Njuike sisdoaluide
Njuike sisdoaluide
Sápmi
Land Back -Free Sápmi gullo go sámenuorat čájehit mielaset Helssegis riikabeivviid olggobealde.
Miellačájáhusat

Yle Sápmi čuovui: Sámenuoraid miellačájáhus nogai Helssegis – máhca beaivvi dovdduide govaid ja videoid bokte

Suoma Sámi Nuorat -searvvi bovden miellačájáhus lea riikkabeaidálus Helssegis odne danin, go doppe rahppojuvvo ođđa riikkabeaivvit.

    • Linda Tammela
    • Anni-Saara Paltto
    • Inger-Elle Suoninen
    • Susanna Guttorm
    • Kaija Länsman
    • aslak paltto
•

Mas lea sáhka?

  • Sámenuorat čájehit duorastaga 13.4. dii. 13.30 rájes miela Helssegis riikkabeaidálu ovddabealde seammás, go áiddo válljejuvvon riikkabeaiáirrasat čoahkkánit riikkabeivviid rahpanávvudemiide.
  • Nuorat muittuhit, mo geavai sámediggeláhkii ja sámiid rivttiide. Sii háliidit, ahte ášši ii vajálduva.
  • – Lea dehálaš midjiide sámenuoraide čájehit dan, ahte mii eat leat vuollánan dainna áššiin. Mii gáibidit min vuoigatvuođaid ja dan, ahte daid gudnejahttit, lohká SSN -searvvi ságadoalli Petra Laiti.
Kaija Länsman

Geahča čoahkkáigeasu sámenuoraid miellačájáhusas

Miellačájáhus lea nohkagoahtán Helssegis. Yle Sápmi heaitá čuovvumis dáhpáhusa.

Dán videos oainnát vel čoahkkáigeasu otná beaivvi dáhpáhusain.

Kaija Länsman

Muhtun riikabeaiáirasat aste ságastallat nuorain

Ođđa riikkabeaiáirasat vázzet vehážiid mielde eret riikkabeaidálus. Dán rádjái Fatim Diarra (ruonát) leamaš áidna, guhte lea guhkkit áigge háleštan miellačájeheddjiiguin.

Fatim Diarra (vihreät) keskusteli saamelaisnuorten kanssa mielenosoituksen aikana.
Govva: Linda Tammela

Maiddái riikabeaiáirras Anders Adlercreutz (RÁB) lonuhii moadde sáni SSN ságadoalli Petra Laitin.

Kansanedustaja Anders Adlercreutz (RKP) vaihtoi muutaman sanan Petra Laitin kanssa.
Govva: Linda Tammela
Kaija Länsman

"Dat lea váralaš ovdáneapmi máilmmis"

Miellačájáhussii searvan Beaska Niillasa mielas stáhtat badjelgehččet riikkaidgaskasaš soahpamušaid ja dat lea balddihahtti. Suopmage lea máŋgii jo ožžon moaitagiid.

– Nu gohčoduvvon olmmošvuoigatvuohtaparadiissat čielgasit badjelgehččet daid rávvagiid ja cuiggodemiid, dadjá Beaska Niillas.

Ovdamearkka dihte mannan geasi Ovttastuvvan našuvnnaid nállevealaheami vuostásaš komitea (CERD), attii čovdosa, man mielde Suopma lea rihkkon nállevealaheami vuostásaš riikkaidgaskasaš soahpamuša sápmelaččaid válgalogahallanáššis.

Geahča videos Beaskka analysa:

Kaija Länsman
Kaija Länsman

Sámediggeláhka ii jávkka vaikko riikkabeaivvit molsašuvvege

SSN -searvvi ságadoalli Petra Laiti muitala sin háliidit muittuhit das, ahte sámediggeláhka lea báhcán dál ođđa riikabeivviid ovddasvástádussan, iige dat ovddasvástádus leat jávkan gosage.

– Mun dajašin ná, jus mii sáhttit dagahit dakkár awkward questions dáid diplomáhtaide ja ođđa riikabeaiáirasiidde, dalle mii leat olahan juoidá hui stuorrá, dadjá Laiti.

Geahča dás SSN -searvvi ságadoalli Petra Laiti jearahallama.

Kaija Länsman

Riikkabeivviid ovddabeale dearpmi ala leat čoahkkanan mealgat olu olbmot doarjut sámiid rivttiid.

Saamelaisten oikeuksien puolesta järjestetty mielenosoitus keräsi paikalle paljon ihmisiä.
Govva: Linda Tammela
Inger-Elle Suoninen

Geahča videos mo miellačájeheaddjit huiket riikabeivviid olggobealde

Inger-Elle Suoninen

"Land Back - Free Sápmi" gullo go sámenuorat čájehit mielaset Helssegis riikabeivviid olggobealde

Sámenuoraid miellačájáhus Helssegis 13.4.2023.
Kaija Länsman
Helga West osallistui saamelaisnuorten järjestämään mielenosoitukseen Helsingissä 13.4.2023
Helga West lei mielde miellačájáhusas, mas sámenuorat háliidedje muittuhit, mo geavai sámediggeláhkii ja sámiid rivttiide. Sii háliidit, ahte ášši ii vajálduva. Govva: Linda Tammela