Sotnabeaivve eahkedis boles álmmuhii sosiála medias, ahte geainnu ala ii gánnit vuolgit, jus ii leat áibbas bággu.
Dalle anárlaš Anne Angeli lei jo vuoddján Roavvenjárgii, gos son bargá. Vuolggedettiin Anáris siivu lei earenomáš buorre.
Angeli mátki bisánii sullii 50 kilomehter ovdal Roavvenjárgga, go geainnu ledje gidden. Diibmu lei dalle lagabui 23.00.
Son, máŋggat tráilerat ja busset vurde ain diibmu 6.30, ahte besset joatkit mátkki.
– Ovdal guđa bođii diehtu, ahte tráilera leat geassán eret geainnu alde. Mii leat ain vuordimin juogo sáddo- dahje sáltebiilla, ahte dohko geainnu ala duosttašii vuolgit, muitalii son ovdal diibmu čieža.
Geaidnu lei dego speajal gálja dihte ja ovdal mátkki bisáneami ii sáhttán vuodjit go 40 kilomehtera diimmus.
– Muhtun biillat leat vuodján viidásabbot máttás. Dás leat ain badjel 10 biilla vuordimin. Geaidnu livčče gullo dál rabas, muhto sáltebiila ii leat vel fitnan. Mun goit áiggun dan vuordit, muitalii Angeli.
Miehtá Lappi biillat vuodján badjel geainnu
Lappi gádjunlágádus muitala, ahte tráilera lokten ádjánii ja danin mearridedje giddet geainnu.
– Sádduid gilvimis ledje váttisvuođat, nannejedje gádjunlágádusas.
Lappis dáhpáhuvve sotnabeaivve ja vuossárgga čuovganeamis badjel logi badjelgeainnu vuodjima ja johtolatbárttit. Máŋggat geainnut leamašan gitta.
Lappi gádjunlágádusas muitalit maiddái, ahte gáljasiivvut bistet guhkás vuossárgii. Olles Lappii lea addojuvvon váruhus fuones vuodjinsiivvus arvvi ja njálahis geainnuid dihte.