Saaʹmi ouddooumaž jååʹđat saaʹmi siidsåbbrid da veekk ooudâs sääʹmkulttuur — võboršiiʹǩǩi piijjmõš aaʹlji

Ouddoummuvaali teeʹmmen lie sääʹmǩiõll, kulttuur da mäddââʹnnemääʹšš

Raba gova stuorábun

Taʹnnʼjaž ouddoummuvaali võborseeʹǩǩ Aimo Aikio da Veikko Feodoroff teäddee sääʹmǩiõl da kulttuur ooudâsviidkkmõõžž miârktõõzz. Feodorooff mieʹldd mäddââʹnnemääʹšš še lie tääʹrǩes ääʹšš eeʹjjest nobba.

Kuʹǩesäiggsaž ouddooumaž Feodoroff lij tåimmam saaʹmi ouddooumžen juʹn 18 eeʹjj ääiʹj. Aikio lij võboršeʹǩǩen vuõss vuâra.

Saaʹmi ouddoummuvaal ââʹnet 8.10.2023 da vaalpuäđõõzz õlmmeet 9.10.2023 vaal-luʹvddkååʹdd såbbrest Čeʹvetjääuʹrest. Vaalrekisteera kuullmõõžž vuäitt taʹrǩsted vaal-luʹvddkååʹddest 29.9.2023 räjja.

Looǥǥ obb artikkeeʹl täʹst.

Saaʹmi ouddoummuvaalin lie kueʹhtt võboršeeʹǩǩ.

Vaalin lie võboršeʹǩǩen Aimo Aikio da Veikko Feodoroff.

Väʹlddveärlaž vaalpeiʹvv lij pâʹsspeeiʹv 8.10.2023.

Oođummuž ouddoummuvaalin

Saaʹmi ouddoummuvaali võboršiiʹǩǩi piijjmõš poott neldpeeiʹv 31.8.2023. Vaali võboršiiʹǩǩid tieʹđet piâtnâc 1.9.2023.

Pueʹtti vaalin lie jiânnai oođummuž. Vaalin jäʹrjstet vuõss vuâra ouddjiõnstempeeiʹv. Tõn lââʹssen lij jurddjen vueiʹtlvâʹstted jiõnstummuž põõrtâst da stroiʹttlest. Ođđ äʹšš lij še tõt, što oummu, koin lij jiõnstemvuõiggâdvuõtt ouddoummuvaalâst, vuäǯǯa tõʹst ǩeeʹrj. Jiõnstemvuõiggâdvuõttum lie tõk sääʹm da sij pieʹllkueiʹm, kook jälste Aanar kååʹddest da lie jälstam Aanrest 51 peiʹvved ouddâl vaalpeeiʹv. Väʹlddveärlaž vaalpeiʹvv lij pâʹsspeeiʹv 8.10.2023.

Ouddoummuvaali äiʹǧǧtaull 2023

• Võboršiiʹǩǩi piijjmõš älgg påʹrǧǧmannu 1. peiʹvv da da poott 31.8.2023 čiâss 16.00.
• Vaalpeiʹvv lij pâʹsspeeiʹv 8.10.2023.
• Vaalin vaʹlljeet saaʹmi ouddoummu poʹdde 1.1.2024 – 31.12.2026.

Teâtt jiõnstemvuõiggâdvuõđâst puätt pååʹšt mieʹldd čõhččmannust

Saaʹmi ouddoummuvaalin jiõnstemvuõiggâdvuõttneeʹǩǩ lie Aanar kååʹddest 51 peiʹvved ouddâl vaalpeeiʹv jälsteei tiuʹddvälddsa säʹmmla da sij pieʹllkueiʹm.

Vaal-luʹvddkåʹdd vuõlttad vaal-loǥstõõǥǥ raajjmõõžž mâŋŋa čõhččmannu ääiʹj teâđ jiõnstemvuõiggâdvuõđâst pukid jiõnstemvuõiggâdvuõttniiʹǩǩid pååʹšt mieʹldd. Vaalin jiõnstemvuõiggâdvuõttniiʹǩǩi loǥstõõǥǥ lie täʹrǩstemnalla čõhččmannust.

Eeʹjj 2020 vaalin leʹjje õhttseʹžže 464 jiõnstemvuõiggâdvuõttneʹǩǩed. Uvddum jiõn leʹjje 193. Jiõnstemproseʹntt leäi 41,6 proseʹntted.

Saaʹmi ouddoummuvaali võboršiiʹǩǩi piijjmõš lij älggam

Saaʹmi ouddoummuvaalid vuäitt vueʹlǧǧed võboršeʹǩǩen 31.8.2023 räjja.

Saaʹmi ouddooumaž jååʹđat Saaʹmi siidsåbbar da veekk ooudâs nuõrttsäʹmmlai kulttuur, ǩiõl da jieʹllemvuõʹjjid Lääʹddjânnmest. Siidsåbbar lie juʹn tuâlʼjõžääiʹj vaaldšam, tuʹmmjam da viikkâm ooudâs nuõrttsäʹmmlai jieʹllem.

Saaʹmi siidsååbbar lij saaʹmi tuâʹljõž tuʹmmstõktuejjeei, koozz vuässõʹtte puk sääʹmsiid oummu. Ouddâl siid puärrsõmâs jååʹđti siidsåbbrid, ââʹn såbbrid jååʹđat saaʹmi ouddooumaž, koon nuõrttsäʹmmla vaʹlljee juõʹǩǩ kuälmad eeʹjj vaalin.

Võboršeǩ âlgg leeʹd sääʹmvuuʹdest põõššinalla jälsteei sääʹmǩiõl siltteei säʹmmlaž, kååʹtt lij tuõjju põʹstti. Ääiʹjab iiʹjji nalla pukin võboršeʹǩǩen pijjum oummin täʹrǩstet vaalââʹntemvuõđ sääʹmǩiõl silttummuž vueʹzzeld.

Saaʹmi ouddoummuvaal ââʹnet kålggmannu 8. peeiʹv 2023.