Luossaveajehiid unna vevssiid alde lea Ohcejoga luossanáli boahttevuohta. Logiid jagiid dutkamiid mielde gieračáziid veajetdilli lea gulul buorránan. Luossanálli goit gearggai measta jávkat Ohcejogas, mii lea Deanu stuorámus oalgejohka Suoma bealde.
Suoma luondduváriid guovddáža LUKE dutkanprofessor Jaakko Erkinaro lohká, ahte luossanáli dilis ferte leat fuolas. Erkinaro muitala, ahte johkagierragis leat áli gođđan stuorra luosat ja danin son sávváge ahte dat seaillošedje.
Maŋimuš jagiid dieđuid mielde Deanu čázádagas ovtta ára dahjege 10 x 10 mehtera sturrosaš dutkanbáikkis leat leamaš gaskamearálaččat nuppelogi luossaveajeha. Erkinaro mielas dat lea buorre lohku.
– Diibmá ledje viehka ollu gođđuguolit. Báikkuid ledje stuorrage guolit ja veajetmearit leamašan viehka buorit, muhto mis leat barggut ain gaskan.
Juohke beaivvi dutkit šaddet gálistit jorbmái. Čáhcái addojuvvon elerávdnjesignála ánssus luossaveajehat mannet galmmasin. Dát dutkanvuohki lea árbmugas, go veajehat leat galmmasnaga dušše oanehis áiggi. Mihtideami maŋŋá veajehat besset fas ruovttoluotta stuorrut. Lihkus dat eai duotto borši guikii.
– Mii eat mana vearrámus rávdnjái, gal dáppe stuorra almmái ceavcá. In dárbbaš geđggiid lupmii coggat, muitala ohcejohkalaš dutki Matti Kylmäaho.
Ohcejoga luosa boahttevuohta orru dál vehá čuovgasut.
– Ođđa bivdosoahpamuša dihte turisttaid mearri lea geahppánan Ohcejogas, muitala dutkanprofessor Erkinaro.
Dilli lea leamas earenoamáš, mii lea leamas buorre ášši luossanállái, muitala Erkinaro.
– Guokte maŋimuš geasi leamašan hui sierraláganat. Diibmá johka lei dulvvis, danin bivdu leai váigat. Dál fas dan geasi bivdu ii lihkostuvvan nu bures báhkaid dihte.
Geahča otne Yle ođđasiin dii 16.45 ja Ođđasiin maŋŋiteahkedis Yle tv1-kanálas.