Sámedikki válgalávdegotti lahtut navdojuvvojit rihkkosis jagi 2023 sámediggeválggaid oktavuođas. Sin navdet sivalažžan olggušteapmái ja virgegeatnegasvuođa rihkkumii.
Sámedikki válgalávdegoddi ii čáhkadan jagi 2023 jienastuslohkui buohkaid sin, geaid alimus hálddahusriekti lea dohko dohkkehan. Válgalogahallama olggobeallái báhce badjel 80 olbmo.
Áššis navdet rihkkosa, danin go válgalávdegotti mearridii áššis alimus hálddahusrievtti čovdosa vuostá.
Bolesa ovdadutkan lea ain gaskan ja ja rihkusnamahusat sáhttet dárkkálmuvvat go ášši dutkan ovdána. Ovdadutkama jáhkket bistit máŋga mánu.
Boles ávžžuha dieđáhusastis válgalogahallama olggobeallái báhcán olbmuid dahkat rihkusalmmuhusa ovdal cuoŋománu 21. beaivve.
Bolesa mielde sidjiide leat juo dahkkojuvvon muhtin rihkusalmmuhusat dán áššis, eaige sii dárbbaš dan šat dahkat ođđasit.
Válgalávdegotti ságadoalli ii kommentere ášši dan muttus Yle Sápmái.