Mako Polo (òrere Marco Polo me ebeke, ogwu òman me acha 1254 mè ikwu me òso usen 8 me emen Onyan̄-ge, 1324) ìre ogwu Itali òkore ogwu mbit mè usọ òweek-ere. Ọmọ ore ge me lek adasi ebi Yurop ìwọwọlọ iweek lek-ijọn̄ Esia agan̄ Etete mè Esia agan̄ Mbum-ura. Owuwa ufi ebi usọ òweek-ere mèlek Kiristofa Kọlọmbus si, ekibene chieen̄ ikpọ ọmọ. Îriọọn̄ itumu usem ini.<ref1>

Echubọk iriọọn̄ Mako Polo mije ikpa kan̄ eyi ekigwen Ikọp-uran̄ kè Mako Polo, eyi îkpabe inu me emen ofolek Esia.

Ibebene Ugwem Kan̄

Eman Mako Polo me Venis, ge me lek ama ile ìjeje inyi isi ichit me mbit me emen mgbọ ya.<ref2> Ogwu uga ìkwu mgbọ ọmọ orebe ijija; ngwan̄ ogwu ute mè nwa ngwan̄ ogwu ute enenikpukpo ọmọ isibi. Ogwu ute mè ngwan̄ ogwu ute enan̄a me ujọn̄ọ ije eyi Oniin̄ Ewe Siliki [Silk Road] ika mgbọ Mako orebe inu kire acha 15. Acha iba iraraka, ema ene ita ebebene ijè isi Kateyi [Cathay] me Chaina. Ototun̄ ukan̄ kiban̄ ìre ebi mbit eriọọn̄be erieen̄, kpere ebi usọ ìweek-ere. Ọmọ îkween̄ igege inu, ifufuk ikpa mè irọrọ ifuk mè ike ekirọ mbubek.

Nrọnnye