Du gamla, du fria (literalmente: Ti antiga, ti ceibe) é o himno nacional de Suecia. A letra das dúas primeiras estrofas foron escrita por Richard Dybeck en 1844 e as dúas últimas por Louise Ahlén en 1910. Ao contrario que en moitos países, o himno de Suecia non goza de status de oficialidade, senón que se asentou por mero uso tradicional.
Nun comezo foi escrita por Dybeck como unha canción popular da provincia de Västmanland e a letra comezaba con Du gamla, du friska (literalmente "Ti antiga, ti sá"), con todo logo decidiu trocalo por Du gamla, du fria. A canción comezou ser utilizada como himno nacional, a partir da década de 1890, en festas de carácter patriótico. Os dous últimos versos, compostos por Ahlén son pouco coñecidos e rara vez se cantan. As dúas primeiras estrofas son sempre cantadas cando se entoa o himno en Suecia. Nun contexto internacional, como por exemplo en eventos deportivos, varía o número de estrofas utilizadas, e en ocasións só se entoa a primeira.
Suecia