2010

2010
Calendario gregoriano	2010 MMX
Ab urbe condita	2763
Calendario armenio	1459
Calendario chinés	4706 – 4707
Calendario hebreo	5770 – 5771
Calendario hindú
·  Vikram Samvat	2065 – 2066
·  Shaka Samvat	1932 – 1933
·  Kali Yuga	5111 – 5112
Calendario persa	1388 – 1389
Calendario musulmán	1431 – 1432
Calendario rúnico	2260
⟸ Década de 2010 ⟹ 2006 2007 2008 2009 2010 2011 2012 2013 2014

2010 (MMX) foi un ano común que comezou e rematou un venres no calendario gregoriano. Foi ano santo xacobeo, foi o número 2010 anno Dómini ou da designación da Era Cristiá, ademais do décimo do século XXI e do terceiro milenio e tamén o primeiro da década de 2010.

Acontecementos

Xaneiro

• Iniciouse a dispoñibilidade da versión do sistema operativo Windows 7.
• A película de ficción científica Avatar, que fora realizada por James Cameron, acadou unha plusmarca histórica nas vendas superando a Titanic, de 1997.

Vista do Burj Khalifa, o rañaceos máis alto do mundo, en Dubai.

Vista do Palacio Nacional de Haití destruído tras o terremoto de xaneiro.

• 1 de xaneiro
  • O xadrecista noruegués Magnus Carlsen logra clasificarse como número un do mundo con dezanove anos de idade, sendo o xogador máis novo en alcanzar dita posición.
  • España asume a Presidencia do Consello da Unión Europea, sucedendo a Suecia.
  • Empeza o segundo Ano Santo Xacobeo do terceiro milenio, convocado en maio de 2009.
  • Empeza o segundo Ano Santo en Caravaca de la Cruz concedido pola Santa Sé a perpetuidade con periodicidade cada 7 anos.
  • Chuvias moi fortes e enchentes severas causan desmoronamentos de terra, que provocaron a morte de 53 persoas en Angra dos Reis, e a destrución do patrimonio histórico de São Luís do Paraitinga.
• 3 de xaneiro - Os Estados Unidos de América e o Reino Unido pechan as súas embaixadas no Iemen debido á ameaza de Al Qaeda.
• 4 de xaneiro - Inauguración do complexo de Burj Khalifa, o edificio máis alto do mundo, en Dubai (Emiratos Árabes Unidos), con 828 metros.
• 8 de xaneiro
  • O Parlamento de Portugal aproba a lei que permite o casamento entre homosexuais.
  • En Angola, o autocar da Selección de fútbol de Togo, que estaba en Angola para a Copa Africana de Nacións, é atacado por homes armados. Seis foron feridos e o condutor morto.
• 10 de xaneiro - Moita neve e ventos xeados e fortes castigan Europa, causando máis de 100 mortes e moitos accidentes.
• 11 de xaneiro - A República Popular da China alcanza o récord como maior exportadora de produtos do mundo.
• 12 de xaneiro - En Haití, un terremoto de 7,3 graos Richter provocou grandes destrucións e a mosre de máis de 200.000 persoas.
• 15 de xaneiro
  • Eclipse anular de sol visible no norte do océano Índico.
  • No estado Sucre (Venezuela), un leve terremoto de magnitude 5,4 na escala de Richter ocasiona once feridos leves e escasos danos materiais.
• 17 de xaneiro
  • En Chile dáse a segunda volta presidencial.
  • En Ushuaia prodúcese un terremoto de magnitude 6,3 na escala de Richter.
• 18 de xaneiro - Na Arxentina prodúcese un terremoto, con epicentro na provincia de San Juan, que se sente en varias partes do oeste do país.
• 19 de xaneiro - Novo terremoto na Arxentina, esta vez na provincia de Tucumán. Non se rexistraron danos materiais ni persoais.
• 24 de xaneiro - En Venezuela deixa de emitir o canal privado de televisión RCTV Internacional, por incumprir a lei resorte.
• 25 de xaneiro
• Ali Hasan Al-Majid, coñecido como Alí o químico, foi executado na forca tras recibir catro sentenzas de morte por delitos cometidos entre 1968 e 2003.
  • O voo Ethiopian Airlines 409 cae no mar Mediterráneo provocando a morte dos 90 pasaxeiros.
• 27 de xaneiro
  • Entra en vigor o sucre, moeda virtual da ALBA.
  • Apple puxo o iPad no mercado.

Febreiro

Terremoto de Chile de 2010

• 4 de febreiro - Efectúase a primeira transacción comercial co SUCRE, entre Cuba e Venezuela.
• 5 de febreiro - En Bos Aires, Arxentina, inicia as súas actividades a Policía Metropolitana.
• 3 de febreiro - A escultura L'Homme qui marche I de Alberto Giacometti é vendida en Londres por 65 millóns de libras, establecendo unha nova marca nunha obra de arte en poxas.
• 7 de febreiro
  • En Miami, o New Orleans Saints vence o Indianapolis Colts e conquista o Super Bowl XLIV, o primeiro na súa historia.
  • Eleccións en Costa Rica para elixir Presidente, deputados e municipios.
• 11 de febreiro - Lanzamento da Solar Dynamics Observatory (SDO) destinada a estudar os procesos solares e as súas reaccións directas coa Terra.
• 12 de febreiro - Cerimonia de apertura dos XXI Xogos Olímpicos de Inverno en Vancouver, Canadá.
• 15 de febreiro
  • Científicos do Laboratorio Nacional de Brookhaven, obtiveron durante milésimas de segundos a temperatura de 4 trillóns de graos celsius, a maior temperatura obtida na historia ^{[Cómpre referencia]}.
  • 20 persoas morren nun accidente de tren en Halle, Bélxica. (BBC) (Flanders News) (WSJ)
• 18 de febreiro - O Presidente de Níxer, Tandja Mamadou, é derrocado logo de que un grupo de soldados asaltaran o palacio presidencial e se formara unha xunta de goberno, o Consello Suprema para a Restauración da Democracia liderado polo chef d'escadron Salou Djibo.
• 20 de febreiro
  • A IUPAC, aproba oficialmente o elemento 112 da táboa periódica como copernicio.
  • Un forte temporal provocou máis de 40 mortos espallando destrucións no arquipélago de Madeira, (Portugal).
  • O derrubamento dun minarete en Meknes (Marrocos) provocou a morte de 41 persoas.(CNN) (Xinhua)
• 22 e 23 de febreiro - Celébrase en Playa del Carmen, México, o XXI Cumio de Río coa participación de trinta e dous países da América Latina e o Caribe.
• 27 de febreiro
  • En Chile, un forte terremoto dunha magnitude de 8,8 graos Ritcher, con epicentro a 300 km da costa da rexión do Maule, produce centos de mortos e feridos e numerosos danos materiais (este terremoto foi o 5º máis forte da historia).
  • Outro terremoto afecta a cidade arxentina de Salta, pero sen ter relación directa co de Chile segundo expertos no tema.
• 28 de febreiro - Cerimonia de peche dos XXI Xogos Olímpicos de Inverno en Vancouver, Canadá.

Marzo

Kathryn Bigelow, a primeira muller que gaña o Óscar ao mellor director pola película The Hurt Locker.

• 1 de marzo - O ex-guerrilleiro tupamaro José Mujica, electo no 2009, asume a presidencia do Uruguai, sucedendo a Tabaré Vázquez.
• 4 de marzo - En Chile sucede un novo terremoto, esta vez en Calama.
• 5 de marzo - O Presidente da República Portuguesa, Aníbal Cavaco Silva, convértese no primeiro xefe de Estado estranxeiro en visitar oficialmente Andorra en toda a historia do principado.
• 6 de marzo - En España as choivas deixan inundacións en Chiclana, Cádiz, deixando 3 mortos.
• 7 de marzo
  • En Iraq celébranse eleccións parlamentarias, as segundas coa nova Constitución, para o Consello de Representantes; onde os parlamentarios logo elixen o presidente e o primeiro ministro.
  • En terra hostil recibiu un Óscar ó mellor filme e a súa directora Kathryn Bigelow obtivo tamén un Óscar por ser a mellor directora sendo a primeira muller en gañalo, na 82ª edición dos Óscar.
• 8 de marzo - Sismo de intensidade 6 na escala de Richter na provincia turca de Elazığ, con 57 persoas mortas.
• 9 de marzo - Cúmprese o prazo para a entrega da contramemoria chilena ante a Corte Internacional da Haia, a propósito da controversia de delimitación marítima entre Chile e Perú.
• 11 de marzo
  • En Chile noméase o novo presidente Sebastián Piñera, que sucede a Michelle Bachelet.
  • En Chile prodúcese un novo terremoto de magnitudes 6,9 e 7,2 na escala Richter no norte de Chile, con poucos danos materiais.
• 12 de marzo - Abertura dos Xogos Paraolímpicos de Inverno de 2010 en Vancouver.
• 14 de marzo
  • En Colombia celébranse eleccións lexislativas.
  • En Chile prodúcese un corte de subministración de enerxía eléctrica, desde a Rexión de Antofagasta até a Rexión dos Lagos, afectando a máis do 80% da poboación.
• 16 de marzo - ETA asasina ó policía francés Jean Serge Nèrin. Considérase o último asasinato cometido por ETA .
• 19 de marzo - Abertura dos Xogos Suramericanos de 2010 en Medellín.
• 26 de marzo - En Iraq, logo dun longo escrutinio de case tres semanas, anúncianse os resultados oficiais definitivos das eleccións parlamentarias. Resulta gañadora con maioría relativa e unha marxe moi estreita a coalición encabezada polo ex-primeiro ministro Iyad Allawi, pero a ausencia de maioría absoluta e as denuncias de fraude do actual primeiro ministro Nuri al-Maliki (cunha coalición que obtivo o segundo lugar) non permiten despexar a dúbida sobre quen encabezará o próximo goberno do país.
• 27 de marzo
  • Celébrase a hora do planeta, en máis de catro mil cidades de 125 países, para concienciar na loita contra o cambio climático apagando as luces durante unha hora.
• 28 de marzo - Peche dos Xogos Paraolímpicos de Inverno de 2010 en Vancouver.
  • Shawn Michaels retírase ao perder contra The Undertaker na Wrestlemania XXVI.
• 29 de marzo - En Moscova, Rusia, teñen lugar dous atentados terroristas en estacións do metro causando ducias de mortos e feridos.
• 30 de marzo
  • Peche dos Xogos Suramericanos de 2010 en Medellín.

Abril

Vista satélite da Erupción do volcán Eyjafjallajökull de 2010.

• 1 de abril - O Treito Sur do Rodoanel Metropolitano de São Paulo é aberto ao tránsito, ligando o interior e o sur do Brasil directamente ao Porto de Santos.
• 4 de abril - No municipio de Mexicali, México, un forte terremoto de 7,2 graos sacode o norte de Baixa California e o sur de California.
• 6 de abril - No estado de Río de xaneiro, Brasil, un forte temporal deixa 28,8 cm de auga caída en 24 horas provocando inundacións e aludes de barro cun saldo de máis de douscentos mortos.
• 7 de abril - En Kirguistán o presidente Kurmanbek Bakíev é derrocado por un levantamento popular (Revolta de Kirguistán de 2010) causado pola brutal represión de militares e policías ás manifestacións convocadas pola oposición na capital do país, Biskek; e que dexenerou en sanguentos combates na rúa entre as forzas de seguridade e manifestantes fortemente armados. Tras a fuxida do presidente da capital, un goberno provisional formado polos líderes da oposición asumiu o poder de facto e asegurouse o apoio das Forzas Armadas e a policía.
• 8 de abril - En Praga, República Checa, os presidentes dos Estados Unidos e Rusia, Barack Obama e Dimitri Medvedev respectivamente, asinan o histórico tratado START III de redución de arma nuclear1armas nucleares, o máis ambicioso até o momento; que fixa un tope máximo de 1550 oxivas nucleares para cada un dos dos países tras un prazo de desarme duns anos.
• 10 de abril - Varias figuras políticas de Polonia incluíndo o presidente Lech Kaczynski e a súa esposa expiraron nun accidente aéreo dun Tupolev Tu-154 preto da cidade de Smolensk, Rusia, durante unha manobra de aterraxe.
• 11 de abril - En Hungría celébrase a primeira volta das eleccións parlamentarias, resultando vitorioso o partido de dereitas Fidesz, o que permitirá ao seu líder Viktor Orbán ser o próximo Primeiro Ministro.
• 14 de abril - Na provincia chinesa de Qinghai, un terremoto dunha magnitude de 7,1 graos produce centos de mortos, miles de feridos e numerosos danos materiais.
• 15 de abril - A erupción do volcán Eyjafjallajökull en Islandia bota cinzas ao ceo que paralizan o tránsito aéreo do norte de Europa.
• 18 de abril - Na República Turca do Norte de Chipre (estado independente de facto, só recoñecido por Turquía) celébranse eleccións presidenciais e o gañador é o nacionalista Derviş Eroğlu, que derrotou o presidente daquelas e aspirante á reelección Mehmet Ali Talat; o que podería bloquear as negociacións para a reunificación con Chipre.
• 20 de abril - Unha explosión na plataforma Deepwater Horizon causou unha vertedura de petróleo no golfo de México e ocasionou un dos maiores desastres ambientais na historia dos Estados Unidos.
• 21 de abril - NASA divulga imaxes inéditas da superficie do Sol enviadas polo Solar Dynamics Observatory.
• 23 de abril - Anunciado o primeiro Transplante facial total no mundo que foi realizado en marzo de 2010.
• 25 de abril
  • En Austria celébranse eleccións presidenciais e é reelecto o socialdemócrata Heinz Fischer, cunha gran maioría.
  • En Hungría celébrase a segunda volta das eleccións parlamentarias, que ratifica e amplía a maioría obtida polo Fidesz na primeira volta; polo que o seu líder Viktor Orbán encabezará o próximo goberno.
  • En Cuba celébranse eleccións municipais.
• 26 de abril - Estados Unidos extradita a Francia o ex-dictador panameño Manuel Antonio Noriega (derrocado pola Invasión estadounidense de Panamá de 1989), logo de pasar máis de vinte anos nunha prisión federal estadounidense (máis de 17 anos cumprindo condena por narcotráfico e máis de dous anos e medio á espera da extradición solicitada pola xustiza francesa); en Francia deberá ser sometido a xuízo e podería serlle ratificada unha condena de dez anos de prisión que lle foi ditada en ausencia por lavado de diñeiro relacionado co narcotráfico.

Maio

Imaxe xamais vista antes da superficie solar, enviada pola SDO en abril de 2010.

David Cameron é elixido Primeiro Ministro británico.

• Agudízase a crise en Grecia e ameaza con estenderse ao resto de Europa.
• 1 de maio - Inaugúrase en Shanghai, China, a Exposición Universal que se celebra até o 31 de outubro baixo o lema "Mellor cidade, mellor vida".
• 3 de maio - Continental Airlines e United Airlines anuncian a súa fusión e forman a maior compañía aérea do mundo.
• 5 de maio - Incidentes durante a folga xeral en Grecia en oposición ao plan de axuste proposto polo goberno para enfrontar a crise provocan a morte de 3 persoas a raíz do incendio dunha sucursal bancaria.
• 6 de maio - No Reino Unido celébranse eleccións parlamentarias; o Partido Conservador e o seu líder David Cameron obteñen a vitoria, pero sen alcanzar a maioría absoluta, polo que inician negociacións co Partido Liberal Demócrata (que quedou terceiro nos comicios) para intentar formar un goberno de coalición e garantir así a elección de Cameron como Primeiro ministro.
• 9 de maio - Eleccións departamentais e municipais no Uruguai.
• 10 de maio
  • En Filipinas celébranse eleccións presidenciais; o entón senador Benigno Aquino III (fillo da defunta expresidenta Corazón Aquino) obtivo a vitoria segundo o escrutinio oficial.
  • Prodúcese a maior subida porcentual di IBEX 35, desde a súa creación o 14 de xaneiro de 1992, cunha alza do 14,43%, impulsada polas medidas tomadas pola Unión Europea e o FMI para protexer o euro.
  • Sport Lisboa e Benfica tórnase campión nacional en Portugal.
• 11 de maio
  • David Cameron asume o cargo de Primeiro ministro do Reino Unido, nomeado pola raíña Isabel II.
  • Visita do Papa Bieito XVI a Portugal (Lisboa, Fátima e Porto), até o 14 de maio.
• 12 de maio - Estrélase no aeroporto de Trípoli, Libia, un avión procedente de Xohanesburgo, Suráfrica, morrendo cento tres persoas e salvándose só un neno de dez anos.
• 14 de maio - En España, o xuíz Baltasar Garzón é suspendido en forma cautelar nas súas funcións polo Consello Xeral do Poder Xudicial, despois de que o maxistrado do Tribunal Supremo Luciano Varela acordara a apertura do xuízo oral contra Garzón por presunta prevaricación pola decisión de declararse competente para investigar os crimes da represión franquista desde o seu xulgado da Audiencia Nacional.
• 15 de maio - Incendio no Instituto Butantan, en São Paulo, destrúe 500 mil mostras de animais, a maior colección do mundo de espécimes dunha rexión tropical.
• 17 de maio - Irán, Turquía e o Brasil chegan a acordo sobre troco de combustibles nucleares, dentro do programa nuclear iraniano.
• 20 de maio - Nos Estados Unidos científicos do Instituto J. Craig Venter anuncian a creación da primeira célula sintética con xenes artificiais.
• 21 de maio - Xapón lanza a sonda IKAROS para estudar Venus.
• 22 de maio
  • Na India, estrélase un avión, durante a manobra de aterraxe no aeroporto de Mangalore, falecendo 158 dos seus 166 ocupantes.
  • O Inter de Milán venceu na UEFA Champions League.
• 23 de maio
  • En Etiopía celébranse eleccións parlamentarias, con alta participación e denuncias de irregularidades pola oposición; vislúmbrase unha vitoria do primeiro ministro Meles Zenawi, que sería así reelecto para un novo período á fronte do goberno.
  • O filme tailandés Lung Boonmee raluek chat, do cineasta Apichatpong Weerasethakul, recibe a Palma de Ouro no 63º Festival de Cannes.
• 25 de maio -
  • En Suriname é electo presidente o exdictador e golpista Desiré Bouterse, líder dunha coalición de partidos de esquerda e dereita.
  • A Xunta de Galiza publica no DOG o decreto de plurilingüismo no que limita o ensino en galego a un terzo das horas lectivas.
• 26 de maio - En Mojensho Daro (Paquistán) rexístrase unha marca de temperatura de 53,5 °C (128.3 °F).
• 28 de maio
  • Na India un atentado da guerrilla comunista maoísta ligada ao Movemento naxalita contra un tren de pasaxeiros deixa polo menos 145 mortos; o atentado aconteceu no estado indio de Bengala Occidental.
  • En Paquistán un ataque do grupo terrorista Tehrik e Taliban Pakistan contra dúas mesquitas da seita minoritaria musulmá Ahmadi na cidade de Lahore deixa polo menos 80 mortos.
• 29 de maio - Na República Checa conclúen as eleccións parlamentarias que comezaron o día anterior; os resultados danlle a vitoria aos partidos de centrodereita encabezados polo Partido Democrático Cívico, liderado por Petr Nečas.
• 30 de maio - En Colombia celébranse eleccións presidenciais; o candidato oficialista Juan Manuel Santos obtén o primeiro lugar, cunha maioría superior á que pronosticaban as enquisas, pero por estreita marxe non consegue a maioría absoluta polo que deberá celebrarse unha segunda vuelta.
• 31 de maio
  • En augas internacionais preto da Franxa de Gaza, forzas militares de Israel atacan un convoi de barcos de activistas pro-palestinos que transportaban axuda humanitaria a ese territorio palestino controlado polo grupo Hamas; no ataque morren polo menos 9 activistas por disparos de soldados israelís que alegaban estar sendo atacados polos activistas con risco para a súa vida, mentres a comunidade internacional condena a matanza.
  • En Alemaña renuncia o presidente Horst Köhler debido á polémica polas súas declaracións públicas sobre o papel de Alemaña no conflito de Afganistán.
  • Ferreira Gullar é distinguido co Premio Camões, o máis importante galardón literario da lingua portuguesa.

Xuño

Cumio do G8 en Muskoka, Canadá.

• 1 de xuño - A tormenta tropical Agatha causa graves danos en Guatemala, Honduras e O Salvador e provoca a morte de polo menos 179 persoas.
• 2 de xuño - No Xapón renuncia o primeiro ministro Yukio Hatoyama debido á baixada da súa popularidade nas enquisas e as presións do seu partido.
• 3 de xuño - Astronautas entran nunha cápsula sen xanela, para simular unha viaxe a Marte. Ficaron confinados durante 1 ano e medio, para desenvolver probas da suposta viaxe a Marte en 2020.
• 7 de xuño - En Bhopal (India), un tribunal condena a oito directivos da empresa estadounidense Union Carbide a dous anos de prisión e a pagar uns 10 600 dólares estadounidenses polas súas respectivas responsabilidades no Desastre de Bhopal (un escape de isocianato de metilo gasoso nunha fábrica de pesticidas desa empresa, que causou a morte de máis de 20 000 persoas. A empresa non respondera polos danos causados).
• 9 de xuño - Celébranse eleccións parlamentarias nos Países Baixos; o Partido Popular pola Liberdade e a Democracia (liberal de centrodereita) liderado por Mark Rutte obtén o primeiro lugar cunha diferenza moi estreita en sufraxios e unha vantaxe dun só deputado sobre o Partido do Traballo (socialdemócrata), mentres que o partido Chamada Demócrata Cristiá do actual primeiro ministro Jan Peter Balkenende afúndese nun cuarto lugar. Debido ao lonxe que está calquera partido da maioría absoluta pronostícanse longas negociacións para formar goberno e escoller un novo primeiro ministro.
• 10 de xuño - Cerimonia de abertura da XIX Copa do Mundo de fútbol, en Suráfrica, co show principal de Shakira, cantante do himno oficial do mundial, o "Waka Waka".
• 11 de xuño - Inicio Oficial da Copa Mundial de Fútbol de 2010 en Suráfrica.
• 12 de xuño - En Eslovaquia celébranse eleccións parlamentarias; o partido gobernante Dirección-Socialdemocracia obtén o primeiro posto, pero lonxe da maioría absoluta, e os partidos que foron os seus socios no goberno caen, polo que se dificulta a reelección do primeiro ministro Robert Fico e ábrese a posibilidade dun goberno de centrodereita encabezado por Iveta Radičová.
• 13 de xuño
  • En Bélxica celébranse eleccións parlamentarias; o partido nacionalista flamengo Nova Alianza Flamenga obtén a vitoria na rexión de Flandres e o primeiro lugar a nivel nacional, mentres que en Valonia gaña o Partido Socialista Valón (segundo lugar a nivel nacional). Estes resultados son considerados históricos porque a vitoria dos independentistas flamengos podería motivar o próximo proceso de reforma constitucional cara a independencia de Flandres e a desaparición de Bélxica como país. Mentres tanto prevese que pasen meses para poder formar goberno.
  • En Kirguizistán miles de persoas da minoría uzbeka cruzan a fronteira con Uzbekistán fuxindo dos sanguentos enfrontamentos interétnicos entre kirguiz e uzbekos no sur do país que deixaron polo menos 97 mortos e ameazan con desencadear unha guerra civil; mentres tanto, o goberno provisional acusa o expresidente derrocado meses atrás, Kurmanbek Bakíev, de estar detrás da vaga de violencia racial.
• 18 de xuño
  • En Kirguizistán a Organización das Nacións Unidas cifra nun millón de persoas os afectados pola violencia étnica entre kirguiz e uzbekos, mentres que a presidenta provisional do país Rosa Otunbáeva recoñece que poderían ser 2.000 os mortos polo conflito.
  • Morre o escritor portugués José Saramago, único lusófono gañador do Nobel de Literatura.
• 19 de xuño - Acontece o casamento da princesa Vitoria de Suecia co plebeo Daniel Westling.
• 20 de xuño
  • En Colombia celébrase a segunda volta das eleccións presidenciais e resulta gañador o candidato oficialista Juan Manuel Santos cunha maioría esmagadora (é o presidente máis votado na historia de Colombia en termos de cifras absolutas de sufraxios populares).
  • En Polonia celébranse eleccións presidenciais, pero será necesaria unha segunda volta xa que o candidato gañador desta primeira volta, Bronisław Komorowski, non acadou a maioría absoluta.
• 24 de xuño - Apple lanza o iPhone 4.
• 25, 26 e 27 de xuño - No Canadá celébranse dous importantes encontros internacionais, ambos na provincia de Ontario: o 36º Cumio do G8 na rexión de Muskoka (25 e 26 de xuño), e o cuarto cumio do G20 en Toronto (26 e 27 de xuño)
• 26 de xuño
  • Terremoto de 5,8 graos na escala Richter abala augas no sur da Illa de Xava en Indonesia, sen darse tsunamis.
  • Eclipse lunar parcial.

Xullo

• 1 de xullo
  • Bélxica toma o relevo de España na presidencia de quenda semestral á fronte da Unión Europea.
  • En Paquistán dous suicidas cometen un atentado terrorista contra un importante santuario islámico sufí na cidade de Lahore, deixando polo menos 43 mortos.
• 4 de xullo - En Polonia celébrase a segunda volta das eleccións presidenciais; o liberal de centrodereita Bronisław Komorowski obtén a vitoria cunha marxe máis axustada da agardada.
• 7 de xullo - O gardameta Bruno do Flamengo é preso no Río de Janeiro acusado de matar a súa exparella na súa casa en Esmeraldas, Minas Gerais: Caso Eliza Samudio.
• 8 de xullo - Viroloxistas tiveron avances para unha vacina contra a sida, a través de anticorpos denominados VRC01 e VRC02 que impiden a infección de células en máis do 90% das variedades do VIH.
• 9 de xullo - En Paquistán o grupo terrorista Tehrik e Taliban Pakistan comete o atentado máis sanguento no país desde o ano pasado cando os membros dun comando fan detonar unha ou varias bombas no medio dun mercado preto dun edificio gobernamental no distrito de Mohmand, na conflitiva rexión das Áreas Tribais Administradas Federalmente, preto da cidade de Peshawar; houbo polo menos 102 mortos.
• 10 de xullo
  • A sonda Rosetta sobrevoa o asteroide (21) Lutetia.
  • Millón e medio de persoas maniféstase en Barcelona en defensa do Estatut.
• 11 de xullo
  • En Uganda polo menos 74 persoas falecen en dous atentados con bombas, na cidade capital de Kampala, mentres observaban a final do Campionato Mundial de Fútbol de Suráfrica; os atentados foron cometidos polo grupo terrorista somalí Al-Shabbaab, unha organización islamista ligada a Al Qaeda, que se vingaba así de Uganda pola participación das súas forzas militares na forza multinacional africana que axuda o goberno de Somalia na súa loita contra Al-Shabbaab e outros grupos insurxentes.
  • Eclipse total de sol visible no océano Pacífico sur e parte de Suramérica.
  • Finaliza a Copa Mundial de Fútbol de 2010, España campioa por primeira vez, Holanda subcampioa.
  • O xogador de fútbol Diego Forlán do Uruguai é electo o mellor xogador da XIX Copa do Mundo en Suráfrica.
• 13 de xullo - Fin das extensións do Windows 2000, de Microsoft.
• 15 de xullo
  • BP anuncia ter conseguido estancar temporalmente o derramo de petróleo resultante da explosión da plataforma Deepwater Horizon, no golfo de México.
  • A Arxentina convértese no primeiro país de América Latina en aprobar o matrimonio homosexual.
• 16 de xullo - Entrou en vigor unha lei no Estado do Río de Xaneiro no Brasil que substitúe as bolsas de supermercado por bolsas retornables.
• 18 de xullo - A partir deste ano, a ONU estabelece este día como o Día Internacional de Nelson Mandela, dedicado ao "activismo".
• 23 de xullo - O programa televisivo británico The X Factor forma a boyband británico-irlandesa One Direction, conformada por Niall Horan, Zayn Malik, Liam Payne, Harry Styles e Louis Tomlinson. O seu mentor é Simon Cowell.
• 24 de xullo - Unha desbandada no Love Parade deixa polo menos 19 mortos e máis de 100 feridos.
• 28 de xullo - O Parlamento de Cataluña prohibe que a partir do 1 de xaneiro de 2012 se celebren corridas de touros en todo o territorio autonómico.

Agosto

Foi anunciado a fin da epidemia da Gripe A (H1N1).

• 5 de agosto - Prodúcese unha derruba nunha mina situada cerca da cidade de Copiapó, Atacama, Chile, quedando atrapados trinta e tres mineiros a setecentos metros de profundidade.
• 7 de agosto - En Colombia toma posesión o presidente Juan Manuel Santos.
• 10 de agosto - Margaret Chan, directora xeral da Organización Mundial da Saúde, anunciou a fin da pandemia de Gripe A (H1N1), tras 18 mil casos fatais desde 2009.
• 12 de agosto - Rexístrase un sismo de 7,2 graos na escala de Richter no oriente de Ecuador. Debido a que a profundidade foi de 235 km, non houbo un desastre, tan só feridos e danos leves. Porén, o terremoto foi considerado un dos máis fortes dos últimos anos.
• 12 de agosto - No Suriname o ex-ditador e golpista Dési Bouterse asume a presidencia.
• 14 de agosto - Comenzan os I Xogos Olímpicos da Xuventude, realizados en Singapur.
• 18 de agosto - O Sport Club Internacional conquista a Copa Libertadores por segunda vez.
• 19 de agosto - Estados Unidos retira, dúas semanas antes do previsto, a maior parte das súas tropas de combate de Iraq no que se considera a fin da Guerra de Iraq.
• 21 de agosto - En Australia celébranse eleccións parlamentarias; nin o oficialista Partido Laborista Australiano (socialdemócrata) nin a coalición opositora formada polo Partido Liberal de Australia e o Partido Nacional de Australia (centrodereita) lograron a maioría absoluta. Os laboristas lograrían posteriormente formar un goberno de minoría co apoio de deputados independentes.
• 23 de agosto - A mexicana Ximena Navarrete gañadora do concurso Miss Universo 2010.
• 26 de agosto - Finalizan os I Xogos Olímpicos da Xuventude, China obtivo o primeiro posto con 30 medallas de ouro, 16 de prata e 5 de bronce.
• 30 de agosto - O furacán Earl azouta as Illas de Sotavento.
• 31 de agosto - Estados Unidos retira os seus últimos efectivos de combate de Iraq e pon fin oficialmente á súa misión de combate na guerra que se libra nese país; permanecerán cincuenta mil efectivos militares estadounidenses en misións de intelixencia e apoio loxístico e de adestramento das forzas de seguridade iraquís.

Setembro

• 5 de setembro - ETA anuncia nun comunicado na BBC a través dun vídeo un cesamento das "accións armadas ofensivas".
• 7 de setembro - O pastor americano Terry Jones ameazou con queimar o Alcorán para marcar o aniversario do atentado das torres xemelgas.
• 12 de setembro - En Santiago, Chile, despois dunha remodelación reinaugúrase o ex Estadio Nacional de Chile pasándose a chamar Estadio Nacional de Chile Julio Martínez Prádanos na honra de Julio Martínez Prádanos.
• 18 de setembro - En Afganistán celébranse eleccións parlamentarias; ensombrecidas pola escasa participación do electorado, denuncias de fraude electoral en todo o país e ataques terroristas do movemento Talibán que buscaba sabotar o proceso electoral e que deixaron polo menos 14 mortos.
• 19 de setembro
  • En Suecia celébranse eleccións parlamentarias; a coalición de centro-dereita no poder liderada polo primeiro ministro Fredrik Reinfeldt obtén a vitoria, non conseguindo unha maioría absoluta por pouco. O opositor Partido Socialdemócrata Sueco obtén un dos peores resultados da súa historia e o partido de extrema dereita Demócratas Suecos experimenta un forte avance, que lle permite entrar no Parlamento cunha gran representación e converterse en árbitro da situación política do país.
  • A televisión brasileira conmemora 60 anos.
• 21 de setembro - A Wikipedia francófona convértese na 3º Wikipedia en pasar o millón de artigos.
• 23 de setembro - En Colombia membros do Exército e a Policía matan a "Mono Jojoy", líder das FARC. (Véxase Operación Sodoma).
• 24 de setembro - Bicentenario da Primeira Reunión das Cortes Xerais Españolas en San Fernando (Cádiz), encargadas de redactar a Constitución española de 1812.
• 26 de setembro - Eleccións parlamentarias en Venezuela para elixir deputados da Asemblea Nacional.
• 29 de setembro - Convócase unha folga xeral en España polas dúas principais centrais sindicais, Comisións Obreiras e Unión Xeral de Traballadores contra a reforma laboral e a reforma das pensións adoptadas polo goberno de Zapatero.
• 30 de setembro - Crise política de Ecuador de 2010.

Outubro

Rescate dos mineiros de Chile.

• 3 de outubro
  • Faise público o descubrimento do primeiro planeta extrasolar con condicións habitables, o Gliese 581 c, situado a 20 anos luz da Terra.
  • Eleccións presidenciais no Brasil.
• 4 de outubro - Onda tóxica de lodo atinxe os afluentes do río Danubio, en Hungría.
• 10 de outubro - Disólvense as Antillas Neerlandesas.
• 12 de outubro - Inicio da viaxe inaugural do MS Queen Elizabeth.
• 13 de outubro - Finaliza con éxito o rescate dos trinta e tres mineiros atrapados, desde hai sesenta e nove días, na Mina San José, en Chile.
• 15 de outubro - O presidente do goberno español José Luis Rodríguez Zapatero alcanza un pacto parlamentario co PNV e con Coalición Canaria para o resto da lexislatura.
• 17 de outubro - O Papa Bieito XVI realiza a canonización da australiana Mary MacKillop.
• 20 de outubro - É asesinado na Arxentina o militante do Partido Obrero Mariano Ferreyra nunha manifestación de traballadores ferroviarios.
• 21 de outubro - Toma posesión en España o novo goberno nomeado por José Luis Rodríguez Zapatero, no que Alfredo Pérez Rubalcaba asume a vicepresidencia.
• 22 de outubro - WikiLeaks revela informes sobre delitos e faltas cometidos polas Forzas Armadas dos Estados Unidos na Guerra de Iraq.
• 25 de outubro - Prodúcese un terremoto de 7,7 graos na escala Richter en Indonesia, provocando un tsunami con ondas de até 3 metros de altura, que provocou máis de 300 mortos.
• 26 de outubro - O volcán Merapi entra en erupción provocando unha evacuación de 14 mil persoas e máis de 300 mortos.
• 27 de outubro - Morre Néstor Kirchner, 51° presidente da Arxentina.
• 31 de outubro - Segunda quenda das eleccións presidenciais no Brasil, Dilma Rousseff é electa a primeira muller presidente no Brasil co 56% dos votos.

Novembro

• 1 de novembro - Aparece morto o mozo colombiano Luis Andrés Colmenares, o que dá inicio ao Caso Colmenares.
• 4 de novembro - O voo 883 de Aero Caribbean cae en Cuba, falecendo os seus 68 pasaxeiros.
• 11 de novembro a 12 de novembro - Realízase o cumio do G-20 en Seúl, Corea do Sur. Corea convértese no primeiro país non pertencente ao G8 en albergar un cumio dos líderes do G-20.
• 13 de novembro - A opositora birmana Aung San Suu Kyi é liberada do seu arresto domiciliario desde 1989.
• 17 de novembro - Investigadores do CERN atrapan 38 átomos de antihidróxeno unha sexta parte de segundo, sendo a primeira vez na historia que os humanos atrapan antimateria.
• 19 de novembro - Explosión nunha mina de Nova Zelandia deixa 29 mineiros soterrados.
• 20 de novembro - Encontro da OTAN en Lisboa.
• 21 de novembro
  • Comeza unha onda de actos de violencia organizada na Rexión Metropolitana do Río de Xaneiro.
  • A Eurozona acepta un plan de rescate para a República de Irlanda do Fondo Europeo de Estabilidade Financeira en resposta á crise financeira do país.
• 22 de novembro - Filtración de documentos diplomáticos dos Estados Unidos por WikiLeaks.
• 23 de novembro - Corea do Norte bombardea a illa Yeonpyeong na Corea do Sur.
• 24 de novembro - Os mineiros soterrados na explosión da mina de Nova Zelandia son dados como mortos.
• 29 de novembro a 10 de decembro- XVI Conferencia sobre Cambio Climático en Cancún, México, tamén coñecida como 16.º Cumio do Clima ou COP 16 (16.ª Conferencia das Partes da Convención Marco das Nacións Unidas sobre o Cambio Climático), que serve tamén como 6.ª Conferencia das Partes do Protocolo de Kyoto.

Decembro

Wikileaks revela ao mundo os cables diplomáticos dos Estados Unidos.

• 2 de decembro
  • A FIFA anuncia as próximas sedes dos mundiais de 2018 e 2022, que será en Rusia e Qatar respectivamente.
  • Científicos da NASA descobren unha bacteria capaz de sintetizar arsénico, un elemento químico que se cría que era velenoso para calquera forma de vida.
• 4 de decembro
  • En España o goberno declara o estado de alarma polo abandono dos seus postos de traballo dos controladores aéreos.
  • Brasil recoñece o Estado palestino coas súas fronteiras de 1967.
• 5 de decembro
  • En Bello, un alude sepultou 82 persoas nunha comuna e deixou 225 damnificadas polo inverno na rexión.
  • O Fluminense Football Club é tricampión brasileiro de fútbol.
• 10 de decembro - En Liubertsi, a 20 km de Moscova (Rusia), o astrónomo afeccionado Leonid Elenin descobre o cometa C/2010 X1, que será chamado cometa Elenin.
• 11 de decembro - Dúas bombas explotan en Estocolmo, Suecia, matando o agresor e ferindo outras dúas persoas.
• 13 de decembro - Saen no Brasil novos billetes de 50 e de 100 reais.
• 14 de decembro - É lanzado mundialmente o primeiro CD póstumo do cantante Michael Jackson, chamado Michael.
• 16 de decembro - A Cámara de Representantes dos Estados Unidos aprueba a derogación da lei 'Don't ask, don't tell'
• 17 de decembro
  • Montenegro é aceptado como candidato para entrar na Unión Europea.
  • En Tunisia comeza a Revolución tunisiana, cando o mozo Mohamed Bouazizi se queima ao bonzo como protesta, provocando que en días posteriores se iniciaran unha serie de fortes protestas por todo o país. O movemento tamén sería mecha para que o mundo árabe iniciara unha serie de protestas en 2011.
• 18 de decembro - O Inter de Milán vence no Mundial de Clubs derrotando na final o TP Mazembe por 3 a 0.
• 20 de decembro - Europa enfróntase a un temporal de frío e neve. Gran Bretaña queda illada do tráfico aéreo.
• 21 de decembro - Eclipse lunar total (Eclipse lunar de decembro de 2010).
• 25 de decembro - Prodúcense sendos terremotos en Vanuatu, de 7,5 graos, e en Porto Rico, de 5,4 graos, ambos sen producir vítimas.
• 26 de decembro - En Bolivia coa aprobación dun decreto promulgado polo goberno de Evo Morales prodúcese a nivelación no prezo dos carburantes en Bolivia xurdindo fortes demandas por parte da poboación.

Mortes

Xaneiro

• 1 de xaneiro - Lhasa de Sela, cantante canadense de orixe estadounidense (n. 1972).
• 4 de xaneiro:
  • Sandro, cantautor arxentino (n. 1945).
  • Johan Ferrier, primeiro presidente de Suriname (nado en 1910).
  • Fernando Pérez-Barreiro Nolla, escritor e tradutor galego (nado en 1931).
• 9 de xaneiro
  • Francisco Rey Balbís, guerrilleiro antifranquista galego (nado en 1917).
  • José María Regadío Vázquez, sacerdote (nado en Bidouredo, Monterroso, en 1920).
  • Armand Razafindratandra, cardeal católico de Madagascar (nado en 1925).
• 11 de xaneiro:
  • Éric Rohmer, cineasta francés (nado en 1920).
  • Miep Gies, *Dutch *humanitarian (nada en 1909).
• 15 de xaneiro - Marshall Warren Nirenberg, bioquímico estadounidense (n. 1927).
• 17 de xaneiro:
  • Jyoti Basu, político indio (nado en 1914).
  • Erich Segal, escritor, guionista e educador estadounidense (nado en 1937).
• 18 de xaneiro - Kate McGarrigle, cantante folk canadense (nado en 1946).
• 19 de xaneiro - Panajot Pano, futbolista albano (nado en 1939).
• 22 de xaneiro:
  • Iskandar de Johor, oitavo rei de Malaisia (n. 1932).
  • Jean Simmons, actriz británica (nada en 1929).
• 25 de xaneiro - Ali Hassan al-Majid, político e militar iraquí (n. 1941).
• 26 de xaneiro - Louis Auchincloss, escritor e historiador estadounidense (n. 1917).
• 27 de xaneiro:
  • Zelda Rubinstein, actriz e activista dos dereitos humanos estadounidense (n. 1933).
  • J.D. Salinger, escritor estadounidense (nado en 1919).
  • Howard Zinn, historiador estadounidense (n. 1922).

Febreiro

• 1 de febreiro - Steingrímur Hermannsson, primeiro ministro de Islandia (n. 1928).
• 4 de febreiro - Antón Moreda, galeguista (n. 1934).
• 7 de febreiro - André Kolingba, presidente da República Centroafricana (n. 1936).
• 26 de febreiro - Rafaela Hervada Carnerero, coruñesa, avogada e directora de radio (n. 1917).

Marzo

• 4 de marzo - Vladislav Ardzinba, presidente de Abkazia (n. 1945).
• 4 de marzo - Nieus Luzía Dueso Lascorz, escritora española (n. 1930).
• 12 de marzo - Miguel Delibes, escritor español.
• 13 de marzo - He Pingping, personalidade chinesa (n. 1988).
• 13 de marzo - Jean Ferrat, cantor, compositor e poeta francés (n. 1930)
• 20 de marzo - Girija Prasad Koirala, primeiro ministro do Nepal (n. 1925)
• 22 de marzo - James Whyte Black, médico e fisiólogo británico, Premio Nobel (n. 1924)
• 27 de marzo - Vasili Smyslov, xadrecista ruso (n. 1921).
• 29 de marzo - Alda do Espírito Santo, foi unha escritora e político de San Tomé e Príncipe. (n. 1926)

Abril

• 1 de abril - Tzanis Tzannetakis, primeiro ministro de Grecia (n. 1927)
• 8 de abril - Malcolm McLaren, músico e empresario británico (n. 1946)
• 8 de abril - Abel Muzorewa, primeiro ministro de Zimbabwe (n. 1925)
• 8 de abril - Jean-Paul Proust, político e ministro de estado monegasco entre 2005 e 2010 (n. 1940).
• 10 de abril - Lech Kaczynski, político polaco (n. 1949).
• 20 de abril - Manuel Bermúdez Couso, mestre, político e dirixente ourensán (n. 1924).
• 21 de abril - Juan Antonio Samaranch, empresario e político catalán e expresidente do COI (n. 1920).
• 25 de abril - Alan Sillitoe, escritor británnico (n. 1928).
• 29 de abril - Tuto Vázquez, actor galego (n. 1947).
• 30 de abril - Jordi Estadella, periodista e actor de dobraxe español (n. 1948).

Maio

Hopper en 2008.

• 1 de maio - Timothy Mofolorunso Aluko, escritor nixeriano (n. 1918).
• 4 de maio - Ángel Cristo, domador e empresario do circo español (n. 1944).
• 5 de maio - Umaru Yar'Adua, presidente de Nixeria (n. 1951)
• 10 de maio - Pedro Luaces, político e sindicalista galego.
• 12 de maio - Antonio Ozores, actor e director español (n. 1928).
• 12 de maio - Perfecto Estévez, pintor e cartelista galego (n. 1955).
• 16 de maio - Ronnie James Dio, cantante de heavy metal estadounidense (n. 1942).
• 16 de maio - Oswaldo López Arellano, presidente de Honduras (n. 1921)
• 18 de maio - Edoardo Sanguineti, escritor italiano (n. 1930).
• 22 de maio - Martin Gardner, divulgador científico e filósofo da ciencia estadounidense (n 1914).
• 29 de maio - Dennis Hopper, actor e director de cinema estadounidense (n. 1936).
• 31 de maio - Louise Bourgeois, escultora e artista plástica francoestadounidense (n. 1911).

Xuño

• 3 de xuño - Rue McClanahan, actriz estadounidense (n. 1934).
• 18 de xuño - José Saramago, escritor Premio Nobel de Literatura (n. 1922).
• 19 de xuño:
  • Vitorino Núñez, político galego (n. 1936).
  • Manute Bol, xogador de baloncesto da NBA (n. 1921).
  • Carlos Monsiváis, escritor mexicano (n. 1938)
• 23 de xuño - Mohammed Mzali, primeiro ministro de Tunisia (n. 1925)
• 26 de xuño - Algirdas Brazauskas, presidente de Lituania (n. 1932)
• 28 de xuño - Abelardo Gabriel, actor galego (n. 1946).

Xullo

• 1 de xullo - Bara Mbacké, foi un relixioso senegalés e gran marabú do muridismo. (n. 1925)
• 5 de xullo - Cesare Siepi, cantante de ópera italiano (n. 1923).
• 12 de xullo - Olga Guillot, cantante cubana de boleros (n. 1922).
• 20 de xullo - Benedikt Sigurðsson Gröndal, primeiro ministro de Islandia (n. 1924)
• 25 de xullo - José Antonio Corrales, arquitecto español (n. 1921).
• 26 de xullo - Maruxa Boga, actriz e xornalista galega (n. 1915).

Agosto

• 2 de agosto - Xosé Luís de Dios, pintor galego (n. 1941).
• 12 de agosto - Guido de Marco, expresidente de Malta (n. 1931).
• 13 de agosto - Alejandro Febrero Lorenzo, nadador olímpico veciño de Vigo (n. 1925).
• 17 de agosto - Francesco Cossiga, exprimero ministro e expresidente italiano (n. 1928).
• 18 de agosto - Carlos Hugo de Borbón-Parma, pretendente carlista á coroa de España (n. 1930).
• 19 de agosto - Xosé Vilas Nogueira, xurista e profesor galego (n. 1936).
• 19 de agosto - Edwin Morgan, poeta e tradutor escocés (n. 1920).
• 31 de agosto - Laurent Fignon, ciclista francés (n. 1960).

Bent Larsen.

Setembro

• 4 de setembro - Olga Gallego Domínguez, historiadora galega (n. 1923).
• 5 de setembro - Shoya Tomizawa, piloto xaponés de motociclismo (n. 1990).
• 7 de setembro - Joaquín Soler Serrano, locutor de radio e xornalista español (n. 1919).
• 9 de setembro - Bent Larsen, xadrecista dinamarqués (n. 1935).
• 12 de setembro - Claude Chabrol, director de cine francés (n. 1930).
• 19 de setembro - José Antonio Labordeta, cantautor e político aragonés (n. 1935).
• 23 de setembro - Dora Vázquez, escritora galega (n. 1913).
• 24 de setembro - Ana Kiro, cantante galega (n. 1942)

Outubro

• 3 de outubro - Philippa Foot, filósofa británica (n. 1920).

• 10 de outubro - Solomon Burke, vocalista de blues estadounidense (n. 1940).
• 12 de outubro - Manuel Alexandre, actor español (n. 1917).
• 12 de outubro - Suso Díaz Seoane, dramaturgo galego (n. 1971).
• 14 de outubro - Benoît Mandelbrot, matemático franco-estadounidense de orixe polaca (n. 1924).
• 22 de outubro - Benito Varela Jácome, estudoso e crítico literario galego (n. 1919).
• 27 de outubro - Néstor Kirchner, presidente da Arxentina (n. 1959).
• 28 de outubro - Watts Humphrey, físico e informático norteamericano (n. 1927).
• 29 de outubro - Marcelino Camacho, sindicalista e político español (n. 1918).
• 30 de outubro - Harry Mulisch, escritor neerlandés (n. 1927).

Novembro

• 5 de novembro - Jutta Burggraf, teóloga católica alemá (n. 1952).
• 6 de novembro - Herminio Barreiro, escritor e pedagogo galego (n. 1937).
• 8 de novembro - Emilio Eduardo Massera, militar arxentino (n. 1925).
• 11 de novembro - Dino De Laurentiis, produtor de cine italiano (n. 1919).
• 12 de novembro - Ernst von Glasersfeld, filósofo e cibernético teórico do construtivismo radical (n. 1917).
• 13 de novembro - Luis García Berlanga, director de cine español (n. 1921).
• 22 de novembro - Frank Fenner, científico e médico australiano (n. 1914).
• 24 de novembro - Pancho Martínez, actor e director de teatro galego (n. 1957).
• 26 de novembro - Francisco Fernández del Riego, un dos máis destacados intelectuais da cultura galega do século XX (n. 1913).
• 28 de novembro - Leslie Nielsen, actor canadense (n. 1926).
• 29 de novembro - José Antonio Bartolomé, arquitecto galego (n. 1934).
• 29 de novembro - Maurice Wilkes, investigador británico das ciencias da computación (n. 1913).

Decembro

Bobby Farrell.

• 5 de decembro - Marcos Valcárcel, historiador, xornalista e escritor galego (n. 1958).
• 7 de decembro- Kari Tapio cantante finés (n. 1945).
• 13 de decembro - Enrique Morente, cantaor flamenco (n. 1942).
• 15 de decembro - Blake Edwards, director de cine estadounidense (n. 1922).
• 15 de decembro - Rachel Bromwich (n. 1915).
• 17 de decembro - María Jesús San Segundo, Ministra de Educación e Ciencia de España (n. 1958).
• 21 de decembro - Enzo Bearzot, futbolista e director técnico de equipos de fútbol italiano (n. 1927).
• 25 de decembro - Carlos Andrés Pérez, político venezolano, exerceu o cargo de Presidente da República (n. 1922).
• 27 de decembro - Luis Mariñas, xornalista galego (n. 1947).
• 30 de decembro - Bobby Farrell, cantante de Boney M.

Día das letras galegas dedicado a:

• Uxío Novoneyra

Premio Nobel

No ano de 2010, as seguintes persoas foron contempladas co premio:

• Medicina - Robert Geoffrey Edwards
• Física - Andre Geim e Konstantín Novosiólov
• Química - Richard Heck, Ei-ichi Negishi e Akira Suzuki
• Literatura - Mario Vargas Llosa
• Paz - Liu Xiaobo
• Economía - Peter Diamond, Dale Mortensen e Christopher Pissarides

Véxase tamén

• Historia ano a ano