c’aate qam’oy qohizaysa gidiyaysa akeekko koshshees.

Usappe qasse, payatetha, mishsha oytha meto, issippetetha duussa
metonne ootho woga qohees. Hessa gishas, c’aate qam’oy ehiza
qoha shaaki eridi banatetha suukes aathidi immoppe naagetanas
koshshees.
(Issi bolla uttidi c’aate qam’iza asata misile)
Meeze 1
1. Nibbabe loythidi nabbabidi ayfe ayfe qofata shiishon zaaridi kifile

laggetas qonc’isite.
99
2. C’aate qam’iethay ehiza qoha nibbabeppe inte

demmidaytappenne intekka koyro eriza qofara gujidi laggetara
haasayetite.
Meeze 2
Kaallidi nibaabeppe ke’ida oyshatas nibaabeza baaso oothada

paatada zaara
1. Asay waanidi suuqe giddon gelizee?

2. Nibaabe giddon be’ida mala ha’i wode c’aate qam’iza asata
qooday guji guji bidaysas malaatay aazee?
3. C’aate qam’izaysati iza bolla aaza aaza gujizoo?
4. C’aate qam’on yiza harge qommota paatada xaafa.
5. Issippetetha duussa bolla c’aate qam’oy gathiza qohay aazee?
Meeze 3
Haysappe garsan de’iza qofata bolla nabbabiza nibaabe qofa baaso

oothidi qofay suure gidikko ‘Tuma’ qasse suuronta agikko ‘Wordo’
giidi zaarite.
100
1. C’aate qam’iza aayiya ba nayta loytha dichchasu.

2. C’aate qam’ethappe demmetiza ufaysay daro wodes
gam’izaysakko.
3. Payatethara de’anaw c’aate qam’etha aganaw koshshenna.
4. Suukey wuri wode ekka ekka giza losekko.
5. C’aate qam’etha suukeppe dendidaysan asi ba duussappe
laaletanaw danda’ees.
6. Suukey issippetetha duussa qohenna.
7. C’aate qam’iza asati lo’o kandura de’ikokka dere asan
eketethay de’ees.
8. Suukey daridi so asa siiqo dhaysees.
9. Ha’i wode dumma dumma sohotanc’aate qam’iza asata qooday
guuxi guuxi bides.
10.Yeletay ubbay suuke qohizaysas eranas koshshees.
Meeze 4
Kaallidi immettida kaara bolla c’aate suuke qohara gaagiza qofa

kuntha.
101
Meeze 5
Kaallidi de’iza pace sohota nibbabeza baasotada kuntha
1. _____________ bolla kundanappe sinthe suukeppe bana naago

koshshees.
2. Daro wode c’aate qam’eththa wode aaththida asati
____________ guuxxees.
3. Suuke oykettiza asatas ______________ teqqiya ____________
dhayees.
4. C’aate qam’iza _____________ yelettida na’ay gidiya dhantha
_____________ demmenna.
5. ______________ gakkiza metoy aayetappe aadhdhidi nayta
bollakka gakkees.
6. Kumeththara c’aate qam’oy qohizaysa ________________
koshshees.
Shaako 8.4. Xaafo
C’achcha Malata
C’achcha malatati xaafettida miishsha birshechcha immanne

malanne nabbabizaysi suure nabbabana mala kaallethees. Haasaya
wode haasayza kooshe dhoqqinne ziqqi oothidi, woyko loddu, eqqi
bessidinne bolla qaaxotara koyda qofa geeshshidi yootanaw
dandaysettes. Gujidikka, kochcha kochchappe, tura turappe,
guussata guussatappe shaakanawnne meega qofakka essanaw
maadettes.
102
C’achcha malatatanne izetas de’iza birshethay haysappe kaallidi

qonc’ides.
1. Selle c’achcha (.) 7. Zuge malata (/)

2. Hookko malata (,) 8.Bagatho malata (;)
3. Garthe malata (<<>>) 9.Mayne(walakka) (-)
4. Qilic’o malata (į) 10.Qonc’iso(nam’u c’achcha) (:)
5. Malalo malata (!) 11. Bokka malata [ ( ) ]

6. Oysha malata (?)
12. Heedzdzu c’achcha ( … )
Selle c’achcha (.)
Ha c’achchay oda woyko kiita qofa essees.
Leemisos:
- Izi hachchi oge bides.

- Kiita qofa qaashota essees.
( tas haaththa imma.)
Muuc’ woyko qantha kochcha medhanas
Leemiso:
A.A
M.L
h.h.m
Xaqayo paydota bessanas maades.
103
Leemiso:
3.5, 4.25, 6.0, …
Hookko malata
Hookkoy nibbabe buussan mentho bessees.
Leemiso:
- Manqotetha dhaysanas kehi wozinappe baaxettidosishin, nu

qoppidaysa mala muruuta demmibeyko.
- Yaacha kochchata, surata, haasaya meegata, shaakanaw
go’es.
Leemiso:
Hachchi nuni tamaarida timirtey Hisaabe, Amaratho, Heera

saynsenne Doonakko.
Gartha malata(<< >> )
Ha malatay ba garsan haphido kochchati hara soppe garxettidaysa
bessees.
Leemiso:
C’ubaroy Ufaysisi << Ele yaana giidi yoottees. >> giidi yootides.
Oysha malata (?)
Oysha malatay oyshatetha kiita oykida qofa bessanaw wursethan

gelees.
Leemiso:
1. Haachchi awa baanne?

104
2. Ne sunthay oonee?
Meeze 1
Kaallidi immettida meega qofatan gelanas bessiza c’achcha

malatata go’ettidi suuren xaafite.
1. Neni aappuntho kifile tamaare

2. Xiloy kuto ekkides
3. Nena aayiya giya bada santha shammada ya gadus
4. Gaammo zoonen de’iza katama aysoti Arba Minc’e Selambere
C’encha Kamba Birbirinne Geresse geetetosona
5. Gamotho doona haasayo eretii
6. Booras maata yegadii
7. Aaway tasi masqalas suure shuraabenne c’aamma shammides
8. Iray loythi bukkides
9. Tani gustam 19 2000 ml yeletadis
10.Manchisterekaasanchappe oona dosay
Malalo malata (!)
Malalo malatay siyettiza haasayay ufaysas, garamas, hanqosinne

h.h.m gidida wode go’ees.
Leemiso:
- Tana wodha!
- Wo! Tana
- Abeeti!
105
Qilico malata (i)
Issi qofay woyko qofa qashoy meezettida/losettida ogen bessiza

qofas phalqe gidiza kiita aathana mala koyza wode ha malata
go’ettes. Sunthay bessiza mala qilico misattidaysa haasayishin
go’ettizaysakko. Haasayiza wode anjida misattisidi c’asha, sabida
misattisidi tooshe, dossida misattisidi ixonne kumetha de’enaysa
histidi haasayo wode go’ettes.
Leemiso:
Tamaare Otoro mala goobay baawa. 60 mu tamaaretappe 60tho

keyides.
Taade shira i
Zuge malata ( / )
Ha malatay xaafiza wode gallassa aginanne laytha shaakanas go’es.
Leemiso:
14/1/2014 M.L
Paatethan uttida qofatas paydota qofatappe shaakanas go’ees.
Leemiso:
A/
N/
E/
106
xaqayo paydota bessanas go’ees.
Leemiso:
3/4 , 5/10 , h.h.m
Baggatho malata ( ; )
Kure qofata suuren shaakidi gathi xaafida xaafanchatas daro

madiyaysakko.
Gidoppe attin, ha malatay keehi naagettidi go’ettizaysakko. Haysa

issi issi wode kure giza asatikka de’ettes. Issi qofa qasho garsan
de’izanne qofa keehi gaagettiza nam’u bantana danda’ida turata
giddon baggatho malata wothettes.
Leemiso:
Nu hisaabe astamaarey bala oothana mala koyenna; balida

tamaareta aleppe aathidi bukkees.
Meeze 2
Kaalli qonc’ida c’achcha malata bessiza meega qofa garsan gelissa.
i ! ; /
1. Ta zamboy wontokka dawutara yegada ya

2. Poora ta booray hayqides
3. Abeeti
4. 10 10 2010 ml
107
5. 1 a 2n 3e
6. Hachchi giyan dorsi kana mides hessa gishaw ta efida dorsay
soo zaaradis
Mayne (-)
Ha malatay xuufe xaafiza wode yafaras ushachcha bagga gakkidi

issi kochcha xaafishinne he kochcha xaafi wursanaw sohoy gidonta
agikko kaalliya yafara xaafanchay wodhiya wode some malata
go’ettes. Hara go’ayka waaxa kochchata medhanas maades.
Leemiso:
- Tuke-udula
- Kana-kasila
- Tuke-xaaro
- Kayso-kiise
Dhiphe / nam’u c’achcha (:)
Ha malatay daro wode issi sohon gelo bessees. Qassekka

nabbabanchay issi kaallidi yiza qofay de’izaysa erana mala besses.
Issi qofa garsan shiiqida paatetha qofa paati bessanas go’ees.
Leemiso:
Hachchi taani oykida moleti heedzdzu qommokko: batrbo, kodanne

qoo’e.
Haasaya haasayanchappe shaakanas
108
Leemiso:
 C’ubaro: saro aqadi?

 Kamma: saro aqadi C’ubaro
 Dumma dumma miishshata koshshizayta gididi issi bolla
xaafettida paydota shaakettes.
Leemiso:
Saatenne daqiiqa shaakanas
- 2:45
- 3:00
Maxaafan shemponne paydota shaakanas.
Leemiso:
Yohannise wongile 7: 15 10:11
Bokka/ shirka malata [ ( ) ]
Ha malatay ubba wode waaxan go’a bolla pey’ees. Daro wode

nabbabetenas bessenna giidi ba qoppidaysanne qofa qashos giddon
yiza guja kochchata, turatawoyko surata bokka giddon wothettees.
Meeze 4
Kaalliza c’achcha malatata suntha suure kochchiza malatara

dabbotha.
‘A’ ‘N’
1. Hooko c’achcha A. ( - )
2. Oysha malata N. (: )
109
3. Selle c’achcha E. ( ; )
4. Garthe malata D. ( …)
5. Qilic’a malata I. ( .)
6. Zuge malata Y. ( , )
7. Malalo malata O. [ ( ) ]
8. Baggatho S. ( ?)
9. Walakka T. ( !)
10.Nam’u c’achcha M. ( / )
11. Bokka malata R. ( i)
12.Heedzdzu c’achcha G. ( << >>)
Meeze 5
Ha bollan tamaarido c’achcha malatatanne izeta garsan immettida

leemisotan zempidi garsan immettida c’achcha malatata leemison
bessa.
Woyko giza qaala sohonka go’etettes.
Leemeso:
So asati (aawanne aayo) ba naytas daro waayoosona.
So medosati (gawaranne kana) asa na’a maadosona.
Heedzdzu c’achcha (…)
Ha malatay paatetha qofati wuribennaysa bessees.
110
Leemiso:
Gamoththo doona de’iya xilta gutuma kooshe geeteettizayti: L, N, M,

R, nne … mala geetetosona.
Meeze 3
Bollan bee’ida mala kaallidi immettida meega qofata giddon gidin

wursethan gelanas bessiza c’achcha malata zarappe doorada
kuntha.
… - : ()
1. Wonto guurara 1 30 saaten yiite.

2. Leemiso maxaafan 1 7 eratethas koyroy <<Xoossa yayizaysa>>
ge’ees.
3. Na’ay kana kasilaza menthides.
4. Dhiphe ( ) c’achchay haasaya haasayanchappe shaakanas
maades.
Meeze 4
Garsan immettida c’achcha malata go’ettidi meega qofata

xaafidi qonc’isite.
1. Oysha malata
A____________________ N ____________________ C _______________
2. Hooko malata
A____________________ N ____________________ C _______________
111
3. Gartha malata
A____________________ N ____________________ C _______________
4. Walaka malata
A____________________ N ____________________ C _______________
5. Qilic’o
A____________________ N ____________________ C _______________
6. Selle c’achcha
A____________________ N ____________________ C _______________
7. Malalo malata
A____________________ N ____________________ C _______________
Shaako 8.5. kobe
Gelisa birsheththa
Gelisa birsheththa guussay kochchati banta gelida sohon immiza

birshetha guussakko. Nam’u birshe oykkida kochchatanne geela
haasayata birsheththa eranas go’ees.
Leemiso:
1. Wogga
A.Wonto sa’ay wogga gallassakko.
N.Wogga miththay kundides.
2. Shalo
A.Afila daddanas shalo shammides.
112
N.Bitanezas daro shaloy de’ees.
Meeze 1
Bollan qoc’ida leemison zempidi garsan immettida kochchata

dumma dumma meega qofatan xaafidi gelisa birshe bessite.
1. Ola
A.------------------------ N. ------------------------
2. shempo
A.------------------------ N. ------------------------
3. xilo
A.------------------------ N. ------------------------
4. Goda
A.------------------------ N. ------------------------
5. Suntha
A.------------------------ N. ------------------------
Meeze 2
Garsan immettida meega qofata bolla yafarettida kochchatas gelisa

birsha xaafa.
1. Mayo meec’c’a
Aaway gaabe mayo.
2. Izo gede efite.
Na’azas gedey meqides.
3. Quma qommota yoota.
Neeni qommo aadhdha.
113
4. Oydeppe denda.
Kulifo shaafas dendoy awappee?
5. Hachchi neeni awa bay?

Hachchi away baawa.
Meeze 3
Inte bollan be’ida leemiso maaran nam’u birshethay de’ya

kochchata doorada gelisan immiza birshe bessite.
Shaako 8.6. Qawosa
Haasaya meegata medhettida wogan be’ishin oydan shaaketosona.

Izetikka:
1. Palo haasaya meega

2. Dako haasaya meega
3. Kardiqa haasaya meeganne
4. Dako kardiqa haasaya meega geetettosona.
Gidikkonne, nuuni ha shempo bolla xeellanaysati palonne dako
haasaya meega xalaalakko.
Palo haasaya meega
Palo haasaya meegay barkka bana danda’idi eqidaysatanne hara

turatara zempenan eqizaysatakko.
Leemiso:
- Atarqa giya badus.

- Addey boora goyees.
114
Dako haasaya meega
Dako haasaya meegay issino woyko issinippe daro turata oykidi

medhettes. (gaathethiya kochchati, -nne, gido atin, woyko).
Leemiso:
1. Izi biidessinne yides.

2. Taani hachchi gade goyadis; gujadakka boora heemadis.
Meeze 1
Kaallidi immettida haasaya meegata palo woyko dakko giidi

shaakkite.
1. Xilozi kuto ekides.

2. Mayo mec’adanne maata buuc’adis.
3. Tamaareti xaafoosona.
4. Na’ay haakime keetha bides, gido atin, dhale demmi benna.
5. Booray hachchi shukettides.
115
SHEMPO UDDUPUNA
Dere Doso
Shempo qoppobata:
Tamaareti dandayanawe bessizayti:
 Xuufeza ezgonne iza kiita be de’ora dabbotho

 Dere doso aybatetha qonc’iso
 Paatetha qoppobas nabbabo
 Dere doso nasho
 Be qofa qonc’isanas beettiza hurbutata medho
Shaako 9.1. Ezgo
Meeze 1
Intes haysappe kase de’iza eratetha go’ettidi kaallidi ezgoppe koyro

giigida oyshata zaarite.
1. Dere doso guussi ay guussee?

2. Dere doso aazan qonc’izee?
3. Inteni dere dosetii? Aazan dosetii?
Ezgo wode meezeta
Inte dere doso giza kaaran giigida ezgo nibbabeza loythidi

nabbabishin akeekan ezgidi ayfe ayfe qofata mastosha oykite.
116
Meeze 1
Kaallidi ezgo nibbabeppe ke’ida oyshata qofay suure gidikko ‘Tuma’

suuronta gidikko ‘Wordo’ gada zaara.
1. Tophphpiyay Xaalane ola wode xoonadus.

2. Dere dosiza asati bantas xalaala oothosonappe attin, harata
erisokkona.
3. Xaalaney ola olettiday kase wode masara gixidaysarakko.
4. Tophphpiyay kare dere olanchata kushen kundbekku.
5. Hara asa maata bonchoy dere doso qonc’isotappe issinozakko.
6. Dere dosiza asati dere sarotetha koyokkona.
7. Nibbabes kumetha qofay goshshanchaysa qonc’isees
Meeze 3
Kaallidi ezgo nibbabeppe ke’ida kochchatas birshetha yootite.
1. Suppu histidi
2. Omoodidosona
3. Yarshidosona
4. Odeysa
5. Ishshalisidi
Shaako 9.2. Haasaya
Inte c’ugan gididi dere dosonne Aduwa olaba inte laggetara gididi
tobbidi qofa issi bolla shiishida kifile laggetas yootite.
117
Shaako 9.3. Nbbabo
Aduwa
Intes de’iza koyro eratetha go’ettidi kaallidi shiiqida nabbaboppe

koyro oyshata zaara.
1. Aduwa guussi aaza guussee?

2. Aduwa gallassay laythappe issino bonchetanas gaaso gididay
aazee? Intesikka he gallassan aazi qoppetii?
Aduway Tophphiyas, Afirikasinne kumeththa kareththa asa

ubbasko. Wogayza 23/1888 M.L dere ubba kakkida ola doloha
Afirikan dippi gida gallassa. Salosan dic’c’onta dereta leqoninne ba
masaaran ammanettiday gondalleninne gooraden gulbatidi
la’ateththa po’oy doloha Afirikappe xolqida taarikawe xoono
gallassakko.
Aduway 1882 M.L Xuqumayta 2 gallassan Tophphiya kawo

geetettidi kawottida Haylemelekote na’a Dagimawe Axe Minilike
Xaalane kare deretas <<Tophphiyay Xaalane garsan de’asu>> giza
qofa oykkida dabbidabes zaaro xaafon Tophphiya suntha salosa’an
xeesissida gooba kawokko. Minilikey kawoteththa demmida mala
koyro kare dere wuda wule Xaalanera gelida. Ha wuley ‘Wuc’aale
wule’ guussan erettees.
118
Ha wuc’aale wulen daassa 17 Amaraththo qonc’ida ayfe qofaninne

Xaalane shiiqida birsheththa giddon medhettida qofa giiga dhayoy
ha nam’u dereta giiga dhayoppe aadhdhidi Aduwa ola giddo gelana
mala gaaso gidides. Ha daassan Amaraththo kochchan <<
Tophphiya kawoy hara kawotaranne aysizaytara de’iza wudatas
wuri Xaalane kawo maadetethan go’etanas danda’ees>> gees.
Xaalanethon ‘danda’ees’ giza kochcha birsheththay ‘mayettides

woyko eenides’ geetettidi shiiqides. Guussaykka Amarathtthoysi
Tophphiya oonatetha bonchisishin hara baggara qasse,
Xaalanethoysi Tophphiya oonatetha bocho xalaala gidonta
derebonchonne go’a bochches guussakko.
Daagimawe Minilikey aakkissidi qoppon, Tophphiyay Xaalane kawo

garsan gelonta mala oothon la’atetha naagidi hara deretara
gaagotetha medhonne zoreto doomida. Haysappe dendidaysan,
Xaalaney qanthan qoppidi Eritira baggara ola doomadus.
Minilikeyka dere asa ubba olas gelissides.
Xaalaneti Jeneraaleta Baamyeeri kaallethiza 2000 wotadereta

oykidi Wogayza 23/1888 M.L Aduwa olida 80000-120000 gakkiza
Tophphiya wotaderati loythidi oletishin dere medheta uteththay ta
dere gidi siiyetethan dendidi koothappe ke’idi laalettida maththa
mala moketa ola daganthidi gelizasoranne ke’izaso dhayson issi
gallassa kumeththi olay olettidappe guyen malalisida hanotan
xoonoy Tophphiyaysa giddies. Ha Tophphiya wolqan shammanas
koyidageti tohoy kesso gidi woxidi ke’in, Tophphiyas la’atethay
dhoqqi gidees.
119
Aduwa xoonoy Tophphiyas deretetha bonchos, kareththa asata

la’atethanne dhoqqa dere asas dhoqqa xoonokko. Aduwa xoonoy
issi baggara shammanas koydaytas, wolqqa wursidaysa gidishin,
hara baggara qasse, shammettizaytas la’atetha demo olas
denthethidaysanne wolqqa demmissida olakko. Aduwa olay maata
koshsha gidenashi, ba deresinne ba bandira qoppidi dere asay
ubbay siiqoninne ammon olettidaysakko. Kareththa asata xoonoy
Axe Minilikekaallethon booththata yelayissiza olakko. Afirikay
goobata dere gididaysa markattiza olakko. Tophphiyaka salosa’an
erissidaysa la’atetha naagisidaysanne iza dhoqqi histida olakko.
(Pulto: Diihire gaxeppe giigidi ekkettidaysa)
120
Nibabeza wozanan wothidi nabbabon ayfe ayfe qofata oykite.

Oyshatinne ooratha kochchati de’ikko dogonta shiishi wothite.
Wursethan nibbabeza qofa zaaridi inte guuge giddon yuushi
akeekkite.
Meeze 1
Kaallidi nibbabeppe ke’ida oyshatas nibbabeza qofa baaso

oothidi paati zaarite.
1. Aduwa ola gaaso gidida mishshay aazee?

2. Xaalanneti aaza koshshas Tophphiya olanas dendidosona?
3. Minilkey koyro wode kawotetha demmida mala ay oothidee/
4. Daagimaawe Axe Minilikey kare dereta zore koydee?
5. Xaalaneti xoonidako Tophphiya bolla aazi hananeshinii?
6. Wuc’c’aale wules daassa 17 aaza odii?
Meeze 2
Kaallidi shiiqida oyshatas nibaabeza qofa baaso oothada qofay

suure gidikko ‘Tuma’ woyko suure gidonta qofa ‘Wordo’ gidi
zaarite.
1. Aduwa ola wode Xaalaneta wotaderetappe Tophphiya

wotadarati darettes.
2. Xaalaneti banta ekkidi yida qofa polidi simmidisona.
3. Aduwa olay heedzdzu dereta giddon polettides.
121
4. Tophphiya Aduwa ola xoono la’atetha demmisiday kareththa

asata ubbatasikko.
5. Aduwa ola xoono Afirika goobata dere giza suntha immissides.
6. Xaalanenne Tophphiya ola denthida gaasoy issi kochchay
medhdhiza birshethakko.
7. Minilike aawa sunthay Hailesilasekko.
8. Xaalane olanchata kaallethiza Jeneraaley Baaratiyeeri
geetettes.
9. Tophphiyay Xaalaneta xooniday ooraththa wode masara
go’etadoko.
10.Tophphiya dere asay ba bandirasinne ba dere bonchisanas
siiqoninne ammano dendetetha olettidosona.
Meeze 3
Kaallidi shiiqida oyshatas qofara gaagiza suure zaaro doora.
1. Xaalaneti koyro wodes awa baggara ola doomidona?
A. Eritira N. Sudane
E.Keniya D. Jubute
2. Tophphiyay Xaalanera gelida wuley aaza geetettizee?
A. Aduwa N. ola
E. Wuc’c’aale D. wule
3. Nu dere wotadarati he wode olas go’ettida mishshati aaza

aazee?
122
A. wolqama masara N. gondalenne goorade
E. bombe D. shuguxe
4. Aduwa ola wode Tophphiya kaallethiday oonee?
A. Malasa Zenawe N. Axe Tewodros
E. Hailesilase D. Axe Minilike
5. Tophphiya Aduwa ola xoonoppe demmiday
A. bira N. la’atetha
E. ammano D. timirte
6. Tophphiyay aappun wotadaratara oletada xoonadee?
A. 80000-120000 N. 120000-150000
E. 10000-12000 D. 8000-12000
7. Aduwa ola xoono gallassay awudee?
A. Wogayza 24/1888 M.L N. wogayza 23/1889 M.L
E. wogayza 23/1882 M.L D. wogayza 23/1888 M.L
8. Xaalaneti kare deretasxaafida dabbidabes Axe Minilikey zaaro

xaafida gallassay
A.xuqumayta 2/1888 M.L N. Xuqumayta 2/1882
E. xuqumayta 2/1886 M.L D. Xuqumayta 2/ 1883 M.L
9 . Tophphiya Aduwa ola xooniday oonara oletadee
A. Awuropara N. Gibixera
123
E. Xaalanera D. Amerikara
10. Xaalanenne Tophphiya wuc’c’aale wule bolla palammisiza

daassa aappunee?
A. 18 N.17
E.19 D. 20
Shaako 9.4. Xaafo
Meeze 1
Haysappe garsan beettiza misileta loythi xeellidappe guyen

misiletan qonc’ida qofata shiishidi xuufen paattidi bessite.
Misile 1: Xaallane ola qonc’isizaysa
124
Misile 2: Gamo dere c’imati sarotethas maata oykidi eqidaysa
Misile 3: ooso minotetha bessanas dere asati oothishin
125
Misile 4: tamaareti kifile giddon uttidi tamaarishinne

astamaarey tamaarisishin bessizaysa
Shaako 9.5. Kobe
Meeze 1
Kaallidi ‘A’ yippan de’iza kochchata ‘N’ yippan diza phalqettiza

kochchatara dabbotha
‘A’ ‘N’
1. Po’o A. ixo
2. Giddo N. guutha
3. Boncho E. bayza
4. Gooba D. pac’e
5. Demo I. dendo
126
6. Dhoqqa Y. wursetha
7. Xoono O.dure
8. Kumetha S. saro
9. Utta T. xooneto
10.shamo M. alo
11. daro R. ziqqa
12. siiqo G. dhayo
13. doometha B. laafa
14. manqo L. dhuma
15. saamo Z. leqo
U. gaxa
Meeze 2
Kaallidi immettida kochchata go’ettidi meega qofa medhite.
1. Leqo 5. Ola
2. Kawo 6. Duussa
3. Xoono 7. Morke
4. Go’a
Meeze 3
Kaallidi immettida kochchatas birshetha xaafite
1. Wuda 4. La’atetha
2. Dippi 5. Xuuea
3. Wule
127
Shaako 9.6. Qawosa
Kardiqa meega qofa
Kardiqa meegati medhettiday issi bana danda’ida turanne issi

woyko issinippe daro bana danda’onta turatappe medhettes. Hessa
gishin, hookko malatanne wode/shin gizaysata oythethos ekkees.
Leemiso:
1. Tamaare nayti so simmida wode, tamaaresoy gordettes.

Ha bolla meega qofa giddon
-tamaare nayti so simmiza wode(bana danda’onta tura
gidishin)
- tamaaresoy gordettes ( bana danda’ida tura) gidees.
2. Ne penge gakkiza wode, sugada xeelo agoppa, gaasoykka issi
issi wode pengey qulppetenna.
- Penge ne gakkida wode (bana danda’onta tura)

- Sugada xeelo agoppa, gaasoykka issi issi wode pengey
qulppetenna (bana danda’ida tura)
Meeze 1
Ha bollan immettida leemisotan baaso oothidi meega qofatappe

bana danda’izanne danda’onta turata shaakite.
1. Paac’ey gakkiza wode, tamaareti babbettes.

2. Nu tuke uyiza wode, duulata shiiqo dawalay shoc’c’ettides.
128
3. Tamaarey so simmiza wode, so asa maades, bassikka

maadettes.
4. Izo keehi sakkideshin, hakkime keetha bonta c’oo paxadus.
Meeze 2
Kaallidi immettida meega qofata gaagissidi kardika meega qofa

medhite.
1. Na’ay miishsha ekkis.

Aaway hanqettides.
2. Addey hospitaale bis.
Addey dhale demmibenna.
3. Izi olappe simmides.
Kawoy izas mogote immis.
4. Yedettida dabbidabe ekkides.
Zaaro xaafides.
5. Mac’c’asiya kayso oykadus.
Mac’c’asiya kaysoza issi baqon yegadus.
129
SHEMPO TAMMA
Duuna Ginxo
Shempo qoppobata:
Tamaareti dandayanas bessizayti:
 Xuufeza ezgonne haasayan birsho

 Qaala ginxon aybatetha qonc’iso
 Qaala ginxo qommota paato
 Ginxo suure nabbabon qonc’iso
Shaako 10.1. Ezgo
Meeze 1
Kaalliza oyshata inte qofan zaaro immite.
1. Ginxo guussi aaza guussee?

2. Ginxo yeda xuufeppe aazan dummattizee?
3. Asati ginxo aazas go’ettizoo?
Ezgo wode meezeta
Meeze 2
Ginxo nibbabe loythi ezgidappe guye ayfe ayfe qofata inte mastosha
bolla oykkite.
130
Meeze 3
Kaallidi ezgo nibbabeppe ke’iza oyshatas qantha zaaro ima.
1. Ginxo nabbabidi wosti nabbabannee?

2. Ginxoy aaza qonc’issizee?
3. Ginxo birshetha xaafa.
Meeze 4
Kaallidi shiiqida oyshata ezgo nibbabe baaso oothada qofay suure

gidikko ‘Tuma’ suuronta agikko ‘Wordo’ gada zaara.
1. Ginxoy bana danda’ida bila xuufekko.

2. Ginxoy asa na’a duussara oykkettidaysakko.
3. Ginxonne yeda xuufe giddon dummatethi baawa.
4. Ginxoy kumetha kiita aathenna.
5. Ginxoy ha’i wode medhettidaysakko.
6. Yethayka ginxo gidanas danda’ees.
7. Ginxo xaafiza wode koshshiza kochchata ubba c’oo go’etanas
danda’ees.
8. Ginxoy nu kaha dichchees.
Meeze 5
Kaalliza oyshati ezgo nibbabeppe keidayta gidida gishas nibbabeza

qofa akeeki ekkidi suure zaaro doorite.
1. Ginxo xaafiza wode ____________ koyees.
A. Doorettida kochchata N. wolqa

131
E. c’ora asa D. miishsha
2. Ginxo nabbabiza wode _________________ de’ees.
A. kaysoy N. asay
E. eedo D. waaso
3. _____________ dalga qofa qanthan shiishees.
A. maxaafay N. keethay
E. giyay D. ginxoy
4. kaallizaytappe ginxo go’a gididay awaysee?
A. ayyana ufaysees N. kayo wode minthethees
E. shenetetha zaarees D. ubbayka zaaro
5. Ginxo kando gidontaysi awaysee?
A. eedo N. shochcha
E. yafaran xaafo D. zaaroy baawa
Shaako 10.2. Haasaya
Inte heeran de’iza oda ginxota shiishidi kifile giddon laggetara

haasayite.
132
Shaako 10.3. Nabbabo
Meeze 1
1. Ginxoy aappunan shaaketii? Ane izeta xeessite.

2. Oda ginxo gishin ay mala ginxo guussee?
3. Ane inte heera erettida oda ginxo geedaras danda’osona
gizaysata xeessite.
Xaafettidanne xaafetonta ginxota
Ginxoy shiisho hanotappe xaafettidaysanne xaafetonta geetettidi

nam’an shaakettes. Xaafettida ginxoy maxaafan woyko waraqatan
xaafettidi xaafanchay de’izaysa gidishin xaafon yeletappe yeletas
aadhees. Xaafetena ginxoy asse, daro bagga doonan aadhizaysa
gidishin, ginxoy medhon shiiqizaysanne doonan aadhizaysa wursi
shiishi oykkees. Xaafetonta ginxos pultoy dere asa gidida gishas
dere asa haarokk. Hessa gishas, haysi ebeloysa giza miishshi
baawa.
Nam’u ginxo qommoti misattiza kandoyka de’ees. He kandota

giddoppe nam’attikka bila xuufe mac’ara gididaysa asa qofa
siiyetetha qonc’iso danda’onne ginxo medhon shiiqizaysi ayfe
ayfetakko. Mise medho shiiqo guussay suran, yafaran, kuren,
shochcha, yedonne kochcha minjonko.
Gidikokka, misetethay daro attin, guuthara dummatethayka de’ees.

Xaafettida ginxoy xaafancha issito xaafettidappe aadhizaysikka
133
dummaysees. Xaafetenna ginxoy dere haarokko. Izi duunara

aadhiza gishas laametethaynne guuthara giigiso hanotay beettes.
Ha ginxoy haasayettishe heerappe heeran dummatethi ehanaw
danda’ees. Yeletappe yeletakko aadhizayka duunanko.
Nibaabeza suuren nabaabidi ayfe ayfe qofatanne ooratha kochchata

shaakidi kessite.
Meeze 2
Ha bolla nibaabeza baaso oothada xaafettida ginxosinne xaafetonta

ginxos de’iza misetethanne dummatetha zaaran kuntha.
Xaafettidanne xaafetonta ginxo

Misetetha Dummatetha
Meeze 3
Kaallidi shiiqida oyshata nibbabeza baaso oothada qofay suure

gidikko ‘Tuma’ suure gidonta agikko ‘Wordo’ gaada zaara.
1. Duuna ginxotas xaafanchay erettes.
134
2. Ginxoy shiisho hanotan heedzdzan shaakettes.

3. Nam’u qommo ginxotikka issi malakko.
4. Xaafettida ginxoy yeletappe yeleas xuufen aadhees.
5. Xaafetenna ginxoy dere haarokko.
6. Xaafettida ginxos laametethay de’ees.
7. Xaafettidanne xaafetonta ginxoti nam’atikka bila xuufe
mac’arakko.
8. Xaafetibenna ginxos goday xaafanchakko.
9. Nam’u ginxo qommotikka qofa qonc’isos maadosona.
10.Nam’u ginxo qommotikka heerappe heeran guutha laame
ehosona.
Meeze 4
Kaallidi de’iya oyshata nibaabeza qofa yedenan akeekada suure

zaaro doora.
1. Ginxoy ________________shaakettes.
A. 2 N. 3 E.4 D.5
2. Xaafetonta ginxos goday oonee?
A. Kawo N. xaafancha
E. dere D. ezgancha
3. Xaafettida ginxoy yeletappe yeletas________________ aadhees.
A. xuufen N.odan
E. mobailen D. iradonen
4. Xaafetonta ginxoy heerappe heera ______________ danda’ees.
A. aduqanas N. qammanas
E. dic’c’anas D. laametanas
135
5. Ginxoy asa na’a __________________.
A. ufaysees N. qohees
E. doses D. ubba
Oda ginxo qommota
Oda ginxo geetettizaysati xaafetonta ginxo qommotakko.

Hessatikka: gerersa, gayro, ooso ginxo, nayta kaase, yethata,
zilalsanne h.h.m. Amarathon erettida woosa ginxoy Gamothon
baawa.
Gerersanne gayro
Haysati goobatetha qonc’isanas, morke bochanasinne babbisanas

go’ettiza ogekko. Daro wode polettizay ola woden, xoono wodoninne
yeehon(balen) polettes.
Gerersa
Halakkonne tuke koyshido kare
Gadha gaashee naasara c’alge
Geeze woyshan bakala kure
Ushachcha dere …
Gede geteno Tenkele Dorze
Toora saga Gooza assa na’a
Haminqi Tonne
136
Gayro
Wolqama do’ata shankattidi wodhi simmikonne ola gadeppe yida

asi Gamo ‘wodhdhathe’ geetettidi yeeho sohon / balen gayro
gayrees.
Leemiso 1
Olan ta gakka! Ta adde wodhashe!
Maqqale gade malen
Eritira gade taman
Wabbishabale haaththan
Olan ta gakka taman ta gakka
Darge mangistey kessida olan
Ta aayiya Aleeqa tana olas yelin
Ginbote olan taman ta gakka
Ta addes sunthi kessa
Bombey booradan xaagin
Xiitey iradan bukkin
Pude xeelin saloy salo
Duge xeelin sa’ay sa’a
Wu gi wasanaw addey dhayin
Ililli ganas inda dhayin

137
Gallassa leelan ta gakka
Ta adde dogala sunthi kessa
Gamoppe Shalaqa Damisse Darotara
Wolaythappe Maldaye Mandadora
Mehen maathara olan laggera
Taade suntha kessa
Leemiso 2
Tana mo tana mo
Yootizo qaala godazo
Gishiza bira godazo
Essiza guche godazo
Waaxiza boora godazo
Laagiza lima godazo
Ushachchan maqanthizo
Hadirsan maqanthizo
Dere sigethizo
Tana mo tanamo
Olan tani gakkasha
Olan tani gakkasha
138
Ola asa biya olas yelin
Toora asa biya tooras yelin
Olan tani gakko
Olan tani gakko
Bonbey booradan xaagin
Irsaasey iradan bukkin
Barudey baanadan dendin
Ililli gaana inda dhayin
Ashechchi gaanas addey dhayda
Olan gakka
Wollo kombolcha shaafan
Qaye bahire abban
Babille giddon
Wolqara gakka wolqara gakka
Kinta Moyi na’a Moolanara
C’orge Aynoshe na’a asatara
Gakka tani gakka
Goobazo tana mo
Goobazo tana mo
139
Zilalisa Ginxo
Ta ishawtas gido
Tas ne ishas yeeko
Ta isha goobazo
Nena mida duufoy tana mo
Ootho wode ginxo
Mare yoo yoo haya mare

Malli saana na’a machchale wonte
Wonte woni yosoy woosa seete
Seeten seenna na’a Adaare Doonee
Nayta kaase 1
Wona wona loome haaya

Wona wona loome haaya
Gaashe wola loome haaya
Gaashe wola loome haaya
Gaashe ne gishas gidenna
Tana ta metoy gathenna
Nayta kaase 2
(Aawa machchin qohettiza na’a)

Meego meegada bay
Mentha ashoy mal’ees bay
Aayi kiyoy ho’ees bay
Aawa machcha karshasu bay
140
Kurshuyo kushiyo
Sobo bonqon
Ambe bonqon
Dirgim
Nayta kaassa 3
(Miiza heemmiza nayti iray bukisanas koyida

gaason miizata so efanas koydi)
Ira ilidiqo
Badala oloqo
Ooththi miya dalilo
Daanna machchiya daro
Wogga boora woysho
Qeeri boora malko
Nayta kaasa 4
Aaya ay maanee gin

Uuththa maana gin
Uuththiya dhine gin
Dhine pargicho gin
Para yelelo gin
Yeleloy modhdho gin
Modhdhoy angaso gin
Ayfe geleshsho gin
Geze harbayno
141
Shaako 10.4. Xaafo
1.Ha bollan de’iya Gamo dere asay dumma dumma sohon go’ettiza
doona oda ginxota be’ida leemison zempada dumma dumma oda
qommo ginxota xaafa.
2.Ha inte xaafidi ehida dummadumma oda ginxo qommota kifile
laggetara hanibesson qonc’isite.
Shaako 10.5. Kobe
Malle Haasaya
Malley haasaya mal’eththanasinne minthethanas daro asi eriza

hanotappe deemetidi shiqiza hasaaya hiillakko. Mallen haasayetida
yoho keehidi mal’ees. Mallen yootettida yohoy kahan ordidi
beettees. Malle haasayay qopas dhoqqa deththa immana
dandda’ees. Malle haasay medhetizayka kando keemo, ooso, hanota
ase woyko medosa harara geeddaron, issoy issuwa kando haras
imon, woyko laamon issiyissa kando duugoninne issi miishsha
haran wokkalon shiiqiza haasayakko.
Malle haasayay, doona haasayas gido ubba qommo xuufes de’iza

go’ay daro gita gidishin ginxos izi immiza go’ay shempo imo mala
koyettees. Ginxo xaafiza asi guutha kochchata daro haasayanas,
qofata shiishshi oykanasinne misile medhanas danda’izay malleta
go’etishinko.Ginxos gita wolqanne lo’etetha immizay malle
haasayakko. Malle haasayati daro qommokko. Gido attin, daro
wode go’a bolla pey’izayti kaallidi shiiqidaytakko.
142
1. Geedaro malle
Ha malle qommoy nam’u miishshata, qofata, kandota, oosotanne

h.h.m geedardi woyko mixxidi medhiza haasayakko. Ha nam’u
miishshati dumma dumma kandota oykidayta gididinne issi kothe
gidiza kandon geedaretosona. Haysasikka go’ettiza geedaro
kochchatai de’osona. Izetikka: dan, misatides, mala, …
Leemiso:
- Alleqqa booledan xanqqa dendadus.
- Aawazi goosha mala qolqophphu gees.
Meeze 1
Ha bollan shiiqida leemisotadan geedaro kochchata go’ettidi

ichachchuppe guuxonta malle haasaya xaafite.
1. ________________________________________
2. ________________________________________
3. ________________________________________
4. ________________________________________
5. ________________________________________
2. Laame malle
Laame malle issino kando haras imon medhettiza malle

qommokko. Laame malley geedaro malleppe dummatizay geedaro
kochchati beetokona. Giddies. Gidandes, kko, h.h.m giidi shiiqes.
Leemiso:
- Amburqoy mishshes godarekko.
- Masqala giyakko.
143
Meeze 2
Immettida leemiso zempidi laame malle haasayata xaafite.
3. Asatho malle
Asa na’a dumma dumma kandota, oosota, eretetha, asa

gidenagetas guussayka medosatasinne shempoy baynaytas immon
medhetiya malley asatho malle geetettes. Ha mallen asa gidenabeti
mishin,
uyishin,haasayishin,koshayetishin,saametishin,kayotishin,miic’ishi
n, kaa’ishin h.h.m asi oothiyaysa ubbata polana mala oothon
haasayokko.
Leemiso: Ha qol’ay pirdo.

Hachchi c’arkkoy haytha karen baqqides.
Hachchi giyan santhay aw abo gides.
Meeze 3
Inte eriza asatho malle xaafi ehidi kifile laggetas haasayite.
4. Mirqe malle
Mirqe malley galatiyadan hanidi c’ammiya haasaya haasayettiza

malle qommokko. Mirqe malley haasaya akeekanas yootettida
hanotanne haasayiza asa sintha laametethanne bolla kifileta
qaaxotetha maaran akeekko bessees.
144
Leemiso:
Pala i ne mala gooba oothanchay beettenna.
Hashshu i ta minozi ha burc’uqota guja guja mentha.
5. Gujo malle
Ha malle qommoy guutha tumatetha oykidi gitasidinne darsidi

haasayanaw maadiya malle qommokko.
Leemiso:
- Issi biradhdhey guuge zuma sugees.

- Dabulo nayti boolekko.
Meeze 4
Hayssappe garsan de’iza haasaya meegata malle qommotan

shaakka bessa.
1. Na’ay biratadan minnees.

2. Bitaney oothos maththakko.
3. Aayiya shuqo mala sawasu.
4. Ha keeththay markatokko.
5. Kundadi poora! Ne mala goobay baawa.
6. Xeeti maaxxin ta kon’a ta kon’o gees gawaray.
Meeze 5
Kaallidi immettida kochchatan bollan shiiqida malle qommota

go’etada haasaya meega medhon bessa.
A. Shunkurte N. gaammo
145
E. shuchcha I. geegge
D. deeshsha
Ginxo
Gamoy darossi
Al’o medheta haaro aawa
Dugeha Tophphiyan Gamo dereta
Nashshisizay otoressizay
Asa bonchoy immatha mokkoy
Gamon de’ees lo’o wogay
Arbaminc’en alleqes
Abbaya C’aamon sabbettes
Nec’isaare parken asa wozina goochchees
Abbayanne C’aamo nam’ata sigethon
Xoossa zokkoy gelis c’aaqo qaala
Arba Minc’e katamay c’ora woradan
C’ilila medheta haaroy nashshisees Gamo
Xibabe ooso erata
C’encha Diita nayta
Mango muuze godata
Miirabbe lante nayta
146
Dalile gembo muruutisiza
Ganta garo biita
Ochcholinen gaashen erettiza
Alpa Quc’a nayta
Banga badala godata
Daramalo Waac’c’a nayta
Ooso goobata Bonke Bazza nayta
Shaakoy baynta issi aawa nayta
Denthay dendo Gamo dereta
Meeze 5
Bollan intes giigida ginxo akeekan nabbabidappe guye nibbabe

giddon de’iza malle haasaya bessiza kochchata kessidi xaafite
Meeze 6
Kaalliza kochchcatappenne suratappe issinoza dooridi intes de’iza

qofa ginxo xaafo qonc’issidi bessa.
 Gamotho doona timirte

 Gooba goshshancha
 Timirte keetha
 Astamaare
148
Shaako 10. 6. Qawosa
Gathetho kochchata
Meeze 1
Haysappe kase aadhdhida shempotan gathethiza kochchata

tamaarida mala akeekkidi kaallidi de’iza leemison zempidi haasaya
meegan gelissidi bessite.
Leemiso:
Iza gooba tamare gido attin, paace ooththa erikku.
- Shin hessa gishshaw

- ppe gido attin
- Hessadan woyko
- Kko gishshaw
- Gidikokka qasse
- Gujon kumethan
- Wursethan
Meaze 2
Inte laggetara gathetho kochchata go’eton c’ugan tobbidi meega

qofata medhon kifile tamaaretas shiishite.
149
OORATHTHA KOCHCHATA BIRSHETHA
Halcho = ooso sintha qofa mallo

Suuke = danda’oppe bolla amo
Shoore = shaafa/ gogiya haaththa
Minjo = naagidi gam’iso
Xiliso = iitappe geeshsho
Dano = qopponta gakkiza meto
Maac’o = c’aaqo
Dhiisho = shaaki ero
Naaqo = qofa yuusho (lo’onne iita)
Yarsho = ba shempo aathi imo
Omoodo = xooni ekko
Dilba zangara = ziqqa heera
Dippi = suuppi oothidi dhayso
Gongolo = shuchcha garsan de’iza dalga holla
Hago = haasayanne ezgo
Kobe = kochcha birshetha ero
Kochcha = birshethi de’iza pidale shiiqo
Qawosa = qaala woga saynse
Sooso = qhoqqa sohoppe wodhiza haaththa
Yippa = yaran shaako
150
151

7tho Tamaare maxaafe

Uploaded by

Copyright:

Available Formats

7tho Tamaare maxaafe

Uploaded by

Document Information

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

7tho Tamaare maxaafe

Uploaded by

Copyright:

Available Formats

Gamoththo Doona Tamaare Maxaafe 7tho Kifile

Ha tamaare maxaafey timirte keeththas gita haaroko. Hessa

 Maxaafeza iita metoppe naagana mala lastiqen kammite.

XUQUMAYTA, 2014 M.L

Dugeha Tophphiya Zare Zangaratanne Dereta

©2014 M.L Ha Maxaafe Wogara Duuqidi Laamo

Xuqumayta, 2014 M.L.

Ha maxaafey Gamoththo doona timirte tamaariza

Kumethathara ha maxaafey tammareti Gamoththo doona

Ha shempo wurssethan tamaareti:

 Harata qofa suuren ezgandettes

Ezgoppe koyro Meezeta

1. Gongolo guussi ay guussee?

Ezgo wode meezeta

Ezgo xuufezi intes nabbabetishin, loythi ezgadi xuufezas ayfe ayfe

Ezgoppe guye meezeta

Kaallidi ezgo nibbabeppe shiiqida ‘A’ cugan de’iza qofatas‘N’

1. Xoossa keethay beettiza worada A. medheta haaro

2. Salambare katamappe haakotetha N. 50

5. Aappun asata oykki I. Quc’c’a alpa

Ezgo xuufeppe immettida oyshatas qantha zaaro yoota.

1. Yelaga nayti aaza kawoteththa wode xoossa keeththan

Kaallidi immettida hago loythi nabbabadiinte laggetara

Banqato: Nec’isare parke bada be’a eray?

Baassa: Ee bada be’a eraysi.

Banqato: Parke uteththa hanotay aaza mala?

Baassa: Keehi dalga dembanne malaliya booththa maatati

Banqato: Parke yuushon aazi de’izaysa be’adi?

Baassa: Abbayanne C’aamo abbati Xoossa zokon shaaketi mic’c’eti

Banqato: Parke giddon medosata be’adii?

Baassa: Keehi c’ora medosata be’adis. Leemisos, geela, gaara,

gaasho, wora harenne haratikka de’ettes.

Banqato: Aaza aaza miththha qommti de’izoo?

Baassa: Keehi c’orati de’ettes. Leemisos, sobbo, galal’o, c’ac’anne

Banqato: Ero, keehi gallatays.

Baassa: Tanika wozanappe gallatays. Saaron de’a.

Shaako 1.3. Nabbabo

Nabbaboppe koyro meezeta

1. Nec’isaare biheraawe parkey awan de’izakon eretii?

Nec’saare biheraawe parke

Nu dere Tophphiyay salosa deththan de’iza erettida medheta

Nec’isaare biheraawe parkey nu dere Tophphiyan erettidinne

Nec’sare parke yara gidida Abbayanne caamo abbati be giddon

Nec’sare parken de’iza daro demisha pultoti laytha giddon

(Nec’i Sare parke Misile)

Kaallidi immettida oyshata nibbabeza bolla zempidi suure zaaro

1. Biheraawe parke guussi ay guussee?

I. Kaallidi immettida qofa qashota nibbabezan zempada

II. Hayssappe kaallidi ‘A’ garsan de’izayta ‘N’ garsan

Kaalliza oyshata bolla ne laggetara tobba

1. Inte Nec’isare biheraawe parke bizako aaza aaza bee’ana giidi

1. Bollan qonc’ida misilen zempa daassa xaafa.

2. Ne xaafana daassas ayfe mega qofa xaafa.

3. Kaallidi immettida kaaratappe issinoza doorada daassa xaafa.

A. wora D. wora medosa

N. haaththa sooso I. biitta

Inte xaafana daassan gelanaw bessiza qofati:

 Sohoza dummathiza dumma

Shaako 1.5. Kobe

Kaallidi nibbabeppe ke’ida kochchata suure gidiza birrshethara