Luondduárbefoanda lea giđđat oastán hárvenaš Gábe-Máhte báikki Anárjávrri gáttis. Dan vuvddii Aikio sohka, mii háliidii seailluhit ruoktobáikkis Gábe-Máhte guoskameahttumin boahttevaš buolvvaide, muitala boazodoalli Leo Aikio.
– Dál goittot seailu dat báiki, gos oidno makkár sámekultuvra leamaš ja makkár luottaid dat lea guođđán lundui. Gosnu lea goit dál guovlu, mii seailu dakkárin go dat leamaš mis soga anus, dadjá Aikio.
Čáháligvääri guovlu lea sullii 42 hektára ja dohko ii leat geaidnu. Dat lea okta Eurohpa maŋimuš luondduvuvddiin, muitalit Luondduárbefoanddas.
Luondduárbefoanda lea guolásteaddji Pentti Linkola jagis 1995 vuođđudan foanda. Dat oastá skeŋkejuvvon ruđain luonddueatnamiid ja suodjala daid.
Yle Ođđasiid Sámis ja Beaivvi ságaid sáhtát maid guldalit Yle Areenas.